నారాయణ ఉపనిషద్
Vedic · సాంప్రదాయ భక్తి గ్రంథం
ॐ स॒ह ना॑ववतु । स॒ह नौ॑ भुनक्तु । स॒ह वी॒र्यं॑ करवावहै । ते॒ज॒स्विना॒वधी॑तमस्तु॒ मा वि॑द्विषा॒वहै᳚ ॥ ॐ शांतिः॒ शांतिः॒ शांतिः॑ ॥
ॐ अथ पुरुषो ह वै नारायणोऽकामयत प्रजाः सृ॑जेये॒ति । ना॒रा॒य॒णात्प्रा॑णो जा॒यते । मनः सर्वेंद्रि॑याणि॒ च । खं-वाँयुर्ज्योतिरापः पृथिवी विश्व॑स्य धा॒रिणी । ना॒रा॒य॒णाद्ब्र॑ह्मा जा॒यते । ना॒रा॒य॒णाद्रु॑द्रो जा॒यते । ना॒रा॒य॒णादिं॑द्रो जा॒यते । ना॒रा॒य॒णात्प्रजापतयः प्र॑जायं॒ते । ना॒रा॒य॒णाद्द्वादशादित्या रुद्रा वसवस्सर्वाणि च छं॑दाग्ं॒सि । ना॒रा॒य॒णादेव समु॑त्पद्यं॒ते । ना॒रा॒य॒णे प्र॑वर्तं॒ते । ना॒रा॒य॒णे प्र॑लीयं॒ते ॥
ओम् । अथ नित्यो ना॑राय॒णः । ब्र॒ह्मा ना॑राय॒णः । शि॒वश्च॑ नाराय॒णः । श॒क्रश्च॑ नाराय॒णः । द्या॒वा॒पृ॒थि॒व्यौ च॑ नाराय॒णः । का॒लश्च॑ नाराय॒णः । दि॒शश्च॑ नाराय॒णः । ऊ॒र्ध्वश्च॑ नाराय॒णः । अ॒धश्च॑ नाराय॒णः । अं॒त॒र्ब॒हिश्च॑ नाराय॒णः । नारायण एवे॑दग्ं स॒र्वम् । यद्भू॒तं-यँच्च॒ भव्यम्᳚ । निष्कलो निरंजनो निर्विकल्पो निराख्यातः शुद्धो देव एको॑ नाराय॒णः । न द्वि॒तीयो᳚स्ति॒ कश्चि॑त् । य ए॑वं-वेँ॒द । स विष्णुरेव भवति स विष्णुरे॑व भ॒वति ॥
ओमित्य॑ग्रे व्या॒हरेत् । नम इ॑ति प॒श्चात् । ना॒रा॒य॒णायेत्यु॑परि॒ष्टात् । ओमि॑त्येका॒क्षरम् । नम इति॑ द्वे अ॒क्षरे । ना॒रा॒य॒णायेति पंचा᳚क्षरा॒णि । एतद्वै नारायणस्याष्टाक्ष॑रं प॒दम् । यो ह वै नारायणस्याष्टाक्षरं पद॑मध्ये॒ति । अनपब्रवस्सर्वमा॑युरे॒ति । विंदते प्रा॑जाप॒त्यग्ं रायस्पोषं॑ गौप॒त्यम् । ततोऽमृतत्वमश्नुते ततोऽमृतत्वमश्नु॑त इ॒ति । य ए॑वं-वेँ॒द ॥
प्रत्यगानंदं ब्रह्म पुरुषं प्रणव॑स्वरू॒पम् । अकार उकार मका॑र इ॒ति । तानेकधा समभरत्तदेत॑दोमि॒ति । यमुक्त्वा॑ मुच्य॑ते यो॒गी॒ ज॒न्म॒संसा॑रबं॒धनात् । ॐ नमो नारायणायेति मं॑त्रोपा॒सकः । वैकुंठभुवनलोकं॑ गमि॒ष्यति । तदिदं परं पुंडरीकं-विँ॑ज्ञान॒घनम् । तस्मात्तदिदा॑वन्मा॒त्रम् । ब्रह्मण्यो देव॑कीपु॒त्रो॒ ब्रह्मण्यो म॑धुसू॒दनोम् । सर्वभूतस्थमेकं॑ नारा॒यणम् । कारणरूपमकार प॑रब्र॒ह्मोम् । एतदथर्व शिरो॑योऽधी॒ते प्रा॒तर॑धीया॒नो॒ रात्रिकृतं पापं॑ नाश॒यति । सा॒यम॑धीया॒नो॒ दिवसकृतं पापं॑ नाश॒यति । माध्यंदिनमादित्याभिमुखो॑ऽधीया॒नः॒ पंचपातकोपपातका᳚त्प्रमु॒च्यते । सर्व वेद पारायण पु॑ण्यं-लँ॒भते । नारायणसायुज्यम॑वाप्नो॒ति॒ नारायण सायुज्यम॑वाप्नो॒ति । य ए॑वं-वेँ॒द । इत्यु॑प॒निष॑त् ॥
ॐ स॒ह ना॑ववतु । स॒ह नौ॑ भुनक्तु । स॒ह वी॒र्यं॑ करवावहै । ते॒ज॒स्विना॒वधी॑तमस्तु॒ मा वि॑द्विषा॒वहै᳚ ॥ ॐ शांतिः॒ शांतिः॒ शांतिः॑ ॥
నారాయణ ఉపనిషద్ గురించి
The Narayana Upanishad is a short Upanishad declaring Narayana as the source of everything: from Narayana arise life, mind, the senses, the elements and all the gods, and into Narayana they return. It teaches the eight-syllable mantra "Om Namo Narayanaya" and ends with the meaning of Om as a, u and m.
మూలం: Krishna Yajurveda
ఎప్పుడు పఠించాలి: In daily Vishnu worship, on Ekadashi and Vaikuntha Ekadashi, and as part of Vedic recitation.
మీకు తెలుసా?
- It is the classic source of the ashtakshara mantra "Om Namo Narayanaya", central to Sri Vaishnava practice.
- It opens and closes with the "Saha navavatu" peace chant, a prayer that teacher and student study together without discord.
- Its closing passage says that by uttering Om, the yogi is freed from the bondage of birth and worldly life.
తరచుగా అడిగే ప్రశ్నలు
What does the Narayana Upanishad teach?
That Narayana is the source and end of all beings, and it gives the mantra "Om Namo Narayanaya".
Which Veda does it belong to?
The Krishna Yajurveda.
What is the ashtakshara mantra?
"Om Namo Narayanaya", the eight-syllable mantra of Narayana.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.