MuhurtaNow

మహా సరస్వతీ స్తవం

Devi · సాంప్రదాయ భక్తి గ్రంథం

ಅಶ್ವತರ ಉವಾಚ

ಜಗದ್ಧಾತ್ರೀಮಹಂ ದೇವೀಮಾರಿರಾಧಯಿಷುಃ ಶುಭಾಮ್ । ಸ್ತೋಷ್ಯೇ ಪ್ರಣಮ್ಯ ಶಿರಸಾ ಬ್ರಹ್ಮಯೋನಿಂ ಸರಸ್ವತೀಮ್ ॥ 1

ಸದಸದ್ದೇವಿ ಯತ್ಕಿಂಚಿನ್ಮೋಕ್ಷವಚ್ಚಾರ್ಥವತ್ಪದಮ್ । ತತ್ಸರ್ವಂ ತ್ವಯ್ಯಸಂಯೋಗಂ ಯೋಗವದ್ದೇವಿ ಸಂಸ್ಥಿತಮ್ ॥ 2 ॥

ತ್ವಮಕ್ಷರಂ ಪರಂ ದೇವಿ ಯತ್ರ ಸರ್ವಂ ಪ್ರತಿಷ್ಠಿತಮ್ । ಅಕ್ಷರಂ ಪರಮಂ ದೇವಿ ಸಂಸ್ಥಿತಂ ಪರಮಾಣುವತ್ ॥ 3 ॥

ಅಕ್ಷರಂ ಪರಮಂ ಬ್ರಹ್ಮ ವಿಶ್ವಂಚೈತತ್ಕ್ಷರಾತ್ಮಕಮ್ । ದಾರುಣ್ಯವಸ್ಥಿತೋ ವಹ್ನಿರ್ಭೌಮಾಶ್ಚ ಪರಮಾಣವಃ ॥ 4 ॥

ತಥಾ ತ್ವಯಿ ಸ್ಥಿತಂ ಬ್ರಹ್ಮ ಜಗಚ್ಚೇದಮಶೇಷತಃ । ಓಂಕಾರಾಕ್ಷರಸಂಸ್ಥಾನಂ ಯತ್ತು ದೇವಿ ಸ್ಥಿರಾಸ್ಥಿರಮ್ ॥ 5 ॥

ತತ್ರ ಮಾತ್ರಾತ್ರಯಂ ಸರ್ವಮಸ್ತಿ ಯದ್ದೇವಿ ನಾಸ್ತಿ ಚ । ತ್ರಯೋ ಲೋಕಾಸ್ತ್ರಯೋ ವೇದಾಸ್ತ್ರೈವಿದ್ಯಂ ಪಾವಕತ್ರಯಮ್ ॥ 6 ॥

ತ್ರೀಣಿ ಜ್ಯೋತೀಂಷಿ ವರ್ಣಾಶ್ಚ ತ್ರಯೋ ಧರ್ಮಾಗಮಾಸ್ತಥಾ । ತ್ರಯೋ ಗುಣಾಸ್ತ್ರಯಃ ಶಬ್ದಸ್ತ್ರಯೋ ವೇದಾಸ್ತಥಾಶ್ರಮಾಃ ॥ 7 ॥

ತ್ರಯಃ ಕಾಲಾಸ್ತಥಾವಸ್ಥಾಃ ಪಿತರೋಽಹರ್ನಿಶಾದಯಃ । ಏತನ್ಮಾತ್ರಾತ್ರಯಂ ದೇವಿ ತವ ರೂಪಂ ಸರಸ್ವತಿ ॥ 8 ॥

ವಿಭಿನ್ನದರ್ಶಿನಾಮಾದ್ಯಾ ಬ್ರಹ್ಮಣೋ ಹಿ ಸನಾತನಾಃ । ಸೋಮಸಂಸ್ಥಾ ಹವಿಃ ಸಂಸ್ಥಾಃ ಪಾಕಸಂಸ್ಥಾಶ್ಚ ಸಪ್ತ ಯಾಃ ॥ 9 ॥

ತಾಸ್ತ್ವದುಚ್ಚಾರಣಾದ್ದೇವಿ ಕ್ರಿಯಂತೇ ಬ್ರಹ್ಮವಾದಿಭಿಃ । ಅನಿರ್ದೇಶ್ಯಂ ತಥಾ ಚಾನ್ಯದರ್ಧಮಾತ್ರಾನ್ವಿತಂ ಪರಮ್ ॥ 10 ॥

ಅವಿಕಾರ್ಯಕ್ಷಯಂ ದಿವ್ಯಂ ಪರಿಣಾಮವಿವರ್ಜಿತಮ್ । ತವೈತತ್ಪರಮಂ ರೂಪಂ ಯನ್ನ ಶಕ್ಯಂ ಮಯೋದಿತುಮ್ ॥ 11 ॥

ನ ಚಾಸ್ಯೇನ ಚ ತಜ್ಜಿಹ್ವಾ ತಾಮ್ರೋಷ್ಠಾದಿಭಿರುಚ್ಯತೇ । ಇಂದ್ರೋಽಪಿ ವಸವೋ ಬ್ರಹ್ಮಾ ಚಂದ್ರಾರ್ಕೌ ಜ್ಯೋತಿರೇವ ಚ ॥ 12 ॥

ವಿಶ್ವಾವಾಸಂ ವಿಶ್ವರೂಪಂ ವಿಶ್ವೇಶಂ ಪರಮೇಶ್ವರಮ್ । ಸಾಂಖ್ಯವೇದಾಂತವಾದೋಕ್ತಂ ಬಹುಶಾಖಾಸ್ಥಿರೀಕೃತಮ್ ॥ 13 ॥

ಅನಾದಿಮಧ್ಯನಿಧನಂ ಸದಸನ್ನ ಸದೇವ ಯತ್ । ಏಕಂತ್ವನೇಕಂ ನಾಪ್ಯೇಕಂ ಭವಭೇದಸಮಾಶ್ರಿತಮ್ ॥ 14 ॥

ಅನಾಖ್ಯಂ ಷಡ್ಗುಣಾಖ್ಯಂಚ ವರ್ಗಾಖ್ಯಂ ತ್ರಿಗುಣಾಶ್ರಯಮ್ । ನಾನಾಶಕ್ತಿಮತಾಮೇಕಂ ಶಕ್ತಿವೈಭವಿಕಂ ಪರಮ್ ॥ 15 ॥

ಸುಖಾಸುಖಂ ಮಹಾಸೌಖ್ಯರೂಪಂ ತ್ವಯಿ ವಿಭಾವ್ಯತೇ । ಏವಂ ದೇವಿ ತ್ವಯಾ ವ್ಯಾಪ್ತಂ ಸಕಲಂ ನಿಷ್ಕಲಂಚ ಯತ್ । ಅದ್ವೈತಾವಸ್ಥಿತಂ ಬ್ರಹ್ಮ ಯಚ್ಚ ದ್ವೈತೇ ವ್ಯವಸ್ಥಿತಮ್ ॥ 16 ॥

ಯೇಽರ್ಥಾ ನಿತ್ಯಾ ಯೇ ವಿನಶ್ಯಂತಿ ಚಾನ್ಯೇ ಯೇ ವಾ ಸ್ಥೂಲಾ ಯೇ ಚ ಸೂಕ್ಷ್ಮಾತಿಸೂಕ್ಷ್ಮಾಃ । ಯೇ ವಾ ಭೂಮೌ ಯೇಽಂತರೀಕ್ಷೇಽನ್ಯತೋ ವಾ ತೇಷಾಂ ತೇಷಾಂ ತ್ವತ್ತ ಏವೋಪಲಬ್ಧಿಃ ॥ 17 ॥

ಯಚ್ಚಾಮೂರ್ತಂ ಯಚ್ಚ ಮೂರ್ತಂ ಸಮಸ್ತಂ ಯದ್ವಾ ಭೂತೇಷ್ವೇಕಮೇಕಂಚ ಕಿಂಚಿತ್ । ಯದ್ದಿವ್ಯಸ್ತಿ ಕ್ಷ್ಮಾತಲೇ ಖೇಽನ್ಯತೋ ವಾ ತ್ವತ್ಸಂಬಂಧಂ ತ್ವತ್ಸ್ವರೈರ್ವ್ಯಂಜನೈಶ್ಚ ॥ 18 ॥

ಇತಿ ಶ್ರೀಮಾರ್ಕಂಡೇಯಪುರಾಣೇ ತ್ರಯೋವಿಂಶೋಽಧ್ಯಾಯೇ ಅಶ್ವತರ ಪ್ರೋಕ್ತ ಮಹಾಸರಸ್ವತೀ ಸ್ತವಮ್ ।

మహా సరస్వతీ స్తవం గురించి

The Maha Saraswati Stava is the hymn of the naga king Ashvatara to Goddess Saraswati, from the Markandeya Purana. It begins: wishing to worship the auspicious goddess who upholds the world, I bow my head and praise Saraswati, the womb of Brahman. Ashvatara praises her as the one in whom all that is and is not, every word that leads to liberation and every word with meaning, rests united, and asks her blessing.

మూలం: Markandeya Purana, chapter 23, as its colophon states

ఎప్పుడు పఠించాలి: On Vasant Panchami and Saraswati Puja, before study and the learning of music, and on Thursdays.

మీకు తెలుసా?

  • Its colophon places it in the twenty-third chapter of the Markandeya Purana, spoken by Ashvatara.
  • In the purana, Saraswati, pleased with Ashvatara's penance, grants him and his brother mastery of music and the seven notes.

తరచుగా అడిగే ప్రశ్నలు

Who sang this hymn?

Ashvatara, a king of the nagas.

Where is it from?

The Markandeya Purana, chapter 23.

What boon did Saraswati grant him?

Mastery of music, by the story in the purana.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.