MuhurtaNow

మూక పంచ శతి 1 - ఆర్య శతకం

Sri Mooka Pancha Shati · సాంప్రదాయ భక్తి గ్రంథం

কারণপরচিদ্রূপা কাংচীপুরসীম্নি কামপীঠগতা । কাচন বিহরতি করুণা কাশ্মীরস্তবককোমলাংগলতা ॥1॥

কংচন কাংচীনিলয়ং করধৃতকোদংডবাণসৃণিপাশম্ । কঠিনস্তনভরনম্রং কৈবল্য়ানংদকংদমবলংবে ॥2॥

চিংতিতফলপরিপোষণচিংতামণিরেব কাংচিনিলয়া মে । চিরতরসুচরিতসুলভা চিত্তং শিশিরযতু চিত্সুখাধারা ॥3॥

কুটিলকচং কঠিনকুচং কুংদস্মিতকাংতি কুংকুমচ্ছাযম্ । কুরুতে বিহৃতিং কাংচ্য়াং কুলপর্বতসার্বভৌমসর্বস্বম্ ॥4॥

পংচশরশাস্ত্রবোধনপরমাচার্য়েণ দৃষ্টিপাতেন । কাংচীসীম্নি কুমারী কাচন মোহযতি কামজেতারম্ ॥5॥

পরয়া কাংচীপুরয়া পর্বতপর্য়াযপীনকুচভরয়া । পরতংত্রা বযমনয়া পংকজসব্রহ্মচারিলোচনয়া ॥6॥

ঐশ্বর্যমিংদুমৌলেরৈকত্ম্যপ্রকৃতি কাংচিমধ্যগতম্ । ঐংদবকিশোরশেখরমৈদংপর্য়ং চকাস্তি নিগমানাম্ ॥7॥

শ্রিতকংপসীমানং শিথিলিতপরমশিবধৈর্যমহিমানম্ । কলয়ে পটলিমানং কংচন কংচুকিতভুবনভূমানম্ ॥8॥

আদৃতকাংচীনিলযমাদ্য়ামারূঢয়ৌবনাটোপাম্ । আগমবতংসকলিকামানংদাদ্বৈতকংদলীং বংদে ॥9॥

তুংগাভিরামকুচভরশৃংগারিতমাশ্রয়ামি কাংচিগতম্ । গংগাধরপরতংত্রং শৃংগারাদ্বৈততংত্রসিদ্ধাংতম্ ॥10॥

কাংচীরত্নবিভূষাং কামপি কংদর্পসূতিকাপাংগীম্ । পরমাং কলামুপাসে পরশিববামাংকপীঠিকাসীনাম্ ॥11॥

কংপাতীচরাণাং করুণাকোরকিতদৃষ্টিপাতানাম্ । কেলীবনং মনো মে কেষাংচিদ্ভবতু চিদ্বিলাসানাম্ ॥12॥

আম্রতরুমূলবসতেরাদিমপুরুষস্য় নযনপীয়ূষম্ । আরব্ধয়ৌবনোত্সবমাম্নাযরহস্যমংতরবলংবে ॥13॥

অধিকাংচি পরময়োগিভিরাদিমপরপীঠসীম্নি দৃশ্য়েন । অনুবদ্ধং মম মানসমরুণিমসর্বস্বসংপ্রদায়েন ॥14॥

অংকিতশংকরদেহামংকুরিতোরোজকংকণাশ্লেষৈঃ । অধিকাংচি নিত্যতরুণীমদ্রাক্ষং কাংচিদদ্ভুতাং বালাম্ ॥15॥

মধুরধনুষা মহীধরজনুষা নংদামি সুরভিবাণজুষা । চিদ্বপুষা কাংচিপুরে কেলিজুষা বংধুজীবকাংতিমুষা ॥16॥

মধুরস্মিতেন রমতে মাংসলকুচভারমংদগমনেন । মধ্য়েকাংচি মনো মে মনসিজসাম্রাজ্যগর্ববীজেন ॥17॥

ধরণিময়ীং তরণিময়ীং পবনময়ীং গগনদহনহোতৃময়ীম্ । অংবুময়ীমিংদুময়ীমংবামনুকংপমাদিমামীক্ষে ॥18॥

লীনস্থিতি মুনিহৃদয়ে ধ্য়ানস্তিমিতং তপস্যদুপকংপম্ । পীনস্তনভরমীডে মীনধ্বজতংত্রপরমতাত্পর্যম্ ॥19॥

শ্বেতা মংথরহসিতে শাতা মধ্য়ে চ বাড্ভনোঽতীতা । শীতা লোচনপাতে স্ফীতা কুচসীম্নি শাশ্বতী মাতা ॥20॥

পুরতঃ কদা ন করবৈ পুরবৈরিবিমর্দপুলকিতাংগলতাম্ । পুনতীং কাংচীদেশং পুষ্পায়ুধবীর্যসরসপরিপাটীম্ ॥21॥

পুণ্য়া কাঽপি পুরংধ্রী পুংখিতকংদর্পসংপদা বপুষা । পুলিনচরী কংপায়াঃ পুরমথনং পুলকনিচুলিতং কুরুতে ॥22॥

তনিমাদ্বৈতবলগ্নং তরুণারুণসংপ্রদাযতনুলেখম্ । তটসীমনি কংপায়াস্তরুণিমসর্বস্বমাদ্যমদ্রাক্ষম্ ॥23॥

পৌষ্টিককর্মবিপাকং পৌষ্পশরং সবিধসীম্নি কংপায়াঃ । অদ্রাক্ষমাত্তয়ৌবনমভ্য়ুদয়ং কংচিদর্ধশশিমৌলৈঃ ॥24॥

সংশ্রিতকাংচীদেশে সরসিজদৌর্ভাগ্যজাগ্রদুত্তংসে । সংবিন্ময়ে বিলীয়ে সারস্বতপুরুষকারসাম্রাজ্য়ে ॥25॥

মোদিতমধুকরবিশিখং স্বাদিমসমুদাযসারকোদংডম্ । আদৃতকাংচীখেলনমাদিমমারুণ্যভেদমাকলয়ে ॥26॥

উররীকৃতকাংচিপুরীমুপনিষদরবিংদকুহরমধুধারাম্ । উন্নম্রস্তনকলশীমুত্সবলহরীমুপাস্মহে শংভোঃ ॥27॥

এণশিশুদীর্ঘলোচনমেনঃপরিপংথি সংততং ভজতাম্ । একাম্রনাথজীবিতমেবংপদদূরমেকমবলংবে ॥28॥

স্মযমানমুখং কাংচীভযমানং কমপি দেবতাভেদম্ । দযমানং বীক্ষ্য় মুহুর্বযমানংদামৃতাংবুধৌ মগ্নাঃ ॥29॥

কুতুকজুষি কাংচিদেশে কুমুদতপোরাশিপাকশেখরিতে । কুরুতে মনোবিহারং কুলগিরিপরিবৃঢকুলৈকমণিদীপে ॥30॥

বীক্ষেমহি কাংচিপুরে বিপুলস্তনকলশগরিমপরবশিতম্ । বিদ্রুমসহচরদেহং বিভ্রমসমবাযসারসন্নাহম্ ॥31॥

কুরুবিংদগোত্রগাত্রং কূলচরং কমপি নৌমি কংপায়াঃ । কূলংকষকুচকুংভং কুসুমায়ুধবীর্যসারসংরংভম্ ॥32॥

কুডূমলিতকুচকিশোরৈঃ কুর্বাণৈঃ কাংচিদেশসৌহার্দম্ । কুংকুমশোণৈর্নিচিতং কুশলপথং শংভুসুকৃতসংভারৈঃ ॥33॥

অংকিতকচেন কেনচিদংধংকরণৌষধেন কমলানাম্ । অংতঃপুরেণ শংভোরলংক্রিয়া কাঽপি কল্প্যতে কাংচ্য়াম্ ॥34॥

ঊরীকরোমি সংততমূষ্মলফালেন ললিতং পুংসা । উপকংপমুচিতখেলনমুর্বীধরবংশসংপদুন্মেষম্ ॥35॥

অংকুরিতস্তনকোরকমংকালংকারমেকচূতপতেঃ । আলোকেমহি কোমলমাগমসংলাপসারয়াথার্থ্যম্ ॥36॥

পুংজিতকরুণমুদংচিতশিংজিতমণিকাংচি কিমপি কাংচিপুরে । মংজরিতমৃদুলহাসং পিংজরতনুরুচি পিনাকিমূলধনম্ ॥37॥

লোলহৃদয়োঽস্তি শংভোর্লোচনয়ুগলেন লেহ্যমানায়াম্ । ললিতপরমশিবায়াং লাবণ্য়ামৃততরংগমালায়াম্ ॥38॥

মধুকরসহচরচিকুরৈর্মদনাগমসমযদীক্ষিতকটাক্ষৈঃ । মংডিতকংপাতীরৈর্মংগলকংদৈর্মমাস্তু সারূপ্যম্ ॥39॥

বদনারবিংদবক্ষোবামাংকতটীবশংবদীভূতা । পূরুষত্রিতয়ে ত্রেধা পুরংধ্রিরূপা ত্বমেব কামাক্ষি ॥40॥

বাধাকরীং ভবাব্ধেরাধারাদ্য়ংবুজেষু বিচরংতীম্ । আধারীকৃতকাংচী বোধামৃতবীচিমেব বিমৃশামঃ ॥41॥

কলয়াম্য়ংতঃ শশধরকলয়াঽংকিতমৌলিমমলচিদ্বলয়াম্ । অলয়ামাগমপীঠীনিলয়াং বলয়াংকসুংদরীমংবাম্ ॥42॥

শর্বাদিপরমসাধকগুর্বানীতায় কামপীঠজুষে । সর্বাকৃতয়ে শোণিমগর্বায়াস্মৈ সমর্প্যতে হৃদযম্ ॥43॥

সময়া সাংধ্যময়ূখৈঃ সময়া বুদ্ধয়া সদৈব শীলিতয়া । উময়া কাংচীরতয়া ন ময়া লভ্যতে কিং নু তাদাত্ম্যম্ ॥44॥

জংতোস্তব পদপূজনসংতোষতরংগিতস্য় কামাক্ষি । বংধো যদি ভবতি পুনঃ সিংধোরংভস্সু বংভ্রমীতি শিলা ॥45॥

কুংডলি কুমারি কুটিলে চংডি চরাচরসবিত্রি চামুংডে । গুণিনি গুহারিণি গুহ্য়ে গুরুমূর্তে ত্বাং নমামি কামাক্ষি ॥46॥

অভিদাকৃতির্ভিদাকৃতিরচিদাকৃতিরপি চিদাকৃতির্মাতঃ । অনহংতা ত্বমহংতা ভ্রমযসি কামাক্ষি শাশ্বতী বিশ্বম্ ॥47॥

শিব শিব পশ্য়ংতি সমং শ্রীকামাক্ষীকটাক্ষিতাঃ পুরুষাঃ । বিপিনং ভবনমমিত্রং মিত্রং লোষ্টং চ যুবতিবিংবোষ্ঠম্ ॥48॥

কামপরিপংথিকামিনি কামেশ্বরি কামপীঠমধ্যগতে । কামদুঘা ভব কমলে কামকলে কামকোটি কামাক্ষি ॥49॥

মধ্য়েহৃদয়ং মধ্য়েনিটিলং মধ্য়েশিরোঽপি বাস্তব্য়াম্ । চংডকরশক্রকার্মুকচংদ্রসমাভাং নমামি কামাক্ষীম্ ॥50॥

অধিকাংচি কেলিলোলৈরখিলাগময়ংত্রতংত্রময়ৈঃ । অতিশীতং মম মানসমসমশরদ্রোহিজীবনোপায়ৈঃ ॥51॥

নংদতি মম হৃদি কাচন মংদিরয়ংতী নিরংতরং কাংচীম্ । ইংদুরবিমংডলকুচা বিংদুবিযন্নাদপরিণতা তরুণী ॥52॥

শংপালতাসবর্ণং সংপাদয়িতুং ভবজ্বরচিকিত্সাম্ । লিংপামি মনসি কিংচন কংপাতটরোহি সিদ্ধভৈষজ্যম্ ॥53॥

অনুমিতকুচকাঠিন্য়ামধিবক্ষঃপীঠমংগজন্মরিপোঃ । আনংদদাং ভজে তামানংগব্রহ্মতত্ববোধসিরাম্ ॥54॥

ঐক্ষিষি পাশাংকুশধরহস্তাংতং বিস্ময়ার্হবৃত্তাংতম্ । অধিকাংচি নিগমবাচাং সিদ্ধাংতং শূলপাণিশুদ্ধাংতম্ ॥55॥

আহিতবিলাসভংগীমাব্রহ্মস্তংবশিল্পকল্পনয়া । আশ্রিতকাংচীমতুলামাদ্য়াং বিস্ফূর্তিমাদ্রিয়ে বিদ্য়াম্ ॥56॥

মূকোঽপি জটিলদুর্গতিশোকোঽপি স্মরতি যঃ ক্ষণং ভবতীম্ । একো ভবতি স জংতুর্লোকোত্তরকীর্তিরেব কামাক্ষি ॥57॥

পংচদশবর্ণরূপং কংচন কাংচীবিহারধৌরেযম্ । পংচশরীয়ং শংভোর্বংচনবৈদগ্ধ্যমূলমবলংবে ॥58॥

পরিণতিমতীং চতুর্ধা পদবীং সুধিয়াং সমেত্য় সৌষুম্নীম্ । পংচাশদর্ণকল্পিতমদশিল্পাং ত্বাং নমামি কামাক্ষি ॥59॥

আদিক্ষন্মম গুরুরাডাদিক্ষাংতাক্ষরাত্মিকাং বিদ্য়াম্ । স্বাদিষ্ঠচাপদংডাং নেদিষ্ঠামেব কামপীঠগতাম্ ॥60॥

তুষ্য়ামি হর্ষিতস্মরশাসনয়া কাংচিপুরকৃতাসনয়া । স্বাসনয়া সকলজগদ্ভাসনয়া কলিতশংবরাসনয়া ॥61॥

প্রেমবতী কংপায়াং স্থেমবতী যতিমনস্সু ভূমবতী । সামবতী নিত্যগিরা সোমবতী শিরসি ভাতি হৈমবতী ॥62॥

কৌতুকিনা কংপায়াং কৌসুমচাপেন কীলিতেনাংতঃ । কুলদৈবতেন মহতা কুড্মলমুদ্রাং ধুনোতু নঃপ্রতিভা ॥63॥

যূনা কেনাপি মিলদ্দেহা স্বাহাসহাযতিলকেন । সহকারমূলদেশে সংবিদ্রূপা কুটুংবিনী রমতে ॥64॥

কুসুমশরগর্বসংপত্কোশগৃহং ভাতি কাংচিদেশগতম্ । স্থাপিতমস্মিন্কথমপি গোপিতমংতর্ময়া মনোরত্নম্ ॥65॥

দগ্ধষডধ্বারণ্য়ং দরদলিতকুসুংভসংভৃতারুণ্যম্ । কলয়ে নবতারুণ্য়ং কংপাতটসীম্নি কিমপি কারুণ্যম্ ॥66॥

অধিকাংচি বর্ধমানামতুলাং করবাণি পারণামক্ষ্ণোঃ । আনংদপাকভেদামরুণিমপরিণামগর্বপল্লবিতাম্ ॥67॥

বাণসৃণিপাশকার্মুকপাণিমমুং কমপি কামপীঠগতম্ । এণধরকোণচূডং শোণিমপরিপাকভেদমাকলয়ে ॥68॥

কিং বা ফলতি মমান্য়ৌর্বিংবাধরচুংবিমংদহাসমুখী । সংবাধকরী তমসামংবা জাগর্তি মনসি কামাক্ষী ॥69॥

মংচে সদাশিবময়ে পরিশিবমযললিতপৌষ্পপর্য়ংকে । অধিচক্রমধ্যমাস্তে কামাক্ষী নাম কিমপি মম ভাগ্যম্ ॥70॥

রক্ষ্য়োঽস্মি কামপীঠীলাসিকয়া ঘনকৃপাংবুরাশিকয়া । শ্রুতিয়ুবতিকুংতলীমণিমালিকয়া তুহিনশৈলবালিকয়া ॥71॥

লীয়ে পুরহরজায়ে মায়ে তব তরুণপল্লবচ্ছায়ে । চরণে চংদ্রাভরণে কাংচীশরণে নতার্তিসংহরণে ॥72॥

মূর্তিমতি মুক্তিবীজে মূর্ধ্নি স্তবকিতচকোরসাম্রাজ্য়ে । মোদিতকংপাকূলে মুহুর্মুহুর্মনসি মুমুদিষাঽস্মাকম্ ॥73॥

বেদময়ীং নাদময়ীং বিংদুময়ীং পরপদোদ্যদিংদুময়ীম্ । মংত্রময়ীং তংত্রময়ীং প্রকৃতিময়ীং নৌমি বিশ্ববিকৃতিময়ীম্ ॥74॥

পুরমথনপুণ্যকোটী পুংজিতকবিলোকসূক্তিরসধাটী । মনসি মম কামকোটী বিহরতু করুণাবিপাকপরিপাটী ॥75॥

কুটিলং চটুলং পৃথুলং মৃদুলং কচনযনজঘনচরণেষু । অবলোকিতমবলংবিতমধিকংপাতটমমেযমস্মাভিঃ ॥76॥

প্রত্যঙ্মুখ্য়া দৃষ্টয়া প্রসাদদীপাংকুরেণ কামাক্ষ্য়াঃ । পশ্য়ামি নিস্তুলমহো পচেলিমং কমপি পরশিবোল্লাসম্ ॥77॥

বিদ্য়ে বিধাতৃবিষয়ে কাত্য়াযনি কালি কামকোটিকলে । ভারতি ভৈরবি ভদ্রে শাকিনি শাংভবি শিবে স্তুবে ভবতীম্ ॥78॥

মালিনি মহেশচালিনি কাংচীখেলিনি বিপক্ষকালিনি তে । শূলিনি বিদ্রুমশালিনি সুরজনপালিনি কপালিনি নমোঽস্তু ॥79॥

দেশিক ইতি কিং শংকে তত্তাদৃক্তব নু তরুণিমোন্মেষঃ । কামাক্ষি শূলপাণেঃ কামাগমসমযদীক্ষায়াম্ ॥80॥

বেতংডকুংভডংবরবৈতংডিককুচভরার্তমধ্য়ায় । কুংকুমরুচে নমস্য়াং শংকরনযনামৃতায় রচয়ামঃ ॥81॥

অধিকাংচিতমণিকাংচনকাংচীমধিকাংচি কাংচিদদ্রাক্ষম্ । অবনতজনানুকংপামনুকংপাকূলমস্মদনুকূলাম্ ॥82॥

পরিচিতকংপাতীরং পর্বতরাজন্যসুকৃতসন্নাহম্ । পরগুরুকৃপয়া বীক্ষে পরমশিবোত্সংগমংগলাভরণম্ ॥83॥

দগ্ধমদনস্য় শংভোঃ প্রথীযসীং ব্রহ্মচর্যবৈদগ্ধীম্ । তব দেবি তরুণিমশ্রীচতুরিমপাকো ন চক্ষমে মাতঃ ॥84॥

মদজলতমালপত্রা বসনিতপত্রা করাদৃতখানিত্রা । বিহরতি পুলিংদয়োষা গুংজাভূষা ফণীংদ্রকৃতবেষা ॥85॥

অংকে শুকিনী গীতে কৌতুকিনী পরিসরে চ গাযকিনী । জযসি সবিধেঽংব ভৈরবমংডলিনী শ্রবসি শংখকুন্ডলিনী ॥86॥

প্রণতজনতাপবর্গা কৃতবহুসর্গা সসিংহসংসর্গা । কামাক্ষি মুদিতভর্গা হতরিপুবর্গা ত্বমেব সা দুর্গা ॥87॥

শ্রবণচলদ্বেতংডা সমরোদ্দংডা ধুতাসুরশিখংডা । দেবি কলিতাংত্রষংডা ধৃতনরমুংডা ত্বমেব চামুংডা ॥88॥

উর্বীধরেংদ্রকন্য়ে দর্বীভরিতেন ভক্তপূরেণ । গুর্বীমকিংচনার্তি খর্বীকুরুষে ত্বমেব কামাক্ষি ॥89॥

তাডিতরিপুপরিপীডনভযহরণ নিপুণহলমুসলা । ক্রোডপতিভীষণমুখী ক্রীডসি জগতি ত্বমেব কামাক্ষি ॥90॥

স্মরমথনবরণলোলা মন্মথহেলাবিলাসমণিশালা । কনকরুচিচৌর্যশীলা ত্বমংব বালা করাব্জধৃতমালা ॥91॥

বিমলপটী কমলকুটী পুস্তকরুদ্রাক্ষশস্তহস্তপুটী । কামাক্ষি পক্ষ্মলাক্ষী কলিতবিপংচী বিভাসি বৈরিংচী ॥92॥

কুংকুমরুচিপিংগমসৃক্পংকিলমুংডালিমংডিতং মাতঃ । শ্রীকামাক্ষি তদীযসংগমকলামংদীভবত্কৌতুকঃ জযতি তব রূপধেয়ং জপপটপুস্তকবরাভযকরাব্জম্ ॥93॥

কনকমণিকলিতভূষাং কালাযসকলহশীলকাংতিকলাম্ । কামাক্ষি শীলয়ে ত্বাং কপালশূলাভিরামকরকমলাম্ ॥94॥

লোহিতিমপুংজমধ্য়ে মোহিতভুবনে মুদা নিরীক্ষংতে । বদনং তব কুবয়ুগলং কাংচীসীমাং চ কেঽপি কামাক্ষি ॥95॥

জলধিদ্বিগুণিতহুতবহদিশাদিনেশ্বরকলাশ্বিনেযদলৈঃ । নলিনৈর্মহেশি গচ্ছসি সর্বোত্তরকরকমলদলমমলম্ ॥96॥

সত্কৃতদেশিকচরণাঃ সবীজনির্বীজয়োগনিশ্রেণ্য়া । অপবর্গসৌধবলভীমারোহংত্য়ংব কেঽপি তব কৃপয়া ॥97॥

অংতরপি বহিরপি ত্বং জংতুততেরংতকাংতকৃদহংতে । চিংতিতসংতানবতাং সংততমপি তংতনীষি মহিমানম্ ॥98॥

কলমংজুলবাগনুমিতগলপংজরগতশুকগ্রহৌত্কংঠ্য়াত্ । অংব রদনাংবরং তে বিংবফলং শংবরারিণা ন্যস্তম্ ॥99॥

জয় জয় জগদংব শিবে জয় জয় কামাক্ষি জয় জয়াদ্রিসুতে । জয় জয় মহেশদয়িতে জয় জয় চিদ্গগনকৌমুদীধারে ॥100॥

আর্য়াশতকং ভক্ত্য়া পঠতামার্য়াকটাক্ষেণ । নিস্সরতি বদনকমলাদ্বাণী পীয়ূষধোরণী দিব্য়া ॥101॥

॥ ইতি আর্য়াশতকং সংপূর্ণম্ ॥

మూక పంచ శతి 1 - ఆర్య శతకం గురించి

The Arya Shatakam is the first of the five hundred-verse poems of the Mooka Pancha Shati in praise of Goddess Kamakshi of Kanchipuram, written in the Arya metre. It opens with a vision of compassion itself, the supreme consciousness, moving in the bounds of Kanchipuram at the Kamakoti Peetha, tender as a creeper of saffron flowers, holding the sugarcane bow, arrows, goad and noose.

రచయిత: Mooka Kavi, traditionally

ఎప్పుడు పఠించాలి: On Fridays, during Navaratri, and in Kamakshi worship.

మీకు తెలుసా?

  • It is named after its metre, the Arya, a classical Sanskrit metre counted in syllable-lengths (matras).
  • Tradition says Mooka, a mute devotee, received speech by Kamakshi's grace and poured out all five hundred verses.

తరచుగా అడిగే ప్రశ్నలు

Why is it called Arya Shatakam?

Because its hundred verses are in the Arya metre.

Whom does it praise?

Goddess Kamakshi of Kanchipuram.

Who wrote it?

Mooka Kavi, according to tradition.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.