చిత్తి పన్నం
Vedic · సాంప్రదాయ భక్తి గ్రంథం
(krishnayajurvedeeya taittireeyaaranyake triteeya prapaathakah)
harih om । tachchha̠m yoraavri̍neemahe । gaa̠tum ya̠jnaaya̍ । gaa̠tum ya̠jnapa̍taye । daivee̎ sva̠stira̍stu nah । sva̠stirmaanu̍shebhyah । oo̠rdhva-nji̍gaatu bhesha̠jam । sha-nno̍ astu dvi̠pade̎ । sha-nchatu̍shpade ॥ om shaanti̠-shshaanti̠-shshaanti̍h ॥
o-nchitti̠ssruk । chi̠ttamaajya̎m । vaagvedi̍h । aadhee̍ta-mba̠rhih । keto̍ a̠gnih । vijnaa̍tama̠gnih । vaakpa̍ti̠rhotaa̎ । mana̍ upava̠ktaa । praa̠no ha̠vih । saamaa̎dhva̠ryuh । vaacha̍spate vidhe naamann । vi̠dhema̍ te̠ naama̍ । vi̠dhestvama̠smaaka̠-nnaama̍ । vaa̠chaspati̠ssoma̍-mpibatu । aa-'smaasu̍ nri̠mna-ndhaa̠tsvaahaa̎ ॥ 1 ॥ a̠dhva̠ryuh pancha̍ cha ॥ 1 ॥
pri̠thi̠vee hotaa̎ । dyaura̍dhva̠ryuh । ru̠dro̎-'gneet । briha̠spati̍rupava̠ktaa । vaacha̍spate vaa̠cho vee̠rye̍na । sambhri̍tatame̠naa-''ya̍kshyase । yaja̍maanaaya̠ vaarya̎m । aa suva̠skara̍smai । vaa̠chaspati̠ssoma̍-mpibati । ja̠jana̠dindra̍mindri̠yaaya̠ svaahaa̎ ॥ 2 ॥ pri̠thi̠vee hotaa̠ dasha̍ ॥ 2 ॥
a̠gnirhotaa̎ । a̠shvinaa̎-'dhva̠ryoo । tvashtaa̠-'gneet । mi̠tra u̍pava̠ktaa । soma̠ssoma̍sya puro̠gaah । shu̠krasshu̠krasya̍ puro̠gaah । shraa̠taasta̍ indra̠ somaa̎h । vaataa̍perhavana̠shruta̠ssvaahaa̎ ॥ 3 ॥ a̠gnirhotaa̠-'shtau ॥ 3 ॥
soorya̍-nte̠ chakshu̍h । vaata̍-mpraa̠nah । dyaa-mpri̠shtham । a̠ntari̍kshamaa̠tmaa । angai̎rya̠jnam । pri̠thi̠veegm sharee̍raih । vaacha̍spa̠te-'chchhi̍drayaa vaa̠chaa । achchhi̍drayaa ju̠hvaa̎ । di̠vi de̍vaa̠vridha̠g̠m hotraa̠ mera̍yasva̠ svaahaa̎ ॥ 4 ॥ soorya̍-nte̠ nava̍ ॥ 4 ॥
ma̠haaha̍vi̠rhotaa̎ । sa̠tyaha̍viradhva̠ryuh । achyu̍tapaajaa a̠gneet । achyu̍tamanaa upava̠ktaa । a̠naa̠dhri̠shyashchaa̎pratidhri̠shyashcha̍ ya̠jnasyaa̍bhiga̠rau । a̠yaasya̍ udgaa̠taa । vaacha̍spate hridvidhe naamann । vi̠dhema̍ te̠ naama̍ । vi̠dhestvama̠smaaka̠-nnaama̍ । vaa̠chaspati̠ssoma̍mapaat । maa daivya̠stantu̠shchhedi̠ maa ma̍nu̠shya̍h । namo̍ di̠ve । nama̍h prithi̠vyai svaahaa̎ ॥ 5 ॥ a̠paa̠ttreeni̍ cha ॥ 5 ॥
vaaghotaa̎ । dee̠kshaa patnee̎ । vaato̎-'dhva̠ryuh । aapo̍-'bhiga̠rah । mano̍ ha̠vih । tapa̍si juhomi । bhoorbhuva̠ssuva̍h । brahma̍ svaya̠mbhu । brahma̍ne svaya̠mbhuve̠ svaahaa̎ ॥ 6 ॥ vaaghotaa̠ nava̍ ॥ 6 ॥
braa̠hma̠na eka̍hotaa । sa ya̠jnah । sa me̍ dadaatu pra̠jaa-mpa̠shoonpushti̠m yasha̍h । ya̠jnashcha̍ me bhooyaat । a̠gnirdviho̍taa । sa bha̠rtaa । sa me̍ dadaatu pra̠jaa-mpa̠shoonpushti̠m yasha̍h । bha̠rtaa cha̍ me bhooyaat । pri̠thi̠vee triho̍taa । sa pra̍ti̠shthaa ॥ 7 ॥
sa me̍ dadaatu pra̠jaa-mpa̠shoonpushti̠m yasha̍h । pra̠ti̠shthaa cha̍ me bhooyaat । a̠ntari̍ksha̠-nchatu̍rhotaa । sa vi̠shthaah । sa me̍ dadaatu pra̠jaa-mpa̠shoonpushti̠m yasha̍h । vi̠shthaashcha̍ me bhooyaat । vaa̠yuh pancha̍hotaa । sa praa̠nah । sa me̍ dadaatu pra̠jaa-mpa̠shoonpushti̠m yasha̍h । praa̠nashcha̍ me bhooyaat ॥ 8 ॥
cha̠ndramaa̠-shshaddho̍taa । sa ri̠toonka̍lpayaati । sa me̍ dadaatu pra̠jaa-mpa̠shoonpushti̠m yasha̍h । ri̠tava̍shcha me kalpantaam । annag̍m sa̠ptaho̍taa । sa praa̠nasya̍ praa̠nah । sa me̍ dadaatu pra̠jaa-mpa̠shoonpushti̠m yasha̍h । praa̠nasya̍ cha me praa̠no bhoo̍yaat । dyaura̠shtaho̍taa । so̍-'naadhri̠shyah ॥ 9 ॥
sa me̍ dadaatu pra̠jaa-mpa̠shoonpushti̠m yasha̍h । a̠naa̠dhri̠shyashcha̍ bhooyaasam । aa̠di̠tyo nava̍hotaa । sa te̍ja̠svee । sa me̍ dadaatu pra̠jaa-mpa̠shoonpushti̠m yasha̍h । te̠ja̠svee cha̍ bhooyaasam । pra̠jaapa̍ti̠rdasha̍hotaa । sa i̠dagm sarva̎m । sa me̍ dadaatu pra̠jaa-mpa̠shoonpushti̠m yasha̍h । sarva̍-ncha me bhooyaat ॥ 10 ॥
pra̠ti̠shthaa praa̠nashcha̍ me bhooyaadanaadhri̠shyassarva-ncha me bhooyaat ॥ braa̠hma̠no ya̠jno̎-'gnirbha̠rtaa pri̍thi̠vee pra̍ti̠shthaa-'ntari̍ksham vi̠shthaa vaa̠yuh praa̠nashcha̠ndramaa̍ sa ri̠toonanna̠g̠m sa praa̠nasya̍ praa̠no dyaura̍naadhri̠shya aa̍di̠tyassa te̍ja̠svee pra̠jaapa̍ti̠-ssa i̠dagm sarva̠g̠m sarva̍-ncha me bhooyaat ॥
a̠gniryaju̍rbhih । sa̠vi̠taa stomai̎h । indra̍ ukthaama̠daih । mi̠traavaru̍naavaa̠shishaa̎ । angi̍raso̠ dhishni̍yaira̠gnibhi̍h । ma̠ruta̍ssadohavirdhaa̠naabhyaa̎m । aapa̠h proksha̍neebhih । osha̍dhayo ba̠rhishaa̎ । adi̍ti̠rvedyaa̎ । somo̍ dee̠kshayaa̎ ॥ 11 ॥
tvashte̠dhmena̍ । vishnu̍rya̠jnena̍ । vasa̍va̠ aajye̍na । aa̠di̠tyaa dakshi̍naabhih । vishve̍ de̠vaa oo̠rjaa । poo̠shaa sva̍gaakaa̠rena̍ । briha̠spati̍h puro̠dhayaa̎ । pra̠jaapa̍tirudgee̠thena̍ । a̠ntari̍ksha-mpa̠vitre̍na । vaa̠yuh paatrai̎h । a̠haggm shra̠ddhayaa̎ ॥ 12 ॥ dee̠kshayaa̠ paatrai̠reka̍-ncha ॥ 8 ॥
senendra̍sya । dhenaa̠ briha̠spate̎h । pa̠thyaa̍ poo̠shnah । vaagvaa̠yoh । dee̠kshaa soma̍sya । pri̠thi̠vya̍gneh । vasoo̍naa-ngaaya̠tree । ru̠draanaa̎-ntri̠shtuk । aa̠di̠tyaanaa̠-njaga̍tee । vishno̍ranu̠shtuk ॥ 13 ॥
varu̍nasya vi̠raat । ya̠jnasya̍ pa̠nktih । pra̠jaapa̍te̠ranu̍matih । mi̠trasya̍ shra̠ddhaa । sa̠vi̠tuh prasoo̍tih । soorya̍sya̠ maree̍chih । cha̠ndrama̍so rohi̠nee । rishee̍naamarundha̠tee । pa̠rjanya̍sya vi̠dyut । chata̍sro̠ disha̍h । chata̍sro-'vaantaradi̠shaah । aha̍shcha̠ raatri̍shcha । kri̠shishcha̠ vrishti̍shcha । tvishi̠shchaapa̍chitishcha । aapa̠shchausha̍dhayashcha । oorkcha̍ soo̠nritaa̍ cha de̠vaanaa̠-mpatna̍yah ॥ 14 ॥ a̠nu̠shtugdisha̠shshatcha̍ ॥ 9 ॥
de̠vasya̍ tvaa savi̠tuh pra̍sa̠ve । a̠shvino̎rbaa̠hubhyaa̎m । poo̠shno hastaa̎bhyaa̠-mprati̍grihnaami । raajaa̎ tvaa̠ varu̍no nayatu devi dakshine̠-'gnaye̠ hira̍nyam । tenaa̍mrita̠tvama̍shyaam । vayo̍ daa̠tre । mayo̠ mahya̍mastu pratigrahee̠tre । ka i̠da-nkasmaa̍ adaat । kaama̠h kaamaa̍ya । kaamo̍ daa̠taa ॥ 15 ॥
kaama̍h pratigrahee̠taa । kaamag̍m samu̠dramaavi̍sha । kaame̍na tvaa̠ prati̍grihnaami । kaamai̠tatte̎ । e̠shaa te̍ kaama̠ dakshi̍naa । u̠ttaa̠nastvaa̎-''ngeera̠sah prati̍grihnaatu । somaa̍ya̠ vaasa̍h । ru̠draaya̠ gaam । varu̍naa̠yaashva̎m । pra̠jaapa̍taye̠ puru̍sham ॥ 16 ॥
mana̍ve̠ talpa̎m । tvashtre̠-'jaam । poo̠shne-'vi̎m । nir-ri̍tyaa ashvataragarda̠bhau । hi̠mava̍to ha̠stina̎m । ga̠ndha̠rvaa̠psa̠raabhya̍ssragalankara̠ne । vishve̎bhyo de̠vebhyo̍ dhaa̠nyam । vaa̠che-'nna̎m । brahma̍na oda̠nam । sa̠mu̠draayaapa̍h ॥ 17 ॥
u̠ttaa̠naayaa̎ngeera̠saayaana̍h । vai̠shvaa̠na̠raaya̠ ratha̎m । vai̠shvaa̠na̠rah pra̠tnathaa̠ naaka̠maaru̍hat । di̠vah pri̠shtha-mbhanda̍maanassu̠manma̍bhih । sa poo̎rva̠vajja̠naya̍jja̠ntave̠ dhana̎m । sa̠maa̠nama̍jmaa̠ pari̍yaati̠ jaagri̍vih । raajaa̎ tvaa̠ varu̍no nayatu devi dakshine vaishvaana̠raaya̠ ratha̎m । tenaa̍mrita̠tvama̍shyaam । vayo̍ daa̠tre । mayo̠ mahya̍mastu pratigrahee̠tre ॥ 18 ॥
ka i̠da-nkasmaa̍ adaat । kaama̠h kaamaa̍ya । kaamo̍ daa̠taa । kaama̍h pratigrahee̠taa । kaamag̍m samu̠dramaavi̍sha । kaame̍na tvaa̠ prati̍grihnaami । kaamai̠tatte̎ । e̠shaa te̍ kaama̠ dakshi̍naa । u̠ttaa̠nastvaa̎-''ngeera̠sah prati̍grihnaatu ॥ 19 ॥ daa̠taa puru̍sha̠maapa̍h pratigrahee̠tre nava̍ cha ॥ 10 ॥
su̠varna̍-ngha̠rma-mpari̍veda ve̠nam । indra̍syaa̠-''tmaana̍-ndasha̠dhaa chara̍ntam । a̠ntassa̍mu̠dre mana̍saa̠ chara̍ntam । brahmaa-'nva̍vinda̠ddasha̍hotaara̠marne̎ । a̠ntah pravi̍shtashshaa̠staa janaa̍naam । eka̠ssanba̍hu̠dhaa vi̍chaarah । sha̠tagm shu̠kraani̠ yatraika̠-mbhava̍nti । sarve̠ vedaa̠ yatraika̠-mbhava̍nti । sarve̠ hotaa̍ro̠ yatraika̠-mbhava̍nti । sa̠ maana̍seena aa̠tmaa janaa̍naam ॥ 20 ॥
a̠ntah pravi̍shtashshaa̠staa janaa̍naa̠g̠m sarvaa̎tmaa । sarvaa̎h pra̠jaa yatraika̠-mbhava̍nti । chatu̍rhotaaro̠ yatra̍ sa̠mpada̠-ngachchha̍nti de̠vaih । sa̠ maana̍seena aa̠tmaa janaa̍naam । brahmendra̍ma̠gni-njaga̍tah prati̠shthaam । di̠va aa̠tmaanag̍m savi̠taara̠-mbriha̠spati̎m । chatu̍rhotaara-mpra̠disho-'nu̍klri̠ptam । vaa̠cho vee̠rya̍-ntapa̠saa-'nva̍vindat । a̠ntah pravi̍shta-nka̠rtaara̍me̠tam । tvashtaa̍ragm roo̠paani̍ viku̠rvanta̍m vipa̠shchim ॥ 21 ॥
a̠mrita̍sya praa̠nam ya̠jname̠tam । chatu̍rhotrinaamaa̠tmaana̍-nka̠vayo̠ nichi̍kyuh । a̠ntah pravi̍shta-nka̠rtaara̍me̠tam । de̠vaanaa̠-mbandhu̠ nihi̍ta̠-nguhaa̍su । a̠mrite̍na klri̠ptam ya̠jname̠tam । chatu̍rhotrinaamaa̠tmaana̍-nka̠vayo̠ nichi̍kyuh । sha̠ta-nni̠yuta̠h pari̍veda̠ vishvaa̍ vi̠shvavaa̍rah । vishva̍mi̠dam vri̍naati । indra̍syaa̠-''tmaa nihi̍ta̠h pancha̍hotaa । a̠mrita̍-nde̠vaanaa̠maayu̍h pra̠jaanaa̎m ॥ 22 ॥
indra̠g̠m raajaa̍nagm savi̠taara̍me̠tam । vaa̠yoraa̠tmaana̍-nka̠vayo̠ nichi̍kyuh । ra̠shmigm ra̍shmee̠naa-mmadhye̠ tapa̍ntam । ri̠tasya̍ pa̠de ka̠vayo̠ nipaa̎nti । ya aa̎ndako̠she bhuva̍na-mbi̠bharti̍ । ani̍rbhinna̠ssannatha̍ lo̠kaan vi̠chashte̎ । yasyaa̎ndako̠shagm shushma̍maa̠huh praa̠namulba̎m । tena̍ klri̠pto̍-'mrite̍naa̠hama̍smi । su̠varna̠-nkosha̠g̠m raja̍saa̠ paree̍vritam । de̠vaanaa̎m vasu̠dhaanee̎m vi̠raaja̎m ॥ 23 ॥
a̠mrita̍sya poo̠rnaa-ntaamu̍ ka̠laam vicha̍kshate । paada̠g̠m shaddho̍tu̠rna kilaa̍-''vivitse । yena̠rtava̍h pancha̠dhota klri̠ptaah । u̠ta vaa̍ sha̠ddhaa mana̠sota klri̠ptaah । tagm shaddho̍taaramri̠tubhi̠h kalpa̍maanam । ri̠tasya̍ pa̠de ka̠vayo̠ nipaa̎nti । a̠ntah pravi̍shta-nka̠rtaara̍me̠tam । a̠ntashcha̠ndrama̍si̠ mana̍saa̠ chara̍ntam । sa̠haiva santa̠-nna vijaa̍nanti de̠vaah । indra̍syaa̠-''tmaanag̍m shata̠dhaa chara̍ntam ॥ 24 ॥
indro̠ raajaa̠ jaga̍to̠ ya eeshe̎ । sa̠ptaho̍taa sapta̠dhaa viklri̍ptah । pare̍na̠ tantu̍-mparishi̠chyamaa̍nam । a̠ntaraa̍di̠tye mana̍saa̠ chara̍ntam । de̠vaanaa̠g̠m hrida̍ya̠-mbrahmaa-'nva̍vindat । brahmai̠tadbrahma̍na̠ ujja̍bhaara । a̠rkaggm shchota̍ntagm sari̠rasya̠ madhye̎ । aa yasmi̍nthsa̠pta pera̍vah । meha̍nti bahu̠laagm shriya̎m । ba̠hva̠shvaami̍ndra̠ goma̍teem ॥ 25 ॥
achyu̍taa-mbahu̠laagm shriya̎m । sa hari̍rvasu̠vitta̍mah । pe̠rurindraa̍ya pinvate । ba̠hva̠shvaami̍ndra̠ goma̍teem । achyu̍taa-mbahu̠laagm shriya̎m । mahya̠mindro̠ niya̍chchhatu । sha̠tagm sha̠taa a̍sya yu̠ktaa haree̍naam । a̠rvaanaa yaa̍tu̠ vasu̍bhee ra̠shmirindra̍h । pramagmha̍ maano bahu̠laagm shriya̎m । ra̠shmirindra̍ssavi̠taa me̠ niya̍chchhatu ॥ 26 ॥
ghri̠ta-ntejo̠ madhu̍madindri̠yam । mayya̠yama̠gnirda̍dhaatu । hari̍h pata̠ngah pa̍ta̠ree su̍pa̠rnah । di̠vi̠kshayo̠ nabha̍saa̠ ya eti̍ । sa na̠ indra̍h kaamava̠ra-nda̍daatu । panchaa̍ra-ncha̠kra-mpari̍vartate pri̠thu । hira̍nyajyotissari̠rasya̠ madhye̎ । aja̍sra̠-njyoti̠rnabha̍saa̠ sarpa̍deti । sa na̠ indra̍h kaamava̠ra-nda̍daatu । sa̠pta yu̍njanti̠ ratha̠meka̍chakram ॥ 27 ॥
eko̠ ashvo̍ vahati saptanaa̠maa । tri̠naabhi̍ cha̠krama̠jara̠mana̍rvam । yene̠maa vishvaa̠ bhuva̍naani tasthuh । bha̠dra-mpashya̍nta̠ upa̍sedu̠ragre̎ । tapo̍ dee̠kshaamrisha̍yassuva̠rvida̍h । tata̍h, ksha̠ttra-mbala̠moja̍shcha jaa̠tam । tada̠smai de̠vaa a̠bhisa-nna̍mantu । shve̠tagm ra̠shmi-mbo̍bhu̠jyamaa̍nam । a̠paa-nne̠taara̠-mbhuva̍nasya go̠paam । indra̠-nnichi̍kyuh para̠me vyo̍mann ॥ 28 ॥
rohi̍neeh pinga̠laa eka̍roopaah । kshara̍nteeh pinga̠laa eka̍roopaah । sha̠tagm sa̠hasraa̍ni pra̠yutaa̍ni̠ naavyaa̍naam । a̠yam yashshve̠to ra̠shmih । pari̠ sarva̍mi̠da-njaga̍t । pra̠jaa-mpa̠shoondhanaa̍ni । a̠smaaka̍-ndadaatu । shve̠to ra̠shmih pari̠ sarva̍-mbabhoova । suva̠nmahya̍-mpa̠shoon vi̠shvaroo̍paan । pa̠ta̠ngama̠ktamasu̍rasya maa̠yayaa̎ ॥ 29 ॥
hri̠daa pa̍shyanti̠ mana̍saa manee̠shina̍h । sa̠mu̠dre a̠ntah ka̠vayo̠ vicha̍kshate । maree̍cheenaa-mpa̠dami̍chchhanti ve̠dhasa̍h । pa̠ta̠ngo vaacha̠-mmana̍saa bibharti । taa-nga̍ndha̠rvo̍-'vada̠dgarbhe̍ a̠ntah । taa-ndyota̍maanaagm sva̠rya̍-mmanee̠shaam । ri̠tasya̍ pa̠de ka̠vayo̠ nipaa̎nti । ye graa̠myaah pa̠shavo̍ vi̠shvaroo̍paah । viroo̍paa̠ssanto̍ bahu̠dhaika̍roopaah । a̠gnistaagm agre̠ pramu̍moktu de̠vah ॥ 30 ॥
pra̠jaapa̍tih pra̠jayaa̍ samvidaa̠nah । vee̠taggm stu̍ke stuke । yu̠vama̠smaasu̠ niya̍chchhatam । pra pra̍ ya̠jnapa̍ti-ntira । ye graa̠myaah pa̠shavo̍ vi̠shvaroo̍paah । viroo̍paa̠ssanto̍ bahu̠dhaika̍roopaah । teshaag̍m saptaa̠naami̠ha ranti̍rastu । raa̠yasposhaa̍ya suprajaa̠stvaaya̍ su̠veeryaa̍ya । ya aa̍ra̠nyaah pa̠shavo̍ vi̠shvaroo̍paah । viroo̍paa̠ssanto̍ bahu̠dhaika̍roopaah । vaa̠yustaagm agre̠ pramu̍moktu de̠vah । pra̠jaapa̍tih pra̠jayaa̍ samvidaa̠nah । idaa̍yai sri̠pta-nghri̠tava̍chcharaacha̠ram । de̠vaa anva̍vinda̠nguhaa̍ hi̠tam । ya aa̍ra̠nyaah pa̠shavo̍ vi̠shvaroo̍paah । viroo̍paa̠ssanto̍ bahu̠dhaika̍roopaah । teshaag̍m saptaa̠naami̠ha ranti̍rastu । raa̠yasposhaa̍ya suprajaa̠stvaaya̍ su̠veeryaa̍ya ॥ 31 ॥
aa̠tmaa janaa̍naam viku̠rvanta̍m vipa̠shchi-mpra̠jaanaa̎m vasu̠dhaanee̎m vi̠raaja̠-nchara̍nta̠-ngoma̍tee-mme̠ niya̍chchha̠tveka̍chakra̠m vyo̍manmaa̠yayaa̍ de̠va eka̍roopaa a̠shtau cha̍ ॥ 11 ॥
sa̠hasra̍sheershaa̠ puru̍shah । sa̠ha̠sraa̠kshassa̠hasra̍paat । sa bhoomi̍m vi̠shvato̍ vri̠tvaa । atya̍tishthaddashaangu̠lam । puru̍sha e̠vedagm sarva̎m । yadbhoo̠tam yachcha̠ bhavya̎m । u̠taamri̍ta̠tvasyeshaa̍nah । yadanne̍naati̠roha̍ti । e̠taavaa̍nasya mahi̠maa । ato̠ jyaayaag̍mshcha̠ pooru̍shah ॥ 32,33 ॥
paado̎-'sya̠ vishvaa̍ bhoo̠taani̍ । tri̠paada̍syaa̠mrita̍-ndi̠vi । tri̠paadoo̠rdhva udai̠tpuru̍shah । paado̎-'sye̠haabha̍vaa̠tpuna̍h । tato̠ vishva̠nvya̍kraamat । saa̠sha̠naa̠na̠sha̠ne a̠bhi । tasmaa̎dvi̠raada̍jaayata । vi̠raajo̠ adhi̠ pooru̍shah । sa jaa̠to atya̍richyata । pa̠shchaadbhoomi̠matho̍ pu̠rah ॥ 34,35 ॥
yatpuru̍shena ha̠vishaa̎ । de̠vaa ya̠jnamata̍nvata । va̠sa̠nto a̍syaa-''see̠daajya̎m । gree̠shma i̠dhmashsha̠raddha̠vih । sa̠ptaasyaa̍-''sanpari̠dhaya̍h । trissa̠pta sa̠midha̍h kri̠taah । de̠vaa yadya̠jna-nta̍nvaa̠naah । aba̍dhna̠npuru̍sha-mpa̠shum । tam ya̠jna-mba̠rhishi̠ praukshan̍ । puru̍sha-njaa̠tama̍gra̠tah ॥ 34,35 ॥
tena̍ de̠vaa aya̍janta । saa̠dhyaa risha̍yashcha̠ ye । tasmaa̎dya̠jnaathsa̍rva̠huta̍h । sambhri̍ta-mprishadaa̠jyam । pa̠shoogstaagshcha̍kre vaaya̠vyaan̍ । aa̠ra̠nyaangraa̠myaashcha̠ ye । tasmaa̎dya̠jnaathsa̍rva̠huta̍h । richa̠ssaamaa̍ni jajnire । chhandaag̍msi jajnire̠ tasmaa̎t । yaju̠stasmaa̍dajaayata ॥ 35,36 ॥
tasmaa̠dashvaa̍ ajaayanta । ye ke cho̍bha̠yaada̍tah । gaavo̍ ha jajnire̠ tasmaa̎t । tasmaa̎jjaa̠taa a̍jaa̠vaya̍h । yatpuru̍sha̠m vya̍dadhuh । ka̠ti̠dhaa vya̍kalpayann । mukha̠-nkima̍sya̠ kau baa̠hoo । kaa voo̠roo pada̍vuchyete । braa̠hma̠no̎-'sya̠ mukha̍maaseet । baa̠hoo raa̍ja̠nya̍h kri̠tah ॥ 36,37 ॥
oo̠roo tada̍sya̠ yadvaishya̍h । pa̠dbhyaagm shoo̠dro a̍jaayata । cha̠ndramaa̠ mana̍so jaa̠tah । chaksho̠ssooryo̍ ajaayata । mukhaa̠dindra̍shchaa̠gnishcha̍ । praa̠naadvaa̠yura̍jaayata । naabhyaa̍ aaseeda̠ntari̍ksham । shee̠rshno dyaussama̍vartata । pa̠dbhyaa-mbhoomi̠rdisha̠-shshrotraa̎t । tathaa̍ lo̠kaagm a̍kalpayann ॥ 37,38 ॥
vedaa̠hame̠ta-mpuru̍sha-mma̠haanta̎m । aa̠di̠tyava̍rnam̠ tama̍sa̠stu paa̠re । sarvaa̍ni roo̠paani̍ vi̠chitya̠ dheera̍h । naamaa̍ni kri̠tvaa-'bhi̠vada̠n yadaaste̎ । dhaa̠taa pu̠rastaa̠dyamu̍daaja̠haara̍ । sha̠krah pravi̠dvaanpra̠disha̠shchata̍srah । tame̠vam vi̠dvaana̠mrita̍ i̠ha bha̍vati । naanyah panthaa̠ aya̍naaya vidyate । ya̠jnena̍ ya̠jnama̍yajanta de̠vaah । taani̠ dharmaa̍ni pratha̠maanyaa̍sann । te ha̠ naaka̍-mmahi̠maana̍ssachante । yatra̠ poorve̍ saa̠dhyaassanti̍ de̠vaah ॥ 38,39 ॥
puru̍shah pu̠ro̎-'gra̠to̍-'jaayata kri̠to̍-'kalpayannaasa̠ndve cha̍ ॥ 12 ॥ jyaayaa̠nadhi̠ pooru̍shah । anyatra̠ puru̍shah ॥
a̠dbhyassambhoo̍tah prithi̠vyai rasaa̎chcha । vi̠shvaka̍rmana̠ssama̍varta̠taadhi̍ । tasya̠ tvashtaa̍ vi̠dadha̍droo̠pame̍ti । tatpuru̍shasya̠ vishva̠maajaa̍na̠magre̎ । vedaa̠hame̠ta-mpuru̍sha-mma̠haanta̎m । aa̠di̠tyava̍rna̠-ntama̍sa̠h para̍staat । tame̠vam vi̠dvaana̠mrita̍ i̠ha bha̍vati । naanyah panthaa̍ vidya̠te-'ya̍naaya । pra̠jaapa̍tishcharati̠ garbhe̍ a̠ntah । a̠jaaya̍maano bahu̠dhaa vijaa̍yate ॥ 39,40 ॥
tasya̠ dheeraa̠h pari̍jaananti̠ yoni̎m । maree̍cheenaa-mpa̠dami̍chchhanti ve̠dhasa̍h । yo de̠vebhya̠ aata̍pati । yo de̠vaanaa̎-mpu̠rohi̍tah । poorvo̠ yo de̠vebhyo̍ jaa̠tah । namo̍ ru̠chaaya̠ braahma̍ye । rucha̍-mbraa̠hma-nja̠naya̍ntah । de̠vaa agre̠ tada̍bruvann । yastvai̠va-mbraa̎hma̠no vi̠dyaat । tasya̍ de̠vaa asa̠nvashe̎ । hreeshcha̍ te la̠kshmeeshcha̠ patnyau̎ । a̠ho̠raa̠tre paa̠rshve । naksha̍traani roo̠pam । a̠shvinau̠ vyaatta̎m । i̠shta-mma̍nishaana । a̠mu-mma̍nishaana । sarva̍-mmanishaana ॥ 40,41 ॥ jaa̠ya̠te̠ vashe̍ sa̠pta cha̍ ॥ 13 ॥
bha̠rtaa sanbhri̠yamaa̍no bibharti । eko̍ de̠vo ba̍hu̠dhaa nivi̍shtah । ya̠daa bhaa̠ra-nta̠ndraya̍te̠ sa bhartu̎m । ni̠dhaaya̍ bhaa̠ra-mpuna̠rasta̍meti । tame̠va mri̠tyuma̠mrita̠-ntamaa̍huh । ta-mbha̠rtaara̠-ntamu̍ go̠ptaara̍maahuh । sa bhri̠to bhri̠yamaa̍no bibharti । ya e̍na̠m veda̍ sa̠tyena̠ bhartu̎m । sa̠dyo jaa̠tamu̠ta ja̍haatye̠shah । u̠to jara̍nta̠-nna ja̍haa̠tyeka̎m ॥ 41,42 ॥
u̠to ba̠hooneka̠maha̍rjahaara । ata̍ndro de̠vassada̍me̠va praartha̍h । yastadveda̠ yata̍ aaba̠bhoova̍ । sa̠ndhaa-ncha̠ yaagm sa̍nda̠dhe brahma̍nai̠shah । rama̍te̠ tasmi̎nnu̠ta jee̠rne shayaa̍ne । naina̍-njahaa̠tyaha̍ssu poo̠rvyeshu̍ । tvaamaapo̠ anu̠ sarvaa̎shcharanti jaana̠teeh । va̠thsa-mpaya̍saa punaa̠naah । tvama̠gnigm ha̍vya̠vaaha̠g̠m sami̍nthse । tva-mbha̠rtaa maa̍ta̠rishvaa̎ pra̠jaanaa̎m ॥ 42,43 ॥
tvam ya̠jnastvamu̍ve̠vaasi̠ soma̍h । tava̍ de̠vaa hava̠maaya̍nti̠ sarve̎ । tvameko̍-'si ba̠hoonanu̠pravi̍shtah । nama̍ste astu su̠havo̍ ma edhi । namo̍ vaamastu shrinu̠tagm hava̍-mme । praanaa̍paanaavaji̠ragm sa̠nchara̍ntau । hvayaa̍mi vaa̠-mbrahma̍naa too̠rtameta̎m । yo maa-ndveshti̠ ta-nja̍hitam yuvaanaa । praanaa̍paanau samvidaa̠nau ja̍hitam । a̠mushyaasu̍naa̠ maa sanga̍saathaam ॥ 43 ॥
ta-mme̍ devaa̠ brahma̍naa samvidaa̠nau । va̠dhaaya̍ datta̠-ntama̠hagm ha̍naami । asa̍jjajaana sa̠ta aaba̍bhoova । yam ya̍-nja̠jaana̠ sa u̍ go̠po a̍sya । ya̠daa bhaa̠ra-nta̠ndraya̍te̠ sa bhartu̎m । pa̠raasya̍ bhaa̠ra-mpuna̠rasta̍meti । tadvai tva-mpraa̠no a̍bhavah । ma̠haanbhoga̍h pra̠jaapa̍teh । bhuja̍h kari̠shyamaa̍nah । yadde̠vaanpraana̍yo̠ nava̍ ॥ 44 ॥ eka̍-mpra̠jaanaa̎-ngasaathaa̠-nnava̍ ॥ 14 ॥
hari̠g̠m hara̍nta̠manu̍yanti de̠vaah । vishva̠syeshaa̍nam vrisha̠bha-mma̍tee̠naam । brahma̠ saroo̍pa̠manu̍me̠damaagaa̎t । aya̍na̠-mmaa viva̍dhee̠rvikra̍masva । maa chhi̍do mrityo̠ maa va̍dheeh । maa me̠ bala̠m vivri̍ho̠ maa pramo̍sheeh । pra̠jaa-mmaa me̍ reerisha̠ aayu̍rugra । nri̠chaksha̍sa-ntvaa ha̠vishaa̍ vidhema । sa̠dyashcha̍kamaa̠naaya̍ । pra̠ve̠paa̠naaya̍ mri̠tyave̎ ॥ 45 ॥
praasmaa̠ aashaa̍ ashrinvann । kaame̍naajanaya̠npuna̍h । kaame̍na me̠ kaama̠ aagaa̎t । hrida̍yaa̠ddhrida̍ya-mmri̠tyoh । yada̠meeshaa̍ma̠dah pri̠yam । tadaitoopa̠maama̠bhi । para̍-mmrityo̠ anu̠ pare̍hi̠ panthaa̎m । yaste̠ sva ita̍ro deva̠yaanaa̎t । chakshu̍shmate shrinva̠te te̎ braveemi । maa na̍h pra̠jaagm ree̍risho̠ mota vee̠raan । pra poo̠rvya-mmana̍saa̠ vanda̍maanah । naadha̍maano vrisha̠bha-ncha̍rshanee̠naam । yah pra̠jaanaa̍meka̠raanmaanu̍sheenaam । mri̠tyum ya̍je prathama̠jaamri̠tasya̍ ॥ 46 ॥ mri̠tyave̍ vee̠raagmshcha̠tvaari̍ cha ॥ 15 ॥
ta̠rani̍rvi̠shvada̍rshato jyoti̠shkrida̍si soorya । vishva̠maa bhaa̍si rocha̠nam । u̠pa̠yaa̠magri̍heeto-'si̠ sooryaa̍ya tvaa̠ bhraaja̍svata e̠sha te̠ yoni̠ssooryaa̍ya tvaa̠ bhraaja̍svate ॥ 47 ॥ 16 ॥
aapyaa̍yasva madintama̠ soma̠ vishvaa̍bhiroo̠tibhi̍h । bhavaa̍ nassa̠pratha̍stamah ॥ (48) ॥ 17 ॥
ee̠yushte ye poorva̍taraa̠mapa̍shyan vyu̠chchhantee̍mu̠shasa̠-mmartyaa̍sah । a̠smaabhi̍roo̠ nu pra̍ti̠chakshyaa̍-'bhoo̠do te ya̍nti̠ ye a̍pa̠reeshu̠ pashyaan̍ ॥ 49 ॥ 18 ॥
jyoti̍shmatee-ntvaa saadayaami jyoti̠shkrita̍-ntvaa saadayaami jyoti̠rvida̍-ntvaa saadayaami̠ bhaasva̍tee-ntvaa saadayaami̠ jvala̍ntee-ntvaa saadayaami malmalaa̠bhava̍ntee-ntvaa saadayaami̠ deepya̍maanaa-ntvaa saadayaami̠ rocha̍maanaa-ntvaa saadayaa̠myaja̍sraa-ntvaa saadayaami bri̠hajjyo̍tisha-ntvaa saadayaami bo̠dhaya̍ntee-ntvaa saadayaami̠ jaagra̍tee-ntvaa saadayaami ॥ 50 ॥ 19 ॥
pra̠yaa̠saaya̠ svaahaa̍-''yaa̠saaya̠ svaahaa̍ viyaa̠saaya̠ svaahaa̍ samyaa̠saaya̠ svaaho̎dyaa̠saaya̠ svaahaa̍-'vayaa̠saaya̠ svaahaa̍ shu̠che svaahaa̠ shokaa̍ya̠ svaahaa̍ tapya̠tvai svaahaa̠ tapa̍te̠ svaahaa̎ brahmaha̠tyaayai̠ svaahaa̠ sarva̍smai̠ svaahaa̎ ॥ 51 ॥ 20 ॥
chi̠ttagm sa̍ntaa̠nena̍ bha̠vam ya̠knaa ru̠dra-ntani̍mnaa pashu̠patigg̍m sthoolahrida̠yenaa̠gnigm hrida̍yena ru̠dram lohi̍tena sha̠rva-mmata̍snaabhyaa-mmahaade̠vama̠ntah paa̎rshvenaushishtha̠hanag̍m shingeeniko̠shyaa̎bhyaam ॥ 52 ॥ 21 ॥
chi̠tti̍h prithi̠vya̍gni̠ssoorya̍-nte̠ chakshu̍rma̠haaha̍vi̠rhotaa̠ vaaghotaa̎ braahma̠na eka̍hotaa̠-'gniryaju̍rbhi̠ssenendra̍sya de̠vasya̍ su̠varna̍-ngha̠rmagm sa̠hasra̍sheershaa̠-'dbhyo bha̠rtaa hari̍-nta̠rani̠raapyaa̍yasve̠yushte ye jyoti̍shmatee-mprayaa̠saaya̍ chi̠ttameka̍vigmshatih ॥ 21 ॥
chitti̍ra̠gniryaju̍rbhira̠ntah pravi̍shtah pra̠jaapa̍tirbha̠rtaasanprayaa̠saaya̠ dvipa̍nchaa̠shat ॥ 52 ॥
chitti̍ra̠gniryaju̍rbhira̠ntah pravi̍shtah pra̠jaapa̍tih pra̠jayaa̍ samvidaa̠nastasya̠ dheeraa̠ jyoti̍shmatee̠-ntripa̍nchaa̠shat ॥ 53 ॥
tachchha̠m yoraavri̍neemahe । gaa̠tum ya̠jnaaya̍ । gaa̠tum ya̠jnapa̍taye । daivee̎ sva̠stira̍stu nah । sva̠stirmaanu̍shebhyah । oo̠rdhva-nji̍gaatu bhesha̠jam । sha-nno̍ astu dvi̠pade̎ । sha-nchatu̍shpade ॥ om shaanti̠-shshaanti̠-shshaanti̍h ॥
చిత్తి పన్నం గురించి
Chitti Pannam is a Vedic recitation from the third prapathaka of the Taittiriya Aranyaka of the Krishna Yajurveda. It opens and closes with the peace chant "Tacchham yoravrinimahe", and its first section describes an inner sacrifice: thought (chitti) is the ladle, mind the ghee, speech the altar, reflection the sacred grass, and breath the offering, with the Lord of speech as priest. Later sections offer oblations to the earth, the sky and other powers.
మూలం: Krishna Yajurveda, Taittiriya Aranyaka, 3rd prapathaka
ఎప్పుడు పఠించాలి: In Vedic chanting sessions, in homas, and in traditional Vedic study.
మీకు తెలుసా?
- "Pannam" is the Tamil and Telugu form of "prashna" or chapter, a name used in South Indian Vedic recitation.
- Its picture of a sacrifice made of thought, mind and speech is an early form of inner worship (manasa yajna).
తరచుగా అడిగే ప్రశ్నలు
Where is Chitti Pannam from?
The third prapathaka of the Taittiriya Aranyaka.
What does "chitti" mean?
"Thought", pictured as the sacrificial ladle.
How does it begin and end?
With the peace chant "Tacchham yoravrinimahe".
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.