MuhurtaNow

గీతగోవిందం అష్టమః సర్గః - విలక్ష్య లక్ష్మీపతిః

Sri Krishna · సాంప్రదాయ భక్తి గ్రంథం

॥ ಅಷ್ಟಮಃ ಸರ್ಗಃ ॥ ॥ ವಿಲಕ್ಷ್ಯಲಕ್ಷ್ಮೀಪತಿಃ ॥

ಅಥ ಕಥಮಪಿ ಯಾಮಿನೀಂ ವಿನೀಯ ಸ್ಮರಶರಜರ್ಜರಿತಾಪಿ ಸಾ ಪ್ರಭಾತೇ । ಅನುನಯವಚನಂ ವದಂತಮಗ್ರೇ ಪ್ರಣತಮಪಿ ಪ್ರಿಯಮಾಹ ಸಾಭ್ಯಸೂಯಮ್ ॥ 49 ॥

॥ ಗೀತಂ 17 ॥

ರಜನಿಜನಿತಗುರುಜಾಗರರಾಗಕಷಾಯಿತಮಲಸನಿವೇಶಮ್ । ವಹತಿ ನಯನಮನುರಾಗಮಿವ ಸ್ಫುಟಮುದಿತರಸಾಭಿನಿವೇಶಮ್ ॥ ಹರಿಹರಿ ಯಾಹಿ ಮಾಧವ ಯಾಹಿ ಕೇಶವ ಮಾ ವದ ಕೈತವವಾದಂ ತಾಮನುಸರ ಸರಸೀರುಹಲೋಚನ ಯಾ ತವ ಹರತಿ ವಿಷಾದಮ್ ॥ 50 ॥

ಕಜ್ಜಲಮಲಿನವಿಲೋಚನಚುಂಬನವಿರಚಿತನೀಲಿಮರೂಪಮ್ । ದಶನವಸನಮರುಣಂ ತವ ಕೃಷ್ಣ ತನೋತಿ ತನೋರನುರೂಪಮ್ ॥ 2 ॥

ವಪುರನುಹರತಿ ತವ ಸ್ಮರಸಂಗರಖರನಖರಕ್ಷತರೇಖಮ್ । ಮರಕತಶಕಲಕಲಿತಕಲಧೌತಲಿಪಿರೇವ ರತಿಜಯಲೇಖಮ್ ॥ 3 ॥

ಚರಣಕಮಲಗಲದಲಕ್ತಕಸಿಕ್ತಮಿದಂ ತವ ಹೃದಯಮುದಾರಮ್ । ದರ್ಶಯತೀವ ಬಹಿರ್ಮದನದ್ರುಮನವಕಿಸಲಯಪರಿವಾರಮ್ ॥ 4 ॥

ದಶನಪದಂ ಭವದಧರಗತಂ ಮಮ ಜನಯತಿ ಚೇತಸಿ ಖೇದಮ್ । ಕಥಯತಿ ಕಥಮಧುನಾಪಿ ಮಯಾ ಸಹ ತವ ವಪುರೇತದಭೇದಮ್ ॥ 5 ॥

ಬಹಿರಿವ ಮಲಿನತರಂ ತವ ಕೃಷ್ಣ ಮನೋಽಪಿ ಭವಿಷ್ಯತಿ ನೂನಮ್ । ಕಥಮಥ ವಂಚಯಸೇ ಜನಮನುಗತಮಸಮಶರಜ್ವರದೂನಮ್ ॥ 6 ॥

ಭ್ರಮತಿ ಭವಾನಬಲಾಕವಲಾಯ ವನೇಷು ಕಿಮತ್ರ ವಿಚಿತ್ರಮ್ । ಪ್ರಥಯತಿ ಪೂತನಿಕೈವ ವಧೂವಧನಿರ್ದಯಬಾಲಚರಿತ್ರಮ್ ॥ 7 ॥

ಶ್ರೀಜಯದೇವಭಣಿತರತಿವಂಚಿತಖಂಡಿತಯುವತಿವಿಲಾಪಮ್ । ಶೃಣುತ ಸುಧಾಮಧುರಂ ವಿಬುಧಾ ವಿಬುಧಾಲಯತೋಽಪಿ ದುರಾಪಮ್ ॥ 8 ॥

ತದೇವಂ ಪಶ್ಯಂತ್ಯಾಃ ಪ್ರಸರದನುರಾಗಂ ಬಹಿರಿವ ಪ್ರಿಯಾಪಾದಾಲಕ್ತಚ್ಛುರಿತಮರುಣಚ್ಛಾಯಹೃದಯಮ್ । ಮಮಾದ್ಯ ಪ್ರಖ್ಯಾತಪ್ರಣಯಭರಭಂಗೇನ ಕಿತವ ತ್ವದಾಲೋಕಃ ಶೋಕಾದಪಿ ಕಿಮಪಿ ಲಜ್ಜಾಂ ಜನಯತಿ ॥ 50 ॥

॥ ಇತಿ ಗೀತಗೋವಿಂದೇ ಖಂಡಿತಾವರ್ಣನೇ ವಿಲಕ್ಷ್ಯಲಕ್ಷ್ಮೀಪತಿರ್ನಾಮ ಅಷ್ಠಮಃ ಸರ್ಗಃ ॥

గీతగోవిందం అష్టమః సర్గః - విలక్ష్య లక్ష్మీపతిః గురించి

The eighth canto of Jayadeva's Gita Govinda, "Vilakshya Lakshmipati" (the abashed Lord of Lakshmi), shows Radha as the wronged heroine (khandita). After a sleepless night pierced by the arrows of love, Radha sees Krishna at dawn bowing before her with soothing words, but bearing the marks of a night spent with another. Her song of reproach rings out: "Go, Madhava, go, Keshava, do not speak these deceitful words; go to her who takes away your sorrow."

రచయిత: Jayadeva (12th century)

ఎప్పుడు పఠించాలి: In Odissi and other classical dance, in Ashtapadi singing, and in Krishna temples, especially at Puri.

మీకు తెలుసా?

  • The ashtapadi "Yahi Madhava yahi Keshava" is one of the best-known songs of the Gita Govinda.
  • In devotional reading, Radha's anger is the intense love that will accept nothing less than the whole Lord.

తరచుగా అడిగే ప్రశ్నలు

What does "Vilakshya Lakshmipati" mean?

"The abashed Lord of Lakshmi".

What is Radha's state in this canto?

The wronged heroine, reproaching Krishna.

Who wrote the Gita Govinda?

Jayadeva, in the 12th century.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.