ஸுப்³ரஹ்மண்ய பு⁴ஜங்க³ ப்ரயாத ஸ்தோத்ரம்
Subrahmanya Swamy · பாரம்பரிய பக்தி நூல்
ಭಜೇಽಹಂ ಕುಮಾರಂ ಭವಾನೀಕುಮಾರಂ ಗಲೋಲ್ಲಾಸಿಹಾರಂ ನಮತ್ಸದ್ವಿಹಾರಮ್ । ರಿಪುಸ್ತೋಮಪಾರಂ ನೃಸಿಂಹಾವತಾರಂ ಸದಾನಿರ್ವಿಕಾರಂ ಗುಹಂ ನಿರ್ವಿಚಾರಮ್ ॥ 1 ॥
ನಮಾಮೀಶಪುತ್ರಂ ಜಪಾಶೋಣಗಾತ್ರಂ ಸುರಾರಾತಿಶತ್ರುಂ ರವೀಂದ್ವಗ್ನಿನೇತ್ರಮ್ । ಮಹಾಬರ್ಹಿಪತ್ರಂ ಶಿವಾಸ್ಯಾಬ್ಜಮಿತ್ರಂ ಪ್ರಭಾಸ್ವತ್ಕಳತ್ರಂ ಪುರಾಣಂ ಪವಿತ್ರಮ್ ॥ 2 ॥
ಅನೇಕಾರ್ಕಕೋಟಿ-ಪ್ರಭಾವಜ್ಜ್ವಲಂ ತಂ ಮನೋಹಾರಿ ಮಾಣಿಕ್ಯ ಭೂಷೋಜ್ಜ್ವಲಂ ತಮ್ । ಶ್ರಿತಾನಾಮಭೀಷ್ಟಂ ನಿಶಾಂತಂ ನಿತಾಂತಂ ಭಜೇ ಷಣ್ಮುಖಂ ತಂ ಶರಚ್ಚಂದ್ರಕಾಂತಮ್ ॥ 3 ॥
ಕೃಪಾವಾರಿ ಕಲ್ಲೋಲಭಾಸ್ವತ್ಕಟಾಕ್ಷಂ ವಿರಾಜನ್ಮನೋಹಾರಿ ಶೋಣಾಂಬುಜಾಕ್ಷಮ್ । ಪ್ರಯೋಗಪ್ರದಾನಪ್ರವಾಹೈಕದಕ್ಷಂ ಭಜೇ ಕಾಂತಿಕಾಂತಂ ಪರಸ್ತೋಮರಕ್ಷಮ್ ॥ 4 ॥
ಸುಕಸ್ತೂರಿಸಿಂದೂರಭಾಸ್ವಲ್ಲಲಾಟಂ ದಯಾಪೂರ್ಣಚಿತ್ತಂ ಮಹಾದೇವಪುತ್ರಮ್ । ರವೀಂದೂಲ್ಲಸದ್ರತ್ನರಾಜತ್ಕಿರೀಟಂ ಭಜೇ ಕ್ರೀಡಿತಾಕಾಶ ಗಂಗಾದ್ರಿಕೂಟಮ್ ॥ 5 ॥
ಸುಕುಂದಪ್ರಸೂನಾವಳೀಶೋಭಿತಾಂಗಂ ಶರತ್ಪೂರ್ಣಚಂದ್ರಪ್ರಭಾಕಾಂತಿಕಾಂತಮ್ । ಶಿರೀಷಪ್ರಸೂನಾಭಿರಾಮಂ ಭವಂತಂ ಭಜೇ ದೇವಸೇನಾಪತಿಂ ವಲ್ಲಭಂ ತಮ್ ॥ 6 ॥
ಸುಲಾವಣ್ಯಸತ್ಸೂರ್ಯಕೋಟಿಪ್ರತೀಕಂ ಪ್ರಭುಂ ತಾರಕಾರಿಂ ದ್ವಿಷಡ್ಬಾಹುಮೀಶಮ್ । ನಿಜಾಂಕಪ್ರಭಾದಿವ್ಯಮಾನಾಪದೀಶಂ ಭಜೇ ಪಾರ್ವತೀಪ್ರಾಣಪುತ್ರಂ ಸುಕೇಶಮ್ ॥ 7 ॥
ಅಜಂ ಸರ್ವಲೋಕಪ್ರಿಯಂ ಲೋಕನಾಥಂ ಗುಹಂ ಶೂರಪದ್ಮಾದಿದಂಭೋಳಿಧಾರಮ್ । ಸುಚಾರುಂ ಸುನಾಸಾಪುಟಂ ಸಚ್ಚರಿತ್ರಂ ಭಜೇ ಕಾರ್ತಿಕೇಯಂ ಸದಾ ಬಾಹುಲೇಯಮ್ ॥ 8 ॥
ಶರಾರಣ್ಯಸಂಭೂತಮಿಂದ್ರಾದಿವಂದ್ಯಂ ದ್ವಿಷಡ್ಬಾಹುಸಂಖ್ಯಾಯುಧಶ್ರೇಣಿರಮ್ಯಮ್ । ಮರುತ್ಸಾರಥಿಂ ಕುಕ್ಕುಟೇಶಂ ಸುಕೇತುಂ ಭಜೇ ಯೋಗಿಹೃತ್ಪದ್ಮಮಧ್ಯಾಧಿವಾಸಮ್ ॥ 9 ॥
ವಿರಿಂಚೀಂದ್ರವಲ್ಲೀಶ ದೇವೇಶಮುಖ್ಯಂ ಪ್ರಶಸ್ತಾಮರಸ್ತೋಮಸಂಸ್ತೂಯಮಾನಮ್ । ದಿಶ ತ್ವಂ ದಯಾಳೋ ಶ್ರಿಯಂ ನಿಶ್ಚಲಾಂ ಮೇ ವಿನಾ ತ್ವಾಂ ಗತಿಃ ಕಾ ಪ್ರಭೋ ಮೇ ಪ್ರಸೀದ ॥ 10 ॥
ಪದಾಂಭೋಜಸೇವಾ ಸಮಾಯಾತಬೃಂದಾ- ರಕಶ್ರೇಣಿಕೋಟೀರಭಾಸ್ವಲ್ಲಲಾಟಮ್ । ಕಳತ್ರೋಲ್ಲಸತ್ಪಾರ್ಶ್ವಯುಗ್ಮಂ ವರೇಣ್ಯಂ ಭಜೇ ದೇವಮಾದ್ಯಂತಹೀನಪ್ರಭಾವಮ್ ॥ 11 ॥
ಭವಾಂಭೋಧಿಮಧ್ಯೇ ತರಂಗೇ ಪತಂತಂ ಪ್ರಭೋ ಮಾಂ ಸದಾ ಪೂರ್ಣದೃಷ್ಟ್ಯಾ ಸಮೀಕ್ಷ್ಯ । ಭವದ್ಭಕ್ತಿನಾವೋದ್ಧರ ತ್ವಂ ದಯಾಳೋ ಸುಗತ್ಯಂತರಂ ನಾಸ್ತಿ ದೇವ ಪ್ರಸೀದ ॥ 12 ॥
ಗಳೇ ರತ್ನಭೂಷಂ ತನೌ ಮಂಜುವೇಷಂ ಕರೇ ಜ್ಞಾನಶಕ್ತಿಂ ದರಸ್ಮೇರಮಾಸ್ಯೇ । ಕಟಿನ್ಯಸ್ತಪಾಣಿಂ ಶಿಖಿಸ್ಥಂ ಕುಮಾರಂ ಭಜೇಽಹಂ ಗುಹಾದನ್ಯದೇವಂ ನ ಮನ್ಯೇ ॥ 13 ॥
ದಯಾಹೀನಚಿತ್ತಂ ಪರದ್ರೋಹಪಾತ್ರಂ ಸದಾ ಪಾಪಶೀಲಂ ಗುರೋರ್ಭಕ್ತಿಹೀನಮ್ । ಅನನ್ಯಾವಲಂಬಂ ಭವನ್ನೇತ್ರಪಾತ್ರಂ ಕೃಪಾಶೀಲ ಮಾಂ ಭೋ ಪವಿತ್ರಂ ಕುರು ತ್ವಮ್ ॥ 14 ॥
ಮಹಾಸೇನ ಗಾಂಗೇಯ ವಲ್ಲೀಸಹಾಯ ಪ್ರಭೋ ತಾರಕಾರೇ ಷಡಾಸ್ಯಾಮರೇಶ । ಸದಾ ಪಾಯಸಾನ್ನಪ್ರದಾತರ್ಗುಹೇತಿ ಸ್ಮರಿಷ್ಯಾಮಿ ಭಕ್ತ್ಯಾ ಸದಾಹಂ ವಿಭೋ ತ್ವಾಮ್ ॥ 15 ॥
ಪ್ರತಾಪಸ್ಯ ಬಾಹೋ ನಮದ್ವೀರಬಾಹೋ ಪ್ರಭೋ ಕಾರ್ತಿಕೇಯೇಷ್ಟಕಾಮಪ್ರದೇತಿ । ಯದಾ ಯೇ ಪಠಂತೇ ಭವಂತಂ ತದೇವಂ ಪ್ರಸನ್ನಸ್ತು ತೇಷಾಂ ಬಹುಶ್ರೀಂ ದದಾಸಿ ॥ 16 ॥
ಅಪಾರಾತಿದಾರಿದ್ರ್ಯವಾರಾಶಿಮಧ್ಯೇ ಭ್ರಮಂತಂ ಜನಗ್ರಾಹಪೂರ್ಣೇ ನಿತಾಂತಮ್ । ಮಹಾಸೇನ ಮಾಮುದ್ಧರ ತ್ವಂ ಕಟಾಕ್ಷಾ- ವಲೋಕೇನ ಕಿಂಚಿತ್ಪ್ರಸೀದ ಪ್ರಸೀದ ॥ 17 ॥
ಸ್ಥಿರಾಂ ದೇಹಿ ಭಕ್ತಿಂ ಭವತ್ಪಾದಪದ್ಮೇ ಶ್ರಿಯಂ ನಿಶ್ಚಲಾಂ ದೇಹಿ ಮಹ್ಯಂ ಕುಮಾರ । ಗುಹಂ ಚಂದ್ರತಾರಂ ಸುವಂಶಾಭಿವೃದ್ಧಿಂ ಕುರು ತ್ವಂ ಪ್ರಭೋ ಮೇ ಮನಃ ಕಲ್ಪಸಾಲಃ ॥ 18 ॥
ನಮಸ್ತೇ ನಮಸ್ತೇ ಮಹಾಶಕ್ತಿಪಾಣೇ ನಮಸ್ತೇ ನಮಸ್ತೇ ಲಸದ್ವಜ್ರಪಾಣೇ । ನಮಸ್ತೇ ನಮಸ್ತೇ ಕಟಿನ್ಯಸ್ತಪಾಣೇ ನಮಸ್ತೇ ನಮಸ್ತೇ ಸದಾಭೀಷ್ಟಪಾಣೇ ॥ 19 ॥
ನಮಸ್ತೇ ನಮಸ್ತೇ ಮಹಾಶಕ್ತಿಧಾರಿನ್ ನಮಸ್ತೇ ಸುರಾಣಾಂ ಮಹಾಸೌಖ್ಯದಾಯಿನ್ । ನಮಸ್ತೇ ಸದಾ ಕುಕ್ಕುಟೇಶಾಖ್ಯಕ ತ್ವಂ ಸಮಸ್ತಾಪರಾಧಂ ವಿಭೋ ಮೇ ಕ್ಷಮಸ್ವ ॥ 20 ॥
ಕುಮಾರಾತ್ಪರಂ ಕರ್ಮಯೋಗಂ ನ ಜಾನೇ ಕುಮಾರಾತ್ಪರಂ ಕರ್ಮಶೀಲಂ ನ ಜಾನೇ । ಯ ಏಕೋ ಮುನೀನಾಂ ಹೃದಬ್ಜಾಧಿವಾಸಃ ಶಿವಾಂಕಂ ಸಮಾರುಹ್ಯ ಸತ್ಪೀಠಕಲ್ಪಮ್ ॥ 21 ॥
ವಿರಿಂಚಾಯ ಮಂತ್ರೋಪದೇಶಂ ಚಕಾರ ಪ್ರಮೋದೇನ ಸೋಽಯಂ ತನೋತು ಶ್ರಿಯಂ ಮೇ । ಯಮಾಹುಃ ಪರಂ ವೇದ ಶೂರೇಷು ಮುಖ್ಯಂ ಸದಾ ಯಸ್ಯ ಶಕ್ತ್ಯಾ ಜಗತ್ಭೀತಭೀತಾ ॥ 22 ॥
ಯಮಾಶ್ರಿತ್ಯ ದೇವಾಃ ಸ್ಥಿರಂ ಸ್ವರ್ಗಪಾಲಾಃ ಸದೋಂಕಾರರೂಪಂ ಚಿದಾನಂದಮೀಡೇ । ಗುಹಸ್ತೋತ್ರಮೇತತ್ ಕೃತಂ ತಾರಕಾರೇ ಭುಜಂಗಪ್ರಯಾತೇನ ಹೃದ್ಯೇನ ಕಾಂತಮ್ ॥ 23 ॥
ಜನಾ ಯೇ ಪಠಂತೇ ಮಹಾಭಕ್ತಿಯುಕ್ತಾಃ ಪ್ರಮೋದೇನ ಸಾಯಂ ಪ್ರಭಾತೇ ವಿಶೇಷಃ । ನ ಜನ್ಮರ್ಕ್ಷಯೋಗೇ ಯದಾ ತೇ ರುದಾಂತಾ ಮನೋವಾಂಛಿತಾನ್ ಸರ್ವಕಾಮಾನ್ ಲಭಂತೇ ॥ 23 ॥
ಇತಿ ಶ್ರೀ ಸುಬ್ರಹ್ಮಣ್ಯ ಭುಜಂಗ ಪ್ರಯಾತ ಸ್ತೋತ್ರಮ್ ।
ஸுப்³ரஹ்மண்ய பு⁴ஜங்க³ ப்ரயாத ஸ்தோத்ரம் பற்றி
This Subrahmanya Bhujanga Prayata Stotram is a hymn to Lord Subrahmanya in the bhujanga prayata metre, whose rhythm is said to move like a gliding serpent. It opens "Bhaje'ham Kumaram Bhavani Kumaram": I worship Kumara, son of Bhavani, adorned with a shining necklace, who overcomes all enemies, ever changeless, Guha beyond all thought.
எப்போது பாராயணம் செய்வது: On Tuesdays, Skanda Shashthi and Thaipusam, and in Murugan worship.
உங்களுக்குத் தெரியுமா?
- "Bhujanga prayata" means "the gait of a serpent": each line has four groups of a short and two long syllables.
- It praises him as son of Shiva with the sun, moon and fire as his three eyes, and with a peacock-feather emblem.
அடிக்கடி கேட்கப்படும் கேள்விகள்
What is "bhujanga prayata"?
A Sanskrit metre whose rhythm is likened to the gliding of a serpent.
Who is Kumara?
Subrahmanya, the youthful son of Shiva and Parvati (Bhavani).
When is it recited?
On Tuesdays, Skanda Shashthi and Thaipusam.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்