అష్టావక్ర గీతా పంచదశోఽధ్యాయః
Karma Siddhanta · సాంప్రదాయ భక్తి గ్రంథం
അഷ്ടാവക്ര ഉവാച
യഥാതഥോപദേശേന കൃതാര്ഥഃ സത്ത്വബുദ്ധിമാന് । ആജീവമപി ജിജ്ഞാസുഃ പരസ്തത്ര വിമുഹ്യതി ॥ 15-1
മോക്ഷോ വിഷയവൈരസ്യം ബംധോ വൈഷയികോ രസഃ । ഏതാവദേവ വിജ്ഞാനം യഥേച്ഛസി തഥാ കുരു ॥ 15-2॥
വാഗ്മിപ്രാജ്ഞാമഹോദ്യോഗം ജനം മൂകജഡാലസമ് । കരോതി തത്ത്വബോധോഽയമതസ്ത്യക്തോ ബുഭുക്ഷഭിഃ ॥ 15-3॥
ന ത്വം ദേഹോ ന തേ ദേഹോ ഭോക്താ കര്താ ന വാ ഭവാന് । ചിദ്രൂപോഽസി സദാ സാക്ഷീ നിരപേക്ഷഃ സുഖം ചര ॥ 15-4॥
രാഗദ്വേഷൌ മനോധര്മൌ ന മനസ്തേ കദാചന । നിർവികല്പോഽസി ബോധാത്മാ നിർവികാരഃ സുഖം ചര ॥ 15-5॥
സർവഭൂതേഷു ചാത്മാനം സർവഭൂതാനി ചാത്മനി । വിജ്ഞായ നിരഹംകാരോ നിര്മമസ്ത്വം സുഖീ ഭവ ॥ 15-6॥
വിശ്വം സ്ഫുരതി യത്രേദം തരംഗാ ഇവ സാഗരേ । തത്ത്വമേവ ന സംദേഹശ്ചിന്മൂര്തേ വിജ്വരോ ഭവ ॥ 15-7॥
ശ്രദ്ധസ്വ താത ശ്രദ്ധസ്വ നാത്ര മോഹം കുരുഷ്വ ഭോഃ । ജ്ഞാനസ്വരൂപോ ഭഗവാനാത്മാ ത്വം പ്രകൃതേഃ പരഃ ॥ 15-8॥
ഗുണൈഃ സംവേഷ്ടിതോ ദേഹസ്തിഷ്ഠത്യായാതി യാതി ച । ആത്മാ ന ഗംതാ നാഗംതാ കിമേനമനുശോചസി ॥ 15-9॥
ദേഹസ്തിഷ്ഠതു കല്പാംതം ഗച്ഛത്വദ്യൈവ വാ പുനഃ । ക്വ വൃദ്ധിഃ ക്വ ച വാ ഹാനിസ്തവ ചിന്മാത്രരൂപിണഃ ॥ 15-10॥
ത്വയ്യനംതമഹാംഭോധൌ വിശ്വവീചിഃ സ്വഭാവതഃ । ഉദേതു വാസ്തമായാതു ന തേ വൃദ്ധിര്ന വാ ക്ഷതിഃ ॥ 15-11॥
താത ചിന്മാത്രരൂപോഽസി ന തേ ഭിന്നമിദം ജഗത് । അതഃ കസ്യ കഥം കുത്ര ഹേയോപാദേയകല്പനാ ॥ 15-12॥
ഏകസ്മിന്നവ്യയേ ശാംതേ ചിദാകാശേഽമലേ ത്വയി । കുതോ ജന്മ കുതോ കര്മ കുതോഽഹംകാര ഏവ ച ॥ 15-13॥
യത്ത്വം പശ്യസി തത്രൈകസ്ത്വമേവ പ്രതിഭാസസേ । കിം പൃഥക് ഭാസതേ സ്വര്ണാത് കടകാംഗദനൂപുരമ് ॥ 15-14॥
അയം സോഽഹമയം നാഹം വിഭാഗമിതി സംത്യജ । സർവമാത്മേതി നിശ്ചിത്യ നിഃസംകല്പഃ സുഖീ ഭവ ॥ 15-15॥
തവൈവാജ്ഞാനതോ വിശ്വം ത്വമേകഃ പരമാര്ഥതഃ । ത്വത്തോഽന്യോ നാസ്തി സംസാരീ നാസംസാരീ ച കശ്ചന ॥ 15-16॥
ഭ്രാംതിമാത്രമിദം വിശ്വം ന കിംചിദിതി നിശ്ചയീ । നിർവാസനഃ സ്ഫൂര്തിമാത്രോ ന കിംചിദിവ ശാമ്യതി ॥ 15-17॥
ഏക ഏവ ഭവാംഭോധാവാസീദസ്തി ഭവിഷ്യതി । ന തേ ബംധോഽസ്തി മോക്ഷോ വാ കൃതകൃത്യഃ സുഖം ചര ॥ 15-18॥
മാ സംകല്പവികല്പാഭ്യാം ചിത്തം ക്ഷോഭയ ചിന്മയ । ഉപശാമ്യ സുഖം തിഷ്ഠ സ്വാത്മന്യാനംദവിഗ്രഹേ ॥ 15-19॥
ത്യജൈവ ധ്യാനം സർവത്ര മാ കിംചിദ് ഹൃദി ധാരയ । ആത്മാ ത്വം മുക്ത ഏവാസി കിം വിമൃശ്യ കരിഷ്യസി ॥ 15-20॥
అష్టావక్ర గీతా పంచదశోఽధ్యాయః గురించి
In the fifteenth chapter of the Ashtavakra Gita, the sage says that a pure-minded seeker is fulfilled by a single teaching, while another may enquire all his life and remain confused. He gives the teaching in one line: "Liberation is distaste for sense objects; bondage is the taste for them. This alone is knowledge; now do as you please." He ends: you are already free; what is there left to think over?
రచయిత: Traditionally attributed to the sage Ashtavakra
ఎప్పుడు పఠించాలి: For study and reflection, at any time.
మీకు తెలుసా?
- Verse 2, "moksho vishaya vairasyam, bandho vaishayiko rasah", is among the shortest definitions of bondage and freedom in Vedanta.
- The last verse tells the seeker to give up even meditation as a striving, since the Self is already free.
తరచుగా అడిగే ప్రశ్నలు
How does this chapter define liberation?
As losing the taste for sense objects; bondage is the taste for them.
What does the last verse say?
That you are already free, so there is nothing left to deliberate.
Who is speaking?
The sage Ashtavakra, to King Janaka.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు