MuhurtaNow

జగన్నాథాష్టకం

Ashtakams · సాంప్రదాయ భక్తి గ్రంథం

कदाचित्-कालिंदी तटविपिन संगीतकरवो मुदाभीरी नारीवदन कमलास्वादमधुपः । रमा शंभु ब्रह्मामरपति गणेशार्चित पदो जगन्नाथः स्वामी नयनपथगामी भवतु मे ॥ 1 ॥

भुजे सव्ये वेणुं शिरसि शिखिपिंछं कटितटे दुकूलं नेत्रांते सहचरकटाक्षं विदधते । सदा श्रीमद्वृंदावनवसतिलीलापरिचयो जगन्नाथः स्वामी नयनपथगामी भवतु मे ॥ 2 ॥

महांभोधेस्तीरे कनकरुचिरे नीलशिखरे वसन् प्रासादांतस्सहज बलभद्रेण बलिना । सुभद्रा मध्यस्थस्सकलसुर सेवावसरदो जगन्नाथः स्वामी नयनपथगामी भवतु मे ॥ 3 ॥

कृपा पारावारास्सजल जलद श्रेणिरुचिरो रमावाणी रामस्फुरदमल पंकॆरुहमुखः । सुरेंद्रैराराध्यः श्रुतिगणशिखा गीत चरितो जगन्नाथः स्वामी नयनपथगामी भवतु मे ॥ 4 ॥

रथारूढो गच्छन् पथि मिलित भूदेवपटलैः स्तुति प्रादुर्भावं प्रतिपदमुपाकर्ण्य सदयः । दयासिंधुर्बंधुस्सकल जगता सिंधुसुतया जगन्नाथः स्वामी नयनपथगामी भवतु मे ॥ 5 ॥

परब्रह्मापीडः कुवलय-दलोत्फुल्लनयनो निवासी नीलाद्रौ निहित-चरणोऽनंत-शिरसि । रसानंदो राधा-सरस-वपुरालिंगन-सखो जगन्नाथः स्वामी नयनपथगामी भवतु मे ॥ 6 ॥

न वै याचे राज्यं न च कनक माणिक्य विभवं न याचेऽहं रम्यां निखिलजन-काम्यां वरवधूम् । सदा काले काले प्रमथ-पतिना गीतचरितो जगन्नाथः स्वामी नयनपथगामी भवतु मे ॥ 7 ॥

हर त्वं संसारं द्रुततरमसारं सुरपते हर त्वं पापानां विततिमपरां यादवपते । अहो दीनोऽनाथे निहितचरणो निश्चितमिदं जगन्नाथः स्वामी नयनपथगामी भवतु मे ॥ 8 ॥

जगन्नाथाष्टकं पुण्यं यः पठेत् प्रयतः शुचिः । सर्वपाप विशुद्धात्मा विष्णुलोकं स गच्छति ॥

इति श्रीमद् शंकराचार्यविरचितं जगन्नाथाष्टकं संपूर्णं॥

జగన్నాథాష్టకం గురించి

The Jagannatha Ashtakam is a hymn of eight verses to Lord Jagannatha of Puri, attributed to Adi Shankaracharya, as its colophon states. Each verse ends with the prayer "Jagannathah svami nayanapathagami bhavatu me", "May Jagannatha, the Lord, come into the path of my eyes." It pictures him sometimes making music in the groves on the Yamuna's bank, a bee tasting the lotus faces of the cowherd women, his feet worshipped by Lakshmi, Shiva, Brahma, Indra and Ganesha; holding the flute in his left hand, a peacock feather on his head and silk at his waist, glancing at his companions, ever in Vrindavana.

రచయిత: Attributed to Adi Shankaracharya, as its colophon states

ఎప్పుడు పఠించాలి: During the Ratha Yatra at Puri, on Snana Purnima, and in Jagannatha worship.

మీకు తెలుసా?

  • Chaitanya Mahaprabhu is said to have sung this ashtakam during the Ratha Yatra at Puri.
  • Its refrain is a prayer simply to see the Lord, the heart of the Ratha Yatra, when he comes out to give darshan to all.

తరచుగా అడిగే ప్రశ్నలు

What is the refrain?

"May Jagannatha come into the path of my eyes."

Who is it attributed to?

Adi Shankaracharya, as its colophon states.

When is it sung?

Especially during the Ratha Yatra at Puri.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.