చాణక్య నీతి - చతుర్థోఽధ్యాయః
Chanakya Neethi · సాంప్రదాయ భక్తి గ్రంథం
ఆయుః కర్మ చ విత్తం చ విద్యా నిధనమేవ చ । పంచైతాని హి సృజ్యంతే గర్భస్థస్యైవ దేహినః ॥ 01 ॥
సాధుభ్యస్తే నివర్తంతే పుత్రమిత్రాణి బాంధవాః । యే చ తైః సహ గంతారస్తద్ధర్మాత్సుకృతం కులం ॥ 02 ॥
దర్శనధ్యానసంస్పర్శైర్మత్సీ కూర్మీ చ పక్షిణీ । శిశుం పాలయతే నిత్యం తథా సజ్జన-సంగతిః ॥ 03 ॥
యావత్స్వస్థో హ్యయం దేహో యావన్మృత్యుశ్చ దూరతః । తావదాత్మహితం కుర్యాత్ప్రాణాంతే కిం కరిష్యతి ॥ 04 ॥
కామధేనుగుణా విద్యా హ్యకాలే ఫలదాయినీ । ప్రవాసే మాతృసదృశీ విద్యా గుప్తం ధనం స్మృతం ॥ 05 ॥
ఏకోఽపి గుణవాన్పుత్రో నిర్గుణేన శతేన కిమ్ । ఏకశ్చంద్రస్తమో హంతి న చ తారాః సహస్రశః ॥ 06 ॥
మూర్ఖశ్చిరాయుర్జాతోఽపి తస్మాజ్జాతమృతో వరః । మృతః స చాల్పదుఃఖాయ యావజ్జీవం జడో దహేత్ ॥ 07 ॥
కుగ్రామవాసః కులహీనసేవా కుభోజనం క్రోధముఖీ చ భార్యా । పుత్రశ్చ మూర్ఖో విధవా చ కన్యా వినాగ్నినా షట్ప్రదహంతి కాయం ॥ 08 ॥
కిం తయా క్రియతే ధేన్వా యా న దోగ్ధ్రీ న గర్భిణీ । కోఽర్థః పుత్రేణ జాతేన యో న విద్వాన్ న భక్తిమాన్ ॥ 09 ॥
సంసారతాపదగ్ధానాం త్రయో విశ్రాంతిహేతవః । అపత్యం చ కలత్రం చ సతాం సంగతిరేవ చ ॥ 10 ॥
సకృజ్జల్పంతి రాజానః సకృజ్జల్పంతి పండితాః । సకృత్కన్యాః ప్రదీయంతే త్రీణ్యేతాని సకృత్సకృత్ ॥ 11 ॥
ఏకాకినా తపో ద్వాభ్యాం పఠనం గాయనం త్రిభిః । చతుర్భిర్గమనం క్షేత్రం పంచభిర్బహుభీ రణః ॥ 12 ॥
సా భార్యా యా శుచిర్దక్షా సా భార్యా యా పతివ్రతా । సా భార్యా యా పతిప్రీతా సా భార్యా సత్యవాదినీ ॥ 13 ॥
అపుత్రస్య గృహం శూన్యం దిశః శూన్యాస్త్వబాంధవాః । మూర్ఖస్య హృదయం శూన్యం సర్వశూన్యా దరిద్రతా ॥ 14 ॥
అనభ్యాసే విషం శాస్త్రమజీర్ణే భోజనం విషమ్ । దరిద్రస్య విషం గోష్ఠీ వృద్ధస్య తరుణీ విషం ॥ 15 ॥
త్యజేద్ధర్మం దయాహీనం విద్యాహీనం గురుం త్యజేత్ । త్యజేత్క్రోధముఖీం భార్యాం నిఃస్నేహాన్బాంధవాంస్త్యజేత్ ॥ 16 ॥
అధ్వా జరా దేహవతాం పర్వతానాం జలం జరా । అమైథునం జరా స్త్రీణాం వస్త్రాణామాతపో జరా ॥ 17 ॥
కః కాలః కాని మిత్రాణి కో దేశః కౌ వ్యయాగమౌ । కశ్చాహం కా చ మే శక్తిరితి చింత్యం ముహుర్ముహుః ॥ 18 ॥
అగ్నిర్దేవో ద్విజాతీనాం మునీనాం హృది దైవతమ్ । ప్రతిమా స్వల్పబుద్ధీనాం సర్వత్ర సమదర్శినః ॥ 19 ॥
చాణక్య నీతి - చతుర్థోఽధ్యాయః గురించి
This is the fourth chapter of the Chanakya Niti, maxims traditionally attributed to Chanakya (Kautilya). It opens with the verse that five things are set for a being even in the womb: span of life, deeds, wealth, learning and the time of death. It says that sons, friends and kin turn away from the good, but those who follow them gain merit for the family, and ends with a verse on the many ways people see the divine: for the twice-born the god is fire, for sages God is in the heart, for those of simple understanding God is in the image, and for those who see equally, God is everywhere.
రచయిత: Traditionally attributed to Chanakya (Kautilya)
ఎప్పుడు పఠించాలి: In reading and study of practical wisdom (niti), and in talks on conduct.
మీకు తెలుసా?
- Its last verse, "Agnir devo dvijatinam", is often quoted to show the many levels at which people approach the divine.
- Some verses of the Chanakya Niti reflect the attitudes of their age and are read today with that in mind.
తరచుగా అడిగే ప్రశ్నలు
Which five things are set in the womb, according to verse 1?
Life span, deeds, wealth, learning and death.
Where is God for those who see equally?
Everywhere.
Who is it attributed to?
Traditionally to Chanakya.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు