MuhurtaNow

శని అష్టోత్తర శత నామ స్తోత్రం

Navagraha · సాంప్రదాయ భక్తి గ్రంథం

शनैश्चराय शांताय सर्वाभीष्टप्रदायिने । शरण्याय वरेण्याय सर्वेशाय नमो नमः ॥ 1 ॥

सौम्याय सुरवंद्याय सुरलोकविहारिणे । सुखासनोपविष्टाय सुंदराय नमो नमः ॥ 2 ॥

घनाय घनरूपाय घनाभरणधारिणे । घनसारविलेपाय खद्योताय नमो नमः ॥ 3 ॥

मंदाय मंदचेष्टाय महनीयगुणात्मने । मर्त्यपावनपादाय महेशाय नमो नमः ॥ 4 ॥

छायापुत्राय शर्वाय शरतूणीरधारिणे । चरस्थिरस्वभावाय चंचलाय नमो नमः ॥ 5 ॥

नीलवर्णाय नित्याय नीलांजननिभाय च । नीलांबरविभूषाय निश्चलाय नमो नमः ॥ 6 ॥

वेद्याय विधिरूपाय विरोधाधारभूमये । भेदास्पदस्वभावाय वज्रदेहाय ते नमः ॥ 7 ॥

वैराग्यदाय वीराय वीतरोगभयाय च । विपत्परंपरेशाय विश्ववंद्याय ते नमः ॥ 8 ॥

गृध्नवाहाय गूढाय कूर्मांगाय कुरूपिणे । कुत्सिताय गुणाढ्याय गोचराय नमो नमः ॥ 9 ॥

अविद्यामूलनाशाय विद्याऽविद्यास्वरूपिणे । आयुष्यकारणायाऽऽपदुद्धर्त्रे च नमो नमः ॥ 10 ॥

विष्णुभक्ताय वशिने विविधागमवेदिने । विधिस्तुत्याय वंद्याय विरूपाक्षाय ते नमः ॥ 11 ॥

वरिष्ठाय गरिष्ठाय वज्रांकुशधराय च । वरदाऽभयहस्ताय वामनाय नमो नमः ॥ 12 ॥

ज्येष्ठापत्नीसमेताय श्रेष्ठाय मितभाषिणे । कष्टौघनाशकर्याय पुष्टिदाय नमो नमः ॥ 13 ॥

स्तुत्याय स्तोत्रगम्याय भक्तिवश्याय भानवे । भानुपुत्राय भव्याय पावनाय नमो नमः ॥ 14 ॥

धनुर्मंडलसंस्थाय धनदाय धनुष्मते । तनुप्रकाशदेहाय तामसाय नमो नमः ॥ 15 ॥

अशेषजनवंद्याय विशेषफलदायिने । वशीकृतजनेशाय पशूनां पतये नमः ॥ 16 ॥

खेचराय खगेशाय घननीलांबराय च । काठिन्यमानसायाऽऽर्यगणस्तुत्याय ते नमः ॥ 17 ॥

नीलच्छत्राय नित्याय निर्गुणाय गुणात्मने । निरामयाय निंद्याय वंदनीयाय ते नमः ॥ 18 ॥

धीराय दिव्यदेहाय दीनार्तिहरणाय च । दैन्यनाशकरायाऽऽर्यजनगण्याय ते नमः ॥ 19 ॥

क्रूराय क्रूरचेष्टाय कामक्रोधकराय च । कलत्रपुत्रशत्रुत्वकारणाय नमो नमः ॥ 20 ॥

परिपोषितभक्ताय परभीतिहराय च । भक्तसंघमनोऽभीष्टफलदाय नमो नमः ॥ 21 ॥

इत्थं शनैश्चरायेदं नाम्नामष्टोत्तरं शतम् । प्रत्यहं प्रजपन्मर्त्यो दीर्घमायुरवाप्नुयात् ॥ 22 ॥

इति श्री शनि अष्टोत्तरशतनाम स्तोत्रम् ।

శని అష్టోత్తర శత నామ స్తోత్రం గురించి

The Shani Ashtottara Shatanama Stotram gives 108 names of Shani, the planet Saturn, in verse, each followed by "namo namah". It begins: salutations to Shanaishchara, the slow-moving, the peaceful, the giver of all that is desired, the refuge, the most excellent, the lord of all; to the gentle one, honoured by the gods, who roams the world of the gods, seated at ease, beautiful.

ఎప్పుడు పఠించాలి: On Saturdays, during Sade Sati and Shani dasha, and on Shani Jayanti.

మీకు తెలుసా?

  • "Shanaishchara" means "the slow mover", as Saturn takes about thirty years to circle the zodiac.
  • Its names stress Shani's gentle, gracious side, as a just teacher rather than only a source of trouble.
  • Sesame oil, black sesame and dark blue flowers are traditionally offered to Shani on Saturdays.

తరచుగా అడిగే ప్రశ్నలు

What does "Shanaishchara" mean?

"The slow mover", from Saturn's slow path through the zodiac.

How does the stotram picture Shani?

As peaceful, gracious and the giver of all that is desired.

When is it recited?

On Saturdays and during Sade Sati.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.