మణిద్వీప వర్ణన - 1 (దేవీ భాగవతం)
Devi · సాంప్రదాయ భక్తి గ్రంథం
(ശ്രീദേവീഭാഗവതം, ദ്വാദശ സ്കംധം, ദശമോഽധ്യായഃ, , മണിദ്വീപ വര്ണന - 1)
വ്യാസ ഉവാച
– ബ്രഹ്മലോകാദൂര്ധ്വഭാഗേ സർവലോകോഽസ്തി യഃ ശ്രുതഃ । മണിദ്വീപഃ സ ഏവാസ്തി യത്ര ദേവീ വിരാജതേ ॥ 1
സർവസ്മാദധികോ യസ്മാത്സർവലോകസ്തതഃ സ്മൃതഃ । പുരാ പരാംബയൈവായം കല്പിതോ മനസേച്ഛയാ ॥ 2 ॥
സർവാദൌ നിജവാസാര്ഥം പ്രകൃത്യാ മൂലഭൂതയാ । കൈലാസാദധികോ ലോകോ വൈകുംഠാദപി ചോത്തമഃ ॥ 3 ॥
ഗോലോകാദപി സർവസ്മാത്സർവലോകോഽധികഃ സ്മൃതഃ । നൈതത്സമം ത്രിലോക്യാം തു സുംദരം വിദ്യതേ ക്വചിത് ॥ 4 ॥
ഛത്രീഭൂതം ത്രിജഗതോ ഭവസംതാപനാശകമ് । ഛായാഭൂതം തദേവാസ്തി ബ്രഹ്മാംഡാനാം തു സത്തമ ॥ 5 ॥
ബഹുയോജനവിസ്തീര്ണോ ഗംഭീരസ്താവദേവ ഹി । മണിദ്വീപസ്യ പരിതോ വര്തതേ തു സുധോദധിഃ ॥ 6 ॥
മരുത്സംഘട്ടനോത്കീര്ണതരംഗ ശതസംകുലഃ । രത്നാച്ഛവാലുകായുക്തോ ഝഷശംഖസമാകുലഃ ॥ 7 ॥
വീചിസംഘര്ഷസംജാതലഹരീകണശീതലഃ । നാനാധ്വജസമായുക്താ നാനാപോതഗതാഗതൈഃ ॥ 8 ॥
വിരാജമാനഃ പരിതസ്തീരരത്നദ്രുമോ മഹാന് । തദുത്തരമയോധാതുനിര്മിതോ ഗഗനേ തതഃ ॥ 9 ॥
സപ്തയോജനവിസ്തീര്ണഃ പ്രാകാരോ വര്തതേ മഹാന് । നാനാശസ്ത്രപ്രഹരണാ നാനായുദ്ധവിശാരദാഃ ॥ 10 ॥
രക്ഷകാ നിവസംത്യത്ര മോദമാനാഃ സമംതതഃ । ചതുര്ദ്വാരസമായുക്തോ ദ്വാരപാലശതാന്വിതഃ ॥ 11 ॥
നാനാഗണൈഃ പരിവൃതോ ദേവീഭക്തിയുതൈര്നൃപ । ദര്ശനാര്ഥം സമായാംതി യേ ദേവാ ജഗദീശിതുഃ ॥ 12 ॥
തേഷാം ഗണാ വസംത്യത്ര വാഹനാനി ച തത്ര ഹി । വിമാനശതസംഘര്ഷഘംടാസ്വനസമാകുലഃ ॥ 13 ॥
ഹയഹേഷാഖുരാഘാതബധിരീകൃതദിംമുഖഃ । ഗണൈഃ കിലകിലാരാവൈർവേത്രഹസ്തൈശ്ച താഡിതാഃ ॥ 14 ॥
സേവകാ ദേവസംഗാനാം ഭ്രാജംതേ തത്ര ഭൂമിപ । തസ്മിംകോലാഹലേ രാജന്നശബ്ദഃ കേനചിത്ക്വചിത് ॥ 15 ॥
കസ്യചിച്ഛ്രൂയതേഽത്യംതം നാനാധ്വനിസമാകുലേ । പദേ പദേ മിഷ്ടവാരിപരിപൂര്ണസരാന്സി ച ॥ 16 ॥
വാടികാ വിവിധാ രാജന് രത്നദ്രുമവിരാജിതാഃ । തദുത്തരം മഹാസാരധാതുനിര്മിതമംഡലഃ ॥ 17 ॥
സാലോഽപരോ മഹാനസ്തി ഗഗനസ്പര്ശി യച്ഛിരഃ । തേജസാ സ്യാച്ഛതഗുണഃ പൂർവസാലാദയം പരഃ ॥ 18 ॥
ഗോപുരദ്വാരസഹിതോ ബഹുവൃക്ഷസമന്വിതഃ । യാ വൃക്ഷജാതയഃ സംതി സർവാസ്താസ്തത്ര സംതി ച ॥ 19 ॥
നിരംതരം പുഷ്പയുതാഃ സദാ ഫലസമന്വിതാഃ । നവപല്ലവസംയുക്താഃ പരസൌരഭസംകുലാഃ ॥ 20 ॥
പനസാ ബകുലാ ലോധ്രാഃ കര്ണികാരാശ്ച ശിംശപാഃ । ദേവദാരുകാംചനാരാ ആമ്രാശ്ചൈവ സുമേരവഃ ॥ 21 ॥
ലികുചാ ഹിംഗുലാശ്ചൈലാ ലവംഗാഃ കട്ഫലാസ്തഥാ । പാടലാ മുചുകുംദാശ്ച ഫലിന്യോ ജഘനേഫലാഃ ॥ 22 ॥
താലാസ്തമാലാഃ സാലാശ്ച കംകോലാ നാഗഭദ്രകാഃ । പുന്നാഗാഃ പീലവഃ സാല്വകാ വൈ കര്പൂരശാഖിനഃ ॥ 23 ॥
അശ്വകര്ണാ ഹസ്തികര്ണാസ്താലപര്ണാശ്ച ദാഡിമാഃ । ഗണികാ ബംധുജീവാശ്ച ജംബീരാശ്ച കുരംഡകാഃ ॥ 24 ॥
ചാംപേയാ ബംധുജീവാശ്ച തഥാ വൈ കനകദ്രുമാഃ । കാലാഗുരുദ്രുമാശ്ചൈവ തഥാ ചംദനപാദപാഃ ॥ 25 ॥
ഖര്ജൂരാ യൂഥികാസ്താലപര്ണ്യശ്ചൈവ തഥേക്ഷവഃ । ക്ഷീരവൃക്ഷാശ്ച ഖദിരാശ്ചിംചാഭല്ലാതകാസ്തഥാ ॥ 26 ॥
രുചകാഃ കുടജാ വൃക്ഷാ ബില്വവൃക്ഷാസ്തഥൈവ ച । തുലസീനാം വനാന്യേവം മല്ലികാനാം തഥൈവ ച ॥ 27 ॥
ഇത്യാദിതരുജാതീനാം വനാന്യുപവനാനി ച । നാനാവാപീശതൈര്യുക്താന്യേവം സംതി ധരാധിപ ॥ 28 ॥
കോകിലാരാവസംയുക്താ ഗുന്ജദ്ഭ്രമരഭൂഷിതാഃ । നിര്യാസസ്രാവിണഃ സർവേ സ്നിഗ്ധച്ഛായാസ്തരൂത്തമാഃ ॥ 29 ॥
നാനാഋതുഭവാ വൃക്ഷാ നാനാപക്ഷിസമാകുലാഃ । നാനാരസസ്രാവിണീഭിര്നദീഭിരതിശോഭിതാഃ ॥ 30 ॥
പാരാവതശുകവ്രാതസാരികാപക്ഷമാരുതൈഃ । ഹംസപക്ഷസമുദ്ഭൂത വാതവ്രാതൈശ്ചലദ്ദ്രുമമ് ॥ 31 ॥
സുഗംധഗ്രാഹിപവനപൂരിതം തദ്വനോത്തമമ് । സഹിതം ഹരിണീയൂഥൈര്ധാവമാനൈരിതസ്തതഃ ॥ 32 ॥
നൃത്യദ്ബര്ഹികദംബസ്യ കേകാരാവൈഃ സുഖപ്രദൈഃ । നാദിതം തദ്വനം ദിവ്യം മധുസ്രാവി സമംതതഃ ॥ 33 ॥
കാംസ്യസാലാദുത്തരേ തു താമ്രസാലഃ പ്രകീര്തിതഃ । ചതുരസ്രസമാകാര ഉന്നത്യാ സപ്തയോജനഃ ॥ 34 ॥
ദ്വയോസ്തു സാലയോര്മധ്യേ സംപ്രോക്താ കല്പവാടികാ । യേഷാം തരൂണാം പുഷ്പാണി കാംചനാഭാനി ഭൂമിപ ॥ 35 ॥
പത്രാണി കാംചനാഭാനി രത്നബീജഫലാനി ച । ദശയോജനഗംധോ ഹി പ്രസര്പതി സമംതതഃ ॥ 36 ॥
തദ്വനം രക്ഷിതം രാജന്വസംതേനര്തുനാനിശമ് । പുഷ്പസിംഹാസനാസീനഃ പുഷ്പച്ഛത്രവിരാജിതഃ ॥ 37 ॥
പുഷ്പഭൂഷാഭൂഷിതശ്ച പുഷ്പാസവവിഘൂര്ണിതഃ । മധുശ്രീര്മാധവശ്രീശ്ച ദ്വേ ഭാര്യേ തസ്യ സമ്മതേ ॥ 38 ॥
ക്രീഡതഃ സ്മേരവദനേ സുമസ്തബകകംദുകൈഃ । അതീവ രമ്യം വിപിനം മധുസ്രാവി സമംതതഃ ॥ 39 ॥
ദശയോജനപര്യംതം കുസുമാമോദവായുനാ । പൂരിതം ദിവ്യഗംധർവൈഃ സാംഗനൈര്ഗാനലോലുപൈഃ ॥ 40 ॥
ശോഭിതം തദ്വനം ദിവ്യം മത്തകോകിലനാദിതമ് । വസംതലക്ഷ്മീസംയുക്തം കാമികാമപ്രവര്ധനമ് ॥ 41 ॥
താമ്രസാലാദുത്തരത്ര സീസസാലഃ പ്രകീര്തിതഃ । സമുച്ഛ്രായഃ സ്മൃതോഽപ്യസ്യ സപ്തയോജനസംഖ്യയാ ॥ 42 ॥
സംതാനവാടികാമധ്യേ സാലയോസ്തു ദ്വയോര്നൃപ । ദശയോജനഗംധസ്തു പ്രസൂനാനാം സമംതതഃ ॥ 43 ॥
ഹിരണ്യാഭാനി കുസുമാന്യുത്ഫുല്ലാനി നിരംതരമ് । അമൃതദ്രവസംയുക്തഫലാനി മധുരാണി ച ॥ 44 ॥
ഗ്രീഷ്മര്തുര്നായകസ്തസ്യാ വാടികായാ നൃപോത്തമ । ശുക്രശ്രീശ്ച ശുചിശ്രീശ്ച ദ്വേ ഭാര്യേ തസ്യ സമ്മതേ ॥ 45 ॥
സംതാപത്രസ്തലോകാസ്തു വൃക്ഷമൂലേഷു സംസ്ഥിതാഃ । നാനാസിദ്ധൈഃ പരിവൃതോ നാനാദേവൈഃ സമന്വിതഃ ॥ 46 ॥
വിലാസിനീനാം ബൃംദൈസ്തു ചംദനദ്രവപംകിലൈഃ । പുഷ്പമാലാഭൂഷിതൈസ്തു താലവൃംതകരാംബുജൈഃ ॥ 47 ॥
[പാഠഭേദഃ- പ്രാകാരഃ] പ്രകാരഃ ശോഭിതോ ഏജച്ഛീതലാംബുനിഷേവിഭിഃ । സീസസാലാദുത്തരത്രാപ്യാരകൂടമയഃ ശുഭഃ ॥ 48 ॥
പ്രാകാരോ വര്തതേ രാജന്മുനിയോജനദൈര്ഘ്യവാന് । ഹരിചംദനവൃക്ഷാണാം വാടീ മധ്യേ തയോഃ സ്മൃതാ ॥ 49 ॥
സാലയോരധിനാഥസ്തു വര്ഷര്തുര്മേഘവാഹനഃ । വിദ്യുത്പിംഗലനേത്രശ്ച ജീമൂതകവചഃ സ്മൃതഃ ॥ 50 ॥
വജ്രനിര്ഘോഷമുഖരശ്ചേംദ്രധന്വാ സമംതതഃ । സഹസ്രശോ വാരിധാരാ മുംചന്നാസ്തേ ഗണാവൃതഃ ॥ 51 ॥
നഭഃ ശ്രീശ്ച നഭസ്യശ്രീഃ സ്വരസ്യാ രസ്യമാലിനീ । അംബാ ദുലാ നിരത്നിശ്ചാഭ്രമംതീ മേഘയംതികാ ॥ 52 ॥
വര്ഷയംതീ ചിബുണികാ വാരിധാരാ ച സമ്മതാഃ । വര്ഷര്തോര്ദ്വാദശ പ്രോക്താഃ ശക്തയോ മദവിഹ്വലാഃ ॥ 53 ॥
നവപല്ലവവൃക്ഷാശ്ച നവീനലതികാന്വിതാഃ । ഹരിതാനി തൃണാന്യേവ വേഷ്ടിതാ യൈര്ധരാഽഖിലാ ॥ 54 ॥
നദീനദപ്രവാഹാശ്ച പ്രവഹംതി ച വേഗതഃ । സരാംസി കലുഷാംബൂനി രാഗിചിത്തസമാനി ച ॥ 55 ॥
വസംതി ദേവാഃ സിദ്ധാശ്ച യേ ദേവീകര്മകാരിണഃ । വാപീകൂപതഡാഗാശ്ച യേ ദേവ്യര്ഥം സമര്പിതാഃ ॥ 56 ॥
തേ ഗണാ നിവസംത്യത്ര സവിലാസാശ്ച സാംഗനാഃ । ആരകൂടമയാദഗ്രേ സപ്തയോജനദൈര്ഘ്യവാന് ॥ 57 ॥
പംചലോഹാത്മകഃ സാലോ മധ്യേ മംദാരവാടികാ । നാനാപുഷ്പലതാകീര്ണാ നാനാപല്ലവശോഭിതാ ॥ 58 ॥
അധിഷ്ഠാതാഽത്ര സംപ്രോക്തഃ ശരദൃതുരനാമയഃ । ഇഷലക്ഷ്മീരൂര്ജലക്ഷ്മീര്ദ്വേ ഭാര്യേ തസ്യ സമ്മതേ ॥ 59 ॥
നാനാസിദ്ധാ വസംത്യത്ര സാംഗനാഃ സപരിച്ഛദാഃ । പംചലോഹമയാദഗ്രേ സപ്തയോജനദൈര്ഘ്യവാന് ॥ 60 ॥
ദീപ്യമാനോ മഹാശൃംഗൈർവര്തതേ രൌപ്യസാലകഃ । പാരിജാതാടവീമധ്യേ പ്രസൂനസ്തബകാന്വിതാ ॥ 61 ॥
ദശയോജനഗംധീനി കുസുമാനി സമംതതഃ । മോദയംതി ഗണാന്സർവാന്യേ ദേവീകര്മകാരിണഃ ॥ 62 ॥
തത്രാധിനാഥഃ സംപ്രോക്തോ ഹേമംതര്തുര്മഹോജ്ജ്വലഃ । സഗണഃ സായുധഃ സർവാന് രാഗിണോ രംജയന്നപഃ ॥ 63 ॥
സഹശ്രീശ്ച സഹസ്യശ്രീര്ദ്വേ ഭാര്യേ തസ്യ സമ്മതേ । വസംതി തത്ര സിദ്ധാശ്ച യേ ദേവീവ്രതകാരിണഃ ॥ 64 ॥
രൌപ്യസാലമയാദഗ്രേ സപ്തയോജനദൈര്ഘ്യവാന് । സൌവര്ണസാലഃ സംപ്രോക്തസ്തപ്തഹാടകകല്പിതഃ ॥ 65 ॥
മധ്യേ കദംബവാടീ തു പുഷ്പപല്ലവശോഭിതാ । കദംബമദിരാധാരാഃ പ്രവര്തംതേ സഹസ്രശഃ ॥ 66 ॥
യാഭിര്നിപീതപീതാഭിര്നിജാനംദോഽനുഭൂയതേ । തത്രാധിനാഥഃ സംപ്രോക്തഃ ശൈശിരര്തുര്മഹോദയഃ ॥ 67 ॥
തപഃശ്രീശ്ച തപസ്യശ്രീര്ദ്വേ ഭാര്യേ തസ്യ സമ്മതേ । മോദമാനഃ സഹൈതാഭ്യാം വര്തതേ ശിശിരാകൃതിഃ ॥ 68 ॥
നാനാവിലാസസംയുക്തോ നാനാഗണസമാവൃതഃ । നിവസംതി മഹാസിദ്ധാ യേ ദേവീദാനകാരിണഃ ॥ 69 ॥
നാനാഭോഗസമുത്പന്നമഹാനംദസമന്വിതാഃ । സാംഗനാഃ പരിവാരൈസ്തു സംഘശഃ പരിവാരിതാഃ ॥ 70 ॥
സ്വര്ണസാലമയാദഗ്രേ മുനിയോജനദൈര്ഘ്യവാന് । പുഷ്പരാഗമയഃ സാലഃ കുംകുമാരുണവിഗ്രഹഃ ॥ 71 ॥
പുഷ്പരാഗമയീ ഭൂമിർവനാന്യുപവനാനി ച । രത്നവൃക്ഷാലവാലാശ്ച പുഷ്പരാഗമയാഃ സ്മൃതാഃ ॥ 72 ॥
പ്രാകാരോ യസ്യ രത്നസ്യ തദ്രത്നരചിതാ ദ്രുമാഃ । വനഭൂഃ പക്ഷിനശ്ചൈവ രത്നവര്ണജലാനി ച ॥ 73 ॥
മംഡപാ മംഡപസ്തംഭാഃ സരാന്സി കമലാനി ച । പ്രാകാരേ തത്ര യദ്യത്സ്യാത്തത്സർവം തത്സമം ഭവേത് ॥ 74 ॥
പരിഭാഷേയമുദ്ദിഷ്ടാ രത്നസാലാദിഷു പ്രഭോ । തേജസാ സ്യാല്ലക്ഷഗുണഃ പൂർവസാലാത്പരോ നൃപ ॥ 75 ॥
ദിക്പാലാ നിവസംത്യത്ര പ്രതിബ്രഹ്മാന്ഡവര്തിനാമ് । ദിക്പാലാനാം സമഷ്ട്യാത്മരൂപാഃ സ്ഫൂര്ജദ്വരായുധാഃ ॥ 76 ॥
പൂർവാശായാം സമുത്തുംഗശൃംഗാ പൂരമരാവതീ । നാനോപവനസംയുക്താ മഹേംദ്രസ്തത്ര രാജതേ ॥ 77 ॥
സ്വര്ഗശോഭാ ച യാ സ്വര്ഗേ യാവതീ സ്യാത്തതോഽധികാ । സമഷ്ടിശതനേത്രസ്യ സഹസ്രഗുണതഃ സ്മൃതാ ॥ 78 ॥
ഐരാവതസമാരൂഢോ വജ്രഹസ്തഃ പ്രതാപവാന് । ദേവസേനാപരിവൃതോ രാജതേഽത്ര ശതക്രതുഃ ॥ 79 ॥
ദേവാംഗനാഗണയുതാ ശചീ തത്ര വിരാജതേ । വഹ്നികോണേ വഹ്നിപുരീ വഹ്നിപൂഃ സദൃശീ നൃപ ॥ 80 ॥
സ്വാഹാസ്വധാസമായുക്തോ വഹ്നിസ്തത്ര വിരാജതേ । നിജവാഹനഭൂഷാഢ്യോ നിജദേവഗണൈർവൃതഃ ॥ 81 ॥
യാമ്യാശായാം യമപുരീ തത്ര ദംഡധരോ മഹാന് । സ്വഭടൈർവേഷ്ടിതോ രാജന് ചിത്രഗുപ്തപുരോഗമൈഃ ॥ 82 ॥
നിജശക്തിയുതോ ഭാസ്വത്തനയോഽസ്തി യമോ മഹാന് । നൈരൃത്യാം ദിശി രാക്ഷസ്യാം രാക്ഷസൈഃ പരിവാരിതഃ ॥ 83 ॥
ഖഡ്ഗധാരീ സ്ഫുരന്നാസ്തേ നിരൃതിര്നിജശക്തിയുക് । വാരുണ്യാം വരുണോ രാജാ പാശധാരീ പ്രതാപവാന് ॥ 84 ॥
മഹാഝശസമാരൂഢോ വാരുണീമധുവിഹ്വലഃ । നിജശക്തിസമായുക്തോ നിജയാദോഗണാന്വിതഃ ॥ 85 ॥
സമാസ്തേ വാരുണേ ലോകേ വരുണാനീരതാകുലഃ । വായുകോണേ വായുലോകോ വായുസ്തത്രാധിതിഷ്ഠതി ॥ 86 ॥
വായുസാധനസംസിദ്ധയോഗിഭിഃ പരിവാരിതഃ । ധ്വജഹസ്തോ വിശാലാക്ഷോ മൃഗവാഹനസംസ്ഥിതഃ ॥ 87 ॥
മരുദ്ഗണൈഃ പരിവൃതോ നിജശക്തിസമന്വിതഃ । ഉത്തരസ്യാം ദിശി മഹാന്യക്ഷലോകോഽസ്തി ഭൂമിപ ॥ 88 ॥
യക്ഷാധിരാജസ്തത്രാഽഽസ്തേ വൃദ്ധിഋദ്ധ്യാദിശക്തിഭിഃ । നവഭിര്നിധിഭിര്യുക്തസ്തുംദിലോ ധനനായകഃ ॥ 89 ॥
മണിഭദ്രഃ പൂര്ണഭദ്രോ മണിമാന്മണികംധരഃ । മണിഭൂഷോ മണിസ്രഗ്വീ മണികാര്മുകധാരകഃ ॥ 90 ॥
ഇത്യാദിയക്ഷസേനാനീസഹിതോ നിജശക്തിയുക് । ഈശാനകോണേ സംപ്രോക്തോ രുദ്രലോകോ മഹത്തരഃ ॥ 91 ॥
അനര്ഘ്യരത്നഖചിതോ യത്ര രുദ്രോഽധിദൈവതമ് । മന്യുമാംദീപ്തനയനോ ബദ്ധപൃഷ്ഠമഹേഷുധിഃ ॥ 92 ॥
സ്ഫൂര്ജദ്ധനുർവാമഹസ്തോഽധിജ്യധന്വഭിരാവൃതഃ । സ്വസമാനൈരസംഖ്യാതരുദ്രൈഃ ശൂലവരായുധൈഃ ॥ 93 ॥
വികൃതാസ്യൈഃ കരാലാസ്യൈർവമദ്വഹ്നിഭിരാസ്യതഃ । ദശഹസ്തൈഃ ശതകരൈഃ സഹസ്രഭുജസംയുതൈഃ ॥ 94 ॥
ദശപാദൈര്ദശഗ്രീവൈസ്ത്രിനേത്രൈരുഗ്രമൂര്തിഭിഃ । അംതരിക്ഷചരാ യേ ച യേ ച ഭൂമിചരാഃ സ്മൃതാഃ ॥ 95 ॥
രുദ്രാധ്യായേ സ്മൃതാ രുദ്രാസ്തൈഃ സർവൈശ്ച സമാവൃതഃ । രുദ്രാണീകോടിസഹിതോ ഭദ്രകാല്യാദിമാതൃഭിഃ ॥ 96 ॥
നാനാശക്തിസമാവിഷ്ടഡാമര്യാദിഗണാവൃതഃ । വീരഭദ്രാദിസഹിതോ രുദ്രോ രാജന്വിരാജതേ ॥ 97 ॥
മുംഡമാലാധരോ നാഗവലയോ നാഗകംധരഃ । വ്യാഘ്രചര്മപരീധാനോ ഗജചര്മോത്തരീയകഃ ॥ 98 ॥
ചിതാഭസ്മാംഗലിപ്താംഗഃ പ്രമഥാദിഗണാവൃതഃ । നിനദഡ്ഡമരുധ്വാനൈര്ബധിരീകൃതദിംമുഖഃ ॥ 99 ॥
അട്ടഹാസാസ്ഫോടശബ്ദൈഃ സംത്രാസിതനഭസ്തലഃ । ഭൂതസംഘസമാവിഷ്ടോ ഭൂതാവാസോ മഹേശ്വരഃ ॥ 100 ॥
ഈശാനദിക്പതിഃ സോഽയം നാമ്നാ ചേശാന ഏവ ച ॥ 101 ॥
ഇതി ശ്രീദേവീഭാഗവതേ മഹാപുരാണേ ദ്വാദശസ്കംധേ മണിദ്വീപവര്ണനം നാമ ദശമോഽധ്യായഃ ॥
మణిద్వీప వర్ణన - 1 (దేవీ భాగవతం) గురించి
Manidweepa Varnana describes Manidvipa, the "Jewel Island", the supreme abode of the Divine Mother beyond all the worlds. Surrounded by an ocean of nectar, it is enclosed by walls of different metals and gems, one within another, with gardens, rivers and attendants, and at its centre the Goddess on her throne.
మూలం: Devi Bhagavata Purana, 12th skandha, chapter 10
ఎప్పుడు పఠించాలి: During Navaratri, on Fridays and in Devi worship; the Telugu song version is often sung at home gatherings.
మీకు తెలుసా?
- In the Devi Bhagavatam, Manidvipa is higher than even Vaikuntha and Kailasa, the place from which the Goddess creates and sustains all the worlds.
- The walls are described one by one, from iron and bronze to gold, gems and finally precious stones of every kind.
- Each region has a guardian deity; this chapter ends naming Ishana as the lord of the north-east.
తరచుగా అడిగే ప్రశ్నలు
What is Manidweepa?
The "Jewel Island", the supreme abode of the Divine Mother described in the Devi Bhagavata Purana.
Where is it described?
In the 12th skandha of the Devi Bhagavata Purana, chapters 10 to 12.
When is Manidweepa Varnana recited?
During Navaratri, on Fridays and in Devi worship gatherings.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు