దారిద్ర్య దహన శివ స్తోత్రం
Shiva · సాంప్రదాయ భక్తి గ్రంథం
विश्वेश्वराय नरकार्णव तारणाय कर्णामृताय शशिशेखर धारणाय । कर्पूरकांति धवलाय जटाधराय दारिद्र्यदुःख दहनाय नमश्शिवाय ॥ 1 ॥
गौरीप्रियाय रजनीश कलाधराय कालांतकाय भुजगाधिप कंकणाय । गंगाधराय गजराज विमर्धनाय दारिद्र्यदुःख दहनाय नमश्शिवाय ॥ 2 ॥
भक्तप्रियाय [भक्तिप्रियाय] भवरोग भयापहाय उग्राय दुःख [दुर्ग] भवसागर तारणाय । ज्योतिर्मयाय गुणनाम सुनृत्यकाय दारिद्र्यदुःख दहनाय नमश्शिवाय ॥ 3 ॥
चर्मांबराय शवभस्म विलेपनाय फालेक्षणाय मणिकुंडल मंडिताय । मंजीरपादयुगलाय जटाधराय दारिद्र्यदुःख दहनाय नमश्शिवाय ॥ 4 ॥
पंचाननाय फणिराज विभूषणाय हेमांकुशाय भुवनत्रय मंडिताय आनंद भूमि वरदाय तमोपयाय [तमोमयाय] । दारिद्र्यदुःख दहनाय नमश्शिवाय ॥ 5 ॥
भानुप्रियाय भवसागर तारणाय कालांतकाय कमलासन पूजिताय । नेत्रत्रयाय शुभलक्षण लक्षिताय दारिद्र्यदुःख दहनाय नमश्शिवाय ॥ 6 ॥
रामप्रियाय रघुनाथ वरप्रदाय नागप्रियाय नरकार्णव तारणाय । पुण्याय [पुण्येषु] पुण्यभरिताय सुरार्चिताय दारिद्र्यदुःख दहनाय नमश्शिवाय ॥ 7 ॥
मुक्तेश्वराय फलदाय गणेश्वराय गीताप्रियाय वृषभेश्वर वाहनाय । मातंगचर्म वसनाय महेश्वराय दारिद्र्यदुःख दहनाय नमश्शिवाय ॥ 8 ॥
वसिष्ठेन कृतं स्तोत्रं सर्वरोग निवारणम् । सर्वसंपत्करं शीघ्रं पुत्रपौत्रादि वर्धनम् । [शुभदं कामदं हृद्यं धनधान्य प्रवर्धनम्] त्रिसंध्यं यः पठेन्नित्यं स हि स्वर्ग मवाप्नुयात् ॥ 9 ॥
॥ इति श्री वसिष्ठ विरचितं दारिद्र्यदहन शिवस्तोत्रं संपूर्णम् ॥
alternate first verse गौरीविलास भुवनाय महेश्वराय पंचाननाय शरणागत कल्पदाय । शर्वाय सर्वजगतामधिपाय तस्मै दारिद्र्य दुःखदहनाय नमः शिवाय ॥
దారిద్ర్య దహన శివ స్తోత్రం గురించి
The Daridrya Dahana Shiva Stotram is a hymn to Lord Shiva in which every verse ends "daridrya duhkha dahanaya namah Shivaya": salutations to Shiva, who burns away poverty and sorrow. It praises him as Vishveshvara, lord of the universe, who carries us across the ocean of hell, wears the crescent moon, is white as camphor, holds the Ganga, and is beloved of Gauri.
రచయిత: Traditionally attributed to the sage Vasishtha
ఎప్పుడు పఠించాలి: On Mondays, Pradosham and Maha Shivaratri, and in the month of Shravana.
మీకు తెలుసా?
- It is traditionally attributed to the sage Vasishtha.
- "Dahana" means burning: the hymn asks Shiva to burn away inner and outer want, as he burnt Kama with his third eye.
తరచుగా అడిగే ప్రశ్నలు
What does "Daridrya Dahana" mean?
"Burning away poverty", inner and outer.
What is the refrain?
"Daridrya duhkha dahanaya namah Shivaya".
When is it recited?
On Mondays, Pradosham and Shivaratri.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు