MuhurtaNow

ஶ்ரீ விஷ்ணு பஞ்ஜர ஸ்தோத்ரம்

Vishnu · பாரம்பரிய பக்தி நூல்

ఓం అస్య శ్రీవిష్ణుపంజరస్తోత్ర మహామంత్రస్య నారద ఋషిః । అనుష్టుప్ ఛందః । శ్రీవిష్ణుః పరమాత్మా దేవతా । అహం బీజమ్ । సోహం శక్తిః । ఓం హ్రీం కీలకమ్ । మమ సర్వదేహరక్షణార్థం జపే వినియోగః ।

నారద ఋషయే నమః ముఖే । శ్రీవిష్ణుపరమాత్మదేవతాయై నమః హృదయే । అహం బీజం గుహ్యే । సోహం శక్తిః పాదయోః । ఓం హ్రీం కీలకం పాదాగ్రే । ఓం హ్రాం హ్రీం హ్రూం హ్రైం హ్రౌం హ్రః ఇతి మంత్రః ।

ఓం హ్రాం అంగుష్ఠాభ్యాం నమః । ఓం హ్రీం తర్జనీభ్యాం నమః । ఓం హ్రూం మధ్యమాభ్యాం నమః । ఓం హ్రైం అనామికాభ్యాం నమః । ఓం హ్రౌం కనిష్ఠికాభ్యాం నమః । ఓం హ్రః కరతలకరపృష్ఠాభ్యాం నమః । ఇతి కరన్యాసః ।

ఓం హ్రాం హృదయాయ నమః । ఓం హ్రీం శిరసే స్వాహా । ఓం హ్రూం శిఖాయై వషట్ । ఓం హ్రైం కవచాయ హుమ్ । ఓం హ్రౌం నేత్రత్రయాయ వౌషట్ । ఓం హ్రః అస్త్రాయ ఫట్ । ఇతి అంగన్యాసః ।

అహం బీజం ప్రాణాయామం మంత్రత్రయేణ కుర్యాత్ ।

ధ్యానమ్ । పరం పరస్మాత్ప్రకృతేరనాదిమేకం నివిష్టం బహుధా గుహాయామ్ । సర్వాలయం సర్వచరాచరస్థం నమామి విష్ణుం జగదేకనాథమ్ ॥ 1 ॥

ఓం విష్ణుపంజరకం దివ్యం సర్వదుష్టనివారణమ్ । ఉగ్రతేజో మహావీర్యం సర్వశత్రునికృంతనమ్ ॥ 2 ॥

త్రిపురం దహమానస్య హరస్య బ్రహ్మణో హితమ్ । తదహం సంప్రవక్ష్యామి ఆత్మరక్షాకరం నృణామ్ ॥ 3 ॥

పాదౌ రక్షతు గోవిందో జంఘే చైవ త్రివిక్రమః । ఊరూ మే కేశవః పాతు కటిం చైవ జనార్దనః ॥ 4 ॥

నాభిం చైవాచ్యుతః పాతు గుహ్యం చైవ తు వామనః । ఉదరం పద్మనాభశ్చ పృష్ఠం చైవ తు మాధవః ॥ 5 ॥

వామపార్శ్వం తథా విష్ణుర్దక్షిణం మధుసూదనః । బాహూ వై వాసుదేవశ్చ హృది దామోదరస్తథా ॥ 6 ॥

కంఠం రక్షతు వారాహః కృష్ణశ్చ ముఖమండలమ్ । మాధవః కర్ణమూలే తు హృషీకేశశ్చ నాసికే ॥ 7 ॥

నేత్రే నారాయణో రక్షేల్లలాటం గరుడధ్వజః । కపోలౌ కేశవో రక్షేద్వైకుంఠః సర్వతోదిశమ్ ॥ 8 ॥

శ్రీవత్సాంకశ్చ సర్వేషామంగానాం రక్షకో భవేత్ । పూర్వస్యాం పుండరీకాక్ష ఆగ్నేయ్యాం శ్రీధరస్తథా ॥ 9 ॥

దక్షిణే నారసింహశ్చ నైరృత్యాం మాధవోఽవతు । పురుషోత్తమో వారుణ్యాం వాయవ్యాం చ జనార్దనః ॥ 10 ॥

గదాధరస్తు కౌబేర్యామీశాన్యాం పాతు కేశవః । ఆకాశే చ గదా పాతు పాతాళే చ సుదర్శనమ్ ॥ 11 ॥

సన్నద్ధః సర్వగాత్రేషు ప్రవిష్టో విష్ణుపంజరః । విష్ణుపంజరవిష్టోఽహం విచరామి మహీతలే ॥ 12 ॥

రాజద్వారేఽపథే ఘోరే సంగ్రామే శత్రుసంకటే । నదీషు చ రణే చైవ చోరవ్యాఘ్రభయేషు చ ॥ 13 ॥

డాకినీప్రేతభూతేషు భయం తస్య న జాయతే । రక్ష రక్ష మహాదేవ రక్ష రక్ష జనేశ్వర ॥ 14 ॥

రక్షంతు దేవతాః సర్వా బ్రహ్మవిష్ణుమహేశ్వరాః । జలే రక్షతు వారాహః స్థలే రక్షతు వామనః ॥ 15 ॥

అటవ్యాం నారసింహశ్చ సర్వతః పాతు కేశవః ॥ దివా రక్షతు మాం సూర్యో రాత్రౌ రక్షతు చంద్రమాః ॥ 16 ॥

పంథానం దుర్గమం రక్షేత్సర్వమేవ జనార్దనః । రోగవిఘ్నహతశ్చైవ బ్రహ్మహా గురుతల్పగః ॥ 17 ॥

స్త్రీహంతా బాలఘాతీ చ సురాపో వృషలీపతిః । ముచ్యతే సర్వపాపేభ్యో యః పఠేన్నాత్ర సంశయః ॥ 18 ॥

అపుత్రో లభతే పుత్రం ధనార్థీ లభతే ధనమ్ । విద్యార్థీ లభతే విద్యాం మోక్షార్థీ లభతే గతిమ్ ॥ 19 ॥

ఆపదో హరతే నిత్యం విష్ణుస్తోత్రార్థసంపదా । యస్త్విదం పఠతే స్తోత్రం విష్ణుపంజరముత్తమమ్ ॥ 20 ॥

ముచ్యతే సర్వపాపేభ్యో విష్ణులోకం స గచ్ఛతి । గోసహస్రఫలం తస్య వాజపేయశతస్య చ ॥ 21 ॥

అశ్వమేధసహస్రస్య ఫలం ప్రాప్నోతి మానవః । సర్వకామం లభేదస్య పఠనాన్నాత్ర సంశయః ॥ 22 ॥

జలే విష్ణుః స్థలే విష్ణుర్విష్ణుః పర్వతమస్తకే । జ్వాలామాలాకులే విష్ణుః సర్వం విష్ణుమయం జగత్ ॥ 23 ॥

ఇతి శ్రీబ్రహ్మాండపురాణే ఇంద్రనారదసంవాదే శ్రీవిష్ణుపంజరస్తోత్రమ్ ॥

ஶ்ரீ விஷ்ணு பஞ்ஜர ஸ்தோத்ரம் பற்றி

The Vishnu Panjara Stotram, the "cage" or shield of Vishnu, is a protective prayer. After the formal opening that names Narada as its seer, with nyasa and a meditation on Vishnu as the one Lord dwelling in every heart, its verses ask Vishnu's forms to guard each part of the body: Govinda the feet, Trivikrama the shins, Keshava the thighs, Janardana the waist, and so on. As its colophon states, it is from the Brahmanda Purana, in a dialogue of Indra and Narada.

மூலம்: Brahmanda Purana, Indra and Narada dialogue (per its colophon)

எப்போது பாராயணம் செய்வது: In daily prayer for protection, before travel, and in Vishnu worship.

உங்களுக்குத் தெரியுமா?

  • A panjara stotra surrounds the devotee with the deity's names like a protective cage, much as a kavacha does.
  • Each limb is given to a different name of Vishnu, from the twelve names (dvadasha nama) and others.

அடிக்கடி கேட்கப்படும் கேள்விகள்

What does "panjara" mean?

A cage, here a protective enclosure of the Lord's names.

Where does it come from?

As its colophon states, the Brahmanda Purana, in a dialogue of Indra and Narada.

Who is its seer?

The sage Narada, as its opening states.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.