MuhurtaNow

మూక పంచ శతి 2 - పాదారవింద శతకం

Sri Mooka Pancha Shati · సాంప్రదాయ భక్తి గ్రంథం

mahimnah panthaanam madanaparipanthipranayini prabhurnirnetum te bhavati yatamaano'pi katamah । tathaapi shreekaancheevihritirasike ko'pi manaso vipaakastvatpaadastutividhishu jalpaakayati maam ॥1॥

galagraahee paurandarapuravaneepallavaruchaam dhritapaathamyaanaamarunamahasaamaadimaguruh । samindhe bandhookastabakasahayudhvaa dishi dishi prasarpankaamaakshyaashcharanakiranaanaamarunimaa ॥2॥

maraaleenaam yaanaabhyasanakalanaamoolagurave daridraanaam traanavyatikarasurodyaanatarave । tamaskaandapraudhiprakatanatiraskaarapatave jano'yam kaamaakshyaashcharananalinaaya sprihayate ॥3॥

vahantee saindooreem saranimavanamraamarapuRee- purandhreeseemante kavikamalabaalaarkasushamaa । trayeeseemantinyaah stanatatanicholaarunapatee vibhaantee kaamaakshyaah padanalinakaantirvijayate ॥4॥

pranamreebhootasya pranayakalahatrastamanasah smaraaraateshchoodaaviyati grihamedhee himakarah । yayoh saandhyaam kaantim vahati sushamaabhishcharanayoh tayorme kaamaakshyaa hridayamapatandram viharataam ॥5॥

yayoh peethaayante vibudhamukuteenaam patalikaa yayoh saudhaayante svayamudayabhaajo bhanitayah । yayoh daasaayante sarasijabhavaadyaashcharanayoh tayorme kaamaakshyaa dinamanu vareevartu hridayam ॥6॥

nayantee sankocham sarasijarucham dikparisare srijantee lauhityam nakhakiranachandraardhakhachitaa । kaveendraanaam hritkairavavikasanodyogajananee sphurantee kaamaakshyaah charanaruchisandhyaa vijayate ॥7॥

viraavairmaanjeeraih kimapi kathayanteeva madhuram purastaadaanamre puravijayini smeravadane । vayasyeva praudhaa shithilayati yaa premakalaha- praroham kaamaakshyaah charanayugalee saa vijayate ॥8॥

suparvastreelolaalakaparichitam shatpadakulaih sphurallaakshaaraagam tarunataranijyotirarunaih । bhritam kaantyambhobhih visrimaramarandaih sarasijaih vidhatte kaamaakshyaah charanayugalam bandhupadaveem ॥9॥

rajahsamsarge'pi sthitamarajasaameva hridaye param raktatvena sthitamapi viraktaikasharanam । alabhyam mandaanaam dadhadapi sadaa mandagatitaam vidhatte kaamaakshyaah charanayugamaashcharyalahareem ॥10॥

jataalaa manjeerasphuradarunaratnaamshunikaraih nishidantee madhye nakharuchijhareegaangapayasaam । jagattraanam kartum janani mama kaamaakshi niyatam tapashcharyaam dhatte tava charanapaathojayugalee ॥11॥

tulaakotidvandvakkanitabhanitaabheetivachasoh vinamram kaamaakshee visrimaramahahpaatalitayoh । kshanam vinyaasena kshapitatamasorme lalitayoh puneeyaanmoordhaanam puraharapurandhree charanayoh ॥12॥

bhavaani druhyetaam bhavanibiditebhyo mama muhu- stamovyaamohebhyastava janani kaamaakshi charanau । yayorlaakshaabindusphuranadharanaaddhvarjatijataa- kuteeraa shonaankam vahati vapurenaankakalikaa ॥13॥

pavitreekuryurnuh padatalabhuvah paatalaruchah paraagaaste paapaprashamanadhureenaah parashive । kanam labdhum yeshaam nijashirasi kaamaakshi vivashaa valanto vyaatanvantyahamahamikaam maadhavamukhaah ॥14॥

balaakaamaalaabhirnakharuchimayeebhih parivrite vinamrasvarnaareevikachakachakaalaambudakule । sphurantah kaamaakshi sphutadalitabandhookasuhrida- statillekhaayante tava charanapaathojakiranaah ॥15॥

saraagah sadveshah prasrimarasaroje pratidinam nisargaadaakraamanvibudhajanamoordhaanamadhikam । kathankaaram maatah kathaya padapadmastava sataam nataanaam kaamaakshi prakatayati kaivalyasaranim ॥16॥

japaalakshmeeshono janitaparamajnaananalinee- vikaasavyaasango viphalitajagajjaadyagarimaa । manahpoorvaadrim me tilakayatu kaamaakshi tarasaa tamaskaandadrohee tava charanapaathojaramanah ॥17॥

namaskurmah prenkhanmanikatakaneelotpalamahah- payodhau rinkhadbhirnakhakiranaphenairdhavalite । sphutam kurvaanaaya prabalachaladaurvaanalashikhaa- vitarkam kaamaakshyaah satatamarunimne charanayoh ॥18॥

shive paashaayetaamalaghuni tamahkoopakuhare dinaadheeshaayetaam mama hridayapaathojavipine । nabhomaasaayetaam sarasakavitaareetisariti tvadeeyau kaamaakshi prasritakiranau devi charanau ॥19॥

nishaktam shrutyante nayanamiva sadvrittaruchiraih samairjushtam shuddhairadharamiva ramyairdvijaganaih । shive vakshojanmadvitayamiva muktaashritamume tvadeeyam kaamaakshi pranatasharanam naumi charanam ॥20॥

namasyaasamsajjannamuchiparipanthipranayinee- nisargaprenkholatkuralakulakaalaahishabale । nakhachchaayaadugdhodadhipayasi te vaidrumaruchaam prachaaram kaamaakshi prachurayati paadaabjasushamaa ॥21॥

kadaa dooreekartum katuduritakaakolajanitam mahaantam santaapam madanaparipanthipriyatame । kshanaatte kaamaakshi tribhuvanapareetaapaharane pateeyaamsam lapsye padakamalasevaamritarasam ॥22॥

yayoh saandhyam rochih satatamarunimne sprihayate yayoshchaandree kaantih paripatati drishtvaa nakharuchim । yayoh paakodrekam pipathishati bhaktyaa kisalayam mradimnah kaamaakshyaa manasi charanau tau tanumahe ॥23॥

jagannedam nedam paramiti parityajya yatibhih kushaagreeyasvaantaih kushaladhishanaih shaastrasaranau । gaveshyam kaamaakshi dhruvamakritakaanaam girisute giraamaidamparyam tava charanapadmam vijayate ॥24॥

kritasnaanam shaastraamritasarasi kaamaakshi nitaraam dadhaanam vaishadyam kalitarasamaanandasudhayaa । alankaaram bhoomermunijanamanashchinmayamahaa- payodherantasstham tava charanaratnam mrigayate ॥25॥

manogehe mohodbhavatimirapoorne mama muhuh daridraaneekurvandinakarasahasraani kiranaih । vidhattaam kaamaakshi prasrimaratamovanchanachanah kshanaardham saannidhyam charanamanideepo janani te ॥26॥

kaveenaam chetovannakhararuchisamparki vibudha- sravanteesrotovatpatumukharitam hamsakaravaih । dinaarambhashreevanniyatamarunachchaayasubhagam madantah kaamaakshyaah sphuratu padapankeruhayugam ॥27॥

sadaa kim samparkaatprakritikathinairnaakimukutaih tatairneehaaraadreradhikamanunaa yogimanasaa । vibhinte sammoham shishirayati bhaktaanapi drishaam adrishyam kaamaakshi prakatayati te paadayugalam ॥28॥

pavitraabhyaamamba prakritimridulaabhyaam tava shive padaabhyaam kaamaakshi prasabhamabhibhootaih sachakitaih । pravaalairambhojairapi cha vanavaasavratadashaah sadaivaarabhyante paricharitanaanaadvijaganaih ॥29॥

chiraaddrishyaa hamsaih kathamapi sadaa hamsasulabham nirasyantee jaadyam niyatajadamadhyaikasharanam । adoshavyaasangaa satatamapi doshaaptimalinam payojam kaamaakshyaah parihasati paadaabjayugalee ॥30॥

suraanaamaanandaprabalanatayaa mandanatayaa nakhendujyotsnaabhirvisrimaratamahkhandanatayaa । payojashreedveshavrataratatayaa tvachcharanayoh vilaasah kaamaakshi prakatayati naishaakaradashaam ॥31॥

sitimnaa kaanteenaam nakharajanushaam paadanalina- chchaveenaam shonimnaa tava janani kaamaakshi namane । labhante mandaaragrathitanavabandhookakusuma- srajaam saameecheenyam surapurapurandhreekachabharaah ॥32॥

sphuranmadhye shuddhe nakhakiranadugdhaabdhipayasaam vahannabjam chakram daramapi cha lekhaatmakatayaa । shrito maatsyam roopam shriyamapi dadhaano nirupamaam tridhaamaa kaamaakshyaah padanalinanaamaa vijayate ॥33॥

nakhashreesannaddhastabakanichitah svaishcha kiranaih pishangaih kaamaakshi prakatitalasatpallavaruchih । sataam gamyah shanke sakalaphaladaataa surataruh tvadeeyah paado'yam tuhinagiriraajanyatanaye ॥34॥

vashatkurvanmaanjeerakalakalaih karmalaharee- haveemshi prauddandam jvalati paramajnaanadahane । maheeyaankaamaakshi sphutamahasi johoti sudhiyaam manovedyaam maatastava charanayajvaa girisute ॥35॥

mahaamantram kinchinmanikatakanaadairmridu japan kshipandikshu svachchham nakharuchimayam bhaasmanarajah । nataanaam kaamaakshi prakritipaturachchaatya mamataa- pishaacheem paado'yam prakatayati te maantrikadashaam ॥36॥

udeete bodhendau tamasi nitaraam jagmushi dashaam daridraam kaamaakshi prakatamanuraagam vidadhatee । sitenaachchaadyaangam nakharuchipatenaanghriyugalee- purandhree te maatah svayamabhisaratyeva hridayam ॥37॥

dinaarambhah sampannalinavipinaanaamabhinavo vikaaso vaasantah sukavipikalokasya niyatah । pradoshah kaamaakshi prakataparamajnaanashashina- shchakaasti tvatpaadasmaranamahimaa shailatanaye ॥38॥

dhritachchaayam nityam sarasiruhamaitreeparichitam nidhaanam deepteenaam nikhilajagataam bodhajanakam । mumukshoonaam maargaprathanapatu kaamaakshi padaveem padam te paatangeem parikalayate parvatasute ॥39॥

shanaisteertvaa mohaambudhimatha samaarodhumanasah kramaatkaivalyaakhyaam sukritisulabhaam saudhavalabheem । labhante nihshreneemiva jhatiti kaamaakshi charanam purashcharyaabhiste puramathanaseemantini janaah ॥40॥

prachandaartikshobhapramathanakrite praatibhasari- tpravaahaproddandeekaranajaladaaya pranamataam । pradeepaaya praudhe bhavatamasi kaamaakshi charana- prasaadaunmukhyaaya sprihayati jano'yam janani te ॥41॥

marudbhih samsevyaa satatamapi chaanchalyarahitaa sadaarunyam yaantee parinatidaridraanasushamaa । gunotkarshaanmaanjeerakakalakalaistarjanapatuh pravaalam kaamaakshyaah parihasati paadaabjayugalee ॥42॥

jagadrakshaadakshaa jalajaruchishikshaapatutaraa samairnamyaa ramyaa satatamabhigamyaa budhajanaih । dvayee leelaalolaa shrutishu surapaalaadimukutee- tateeseemaadhaamaa tava janani kaamaakshi padayoh ॥43॥

giraam doorau chorau jadimatimiraanaam kritajaga- tparitraanau shonau munihridayaleelaikanipunau । nakhaih smerau saarau nigamavachasaam khanditabhava- grahonmaadau paadau tava janani kaamaakshi kalaye ॥44॥

avishraantam pankam yadapi kalayanyaavakamayam nirasyankaamaakshi pranamanajushaam pankamakhilam । tulaakotidvandam dadhadapi cha gachchannatulataam giraam maargam paado girivarasute langhayati te ॥45॥

pravaalam savreelam vipinavivare vepayati yaa sphuralleelam baalaatapamadhikabaalam vadati yaa । ruchim saandhyaam vandhyaam virachayati yaa vardhayatu saa shivam me kaamaakshyaah padanalinapaatalyalaharee ॥46॥

kiranjyotsnaareetim nakhamukharuchaa hamsamanasaam vitanvaanah preetim vikachatarunaambhoruharuchih । prakaashah shreepaadastava janani kaamaakshi tanute sharatkaalapraudhim shashishakalachoodapriyatame ॥47॥

nakhaankoorasmeradyutivimalagangaambhasi sukham kritasnaanam jnaanaamritamamalamaasvaadya niyatam । udanchanmanjeerasphuranamanideepe mama mano manojne kaamaakshyaashcharanamaniharmye viharataam ॥48॥

bhavaambhodhau naukaam jadimavipine paavakashikhaa- mamartyendraadeenaamadhimukutamuttamsakalikaam । jagattaape jyotsnaamakritakavachahpanjarapute shukastreem kaamaakshyaa manasi kalaye paadayugaleem ॥49॥

paratmapraakaashyapratiphalanachunchuh pranamataam manojnastvatpaado manimukuramudraam kalayate । yadeeyaam kaamaakshi prakritimasrinaah shodhakadashaam vidhaatum cheshthante balaripuvadhooteekachabharaah ॥50॥

avishraantam tishthannakritakavachahkandaraputee- kuteeraantah praudham nakharuchisataaleem prakatayan । prachandam khandatvam nayatu mama kaamaakshi tarasaa tamovetandendram tava charanakantheeravapatih ॥51॥

purastaatkaamaakshi prachurarasamaakhandalapuree- purandhreenaam laasyam tava lalitamaalokya shanakaih । nakhashreebhih smeraa bahu vitanute noopuraravai- shchamatkrityaa shanke charanayugalee chaaturachanaah ॥52॥

sarojam nindantee nakhakiranakarpoorashishiraa nishiktaa maaraarermukutashashirekhaahimajalaih । sphurantee kaamaakshi sphutaruchimaye pallavachaye tavaadhatte maitreem pathikasudrishaa paadayugalee ॥53॥

nataanaam sampatteranavaratamaakarshanajapah prarohatsamsaaraprasaragarimastambhanajapah । tvadeeyah kaamaakshi smaraharamanomohanajapah pateeyaannah paayaatpadanalinamanjeeraninadah ॥54॥

vitanveethaa naathe mama shirasi kaamaakshi kripayaa padaambhojanyaasam pashuparibridhapraanadayite । pibanto yanmudraam prakatamupakampaaparisaram drishaa naanandyante nalinabhavanaaraayanamukhaah ॥55॥

pranaamodyadbrindaaramukutamandaarakalikaa- vilolallolambaprakaramayadhoomaprachurimaa । pradeeptah paadaabjadyutivitatipaatalyalaharee- krishaanuh kaamaakshyaa mama dahatu samsaaravipinam ॥56॥

valakshashreerrikshaadhipashishusadrikshaistava nakhaih jighrikshurdakshatvam sarasiruhabhikshutvakarane । kshanaanme kaamaakshi kshapitabhavasankshobhagarimaa vachovaichakshanyam charanayugalee pakshmalayataat ॥57॥

samantaatkaamaakshi kshatatimirasantaanasubhagaan anantaabhirbhaabhirdinamanu digantaanvirachayan । ahantaayaa hantaa mama jadimadantaavalaharih vibhintaam santaapam tava charanachintaamanirasau ॥58॥

dadhaano bhaasvattaamamritanilayo lohitavapuh vinamraanaam saumyo gururapi kavitvam cha kalayan । gatau mando gangaadharamahishi kaamaakshi bhajataam tamahketurmaatastava charanapadmo vijayate ॥59॥

nayanteem daasatvam nalinabhavamukhyaanasulabha- pradaanaaddeenaanaamamaratarudaurbhaagyajananeem । jagajjanmakshemakshayavidhishu kaamaakshi padayo- rdhureenaameeshte karastava bhanitumaahopurushikaam ॥60॥

jano'yam santapto janani bhavachandaamshukiranaih alabdhavaikam sheetam kanamapi parajnaanapayasah । tamomaarge paanthastava jhatiti kaamaakshi shishiraam padaambhojachchaayaam paramashivajaaye mrigayate ॥61॥

jayatyamba shreemannakhakiranacheenaamshukamayam vitaanam bibhraane suramukutasanghattamasrine । nijaarunyakshaumaastaranavati kaamaakshi sulabhaa budhaih samvinnaaree tava charanamaanikyabhavane ॥62॥

prateemah kaamaakshi sphuritatarunaadityakirana- shriyo mooladravyam tava charanamadreendratanaye । surendraashaamaapoorayati yadasau dhvaantamakhilam dhuneete digbhaagaanapi cha mahasaa paatalayate ॥63॥

mahaabhaashyavyaakhyaapatushayanamaaropayati vaa smaravyaapaarershyaapishunanitilam kaarayati vaa । dvirephaanaamadhyaasayati satatam vaadhivasatim pranamraankaamaakshyaah padanalinamaahaatmyagarimaa ॥64॥

vivekaambhassrotassnapanaparipaateeshishirite sameebhoote shaastrasmaranahalasankarshanavashaat । sataam chetahkshetre vapati tava kaamaakshi charano mahaasamvitsasyaprakaravarabeejam girisute ॥65॥

dadhaano mandaarastabakaparipaateem nakharuchaa vahandeeptaam shonaangulipatalachaampeyakalikaam । ashokollaasam nah prachurayatu kaamaakshi charano vikaasee vaasantah samaya iva te sharvadayite ॥66॥

nakhaamshupraachuryaprasrimaramaraalaalidhavalah sphuranmanjeerodyanmarakatamahashshaivalayutah । bhavatyaah kaamaakshi sphutacharanapaatalyakapato nadah shonaabhikhyo nagapatitanooje vijayate ॥67॥

dhunaanam pankaugham paramasulabham kantakakulaih vikaasavyaasangam vidadhadaparaadheenamanisham । nakhendujyotsnaabhirvishadaruchi kaamaakshi nitaraam asaamaanyam manye sarasijamidam te padayugam ॥68॥

kareendraaya druhyatyalasagatileelaasu vimalaih payojairmaatsaryam prakatayati kaamam kalayate । padaambhojadvandvam tava tadapi kaamaakshi hridayam muneenaam shaantaanaam kathamanishamasmai sprihayate ॥69॥

nirastaa shonimnaa charanakiranaanaam tava shive samindhaanaa sandhyaaruchirachalaraajanyatanaye । asaamarthyaadenam paribhavitumetatsamaruchaam sarojaanaam jaane mukulayati shobhaam pratidinam ॥70॥

upaadikshaddaakshyam tava charananaamaa gururasau maraalaanaam shanke masrinagatilaalityasaranau । ataste nistandram niyatamamunaa sakhyapadaveem prapannam paathojam prati dadhati kaamaakshi kutukam ॥71॥

dadhaanaih samsargam prakritimalinaih shatpadakulaih dvijaadheeshashlaaghaavidhishu vidadhadbhirmukulataam । rajomishraih padmairniyatamapi kaamaakshi padayoh virodhaste yukto vishamasharavairipriyatame ॥72॥

kavitvashreemishreekarananipunau rakshanachanau vipannaanaam shreemannalinamasrinau shonakiranau । muneendraanaamantahkaranasharanau mandasaranau manojnau kaamaakshyaa duritaharanau naumi charanau ॥73॥

parasmaatsarvasmaadapi cha parayormuktikarayoh nakhashreebhirjyotsnaakalitatulayostaamratalayoh । nileeye kaamaakshyaa nigamanutayornaakinatayoh nirastapronmeelannalinamadayoreva padayoh ॥74॥

svabhaavaadanyonyam kisalayamapeedam tava padam mradimnaa shonimnaa bhagavati dadhaate sadrishataam । vane poorvasyechchhaa satatamavane kim tu jagataam parasyettham bhedah sphurati hridi kaamaakshi sudhiyaam ॥75॥

katham vaachaalo'pi prakatamanimanjeeraninadaih sadaivaanandaardraanvirachayati vaachamyamajanaan । prakrityaa te shonachchhavirapi cha kaamaakshi charano maneeshaanairmalyam kathamiva nrinaam maamsalayate ॥76॥

chalattrishnaaveecheeparichalanaparyaakulatayaa muhurbhraantastaantah paramashivavaamaakshi paravaan । titeershuh kaamaakshi prachuratarakarmaambudhimamum kadaaham lapsye te charanamanisetum girisute ॥77॥

vishushyantyaam prajnaasariti duritagreeshmasamaya- prabhaavena ksheene sati mama manahkekini shuchaa । tvadeeyah kaamaakshi sphuritacharanaambhodamahimaa nabhomaasaatopam nagapatisute kim na kurute ॥78॥

vinamraanaam chetobhavanavalabheeseemni charana- pradeepe praakaashyam dadhati tava nirdhootatamasi । aseemaa kaamaakshi svayamalaghudushkarmalaharee vighoornantee shaantim shalabhaparipaateeva bhajate ॥79॥

viraajantee shuktirnakhakiranamuktaamanitateh vipatpaathoraashau tarirapi naraanaam pranamataam । tvadeeyah kaamaakshi dhruvamalaghuvahnirbhavavane muneenaam jnaanaagneraranirayamanghirvijayate ॥80॥

samastaih samsevyah satatamapi kaamaakshi vibudhaih stuto gandharvastreesulalitavipancheekalaravaih । bhavatyaa bhindaano bhavagirikulam jrimbhitatamo- baladrohee maatashcharanapuruhooto vijayate ॥81॥

vasantam bhaktaanaamapi manasi nityam parilasad- ghanachchhaayaapoornam shuchimapi nrinaam taapashamanam । nakhendujyotsnaabhih shishiramapi padmodayakaram namaamah kaamaakshyaashcharanamadhikaashcharyakaranam ॥82॥

kaveendraanaam naanaabhanitigunachitreekritavachah- prapanchavyaapaaraprakatanakalaakaushalanidhih । adhahkurvannabjam sanakabhrigumukhyairmunijanaih namasyah kaamaakshyaashcharanaparameshthee vijayate ॥83॥

bhavatyaah kaamaakshi sphuritapadapankeruhabhuvaam paraagaanaam pooraih parihritakalankavyatikaraih । nataanaamaamrishte hridayamukure nirmalaruchi prasanne nishshesham pratiphalati vishvam girisute ॥84॥

tava trastam paadaatkisalayamaranyaantaramagaat param rekhaaroopam kamalamamumevaashritamabhoot । jitaanaam kaamaakshi dvitayamapi yuktam paribhave videshe vaaso vaa sharanagamanam vaa nijaripoh ॥85॥

griheetvaa yaathaarthyam nigamavachasaam deshikakripaa- kataaksharkajyotishshamitamamataabandhatamasah । yatante kaamaakshi pratidivasamantardradhayitum tvadeeyam paadaabjam sukritaparipaakena sujanaah ॥86॥

jadaanaamapyamba smaranasamaye tavachcharanayoh bhramanmanthakshmaabhriddhumughumitasindhupratibhataah । prasannaah kaamaakshi prasabhamadharaspandanakaraa bhavanti svachchhandam prakritiparipakkaa bhanitayah ॥87॥

vahannapyashraantam madhuraninadam hamsakamasau tamevaadhah kartum kimiva yatate keligamane । bhavasyaivaanandam vidadhadapi kaamaakshi charano bhavatyaastaddroham bhagavati kimevam vitanute ॥88॥

yadatyantam taamyatyalasagativaartaasvapi shive tadetatkaamaakshi prakritimridulam te padayugam । kireetaih sanghattam kathamiva suraughasya sahate muneendraanaamaaste manasi cha katham soochinishite ॥89॥

manorange matke vibudhajanasammodajananee saraagavyaasangam sarasamridusanchaarasubhagaa । manojnaa kaamaakshi prakatayatu laasyaprakaranam rananmanjeeraa te charanayugaleenartakavadhooh ॥90॥

parishkurvanmaatah pashupatikapardam charanaraat paraachaam hritpadmam paramabhaniteenaam cha makutam । bhavaakhye paathodhau pariharatu kaamaakshi mamataa- paraadheenatvam me parimushitapaathojamahimaa ॥91॥

prasoonaih samparkaadamarataruneekuntalabhavaih abheeshtaanaam daanaadanishamapi kaamaakshi namataam । svasangaatkankeliprasavajanakatvena cha shive tridhaa dhatte vaartaam surabhiriti paado girisute ॥92॥

mahaamohastenavyatikarabhayaatpaalayati yo vinikshiptam svasminnijajanamanoratnamanisham । sa raagasyodrekaatsatatamapi kaamaakshi tarasaa kimevam paado'sau kisalayaruchim chorayati te ॥93॥

sadaa svaadunkaaram vishayalahareeshaalikanikaam samaasvaadya shraantam hridayashukapotam janani me । kripaajaale phaalekshanamahishi kaamaakshi rabhasaat griheetvaa rundheethaarastava padayugeepanjarapute ॥94॥

dhunaanam kaamaakshi smaranalavamaatrena jadima- jvarapraudhim goodhasthiti nigamanaikunjakuhare । alabhyam sarveshaam katichana labhante sukritinah chiraadanvishyantastava charanasiddhaushadhamidam ॥95॥

rananmanjeeraabhyaam lalitagamanaabhyaam sukritinaam manovaastavyaabhyaam mathitatimiraabhyaam nakharuchaa । nidheyaabhyaam patyaa nijashirasi kaamaakshi satatam namaste paadaabhyaam nalinamridulaabhyaam girisute ॥96॥

suraage raakendupratinidhimukhe parvatasute chiraallabhye bhaktyaa shamadhanajanaanaam parishadaa । manobhringo matkah padakamalayugme janani te prakaamam kaamaakshi tripuraharavaamaakshi ramataam ॥97॥

shive samvidroope shashishakalachoodapriyatame shanairgatyaagatyaa jitasuravarebhe girisute । yatante santaste charananalinaalaanayugale sadaa baddham chittapramadakariyootham dridhataram ॥98॥

yashah soote maatarmadhurakavitaam pakshmalayate shriyam datte chitte kamapi paripaakam prathayate । sataam paashagranthim shithilayati kim kim na kurute prapanne kaamaakshyaah pranatiparipaatee charanayoh ॥99॥

maneeshaam maahendreem kakubhamiva te kaamapi dashaam pradhatte kaamaakshyaashcharanatarunaadityakiranah । yadeeye samparke dhritarasamarandaa kavayataam pareepaakam dhatte parimalavatee sooktinalinee ॥100॥

puraa maaraaraatih puramajayadamba stavashataih prasannaayaam satyaam tvayi tuhinashailendratanaye । ataste kaamaakshi sphuratu tarasaa kaalasamaye samaayaate maatarmama manasi paadaabjayugalam ॥101॥

padadvandvam mandam gatishu nivasantam hridi sataam giraamante bhraantam kritakarahitaanaam paribridhe । janaanaamaanandam janani janayantam pranamataam tvadeeyam kaamaakshi pratidinamaham naumi vimalam ॥102॥

idam yah kaamaakshyaashcharananalinastotrashatakam japennityam bhaktyaa nikhilajagadaahlaadajanakam । sa vishveshaam vandyah sakalakavilokaikatilakah chiram bhuktvaa bhogaanparinamati chidroopakalayaa ॥103॥

॥ iti paadaaravindashatakam sampoornam ॥

మూక పంచ శతి 2 - పాదారవింద శతకం గురించి

The Padaravinda Shatakam is the second of the five hundred-verse poems of the Mooka Pancha Shati, devoted entirely to the lotus feet of Goddess Kamakshi of Kanchipuram. It begins by saying no one can measure her greatness, yet the poet's mind ripens into praise of her feet, red as fresh shoots, which spread their glow in every direction.

రచయిత: Mooka Kavi, traditionally

ఎప్పుడు పఠించాలి: On Fridays, during Navaratri, and in Kamakshi worship.

మీకు తెలుసా?

  • Worship of the Devi's feet (padaravinda) stands for surrender; the whole shataka is on this one theme.
  • Its closing verse says the one who recites these hundred verses on her feet daily becomes honoured by all and the jewel among poets.
  • Tradition says Mooka, a mute devotee, received speech by Kamakshi's grace and poured out all five hundred verses.

తరచుగా అడిగే ప్రశ్నలు

What is the Padaravinda Shatakam about?

The lotus feet of Goddess Kamakshi, in one hundred verses.

Which part of the Mooka Pancha Shati is it?

The second of its five shatakas.

Who wrote it?

Mooka Kavi, according to tradition.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.