6.3 - చాత్వాలా ద్ధిష్ణియా నుపవపతి - కృష్ణ యజుర్వేద తైత్తిరీయ సంహితా పాఠః
Kanda 6 - Krishna Yajurveda Taittiriya Samhita · సాంప్రదాయ భక్తి గ్రంథం
krishna yajurvedeeya taittireeya samhitaayaam shashthakaande triteeyah prashnah - somamantrabraahmananiroopanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
chaatvaa̍laa̠-ddhishni̍yaa̠nupa̍ vapati̠ yoni̠rvai ya̠jnasya̠ chaatvaa̍lam ya̠jnasya̍ sayoni̠tvaaya̍ de̠vaa vai ya̠jna-mparaa̍-'jayanta̠ tamaagnee̎ddhraa̠-tpuna̠rapaa̍jayanne̠tadvai ya̠jnasyaa-pa̍raajita̠m yadaagnee̎ddhra̠m yadaagnee̎ddhraa̠ddhishni̍yaan. vi̠hara̍ti̠ yade̠va ya̠jnasyaa-pa̍raajita̠-ntata̍ e̠vaina̠-mpuna̍stanute paraa̠jitye̍va̠ khalu̠ vaa e̠te ya̍nti̠ ye ba̍hishpavamaa̠nagm sarpa̍nti bahishpavamaa̠ne stu̠ta [stu̠te, aa̠haagnee̍da̠gneen. vi] 1
aa̠haagnee̍da̠gneen. vi ha̍ra ba̠r̠hi-sstri̍naahi puro̠daashaa̠gm̠ ala̍-nku̠rviti̍ ya̠jname̠vaapa̠jitya̠ puna̍stanvaa̠naa ya̠ntyangaa̍rai̠rdve sava̍ne̠ vi ha̍rati sha̠laakaa̍bhi-stri̠teeyagm̍ sashukra̠tvaayaatho̠ sa-mbha̍ratye̠vaina̠ddhishni̍yaa̠ vaa a̠mushmi̍n mlo̠ke soma̍maraksha̠-ntebhyo-'dhi̠ soma̠maa-'ha̍ra̠-nta ma̍nva̠vaaya̠nta-mparya̍visha̠n̠. ya e̠vam veda̍ vi̠ndate̍ [ya e̠vam veda̍ vi̠ndate̎, pa̠ri̠ve̠shtaara̠-nte] 2
parive̠shtaara̠-nte so̍mapee̠thena̠ vyaa̎rdhyanta̠ te de̠veshu̍ somapee̠thamai̎chchhanta̠ taa-nde̠vaa a̍bruva̠-ndvedve̠ naama̍nee kuruddhva̠matha̠ pra vaa̠-''phsyatha̠ na vetya̠gnayo̠ vaa atha̠ dhishni̍yaa̠stasmaa̎-ddvi̠naamaa̎ braahma̠no-'rdhu̍ka̠steshaa̠m ye nedi̍shtha-mpa̠ryavi̍sha̠-nte so̍mapee̠tha-mpraa-'pnu̍vannaahava̠neeya̍ aagnee̠ddhreeyo̍ ho̠treeyo̍ maarjaa̠leeya̠stasmaa̠-tteshu̍ juhvatyati̠haaya̠ vasha̍-tkaroti̠ vi hye̍ [vi hi, e̠te so̍mapee̠thenaa-''rdhya̍nta] 3
-te so̍mapee̠thenaa-''rdhya̍nta de̠vaa vai yaah praachee̠-raahu̍tee̠-raju̍havu̠rye pu̠rastaa̠dasu̍raa̠ aasa̠-ntaag staabhi̠h praanu̍danta̠ yaah pra̠teechee̠rye pa̠shchaadasu̍raa̠ aasa̠-ntaagstaabhi̠-rapaa̍nudanta̠ praachee̍ra̠nyaa aahu̍tayo hoo̠yante̎ pra̠tyannaasee̍no̠ dhishni̍yaa̠n. vyaaghaa̍rayati pa̠shchaachchai̠va pu̠rastaa̎chcha̠ yaja̍maano̠ bhraatri̍vyaa̠-npra nu̍date̠ tasmaa̠-tparaa̍cheeh pra̠jaah pra vee̍yante pra̠teechee̎- [pra̠teechee̎h, jaa̠ya̠nte̠ praa̠naa vaa e̠te] 4
-rjaayante praa̠naa vaa e̠te yaddhishni̍yaa̠ yada̍ddhva̠ryuh pra̠tya-ndhishni̍yaa-nati̠sarpe̎-tpraa̠naan-thsanka̍rshe-tpra̠maayu̍ka-ssyaa̠nnaabhi̠rvaa e̠shaa ya̠jnasya̠ yaddhoto̠rdhvah khalu̠ vai naabhyai̎ praa̠no-'vaa̍napaa̠no yada̍dhva̠ryuh pra̠tyam hotaa̍ramati̠sarpe̍dapaa̠ne praa̠na-nda̍dhyaa-tpra̠maayu̍ka-ssyaa̠nnaaddhva̠ryurupa̍ gaaye̠-dvaagvee̎ryo̠ vaa a̍ddhva̠ryu-ryada̍ddhva̠ryuru̍pa̠-gaaye̍du-dgaa̠tre [ ] 5
vaacha̠gm̠ sa-mpra ya̍chchhe-dupa̠daasu̍kaa-'sya̠ vaa-khsyaa̎dbrahmavaa̠dino̍ vadanti̠ naasagg̍sthite̠ some̎-'ddhva̠ryuh pra̠tyan-khsado-'tee̍yaa̠datha̍ ka̠thaa daa̎kshi̠naani̠ hotu̍meti̠ yaamo̠ hi sa teshaa̠-nkasmaa̠ aha̍ de̠vaa yaama̠m vaa-'yaa̍ma̠m vaa-'nu̍ jnaasya̠nteetyu-tta̍re̠naa-''gnee̎ddhra-mpa̠reetya̍ juhoti daakshi̠naani̠ na praa̠naanthsa-nka̍rshati̠ nya̍nye dhishni̍yaa u̠pyante̠ naanye yaa-nni̠vapa̍ti̠ tena̠ taa-npree̍naati̠ yaa-nnani̠vapa̍ti̠ yada̍nudi̠shati̠ tena̠ taan ॥ 6 ॥ (stu̠te - vi̠ndate̠ - hi - vee̍yante pra̠teechee̍ - rudgraa̠tra - u̠pyante̠ - chatu̍rdasha cha) (a. 1)
su̠va̠rgaaya̠ vaa e̠taani̍ lo̠kaaya̍ hooyante̠ ya-dvai̍sarja̠naani̠ dvaabhyaa̠-ngaarha̍patye juhoti dvi̠paa-dyaja̍maana̠h prati̍shthityaa̠ aagnee̎ddhre juhotya̠ntari̍ksha e̠vaa-''kra̍mata aahava̠neeye̍ juhoti suva̠rgame̠vaina̍m lo̠ka-nga̍mayati de̠vaan. vai su̍va̠rgam lo̠kam ya̠to rakshaag̍sya jighaagmsa̠nte some̍na̠ raajnaa̠ rakshaag̍-syapa̠hatyaa̠ptu-maa̠tmaana̍-nkri̠tvaa su̍va̠rgam lo̠kamaa̍ya̠-nraksha̍saa̠-manu̍palaabhaa̠yaa ''tta̠-ssomo̍ bhava̠tyatha̍ [bhava̠tyatha̍, vai̠sa̠rja̠naani̍ juhoti̠] 7
vaisarja̠naani̍ juhoti̠ raksha̍saa̠mapa̍hatyai̠ tvagm so̍ma tanoo̠kridbhya̠ ityaa̍ha tanoo̠kriddhya̍sha dvesho̎bhyo̠-'nyakri̍tebhya̠ ityaa̍haa̠nyakri̍taani̠ hi rakshaag̍syu̠ru ya̠ntaa-'si̠ varoo̍tha̠mityaa̍ho̠ru na̍skri̠dheeti̠ vaavaitadaa̍ha jushaa̠no a̠pturaajya̍sya ve̠tvityaa̍haa̠ptume̠va yaja̍maana-nkri̠tvaa su̍va̠rgam lo̠ka-nga̍mayati̠ raksha̍saa̠-manu̍palaabhaa̠yaa-'' soma̍-ndadata̠ [soma̍-ndadate, aa graavnna̠ aa] 8
aa graavnna̠ aa vaa̍ya̠vyaa̎nyaa dro̍nakala̠shamu-tpatnee̠maa na̍ya̠ntyanvanaagm̍si̠ pra va̍rtayanti̠ yaava̍de̠vaasyaasti̠ tena̍ sa̠ha su̍va̠rgam lo̠kame̍ti̠ naya̍vatya̠rchaa-''gnee̎ddhre juhoti suva̠rgasya̍ lo̠kasyaa̠bhinee̎tyai̠ graavnno̍ vaaya̠vyaa̍ni dronakala̠shamaagnee̎ddhra̠ upa̍ vaasayati̠ vi hye̍na̠-ntairgri̠hnate̠ ya-thsa̠hopa̍vaa̠saye̍-dapuvaa̠yeta̍ sau̠myarchaa pra paa̍dayati̠ svayai̠- [pra paa̍dayati̠ svaya̎, e̠vaina̍-nde̠vata̍yaa̠] 9
-vaina̍-nde̠vata̍yaa̠ pra paa̍daya̠tyadi̍tyaa̠-ssado̠-'syadi̍tyaa̠-ssada̠ aa see̠detyaa̍ha yathaaya̠jure̠vaita-dyaja̍maano̠ vaa e̠tasya̍ pu̠raa go̠ptaa bha̍vatye̠sha vo̍ deva savita̠-ssoma̠ ityaa̍ha savi̠tripra̍soota e̠vaina̍-nde̠vataa̎bhya̠-ssa-mpraya̍chchhatye̠ta-ttvagm so̍ma de̠vo de̠vaanupaa̍gaa̠ ityaa̍ha de̠vo hye̍sha sa- [de̠vo hye̍sha sann, de̠vaanu̠paitee̠dama̠ha-] 10
-nde̠vaanu̠paitee̠dama̠ha-mma̍nu̠shyo̍ manu̠shyaa̍nityaa̍ha manu̠shyo̎(1̠) hye̍sha sa-nma̍nu̠shyaa̍nu̠paiti̠ yade̠ta-dyaju̠rna broo̠yaadapra̍jaa apa̠shuryaja̍maana-ssyaa-thsa̠ha pra̠jayaa̍ sa̠ha raa̠yasposhe̠netyaa̍ha pra̠jayai̠va pa̠shubhi̍-ssa̠hemam lo̠kamu̠paava̍rtate̠ namo̍ de̠vebhya̠ ityaa̍ha namaskaa̠ro hi de̠vaanaag̍ sva̠dhaa pi̠tribhya̠ ityaa̍ha svadhaakaa̠ro hi [svadhaakaa̠ro hi, pi̠tri̠naami̠dama̠ha-] 11
pi̍tri̠naami̠dama̠ha-nnirvaru̍nasya̠ paashaa̠dityaa̍ha varunapaa̠shaade̠va nirmu̍chya̠te 'gne̎ vratapata aa̠tmana̠h poorvaa̍ ta̠nooraa̠deyetyaa̍hu̠h ko hi tadveda̠ ya-dvasee̍yaa̠n-thsve vashe̍ bhoo̠te puna̍rvaa̠ dadaa̍ti̠ na veti̠ graavaa̍no̠ vai soma̍sya̠ raajno̍ malimluse̠naa ya e̠vam vi̠dvaa-ngraavnna̠ aagnee̎ddhra upavaa̠saya̍ti̠ naina̍-mmalimluse̠naa vi̍ndati ॥ 12 ॥ (atha̍-dadate̠ - svayaa̠ - santh - sva̍dhaakaa̠ro hi - vi̍ndati) (a. 2)
vai̠shna̠vyarchaa hu̠tvaa yoopa̠machchhai̍ti vaishna̠vo vai de̠vata̍yaa̠ yoopa̠-ssvayai̠vaina̍-nde̠vata̠yaa 'chchhai̠tyatya̠nyaanagaa̠-nnaanyaa-nupaa̍gaa̠mityaa̠haati̠ hya̍nyaaneti̠ naanyaa-nu̠paitya̠rvaaktvaa̠ parai̍ravida-mpa̠ro-'va̍rai̠rityaa̍haa̠rvaaghye̍na̠-mparai̎rvi̠ndati̍ pa̠ro-'va̍rai̠sta-ntvaa̍ jushe [jushe, vai̠shna̠va-nde̍vaya̠jyaayaa̠] 13
vaishna̠va-nde̍vaya̠jyaayaa̠ ityaa̍ha devaya̠jyaayai̠ hye̍na-nju̠shate̍ de̠vastvaa̍ savi̠taa maddhvaa̍-'na̠ktvityaa̍ha̠ teja̍sai̠vaina̍-mana̠ktyosha̍dhe̠ traaya̍svaina̠gg̠ svadhi̍te̠ mainagm̍ higmsee̠rityaa̍ha̠ vajro̠ vai svadhi̍ti̠-shshaantyai̠ svadhi̍tervri̠kshasya̠ bibhya̍tah pratha̠mena̠ shaka̍lena sa̠ha teja̠h paraa̍ patati̠ yah pra̍tha̠ma-shshaka̍lah paraa̠pate̠-ttamapyaa ha̍re̠-thsate̍jasa- [ha̍re̠-thsate̍jasam, e̠vaina̠maa] 14
-me̠vaina̠maa ha̍ratee̠me vai lo̠kaa yoopaa̎-tpraya̠to bi̍bhyati̠ diva̠magre̍na̠ maa le̍kheera̠ntari̍ksha̠-mmaddhye̍na̠ maa higm̍see̠rityaa̍hai̠bhya e̠vaina̍m lo̠kebhya̍-shshamayati̠ vana̍spate sha̠tava̍lsho̠ vi ro̠hetyaa̠vrashcha̍ne juhoti̠ tasmaa̍-daa̠vrashcha̍naa-dvri̠kshaanaa̠-mbhooyaagm̍sa̠ utti̍shthanti sa̠hasra̍valshaa̠ vi va̠yagm ru̍he̠metyaa̍haa̠- ''shisha̍me̠vaitaamaa shaa̠ste 'na̍kshasanga- [shaa̠ste 'na̍kshasangam, vri̠shche̠-dyada̍kshasa̠ngam-] 15
-mvrishche̠-dyada̍kshasa̠ngam vri̠shcheda̍dhai̠sham yaja̍maanasya pra̠maayu̍kagg syaa̠dya-nkaa̠maye̠taapra̍tishthita-ssyaa̠dityaa̍ro̠ha-ntasma̍ vrishchede̠sha vai vana̠spatee̍naa̠-mapra̍tishthi̠to-'pra̍tishthita e̠va bha̍vati̠ ya-nkaa̠maye̍taapa̠shu-ssyaa̠ditya̍pa̠rna-ntasmai̠ shushkaa̎gram vrishchede̠sha vai vana̠spatee̍naa-mapasha̠vyo̍-'pa̠shure̠va bha̍vati̠ ya-nkaa̠maye̍ta pashu̠maan-thsyaa̠diti̍ bahupa̠rna-ntasmai̍ bahushaa̠kham vri̍shchede̠sha vai [ ] 16
vana̠spatee̍naa-mpasha̠vya̍h pashu̠maane̠va bha̍vati̠ prati̍shthitam vrishche-tprati̠shthaakaa̍masyai̠sha vai vana̠spatee̍naa̠-mprati̍shthito̠ ya-ssa̠me bhoomyai̠ svaadyone̍ roo̠dhah pratye̠va ti̍shthati̠ yah pra̠tyannupa̍nata̠stam vri̍shche̠-thsa hi medha̍ma̠bhyupa̍nata̠h panchaa̍ratni̠-ntasmai̍ vrishche̠dya-nkaa̠maye̠topai̍na̠mutta̍ro ya̠jno na̍me̠diti̠ panchaa̎ksharaa pa̠nktih paankto̍ ya̠jna upai̍na̠mutta̍ro ya̠jno [ya̠jnah, na̠ma̠ti̠ shada̍ratni] 17
na̍mati̠ shada̍ratni-mprati̠shthaakaa̍masya̠ shadvaa ri̠tava̍ ri̠tushve̠va prati̍ tishthati sa̠ptaara̍tni-mpa̠shukaa̍masya sa̠ptapa̍daa̠ shakva̍ree pa̠shava̠-shshakva̍ree pa̠shoone̠vaava̍ rundhe̠ navaa̍ratni̠-nteja̍skaamasya tri̠vritaa̠ stome̍na̠ sammi̍ta̠-nteja̍stri̠vri-tte̍ja̠svye̍va bha̍va̠-tyekaa̍dashaaratni-mindri̠yakaa̍ma̠-syaikaa̍dashaaksharaa tri̠shtugi̍ndri̠ya-ntri̠shtugi̍ndriyaa̠vye̍va bha̍vati̠ pancha̍dashaaratni̠-mbhraatri̍vyavatah panchada̠sho vajro̠ bhraatri̍vyaabhibhootyai sa̠ptada̍shaaratni-mpra̠jaakaa̍masya saptada̠shah pra̠jaapa̍tih pra̠jaapa̍te̠raaptyaa̠ eka̍vigmshatyaratni-mprati̠shthaakaa̍ma-syaikavi̠gm̠sha-sstomaa̍naa-mprati̠shthaa prati̍shthityaa a̠shtaashri̍rbhava-tya̠shtaaksha̍raa gaaya̠tree tejo̍ gaaya̠tree gaa̍ya̠tree ya̍jnamu̠kha-nteja̍sai̠va gaa̍yatri̠yaa ya̍jnamu̠khena̠ sammi̍tah ॥ 18 ॥ (ju̠she̠ - sate̍jasa̠ - mana̍kshasangam - bahushaa̠kham vri̍shchede̠sha vai - ya̠jna upai̍na̠mutta̍ro ya̠jna - aaptyaa̠ - ekaa̠nnavigm̍sha̠tishcha̍) (a. 3)
pri̠thi̠vyai tvaa̠-'ntari̍kshaaya tvaa di̠ve tvetyaa̍hai̠bhya e̠vaina̍m lo̠kebhya̠h proksha̍ti̠ paraa̎mcha̠-mproksha̍ti̠ paraa̍niva̠ hi su̍va̠rgo lo̠kah kroo̠rami̍va̠ vaa e̠ta-tka̍roti̠ ya-tkhana̍tya̠po-'va̍ nayati̠ shaantyai̠ yava̍matee̠rava̍ naya̠tyoorgvai yavo̠ yaja̍maanena̠ yoopa̠-ssammi̍to̠ yaavaa̍ne̠va yaja̍maana̠-staava̍tee-me̠vaasmi̠-nnoorja̍-ndadhaati [me̠vaasmi̠-nnoorja̍-ndadhaati, pi̠tri̠naagm sada̍nama̠seeti̍] 19
pitri̠naagm sada̍nama̠seeti̍ ba̠r̠hirava̍ strinaati pitrideva̠tyaa̎(1̠)gg̠ hye̍ta-dyannikhaa̍ta̠m ya-dba̠r̠hirana̍vasteerya minu̠yaa-tpi̍trideva̠tyo̍ nikhaa̍ta-ssyaa-dba̠r̠hira̍va̠steerya̍ minotya̠syaame̠vaina̍-mminoti yoopashaka̠lamavaa̎syati̠ sate̍jasame̠vaina̍-mminoti de̠vastvaa̍ savi̠taa maddhvaa̍-'na̠ktvityaa̍ha̠ teja̍sai̠vaina̍manakti supippa̠laabhya̠-stvausha̍dheebhya̠ iti̍ cha̠shaala̠-mprati̍- [cha̠shaala̠-mprati̍, mu̠ncha̠ti̠ tasmaa̎chchheersha̠ta] 20
-munchati̠ tasmaa̎chchheersha̠ta osha̍dhaya̠h phala̍-ngrihnantya̠nakti̠ tejo̠ vaa aajya̠m yaja̍maanenaagni̠shthaa-'shri̠-ssammi̍taa̠ yada̍gni̠shthaa-mashri̍ma̠nakti̠ yaja̍maaname̠va teja̍saa 'naktyaa̠nta-ma̍naktyaa̠ntame̠va yaja̍maana̠-nteja̍saanakti sa̠rvata̠h pari̍ mrisha̠tyapa̍rivarga-me̠vaasmi̠-ntejo̍ dadhaa̠tyu-ddivagg̍ stabhaa̠naa-'ntari̍ksha-mpri̠netyaa̍hai̠shaam lo̠kaanaa̠m vidhri̍tyai vaishna̠vyarchaa [vaishna̠vyarchaa, ka̠lpa̠ya̠ti̠ vai̠shna̠vo vai] 21
ka̍lpayati vaishna̠vo vai de̠vata̍yaa̠ yoopa̠-ssvayai̠vaina̍-nde̠vata̍yaa kalpayati̠ dvaabhyaa̎-nkalpayati dvi̠paa-dyaja̍maana̠h prati̍shthityai̠ ya-nkaa̠maye̍ta̠ teja̍saina-nde̠vataa̍bhirindri̠yena̠ vya̍rdhayeya̠-mitya̍gni̠shthaa-ntasyaashri̍-maahava̠neeyaa̍di̠ttham ve̠ttham vaa-'ti̍ naavaye̠-tteja̍sai̠vaina̍-nde̠vataa̍bhirindri̠yena̠ vya̍rdhayati̠ ya-nkaa̠maye̍ta̠ teja̍saina-nde̠vataa̍bhirindri̠yena̠ sama̍rdhayeya̠mi- [sama̍rdhayeya̠miti̍, a̠gni̠shthaa-] 22
-tya̍gni̠shthaa-ntasyaashri̍maahava̠neeye̍na̠ sa-mmi̍nuyaa̠-tteja̍sai̠vaina̍-nde̠vataa̍bhirindri̠yena̠ sama̍rdhayati brahma̠vani̍-ntvaa kshatra̠vani̠mityaa̍ha yathaaya̠jure̠vaita-tpari̍ vyaya̠tyoorgvai ra̍sha̠naa yaja̍maanena̠ yoopa̠-ssammi̍to̠ yaja̍maaname̠vorjaa sama̍rdhayati naabhida̠ghne pari̍ vyayati naabhida̠ghna e̠vaasmaa̠ oorja̍-ndadhaati̠ tasmaa̎nnaabhida̠ghna oo̠rjaa bhu̍njate̠ ya-nkaa̠maye̍to̠rjaina̠m- [ya-nkaa̠maye̍to̠rjaina̎m, vya̍rdhayeya̠-] 23
mvya̍rdhayeya̠-mityoo̠rdhvaam vaa̠ tasyaavaa̍chee̠m vaa-'vo̍hedoo̠rjaivaina̠m vya̍rdhayati̠ yadi̍ kaa̠maye̍ta̠ varshu̍kah pa̠rjanya̍-ssyaa̠ditya-vaa̍chee̠mavo̍he̠-dvrishti̍me̠va ni ya̍chchhati̠ yadi̍ kaa̠maye̠taava̍rshuka-ssyaa̠dityoo̠rdhvaamudoo̍he̠-dvrishti̍me̠vo-dya̍chchhati pitri̠naa-nnikhaa̍ta-mmanu̠shyaa̍naamoo̠rdhva-nnikhaa̍taa̠daa ra̍sha̠naayaa̠ osha̍dheenaagm rasha̠naa vishve̍shaa- [vishve̍shaam, de̠vaanaa̍-] 24
-nde̠vaanaa̍-moo̠rdhvagm ra̍sha̠naayaa̠ aa cha̠shaalaa̠dindra̍sya cha̠shaalagm̍ saa̠ddhyaanaa̠mati̍rikta̠gm̠ sa vaa e̠sha sa̍rvadeva̠tyo̍ yadyoopo̠ yadyoopa̍-mmi̠noti̠ sarvaa̍ e̠va de̠vataa̎h preenaati ya̠jnena̠ vai de̠vaa-ssu̍va̠rgam lo̠kamaa̍ya̠-nte̍-'manyanta manu̠shyaa̍ no̠-'nvaabha̍vishya̠nteeti̠ te yoope̍na yopayi̠tvaa su̍va̠rgam mlo̠kamaa̍ya̠-ntamrisha̍yo̠ yoope̍nai̠vaanu̠ praajaa̍na̠-nta-dyoopa̍sya yoopa̠tvam- [yoopa̠tvam, ya-dyoopa̍-] 25
mya-dyoopa̍-mmi̠noti̍ suva̠rgasya̍ lo̠kasya̠ prajnaa̎tyai pu̠rastaa̎-nminoti pu̠rastaa̠ddhi ya̠jnasya̍ prajnaa̠yate pra̍jnaata̠gm̠ hi ta-dyadati̍panna aa̠huri̠da-nkaa̠rya̍maasee̠diti̍ saa̠ddhyaa vai de̠vaa ya̠jnamatya̍manyanta̠ taan. ya̠jno naaspri̍sha̠-ttaan. ya-dya̠jnasyaati̍rikta̠maasee̠-ttada̍sprisha̠dati̍rikta̠m vaa e̠ta-dya̠jnasya̠ yada̠gnaava̠gni-mma̍thi̠tvaa pra̠hara̠tyati̍riktame̠ta- [pra̠hara̠tyati̍riktame̠tat, yoopa̍sya̠] 26
-dyoopa̍sya̠ yadoo̠rdhva-ncha̠shaalaa̠-tteshaa̠-nta-dbhaa̍ga̠dheya̠-ntaane̠va tena̍ preenaati de̠vaa vai saggsthi̍te̠ some̠ pra srucho-'ha̍ra̠-npra yoopa̠-nte̍-'manyanta yajnavesha̠sam vaa i̠da-nku̍rma̠ iti̠ te pra̍sta̠ragg sru̠chaa-nni̠shkraya̍na-mapashya̠n-thsvaru̠m yoopa̍sya̠ saggsthi̍te̠ some̠ pra pra̍sta̠ragm hara̍ti ju̠hoti̠ svaru̠maya̍jnaveshasaaya ॥ 27 ॥ (da̠dhaa̠ti̠ - pratyri̠ - chaa - sama̍rdhayeya̠mityoo̠ - rjaina̠m - mvishve̍shaam - myoopa̠tva - mati̍riktame̠ta-d- dvicha̍tvaarigmshachcha) (a. 4)
saa̠ddhyaa vai de̠vaa a̠smimllo̠ka aa̍sa̠-nnaanya-tki̍-ncha̠na mi̠sha-tte̎-'gnime̠vaagnaye̠ medhaa̠yaa 'la̍bhanta̠ na hya̍nyadaa̍la̠bhyam̍-mavi̍nda̠-ntato̠ vaa i̠maah pra̠jaah praajaa̍yanta̠ yada̠gnaava̠gni-mma̍thi̠tvaa pra̠hara̍ti pra̠jaanaa̎-mpra̠jana̍naaya ru̠dro vaa e̠sha yada̠gniryaja̍maanah pa̠shurya-tpa̠shumaa̠labhyaa̠gni-mmanthe̎-dru̠draaya̠ yaja̍maana̠- [yaja̍maanam, api̍ daddhyaa-] 28
-mapi̍ daddhyaa-tpra̠maayu̍ka-ssyaa̠datho̠ khalvaa̍hura̠gni-ssarvaa̍ de̠vataa̍ ha̠vire̠tadya-tpa̠shuriti̠ ya-tpa̠shumaa̠labhyaa̠gni-mmantha̍ti ha̠vyaayai̠vaa-''sa̍nnaaya̠ sarvaa̍ de̠vataa̍ janaya-tyupaa̠krityai̠va manthya̠-stannevaa-''la̍bdha̠-nnevaanaa̍labdha-ma̠gne-rja̠nitra̍-ma̠seetyaa̍haa̠gnerhye̍ta-jja̠nitra̠m vrisha̍nau stha̠ ityaa̍ha̠ vrisha̍nau̠ [vrisha̍nau, hye̍taa-] 29
hye̍taa-vu̠rvashya̍syaa̠yu-ra̠seetyaa̍ha mithuna̠tvaaya̍ ghri̠tenaa̠kte vrisha̍na-ndadhaathaa̠mityaa̍ha̠ vrisha̍na̠gg̠ hye̍te dadhaa̍te̠ ye a̠gni-ngaa̍ya̠tra-nchhando-'nu̠ pra jaa̍ya̠svetyaa̍ha̠ chhando̍bhire̠vaina̠-mpra ja̍nayatya̠gnaye̍ ma̠thyamaa̍naa̠yaanu̍ broo̠heetyaa̍ha saavi̠treemricha̠manvaa̍ha savi̠tripra̍soota e̠vaina̍-mmanthati jaa̠taayaanu̍ broohi [broohi, pra̠hri̠yamaa̍naa̠yaa-'nu̍] 30
prahri̠yamaa̍naa̠yaa-'nu̍ broo̠heetyaa̍ha̠ kaande̍kaanda e̠vaina̍-nkri̠yamaa̍ne̠ sama̍rdhayati gaaya̠tree-ssarvaa̠ anvaa̍ha gaaya̠trachha̍ndaa̠ vaa a̠gni-ssvenai̠vaina̠-nchhanda̍saa̠ sama̍rdhayatya̠gnih pu̠raa bhava̍tya̠gni-mma̍thi̠tvaa pra ha̍rati̠ tau sa̠bhamva̍ntau̠ yaja̍maanama̠bhi sa-mbha̍vato̠ bhava̍ta-nna̠-ssama̍nasaa̠vityaa̍ha̠ shaantyai̎ pra̠hritya̍ juhoti jaa̠taayai̠vaasmaa̠ anna̠mapi̍ dadhaa̠tyaajye̍na juhotye̠tadvaa a̠gneh pri̠ya-ndhaama̠ yadaajya̍-mpri̠yenai̠vaina̠-ndhaamnaa̠ sama̍rdhaya̠tyatho̠ teja̍saa ॥ 31 ॥ (yaja̍maana-maaha̠ vrisha̍nau-jaa̠taayaanu̍ broo̠hyaa-pya̠ -shtaada̍sha cha) (a. 5)
i̠she tveti̍ ba̠r̠hiraa da̍tta i̠chchhata̍ iva̠ hye̍sha yo yaja̍ta upa̠veera̠seetyaa̠hopa̠ hye̍naanaaka̠rotyupo̍ de̠vaa-ndaivee̠rvisha̠h praagu̠rityaa̍ha̠ daivee̠rhye̍taa visha̍-ssa̠teerde̠vaanu̍pa̠yanti̠ vahnee̍ru̠shija̠ ityaa̍ha̠rtvijo̠ vai vahna̍ya u̠shija̠-stasmaa̍de̠vamaa̍ha̠ briha̍spate dhaa̠rayaa̠ vasoo̠nee- [vasoo̠neeti̍, aa̠ha̠ brahma̠ vai] 32
-tyaa̍ha̠ brahma̠ vai de̠vaanaa̠-mbriha̠spati̠ rbrahma̍nai̠vaasmai̍ pa̠shoonava̍ rundhe ha̠vyaa te̎ svadantaa̠mityaa̍ha sva̠daya̍tye̠vainaa̠-ndeva̍ tvashta̠rvasu̍ ra̠nvetyaa̍ha̠ tvashtaa̠ vai pa̍shoo̠naa-mmi̍thu̠naanaagm̍ roopa̠kri-droo̠pame̠va pa̠shushu̍ dadhaati̠ reva̍tee̠ rama̍ddhva̠mityaa̍ha pa̠shavo̠ vai re̠vatee̎h pa̠shoone̠vaasmai̍ ramayati de̠vasya̍ tvaa savi̠tuh pra̍sa̠va iti̍ [iti̍, ra̠sha̠naamaa da̍tte̠] 33
rasha̠naamaa da̍tte̠ prasoo̎tyaa a̠shvino̎rbaa̠hubhyaa̠-mityaa̍haa̠shvinau̠ hi de̠vaanaa̍maddhva̠ryoo aastaa̎-mpoo̠shno hastaa̎bhyaa̠mityaa̍ha̠ yatyaa̍ ri̠tasya̍ tvaa devahavi̠h paashe̠naa-'' ra̍bha̠ ityaa̍ha sa̠tyam vaa ri̠tagm sa̠tyenai̠vaina̍mri̠tenaa ''ra̍bhate 'kshna̠yaa pari̍ harati̠ vaddhya̠gm̠ hi pra̠tyancha̍-mprati mu̠nchanti̠ vyaavri̍ttyai̠ dharshaa̠ maanu̍shaa̠niti̠ ni yu̍nakti̠ dhrityaa̍ a̠dbhya- [a̠dbhyah, tvausha̍dheebhya̠h] 34
-stvausha̍dheebhya̠h prokshaa̠meetyaa̍haa̠dbhyo hye̍sha osha̍dheebhya-ssa̠bhamva̍ti̠ ya-tpa̠shura̠paa-mpe̠rura̠seetyaa̍hai̠sha hya̍paa-mpaa̠taa yo medhaa̍yaa-'' ra̠bhyate̎ svaa̠tta-nchi̠-thsade̍vagm ha̠vyamaapo̍ devee̠-ssvada̍taina̠mityaa̍ha sva̠daya̍tye̠vaina̍-mu̠pari̍shtaa̠-tproksha̍tyu̠pari̍shtaade̠vaina̠-mmeddhya̍-nkaroti paa̠yaya̍tyantara̠ta e̠vaina̠-mmeddhya̍-nkarotya̠dhastaa̠dupo̎kshati sa̠rvata̍ e̠vaina̠-mmeddhya̍-nkaroti ॥ 35 ॥ (vasoo̠neeti̍-prasa̠va itya̠-dbhyo̎-'ntara̠ta e̠vaina̠m - dasha̍ cha) (a. 6)
a̠gninaa̠ vai hotraa̍ de̠vaa asu̍raa-na̠bhya̍bhava-nna̠gnaye̍ sami̠ddhyamaa̍naa̠yaanu̍ broo̠heetyaa̍ha̠ bhraatri̍vyaabhibhootyai sa̠ptada̍sha saamidhe̠neeranvaa̍ha saptada̠shah pra̠jaapa̍tih pra̠jaapa̍te̠raaptyai̍ sa̠ptada̠shaanvaa̍ha̠ dvaada̍sha̠ maasaa̠h pancha̠rtava̠-ssa sa̍mvathsa̠ra-ssa̍mvathsa̠ra-mpra̠jaa anu̠ prajaa̍yante pra̠jaanaa̎-mpra̠jana̍naaya de̠vaa vai saa̍midhe̠neera̠noochya̍ ya̠jna-nnaanva̍pashya̠n-thsa pra̠jaapa̍ti-stoo̠shnee-maa̍ghaa̠ra- [-maa̍ghaa̠ram, aa 'ghaa̍raya̠-ttato̠ vai] 36
-maa 'ghaa̍raya̠-ttato̠ vai de̠vaa ya̠jnamanva̍pashya̠n̠. ya-ttoo̠shnee-maa̍ghaa̠ra-maa̍ghaa̠raya̍ti ya̠jnasyaanu̍khyaatyaa̠ asu̍reshu̠ vai ya̠jna aa̍see̠-tta-nde̠vaastoo̎shneegm ho̠menaa̍vrinjata̠ ya-ttoo̠shnee-maa̍ghaa̠ra-maa̍ghaa̠raya̍ti̠ bhraatri̍vyasyai̠ va ta-dya̠jnam vri̍nkte pari̠dhee̍n-thsa-mmaa̎rshti pu̠naatye̠vainaa̠-ntristri̠-ssa-mmaa̎rshti̠ tryaa̍vri̠ddhi ya̠jno-'tho̠ raksha̍saa̠mapa̍hatyai̠ dvaada̍sha̠ sa-mpa̍dyante̠ dvaada̍sha̠ [dvaada̍sha, maasaa̎-ssamvathsa̠ra-] 37
maasaa̎-ssamvathsa̠ra-ssa̍mvathsa̠rame̠va pree̍naa̠tyatho̍ samvathsa̠rame̠vaasmaa̠ upa̍ dadhaati suva̠rgasya̍ lo̠kasya̠ sama̍shtyai̠ shiro̠ vaa e̠ta-dya̠jnasya̠ yadaa̍ghaa̠ro̎-'gni-ssarvaa̍ de̠vataa̠ yadaa̍ghaa̠ra-maa̍ghaa̠raya̍ti sheersha̠ta e̠va ya̠jnasya̠ yaja̍maana̠-ssarvaa̍ de̠vataa̠ ava̍ rundhe̠ shiro̠ vaa e̠ta-dya̠jnasya̠ yadaa̍ghaa̠ra aa̠tmaa pa̠shuraa̍ghaa̠ramaa̠ghaarya̍ pa̠shugm sama̍naktyaa̠tmanne̠va ya̠jnasya̠ [ya̠jnasya̍, shira̠h prati̍ dadhaati̠] 38
shira̠h prati̍ dadhaati̠ sa-nte̎ praa̠no vaa̠yunaa̍ gachchhataa̠mityaa̍ha vaayudeva̠tyo̍ vai praa̠no vaa̠yaave̠vaasya̍ praa̠na-nju̍hoti̠ sam yaja̍trai̠rangaa̍ni̠ sam ya̠jnapa̍tiraa̠shishetyaa̍ha ya̠jnapa̍time̠vaasyaa̠-''shisha̍-ngamayati vi̠shvaroo̍po̠ vai tvaa̠shtra u̠pari̍shtaa-tpa̠shuma̠bhya̍vamee̠-ttasmaa̍-du̠pari̍shtaa-tpa̠shornaava̍ dyanti̠ yadu̠pari̍shtaa-tpa̠shugm sa̍ma̠nakti̠ meddhya̍me̠vai- [meddhya̍me̠va, e̠na̠-nka̠ro̠tyri̠tvijo̍] 39
-na̍-nkarotyri̠tvijo̍ vrineete̠ chhandaag̍sye̠va vri̍neete sa̠pta vri̍neete sa̠pta graa̠myaah pa̠shava̍-ssa̠ptaa-''ra̠nyaa-ssa̠pta chhandaag̍syu̠bhaya̠syaa va̍ruddhyaa̠ ekaa̍dasha prayaa̠jaan. ya̍jati̠ dasha̠ vai pa̠shoh praa̠naa aa̠tmaikaa̍da̠sho yaavaa̍ne̠va pa̠shusta-mpra ya̍jati va̠paameka̠h pari̍ shaya aa̠tmaivaa-''tmaana̠-mpari̍ shaye̠ vajro̠ vai svadhi̍ti̠rvajro̍ yoopashaka̠lo ghri̠ta-nkhalu̠ vai de̠vaa vajra̍-nkri̠tvaa soma̍maghna-nghri̠tenaa̠ktau pa̠shu-ntraa̍yethaa̠mityaa̍ha̠ vajre̍nai̠vaina̠m vashe̍ kri̠tvaa-''la̍bhate ॥ 40 ॥ (aa̠ghaa̠ram - pa̍dyante̠ dvaada̍shaa̠ - ''tmanne̠va ya̠jnasya̠ - medhya̍me̠va - khalu̠ vaa - a̠shtaada̍sha cha) (a. 7)
parya̍gni karoti sarva̠huta̍me̠vaina̍-nkaro̠tya-ska̍ndaa̠yaa-ska̍nna̠gm̠ hi ta-dya-ddhu̠tasya̠ skanda̍ti̠ trih parya̍gni karoti̠ tryaa̍vri̠ddhi ya̠jno-'tho̠ raksha̍saa̠mapa̍hatyai brahmavaa̠dino̍ vadantyanvaa̠rabhya̍h pa̠shoo(3)-rnaanvaa̠rabhyaa(3) iti̍ mri̠tyave̠ vaa e̠sha nee̍yate̠ ya-tpa̠shustam yada̍nvaa̠rabhe̍ta pra̠maayu̍ko̠ yaja̍maana-ssyaa̠datho̠ khalvaa̍hu-ssuva̠rgaaya̠ vaa e̠sha lo̠kaaya̍ neeyate̠ ya- [yat, pa̠shuriti̠] 41
-tpa̠shuriti̠ yannaanvaa̠rabhe̍ta suva̠rgaallo̠kaa-dyaja̍maano heeyeta vapaa̠shrapa̍neebhyaa-ma̠nvaara̍bhate̠ tannevaa̠nvaara̍bdha̠-nnevaana̍nvaarabdha̠mupa̠ preshya̍ hotarha̠vyaa de̠vebhya̠ ityaa̍heshi̠tagm hi karma̍ kri̠yate̠ reva̍teerya̠jnapa̍ti-mpriya̠dhaa ''vi̍sha̠tetyaa̍ha yathaaya̠jure̠vaitada̠gninaa̍ pu̠rastaa̍deti̠ raksha̍saa̠mapa̍hatyai prithi̠vyaa-ssa̠princha̍h paa̠heeti̍ ba̠r̠hi- [ba̠r̠hih, upaa̎-'sya̠tya-ska̍ndaa̠yaa-] 42
-rupaa̎-'sya̠tya-ska̍ndaa̠yaa-ska̍nna̠gm̠ hi ta-dya-dba̠r̠hishi̠ skanda̠tyatho̍ barhi̠shada̍me̠vaina̍-nkaroti̠ paraa̠naa va̍rtate-'ddhva̠ryuh pa̠sho-ssa̎jna̠mpyamaa̍naa-tpa̠shubhya̍ e̠va tanni hnu̍ta aa̠tmano-'naa̎vraskaaya̠ gachchha̍ti̠ shriya̠-mpra pa̠shoonaa̎pnoti̠ ya e̠vam veda̍ pa̠shchaallo̍kaa̠ vaa e̠shaa praachyu̠daanee̍yate̠ ya-tpatnee̠ nama̍sta aataa̠netyaa̍haa-''di̠tyasya̠ vai ra̠shmaya̍ [ra̠shmaya̍h, aa̠taa̠naastebhya̍] 43
aataa̠naastebhya̍ e̠va nama̍skarotyana̠rvaa preheetyaa̍ha̠ bhraatri̍vyo̠ vaa arvaa̠ bhraatri̍vyaapanuttyai ghri̠tasya̍ ku̠lyaamanu̍ sa̠ha pra̠jayaa̍ sa̠ha raa̠yasposhe̠ne-tyaa̍haa̠ ''shisha̍me̠vaitaamaa shaa̎sta̠ aapo̍ devee-shshuddhaayuva̠ ityaa̍ha yathaaya̠jure̠vaitat ॥ 44 ॥ (lo̠kaaya̍ neeyate̠ ya-d- ba̠ra̠.hee - ra̠shmaya̍h - sa̠ptatrigm̍shachcha) (a. 8)
pa̠shorvaa aala̍bdhasya praa̠naanchhugri̍chchhati̠ vaakta̠ aa pyaa̍yataa-mpraa̠nasta̠ aa pyaa̍yataa̠mityaa̍ha praa̠nebhya̍ e̠vaasya̠ shuchagm̍ shamayati̠ saa praa̠nebhyo-'dhi̍ prithi̠veegm shu-kpra vi̍shati̠ shamaho̎bhyaa̠miti̠ ni na̍yatyahoraa̠traabhyaa̍me̠va pri̍thi̠vyai shuchagm̍ shamaya̠tyosha̍dhe̠ traa̍yasvaina̠gg̠ svadhi̍te̠ mainagm̍ higmsee̠rityaa̍ha̠ vajro̠ vai svadhi̍ti̠- [svadhi̍tih, shaantyai̍ paarshva̠ta] 45
-shshaantyai̍ paarshva̠ta aa chchhya̍ti maddhya̠to hi ma̍nu̠shyaa̍ aa̠ chchhyanti̍ tira̠shcheena̠maa chchhya̍tyanoo̠cheena̠gm̠ hi ma̍nu̠shyaa̍ aa̠chchhyanti̠ vyaavri̍ttyai̠ raksha̍saa-mbhaa̠go̍-'seeti̍ sthavima̠to ba̠r̠hira̠ktvaa-'paa̎syatya̠snaiva rakshaagm̍si ni̠rava̍dayata i̠dama̠hagm raksho̍-'dha̠ma-ntamo̍ nayaami̠ yo̎-'smaa-ndveshti̠ ya-ncha̍ va̠ya-ndvi̠shma ityaa̍ha̠ dvau vaava puru̍shau̠ ya-nchai̠va [ ] 46
dveshti̠ yashchai̍na̠-ndveshti̠ taavu̠bhaava̍dha̠ma-ntamo̍ nayatee̠she tveti̍ va̠paamutkhi̍datee̠chchhata̍ iva̠ hye̍sha yo yaja̍te̠ yadu̍patri̠ndyaa-dru̠dro̎-'sya pa̠shoo-nghaatu̍ka-ssyaa̠-dyannopa̍tri̠ndyaa-daya̍taa syaa-da̠nyayo̍patri̠nattya̠nyayaa̠ na dhrityai̍ ghri̠tena̍ dyaavaaprithivee̠ prornvaa̍thaa̠mityaa̍ha̠ dyaavaa̍prithi̠vee e̠va rase̍naana̠ktyachchhi̍nno̠ [rase̍naana̠ktyachchhi̍nnah, raaya̍-ssu̠veera̠] 47
raaya̍-ssu̠veera̠ ityaa̍ha yathaaya̠jure̠vaita-tkroo̠rami̍va̠ vaa e̠ta-tka̍roti̠ ya-dva̠paa-mu̍tkhi̠da-tyu̠rva̍ntari̍ksha̠-manvi̠heetyaa̍ha̠ shaantyai̠ pra vaa e̠sho̎-'smaallo̠kaachchya̍vate̠ yah pa̠shu-mmri̠tyave̍ nee̠yamaa̍namanvaa̠rabha̍te vapaa̠shrapa̍nee̠ puna̍ra̠nvaara̍bhate̠-'sminne̠va lo̠ke prati̍ tishthatya̠gninaa̍ pu̠rastaa̍deti̠ raksha̍saa̠mapa̍hatyaa̠ atho̍ de̠vataa̍ e̠va ha̠vyenaa- [e̠va ha̠vyena̍, anve̍ti̠] 48
-nve̍ti̠ naanta̠mamangaa̍ra̠mati̍ hare̠-dyada̍nta̠mamangaa̍ramati̠ hare̎-dde̠vataa̠ ati̍ manyeta̠ vaayo̠ veehi̍ sto̠kaanaa̠mityaa̍ha̠ tasmaa̠-dvibha̍ktaa-ssto̠kaa ava̍ padya̠nte-'gra̠m vaa e̠ta-tpa̍shoo̠naam ya-dva̠paa-'gra̠mosha̍dheenaa-mba̠r̠hiragre̍nai̠vaagra̠gm̠ sama̍rdhaya̠tyatho̠ osha̍dheeshve̠va pa̠shoo-nprati̍shthaapayati̠ svaahaa̍kriteebhya̠h preshyetyaa̍ha [ ] 49
ya̠jnasya̠ sami̍shtyai praanaapaa̠nau vaa e̠tau pa̍shoo̠naam ya-tpri̍shadaa̠jyamaa̠tmaa va̠paa pri̍shadaa̠jyama̍bhi̠ghaarya̍ va̠paama̠bhi ghaa̍rayatyaa̠tmanne̠va pa̍shoo̠naa-mpraa̍naapaa̠nau da̍dhaati̠ svaaho̠rdhvana̍bhasa-mmaaru̠ta-nga̍chchhata̠mityaa̍ho̠rdhvana̍bhaa ha sma̠ vai maa̍ru̠to de̠vaanaa̎m vapaa̠shrapa̍nee̠ pra ha̍rati̠ tenai̠vaine̠ pra ha̍rati̠ vishoo̍chee̠ pra ha̍rati̠ tasmaa̠-dvishva̍nchau praanaapaa̠nau ॥ 50 ॥ (svadhi̍ti - shchai̠vaa - chchhi̍nno - ha̠vyene̠ - shyetyaa̍ha̠ - shatcha̍tvaarigmshachcha) (a. 9)
pa̠shumaa̠labhya̍ puro̠daasha̠-nnirva̍pati̠ same̍dhame̠vaina̠maa la̍bhate va̠payaa̎ pra̠charya̍ puro̠daashe̍na̠ pra cha̍ra̠tyoorgvai pu̍ro̠daasha̠ oorja̍me̠va pa̍shoo̠naa-mma̍ddhya̠to da̍dhaa̠tyatho̍ pa̠shore̠va chhi̠dramapi̍ dadhaati prishadaa̠jyasyo̍pa̠hatya̠ trih pri̍chchhati shri̠tagm ha̠vee(3)-shsha̍mita̠riti̠ trisha̍tyaa̠ hi de̠vaa yo-'shri̍tagm shri̠tamaaha̠ sa ena̍saa praanaapaa̠nau vaa e̠tau pa̍shoo̠naam- [e̠tau pa̍shoo̠naam, ya-tpri̍shadaa̠jya-mpa̠shoh] 51
-mya-tpri̍shadaa̠jya-mpa̠shoh khalu̠ vaa aala̍bdhasya̠ hrida̍yamaa̠tmaa-'bhi same̍ti̠ ya-tpri̍shadaa̠jyena̠ hrida̍ya-mabhighaa̠raya̍tyaa̠tmanne̠va pa̍shoo̠naa-mpraa̍naapaa̠nau da̍dhaati pa̠shunaa̠ vai de̠vaa-ssu̍va̠rgam lo̠kamaa̍ya̠-nte̍-'manyanta manu̠shyaa̍ no̠-'nvaabha̍vishya̠nteeti̠ tasya̠ shira̍-shchhi̠ttvaa medha̠-mpraakshaa̍raya̠nthsa pra̠ksho̍-'bhava̠-tta-tpra̠kshasya̍ praksha̠tvam ya-tpla̍kshashaa̠kho-tta̍raba̠r̠hi-rbhava̍ti̠ same̍dhasyai̠va [ ] 52
pa̠shorava̍ dyati pa̠shum vai hri̠yamaa̍na̠gm̠ rakshaa̠g̠syanu̍ sachante-'nta̠raa yoopa̍-nchaa-''hava̠neeya̍-ncha harati̠ raksha̍saa̠mapa̍hatyai pa̠shorvaa aala̍bdhasya̠ mano-'pa̍ kraamati ma̠notaa̍yai ha̠visho̍-'vadee̠yamaa̍na̠syaanu̍ broo̠heetyaa̍ha̠ mana̍ e̠vaasyaava̍ rundha̠ ekaa̍dashaava̠daanaa̠nyava̍ dyati̠ dasha̠ vai pa̠shoh praa̠naa aa̠tmaikaa̍da̠sho yaavaa̍ne̠va pa̠shustasyaa-'va̍- [pa̠shustasyaa-'va̍, dya̠ti̠ hrida̍ya̠syaa-] 53
-dyati̠ hrida̍ya̠syaa-gre-'va̍ dya̠tyatha̍ ji̠hvaayaa̠ atha̠ vaksha̍so̠ yadvai hrida̍yenaabhi̠gachchha̍ti̠ tajji̠hvayaa̍ vadati̠ yajji̠hvayaa̠ vada̍ti̠ tadura̠so-'dhi̠ nirva̍datye̠tadvai pa̠shorya̍thaapoo̠rvam yasyai̠vama̍va̠daaya̍ yathaa̠kaama̠-mutta̍reshaamava̠dyati̍ yathaa poo̠rvame̠vaasya̍ pa̠shorava̍tta-mbhavati maddhya̠to gu̠dasyaava̍ dyati maddhya̠to hi praa̠na u̍tta̠masyaava̍ dya- [u̍tta̠masyaava̍ dyati, u̠tta̠mo hi praa̠no] 54
-tyutta̠mo hi praa̠no yadeeta̍ra̠m yadeeta̍ra-mu̠bhaya̍me̠vaajaa̍mi̠ jaaya̍maano̠ vai braa̎hma̠na-stri̠bhir-ri̍na̠vaa jaa̍yate brahma̠charye̠narshi̍bhyo ya̠jnena̍ de̠vebhya̍h pra̠jayaa̍ pi̠tribhya̍ e̠sha vaa a̍nri̠no yah pu̠tree yajvaa̎ brahmachaarivaa̠see tada̍va̠daanai̍-re̠vaa-'va̍ dayate̠ tada̍va̠daanaa̍naa-mavadaana̠tva-nde̍vaasu̠raa-ssamya̍ttaa aasa̠-nte de̠vaa a̠gnima̍bruva̠-ntvayaa̍ vee̠renaasu̍raana̠bhi bha̍vaa̠meti̠ [bha̍vaa̠meti̍, so̎-'bravee̠-dvara̍m vrinai] 55
so̎-'bravee̠-dvara̍m vrinai pa̠shoru̍ddhaa̠ramuddha̍raa̠ iti̠ sa e̠tamu̍ddhaa̠ramuda̍harata̠ doh poo̎rvaa̠rdhasya̍ gu̠da-mma̍ddhya̠ta-shshroni̍-njaghanaa̠rdhasya̠ tato̍ de̠vaa abha̍va̠-nparaa-'su̍raa̠ ya-ttrya̠ngaanaagm̍ samava̠dyati̠ bhraatri̍vyaabhibhootyai̠ bhava̍tyaa̠tmanaa̠ paraa̎-'sya̠ bhraatri̍vyo bhavatyakshna̠yaa-'va̍ dyati̠ tasmaa̍dakshna̠yaa pa̠shavo-'ngaa̍ni̠ pra ha̍ranti̠ prati̍shthityai ॥ 56 ॥ (e̠tau pa̍shoo̠naagm - same̍dhasyai̠va - tasyaa-'vo̎ - tta̠masyaava̍ dya̠tee - ti̠ - pancha̍chatvaarigmshachcha) (a. 10)
meda̍saa̠ sruchau̠ prorno̍ti̠ medo̍roopaa̠ vai pa̠shavo̍ roo̠pame̠va pa̠shushu̍ dadhaati yoo̠shanna̍va̠dhaaya̠ prorno̍ti̠ raso̠ vaa e̠sha pa̍shoo̠naam yadyoo rasa̍me̠va pa̠shushu̍ dadhaati paa̠rshvena̍ vasaaho̠ma-mprayau̍ti̠ maddhya̠m vaa e̠ta-tpa̍shoo̠naam ya-tpaa̠rshvagm rasa̍ e̠sha pa̍shoo̠naam yadvasaa̠ ya-tpaa̠rshvena̍ vasaaho̠ma-mpra̠yauti̍ maddhya̠ta e̠va pa̍shoo̠naagm rasa̍-ndadhaati̠ ghnanti̠ [ghnanti̍, vaa e̠ta-tpa̠shu-] 57
vaa e̠ta-tpa̠shum ya-thsa̎jna̠mpaya̍ntyai̠ndrah khalu̠ vai de̠vata̍yaa praa̠na ai̠ndro̍-'paa̠na ai̠ndrah praa̠no ange̍ange̠ ni de̎ddhya̠dityaa̍ha praanaapaa̠naave̠va pa̠shushu̍ dadhaati̠ deva̍ tvashta̠rbhoori̍ te̠ sagm sa̍me̠tvityaa̍ha tvaa̠shtraa hi de̠vata̍yaa pa̠shavo̠ vishu̍roopaa̠ ya-thsala̍kshmaano̠ bhava̠thetyaa̍ha̠ vishu̍roopaa̠ hye̍te santa̠-ssala̍kshmaana e̠tarhi̠ bhava̍nti deva̠traa yanta̠- [deva̠traa yanta̎m, ava̍se̠] 58
-mava̍se̠ sakhaa̠yo-'nu̍ tvaa maa̠taa pi̠taro̍ mada̠ntvityaa̠haa-nu̍matame̠vaina̍-mmaa̠traa pi̠traa su̍va̠rgam lo̠ka-nga̍mayatyardha̠rche va̍saaho̠ma-nju̍hotya̠sau vaa a̍rdha̠rcha i̠yama̍rdha̠rcha i̠me e̠va rase̍naanakti̠ disho̍ juhoti̠ disha̍ e̠va rase̍naana̠ktyatho̍ di̠gbhya e̠vorja̠gm̠ rasa̠mava̍ rundhe praanaapaa̠nau vaa e̠tau pa̍shoo̠naam ya-tpri̍shadaa̠jyam vaa̍naspa̠tyaah khalu̠ [khalu̍, vai de̠vata̍yaa pa̠shavo̠] 59
vai de̠vata̍yaa pa̠shavo̠ ya-tpri̍shadaa̠jyasyo̍-pa̠hatyaa-''ha̠ vana̠spata̠ye-'nu̍ broohi̠ vana̠spata̍ye̠ preshyeti̍ praanaapaa̠naave̠va pa̠shushu̍ dadhaatya̠nyasyaa̎nyasya samava̠ttagm sa̠mava̍dyati̠ tasmaa̠nnaanaa̍roopaah pa̠shavo̍ yoo̠shnopa̍ sinchati̠ raso̠ vaa e̠sha pa̍shoo̠naam yadyoo rasa̍me̠va pa̠shushu̍ dadhaa̠teedaa̠mupa̍ hvayate pa̠shavo̠ vaa idaa̍ pa̠shoone̠vopa̍ hvayate cha̠turupa̍ hvayate̠ [cha̠turupa̍ hvayate, chatu̍shpaado̠ hi] 60
chatu̍shpaado̠ hi pa̠shavo̠ ya-nkaa̠maye̍taa pa̠shu-ssyaa̠ditya̍me̠daska̠-ntasmaa̠ aa da̍ddhyaa̠nmedo̍roopaa̠ vai pa̠shavo̍ roo̠penai̠vaina̍-mpa̠shubhyo̠ nirbha̍jatyapa̠shure̠va bha̍vati̠ ya-nkaa̠maye̍ta pashu̠maan-thsyaa̠diti̠ meda̍sva̠-ttasmaa̠ aa da̍ddhyaa̠nmedo̍roopaa̠ vai pa̠shavo̍ roo̠penai̠vaasmai̍ pa̠shoonava̍ rundhe pashu̠maane̠va bha̍vati pra̠jaapa̍tirya̠jnama̍srijata̠ sa aajya̍- [sa aajya̎m, pu̠rastaa̍dasrijata] 61
-mpu̠rastaa̍dasrijata pa̠shu-mma̍ddhya̠tah pri̍shadaa̠jya-mpa̠shchaa-ttasmaa̠daajye̍na prayaa̠jaa i̍jyante pa̠shunaa̍ maddhya̠tah pri̍shadaa̠jyenaa̍-nooyaa̠jaa-stasmaa̍de̠tanmi̠shrami̍va pashchaa-thsri̠shtagg hyekaa̍dashaanooyaa̠jaan. ya̍jati̠ dasha̠ vai pa̠shoh praa̠naa aa̠tmaikaa̍da̠sho yaavaa̍ne̠va pa̠shustamanu̍ yajati̠ ghnanti̠ vaa e̠ta-tpa̠shum ya-thsa̎m(2)jna̠paya̍nti vaa praanaapaa̠nau khalu̠ vaa e̠tau pa̍shoo̠naam ya-tpri̍shadaa̠jyam ya-tpri̍shadaa̠jyenaa̍ nooyaa̠jaan. yaja̍ti praanaapaa̠naave̠va pa̠shushu̍ dadhaati ॥ 62 ॥ (ghnanti̠ - yanta̠m - khalu̍ - cha̠turupa̍ hvayata̠ - aajya̠m - mya-tpri̍shadaa̠jyena̠ - shat cha̍) (a. 11)
(chaatvaa̍laath - suva̠rgaaya̠ ya-dvai̍sarja̠naani̍ - vaishna̠vyarchaa - pri̍thi̠vyai - saa̠dhyaa - i̠she tve - tya̠gninaa̠ - parya̍gni - pa̠shoh - pa̠shumaa̠labhya̠ - meda̍saa̠ sruchaa̠ - vekaa̍dasha)
(chaatvaa̍laa-d- de̠vaanu̠paiti̍ - munchati - prahri̠yamaa̍naaya̠ - parya̍gni - pa̠shumaa̠labhya̠ - chatu̍shpaado̠ - dvisha̍shtih)
(chaatvaa̍laa, tpa̠shushu̍ dadhaati)
॥ hari̍h om ॥
॥ krishna yajurvedeeya taittireeya samhitaayaam shashthakaande triteeyah prashna-ssamaaptah ॥
6.3 - చాత్వాలా ద్ధిష్ణియా నుపవపతి - కృష్ణ యజుర్వేద తైత్తిరీయ సంహితా పాఠః గురించి
This is the third prashna of the sixth kanda of the Krishna Yajurveda Taittiriya Samhita, a Brahmana-style explanation of the mantras of the soma sacrifice. It opens: "From the pit (chatvala) he scatters earth onto the hearths (dhishnya)", and goes on to explain the setting up of the priests' hearths, the sacrificial post and the animal offering, and the meaning behind each act.
మూలం: Krishna Yajurveda, Taittiriya Samhita 6.3
ఎప్పుడు పఠించాలి: In Vedic chanting and in traditional study of the Taittiriya Samhita.
మీకు తెలుసా?
- The dhishnyas are small hearths for the different priests, set up around the main altar of the soma rite.
- The sixth kanda explains the meaning of soma rites whose mantras appear in earlier kandas.
తరచుగా అడిగే ప్రశ్నలు
What are the dhishnyas?
Small hearths for the priests in the soma rite.
Which Veda is it from?
The Krishna Yajurveda, Taittiriya Samhita 6.3.
What is a prashna?
A chapter of a Vedic text.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు