ఆద్య కాళికా అష్టోత్తర శత నామావళిః
Devi · సాంప్రదాయ భక్తి గ్రంథం
শ্রীসদাশিব উবাচ
শৃণু দেবি জগদ্বংদ্য়ে স্তোত্রমেতদনুত্তমম্ । পঠনাচ্ছ্রবণাদ্যস্য় সর্বসিদ্ধীশ্বরো ভবেত্ ॥ 1
অসৌভাগ্যপ্রশমনং সুখসংপদ্বিবর্ধনম্ । অকালমৃত্য়ুহরণং সর্বাপদ্বিনিবারণম্ ॥ 2 ॥
শ্রীমদাদ্য়াকালিকায়াঃ সুখসান্নিধ্যকারণম্ । স্তবস্য়াস্য় প্রসীদেন ত্রিপুরারিরহং প্রিয়ে ॥ 3 ॥
স্তোত্রস্য়াস্য় ঋষির্দেবি সদাশিব উদাহৃতঃ । ছংদোঽনুষ্টুব্দেবতাদ্য়া কালিকা পরিকীর্তিতা । ধর্মকামার্থমোক্ষেষু বিনিয়োগঃ প্রকীর্তিতঃ ॥ 4 ॥
অথ স্তোত্রম্ হ্রীং কালী শ্রীং করালী চ ক্রীং কল্য়াণী কলাবতী । কমলা কলিদর্পঘ্নী কপর্দীশকৃপান্বিতা ॥ 5 ॥
কালিকা কালমাতা চ কালানলসমদ্য়ুতিঃ । কপর্দিনী করালাস্য়া করুণামৃতসাগরা ॥ 6 ॥
কৃপাময়ী কৃপাধারা কৃপাপারা কৃপাগমা । কৃশানুঃ কপিলা কৃষ্ণা কৃষ্ণানংদবিবর্ধিনী ॥ 7 ॥
কালরাত্রিঃ কামরূপা কামপাশবিমোচিনী । কাদংবিনী কলাধারা কলিকল্মষনাশিনী ॥ 8 ॥
কুমারীপূজনপ্রীতা কুমারীপূজকালয়া । কুমারীভোজনানংদা কুমারীরূপধারিণী ॥ 9 ॥
কদংববনসংচারা কদংববনবাসিনী । কদংবপুষ্পসংতোষা কদংবপুষ্পমালিনী ॥ 10 ॥
কিশোরী কলকংঠা চ কলনাদনিনাদিনী । কাদংবরীপানরতা তথা কাদংবরীপ্রিয়া ॥ 11 ॥
কপালপাত্রনিরতা কংকালমাল্যধারিণী । কমলাসনসংতুষ্টা কমলাসনবাসিনী ॥ 12 ॥
কমলালযমধ্যস্থা কমলামোদমোদিনী । কলহংসগতিঃ ক্লৈব্যনাশিনী কামরূপিণী ॥ 13 ॥
কামরূপকৃতাবাসা কামপীঠবিলাসিনী । কমনীয়া কল্পলতা কমনীযবিভূষণা ॥ 14 ॥
কমনীযগুণারাধ্য়া কোমলাংগী কৃশোদরী । কারণামৃতসংতোষা কারণানংদসিদ্ধিদা ॥ 15 ॥
কারণানংদজাপেষ্টা কারণার্চনহর্ষিতা । কারণার্ণবসম্মগ্না কারণব্রতপালিনী ॥ 16 ॥
কস্তূরীসৌরভামোদা কস্তূরীতিলকোজ্জ্বলা । কস্তূরীপূজনরতা কস্তূরীপূজকপ্রিয়া ॥ 17 ॥
কস্তূরীদাহজননী কস্তূরীমৃগতোষিণী । কস্তূরীভোজনপ্রীতা কর্পূরামোদমোদিতা ॥ 18 ॥
কর্পূরমালাভরণা কর্পূরচংদনোক্ষিতা । কর্পূরকারণাহ্লাদা কর্পূরামৃতপায়িনী ॥ 19 ॥
কর্পূরসাগরস্নাতা কর্পূরসাগরালয়া । কূর্চবীজজপপ্রীতা কূর্চজাপপরাযণা ॥ 20 ॥
কুলীনা কৌলিকারাধ্য়া কৌলিকপ্রিযকারিণী । কুলাচারা কৌতুকিনী কুলমার্গপ্রদর্শিনী ॥ 21 ॥
কাশীশ্বরী কষ্টহর্ত্রী কাশীশবরদায়িনী । কাশীশ্বরকৃতামোদা কাশীশ্বরমনোরমা ॥ 22 ॥
কলমংজীরচরণা ক্বণত্কাংচীবিভূষণা । কাংচনাদ্রিকৃতাগারা কাংচনাচলকৌমুদী ॥ 23 ॥
কামবীজজপানংদা কামবীজস্বরূপিণী । কুমতিঘ্নী কুলীনার্তিনাশিনী কুলকামিনী ॥ 24 ॥
ক্রীং হ্রীং শ্রীং মংত্রবর্ণেন কালকংটকঘাতিনী । ইত্য়াদ্য়াকালিকাদেব্য়াঃ শতনাম প্রকীর্তিতম্ ॥ 25 ॥
ককারকূটঘটিতং কালীরূপস্বরূপকম্ । পূজাকালে পঠেদ্যস্তু কালিকাকৃতমানসঃ ॥ 26 ॥
মংত্রসিদ্ধির্ভবেদাশু তস্য় কালী প্রসীদতি । বুদ্ধিং বিদ্য়াং চ লভতে গুরোরাদেশমাত্রতঃ ॥ 27 ॥
ধনবান্ কীর্তিমান্ ভূয়াদ্দানশীলো দয়ান্বিতঃ । পুত্রপৌত্রসুখৈশ্বর্য়ৈর্মোদতে সাধকো ভুবি ॥ 28 ॥
ভৌমাবাস্য়ানিশাভাগে মপংচকসমন্বিতঃ । পূজয়িত্বা মহাকালীমাদ্য়াং ত্রিভুবনেশ্বরীম্ ॥ 29 ॥
পঠিত্বা শতনামানি সাক্ষাত্কালীময়ো ভবেত্ । নাসাধ্য়ং বিদ্যতে তস্য় ত্রিষু লোকেষু কিংচন ॥ 30 ॥
বিদ্য়ায়াং বাক্পতিঃ সাক্ষাত্ ধনে ধনপতির্ভবেত্ । সমুদ্র ইব গাংভীর্য়ে বলে চ পবনোপমঃ ॥ 31 ॥
তিগ্মাংশুরিব দুষ্প্রেক্ষ্য়ঃ শশিবচ্ছুভদর্শনঃ । রূপে মূর্তিধরঃ কামো যোষিতাং হৃদয়ংগমঃ ॥ 32 ॥
সর্বত্র জযমাপ্নোতি স্তবস্য়াস্য় প্রসাদতঃ । যং যং কামং পুরস্কৃত্য় স্তোত্রমেতদুদীরয়েত্ ॥ 33 ॥
তং তং কামমবাপ্নোতি শ্রীমদাদ্য়াপ্রসাদতঃ । রণে রাজকুলে দ্য়ূতে বিবাদে প্রাণসংকটে ॥ 34 ॥
দস্য়ুগ্রস্তে গ্রামদাহে সিংহব্য়াঘ্রাবৃতে তথা । অরণ্য়ে প্রাংতরে দুর্গে গ্রহরাজভয়েঽপি বা ॥ 35 ॥
জ্বরদাহে চিরব্য়াধৌ মহারোগাদিসংকুলে । বালগ্রহাদি রোগে চ তথা দুঃস্বপ্নদর্শনে ॥ 36 ॥
দুস্তরে সলিলে বাপি পোতে বাতবিপদ্গতে । বিচিংত্য় পরমাং মায়ামাদ্য়াং কালীং পরাত্পরাম্ ॥ 37 ॥
যঃ পঠেচ্ছতনামানি দৃঢভক্তিসমন্বিতঃ । সর্বাপদ্ভ্য়ো বিমুচ্য়েত দেবি সত্য়ং ন সংশয়ঃ ॥ 38 ॥
ন পাপেভ্য়ো ভয়ং তস্য় ন রোগোভ্য়ো ভয়ং ক্বচিত্ । সর্বত্র বিজযস্তস্য় ন কুত্রাপি পরাভবঃ ॥ 39 ॥
তস্য় দর্শনমাত্রেণ পলায়ংতে বিপদ্গণাঃ । স বক্তা সর্বশাস্ত্রাণাং স ভোক্তা সর্বসংপদাম্ ॥ 40 ॥
স কর্তা জাতিধর্মাণাং জ্ঞাতীনাং প্রভুরেব সঃ । বাণী তস্য় বসেদ্বক্ত্রে কমলা নিশ্চলা গৃহে ॥ 41 ॥
তন্নাম্না মানবাঃ সর্বে প্রণমংতি সসংভ্রমাঃ । দৃষ্ট্য়া তস্য় তৃণায়ংতে হ্যণিমাদ্যষ্টসিদ্ধয়ঃ ॥ 42 ॥
আদ্য়াকালীস্বরূপাখ্য়ং শতনাম প্রকীর্তিতম্ । অষ্টোত্তরশতাবৃত্য়া পুরশ্চর্য়াঽস্য় গীযতে ॥ 43 ॥
পুরস্ক্রিয়ান্বিতং স্তোত্রং সর্বাভীষ্টফলপ্রদম্ । শতনামস্তুতিমিমামাদ্য়াকালীস্বরূপিণীম্ ॥ 44 ॥
পঠেদ্বা পাঠয়েদ্বাপি শৃণুয়াচ্ছ্রাবয়েদপি । সর্বপাপবিনির্মুক্তো ব্রহ্মসায়ুজ্যমাপ্নুয়াত্ ॥ 45 ॥
ইতি মহানির্বাণতংত্রে সপ্তমোল্লাসাংতর্গতং শ্রী আদ্য়া কালিকা শতনাম স্তোত্রম্ ॥
ఆద్య కాళికా అష్టోత్తర శత నామావళిః గురించి
This hymn gives the hundred names of Adya Kalika, the primordial Kali, from the Mahanirvana Tantra. It opens with Shiva telling the Goddess, "Listen, O Devi, worshipped by the world, to this unsurpassed hymn", and praising its power to remove misfortune and protect from every danger. The names that follow, many beginning with the syllable "Ka", praise Kali as the first power, the source and end of all.
మూలం: Mahanirvana Tantra, as its colophon states
ఎప్పుడు పఠించాలి: On Amavasya, on Kali Puja (Diwali Amavasya in Bengal), and during Navaratri.
మీకు తెలుసా?
- Its colophon places it in the seventh chapter (ullasa) of the Mahanirvana Tantra.
- The Mahanirvana Tantra is a well-known Tantric text in the form of a dialogue between Shiva and Adya Kali.
- Many of Kali's hundred names begin with "Ka", her seed sound.
తరచుగా అడిగే ప్రశ్నలు
Who is Adya Kalika?
Kali as the primordial power, the source of all.
Where is the hymn from?
The Mahanirvana Tantra, chapter 7.
Who speaks it?
Shiva, to the Goddess.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు