లఘు స్తవః
Devi · సాంప్రదాయ భక్తి గ్రంథం
ঐংদ্রস্য়েব শরাসনস্য় দধতী মধ্য়েললাটং প্রভাং শৌক্লীং কাংতিমনুষ্ণগোরিব শিরস্য়াতন্বতী সর্বতঃ । এষাসৌ ত্রিপুরা হৃদি দ্য়ুতিরিবোষ্ণাংশোঃ সদাহঃ স্থিতাত্ ছিংদ্য়ান্নঃ সহসা পদৈস্ত্রিভিরঘং জ্য়োতির্ময়ী বাঙ্ময়ী ॥ 1 ॥
যা মাত্রা ত্রপুসীলতাতনুলসত্তংতূত্থিতিস্পর্ধিনী বাগ্বীজে প্রথমে স্থিতা তব সদা তাং মন্মহে তে বযম্ । শক্তিঃ কুংডলিনীতি বিশ্বজননব্য়াপারবদ্ধোদ্যমাঃ জ্ঞাত্বেত্থং ন পুনঃ স্পৃশংতি জননীগর্ভেঽর্ভকত্বং নরাঃ ॥ 2 ॥
দৃষ্ট্বা সংভ্রমকারি বস্তু সহসা ঐ ঐ ইতি ব্য়াহৃতং যেনাকূতবশাদপীহ বরদে বিংদুং বিনাপ্যক্ষরম্ । তস্য়াপি ধ্রুবমেব দেবি তরসা জাতে তবানুগ্রহে বাচঃসূক্তিসুধারসদ্রবমুচো নির্য়াংতি বক্ত্রাংবুজাত্ ॥ 3 ॥
যন্নিত্য়ে তব কামরাজমপরং মংত্রাক্ষরং নিষ্কলং তত্সারস্বতমিত্যবৈতি বিরলঃ কশ্চিদ্বুধশ্চেদ্ভুবি । আখ্য়ানং প্রতিপর্ব সত্যতপসো যত্কীর্তয়ংতো দ্বিজাঃ প্রারংভে প্রণবাস্পদপ্রণয়িতাং নীত্বোচ্চরংতি স্ফুটম্ ॥ 4 ॥
যত্সদ্য়ো বচসাং প্রবৃত্তিকরণে দৃষ্টপ্রভাবং বুধৈঃ তার্তীয়ং তদহং নমামি মনসা ত্বদ্বীজমিংদুপ্রভম্ । অস্ত্য়ৌর্বোঽপি সরস্বতীমনুগতো জাড্য়াংবুবিচ্ছিত্তয়ে গোশব্দো গিরি বর্ততে সনিযতং যোগং বিনা সিদ্ধিদঃ ॥ 5 ॥
একৈকং তব দেবি বীজমনঘং সব্য়ংজনাব্য়ংজনং কূটস্থং যদি বা পৃথক্ ক্রমগতং যদ্বা স্থিতং ব্য়ুত্ক্রমাত্ । যং যং কামমপেক্ষ্য় যেন বিধিনা কেনাপি বা চিংতিতং জপ্তং বা সফলীকরোতি সততং তং তং সমস্তং নৃণাম্ ॥ 6 ॥
বামে পুস্তকধারিণীমভযদাং সাক্ষস্রজং দক্ষিণে ভক্তেভ্য়ো বরদানপেশলকরাং কর্পূরকুংদোজ্জ্বলাম্ । উজ্জৃংভাংবুজপত্রকাংতিনযনস্নিগ্ধপ্রভালোকিনীং যে ত্বামংব ন শীলয়ংতি মনসা তেষাং কবিত্বং কুতঃ ॥ 7 ॥
যে ত্বাং পাংডুরপুংডরীকপটলস্পষ্টাভিরামপ্রভাং সিংচংতীমমৃতদ্রবৈরিব শিরো ধ্য়ায়ংতি মূর্ধ্নি স্থিতাম্ । অশ্রাংতা বিকটস্ফুটাক্ষরপদা নির্য়াতি বক্ত্রাংবুজাত্ তেষাং ভারতি ভারতী সুরসরিত্কল্লোললোলোর্মিবত্ ॥ 8 ॥
যে সিংদূরপরাগপিংজপিহিতাং ত্বত্তেজসাদ্য়ামিমাং উর্বীং চাপি বিলীনয়াবকরসপ্রস্তারমগ্নামিব । পশ্য়ংতি ক্ষণমপ্যনন্যমনসস্তেষামনংগজ্বর- -ক্লাংতস্রস্তকুরংগশাবকদৃশো বশ্য়া ভবংতি স্ফুটম্ ॥ 9 ॥
চংচত্কাংচনকুংডলাংগদধরামাবদ্ধকাংচীস্রজং যে ত্বাং চেতসি তদ্গতে ক্ষণমপি ধ্য়ায়ংতি কৃত্বা স্থিরাম্ । তেষাং বেশ্মসু বিভ্রমাদহরহঃ স্ফারীভবংত্যশ্চিরং মাদ্যত্কুংজরকর্ণতালতরলাঃ স্থৈর্য়ং ভজংতে শ্রিয়ঃ ॥ 10 ॥
আর্ভট্য়া শশিখংডমংডিতজটাজূটাং নৃমুংডস্রজং বংধূকপ্রসবারুণাংবরধরাং প্রেতাসনাধ্য়াসিনীম্ । ত্বাং ধ্য়ায়ংতি চতুর্ভুজাং ত্রিনযনামাপীনতুংগস্তনীং মধ্য়ে নিম্নবলিত্রয়াংকিততনুং ত্বদ্রূপসংবিত্তয়ে ॥ 11 ॥
জাতোঽপ্যল্পপরিচ্ছদে ক্ষিতিভুজাং সামান্যমাত্রে কুলে নিঃশেষাবনিচক্রবর্তিপদবীং লব্ধ্বা প্রতাপোন্নতঃ । যদ্বিদ্য়াধর বৃংদবংদিতপদঃ শ্রীবত্সরাজোঽভবত্ দেবি ত্বচ্চরণাংবুজ প্রণতিজঃ সোঽয়ং প্রসাদোদয়ঃ ॥ 12 ॥
চংডি ত্বচ্চরণাংবুজার্চনকৃতে বিল্বাদিলোল্লুংঠন- -ত্রুট্যত্কংটককোটিভিঃ পরিচয়ং যেষাং ন জগ্মুঃ করাঃ । তে দংডাংকুশচক্রচাপকুলিশশ্রীবত্সমত্স্য়াংকিতৈঃ জায়ংতে পৃথিবীভুজঃ কথমিবাংভোজপ্রভৈঃ পাণিভিঃ ॥ 13 ॥
বিপ্রাঃ ক্ষোণিভুজো বিশস্তদিতরে ক্ষীরাজ্যমধ্বাসবৈঃ । ত্বাং দেবি ত্রিপুরে পরাপরময়ীং সংতর্প্য় পূজাবিধৌ । যাং যাং প্রার্থযতে মনঃ স্থিরধিয়াং তেষাং ত এব ধ্রুবং তাং তাং সিদ্ধিমবাপ্নুবংতি তরসা বিঘ্নৈরবিঘ্নীকৃতাঃ ॥ 14 ॥
শব্দানাং জননী ত্বমত্র ভুবনে বাগ্বাদিনীত্য়ুচ্যসে ত্বত্তঃ কেশববাসব প্রভৃতয়োঽপ্য়াবির্ভবংতি স্ফুটম্ । লীয়ংতে খলু যত্র কল্পবিরমে ব্রহ্মাদযস্তেঽপ্যমী সা ত্বং কাচিদচিংত্যরূপমহিমা শক্তিঃ পরা গীযসে ॥ 15 ॥
দেবানাং ত্রিতয়ং ত্রয়ী হুতভুজাং শক্তিত্রয়ং ত্রিঃ স্বরাঃ ত্রৈলোক্য়ং ত্রিপদী ত্রিপুষ্করমথো ত্রিব্রহ্ম বর্ণাস্ত্রয়ঃ । যত্কিংচিজ্জগতি ত্রিধা নিযমিতং বস্তু ত্রিবর্গাদিকং তত্সর্বং ত্রিপুরেতি নাম ভগবত্যন্বেতি তে তত্ত্বতঃ ॥ 16 ॥
লক্ষ্মীং রাজকুলে জয়াং রণভুবি ক্ষেমংকরীমধ্বনি ক্রব্য়াদদ্বিপসর্পভাজি শবরীং কাংতারদুর্গে গিরৌ । ভূতপ্রেতপিশাচজংবুকভয়ে স্মৃত্বা মহাভৈরবীং ব্য়ামোহে ত্রিপুরাং তরংতি বিপদস্তারাং চ তোযপ্লবে ॥ 17 ॥
মায়া কুংডলিনী ক্রিয়া মধুমতী কালী কলামালিনী মাতংগী বিজয়া জয়া ভগবতী দেবী শিবা শাংভবী । শক্তিঃ শংকরবল্লভা ত্রিনযনা বাগ্বাদিনী ভৈরবী হ্রীংকারী ত্রিপুরা পরাপরময়ী মাতা কুমারীত্যসি ॥ 18 ॥
আঈপল্লবিতৈঃ পরস্পরয়ুতৈর্দ্বিত্রিক্রমাদ্যক্ষরৈ কাদ্য়ৈঃ ক্ষাংতগতৈঃ স্বরাদিভিরথ ক্ষাংতৈশ্চ তৈঃ সস্বরৈঃ । নামানি ত্রিপুরে ভবংতি খলু যান্যত্য়ংতগুহ্য়ানি তে তেভ্য়ো ভৈরবপত্নি বিংশতিসহস্রেভ্য়ঃ পরেভ্য়ো নমঃ ॥ 19 ॥
বোদ্ধব্য়া নিপুণং বুধৈঃ স্তুতিরিয়ং কৃত্বা মনস্তদ্গতং ভারত্য়াস্ত্রিপুরেত্যনন্যমনসা যত্রাদ্যবৃত্তে স্ফুটম্ । একদ্বিত্রিপদক্রমেণ কথিতস্তত্পাদসংখ্য়াক্ষরৈঃ মংত্রোদ্ধার বিধির্বিশেষসহিতঃ সত্সংপ্রদায়ান্বিতঃ ॥ 20 ॥
সাবদ্য়ং নিরবদ্যমস্তু যদি বা কিং বানয়া চিংতয়া নূনং স্তোত্রমিদং পঠিষ্যতি জনো যস্য়াস্তি ভক্তিস্ত্বয়ি । সংচিংত্য়াপি লঘুত্বমাত্মনি দৃঢং সংজাযমানং হঠাত্ ত্বদ্ভক্ত্য়া মুখরীকৃতেন রচিতং যস্মান্ময়াপি ধৃবম্ ॥ 21 ॥
ইতি শ্রীকালিদাস বিরচিত পংচস্তব্য়াং প্রথমঃ লঘুস্তবঃ ।
లఘు స్తవః గురించి
The Laghu Stava is a hymn to Goddess Tripura (Tripurasundari), the first of the five hymns of the Panchastavi, traditionally attributed to Kalidasa, as its colophon states. Its verses meditate on the goddess in her three seed syllables: she shines in the middle of the forehead like a rainbow, spreads moonlike radiance from the head, and glows in the heart; the poet worships her as the subtle form, fine as a lotus fibre, dwelling in the first seed of speech, "Aim".
రచయిత: Traditionally attributed to Kalidasa, as its colophon states
ఎప్పుడు పఠించాలి: In Sri Vidya and Devi worship, on Fridays and during Navaratri.
మీకు తెలుసా?
- The Panchastavi, "five hymns", is a classic of Sri Vidya devotional poetry, especially loved in Kashmir.
- Its verses are built around the three bija syllables of the Bala and Tripura mantras.
తరచుగా అడిగే ప్రశ్నలు
To whom is the Laghu Stava addressed?
Goddess Tripura (Tripurasundari).
What is the Panchastavi?
A set of five hymns to the Goddess; the Laghu Stava is the first.
Who is it attributed to?
Traditionally to Kalidasa, as its colophon states.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు