MuhurtaNow

సరస్వతీ సూక్తం

Vedic · సాంప్రదాయ భక్తి గ్రంథం

-(ঋ.বে.6.61) ই॒যম্॑দদাদ্রভ॒সমৃ॑ণ॒চ্য়ুতং॒ দিবো᳚দাসং-বঁদ্র্য়॒শ্বায়॑ দা॒শুষে᳚ । যা শশ্বং᳚তমাচ॒খশদা᳚ব॒সং প॒ণিং তা তে᳚ দা॒ত্রাণি॑ তবি॒ষা স॑রস্বতি ॥ 1 ॥

ই॒য়ং শুষ্মে᳚ভির্বিস॒খা ই॑বারুজ॒ত্সানু॑ গিরী॒ণাং ত॑বি॒ষেভি॑রূ॒র্মিভিঃ॑ । পা॒রা॒ব॒ত॒ঘ্নীমব॑সে সুবৃ॒ক্তিভি॑স্সর॑স্বতী॒ মা বি॑বাসেম ধী॒তিভিঃ॑ ॥ 2 ॥

সর॑স্বতি দেব॒নিদো॒ নি ব॑র্হয় প্র॒জাং-বিঁশ্ব॑স্য়॒ বৃস॑যস্য় মা॒য়িনঃ॑ । উ॒ত ক্ষি॒তিভ্য়ো॒ঽবনী᳚রবিংদো বি॒ষমে᳚ভ্য়ো অস্রবো বাজিনীবতি ॥ 3 ॥

প্রণো᳚ দে॒বী সর॑স্বতী॒ বাজে᳚ভির্বা॒জিনী᳚বতী । ধী॒নাম॑বি॒ত্র্য়॑বতু ॥ 4 ॥

যস্ত্বা᳚ দেবি সরস্বত্য়ুপব্রূ॒তে ধনে᳚ হি॒তে । ইংদ্রং॒ ন বৃ॑ত্র॒তূর্য়ে᳚ ॥ 5 ॥

ত্বং দে᳚বি সরস্ব॒ত্যবা॒ বাজে᳚ষু বাজিনি । রদা᳚ পূ॒ষেব॑ নঃ স॒নিম্ ॥ 6 ॥

উ॒ত স্য়া নঃ॒ সর॑স্বতী ঘো॒রা হির᳚ণ্যবর্তনিঃ । বৃ॒ত্র॒ঘ্নী ব॑ষ্টি সুষ্টু॒তিম্ ॥ 7 ॥

যস্য়া᳚ অনং॒তো অহ্রু॑তস্ত্বে॒ষশ্চ॑রি॒ষ্ণুর᳚র্ণ॒বঃ । অম॒শ্চর॑তি॒ রোরু॑বত্ ॥ 8 ॥

সা নো॒ বিশ্বা॒ অতি॒ দ্বিষঃ॒ স্বসৄ᳚র॒ন্য়া ঋ॒তাব॑রী । অত॒ন্নহে᳚ব॒ সূর্য়ঃ॑ ॥ 9 ॥

উ॒ত নঃ॑ প্রি॒য়া প্রি॒য়াসু॑ স॒প্তস্ব॑সা॒ সুজু॑ষ্টা । সর॑স্বতী॒ স্তোম্য়া᳚ ভূত্ ॥ 10 ॥

আ॒প॒প্রুষী॒ পার্থি॑বান্য়ু॒রু রজো᳚ অং॒তরি॑ক্ষম্ । সর॑স্বতী নি॒দস্পা᳚তু ॥ 11 ॥

ত্রি॒ষ॒ধস্থা᳚ স॒প্তধা᳚তুঃ॒ পংচ॑ জা॒তা ব॒র্ধয়ং᳚তী । বাজে᳚বাজে॒ হব্য়া᳚ ভূত্ ॥ 12 ॥

প্র যা ম॑হি॒ম্না ম॒হিনা᳚সু॒ চেকি॑তে দ্য়ু॒ম্নেভি॑র॒ন্য়া অ॒পসা᳚ম॒পস্ত॑মা । রথ॑ ইব বৃহ॒তী বি॒ভ্বনে᳚ কৃ॒তোপ॒স্তুত্য়া᳚ চিকি॒তুষা॒ সর॑স্বতী ॥ 13 ॥

সর॑স্বত্য়॒ভি নো᳚ নেষি॒ বস্য়ো॒ মাপ॑ স্ফরীঃ॒ পয়॑সা॒ মা ন॒ আ ধ॑ক্ । জু॒ষস্ব॑ নঃ স॒খ্য়া বে॒শ্য়া᳚ চ॒ মা ত্বত্ ক্ষেত্রা॒ণ্যর॑ণানি গন্ম ॥ 14 ॥

–(ঋ.বে.7.95) প্র ক্ষোদ॑সা॒ ধায়॑সা সস্র এ॒ষা সর॑স্বতী ধ॒রুণ॒মায়॑সী॒ পূঃ । প্র॒বাব॑ধানা র॒থ্য়ে᳚ব যাতি॒ বিশ্বা᳚ অ॒পো ম॑হি॒না সিংধু॑র॒ন্য়াঃ ॥ 15 ॥

একা᳚চেত॒ত্সর॑স্বতী ন॒দীনাং॒ শুচি᳚র্য়॒তী গি॒রিভ্য়॒ আ স॑মু॒দ্রাত্ । রা॒যশ্চেতং᳚তী॒ ভুব॑নস্য়॒ ভূরে᳚র্ঘৃ॒তং পয়ো᳚ দুদুহে॒ নাহু॑ষায় ॥ 16 ॥

স বা᳚বৃধে॒ নর্য়ো॒ যোষ॑ণাসু॒ বৃষা॒ শিশু᳚র্বৃষ॒ভো য॒জ্ঞিয়া᳚সু । স বা॒জিনং᳚ ম॒ঘব॑দ্ভ্য়ো দধাতি॒ বি সা॒তয়ে᳚ ত॒ন্বং᳚ মামৃজীত ॥ 17 ॥

উ॒ত স্য়া নঃ॒ সর॑স্বতী জুষা॒ণোপ॑ শ্রবত্সু॒ভগা᳚ য॒জ্ঞে অ॒স্মিন্ন্ । মি॒তজ্ঞু॑ভির্নম॒স্য়ৈ᳚রিয়া॒না রা॒য়া যু॒জা চি॒দুত্ত॑রা॒ সখি॑ভ্য়ঃ ॥ 18 ॥

ই॒মা জুহ্বা᳚না যু॒ষ্মদা নমো᳚ভিঃ॒ প্রতি॒ স্তোমং᳚ সরস্বতি জুষস্ব । তব॒ শর্ম᳚ন্প্রি॒যত॑মে॒ দধা᳚না॒ উপ॑ স্থেয়াম শর॒ণং ন বৃ॒ক্ষম্ ॥ 19 ॥

অ॒যমু॑ তে সরস্বতি॒ বসি॑ষ্ঠো॒ দ্বারা᳚বৃ॒তস্য়॑ সুভগে॒ ব্য়া᳚বঃ । বর্ধ॑ শুভ্রে স্তুব॒তে রা᳚সি॒ বাজা॑ন্য়ূ॒য়ং পা᳚ত স্ব॒স্তিভিঃ॒ সদা᳚ নঃ ॥ 20 ॥

(ঋ.বে.7.96) বৃ॒হদু॑ গায়িষে॒ বচো᳚ঽসু॒র্য়া᳚ ন॒দীনা᳚ম্ । সর॑স্বতী॒মিন্ম॑হয়া সুবৃ॒ক্তিভি॒স্স্তোমৈ᳚র্বসিষ্ঠ॒ রোদ॑সী ॥ 21 ॥

উ॒ভে যত্তে᳚ মহি॒না শু॑ভ্রে॒ অংধ॑সী অধিক্ষি॒য়ংতি॑ পূ॒রবঃ॑ । সা নো᳚ বোধ্যবি॒ত্রী ম॒রুত্স॑খা॒ চোদ॒ রাধো᳚ ম॒ঘোনা᳚ম্ ॥ 22 ॥

ভ॒দ্রমিদ্ভ॒দ্রা কৃ॑ণব॒ত্সর॑স্ব॒ত্যক॑বারী চেততি বা॒জিনী᳚বতী । গৃ॒ণা॒না জ॑মদগ্নি॒বত্স্তু॑বা॒না চ॑ বসিষ্ঠ॒বত্ ॥ 23 ॥

জ॒নী॒য়ংতো॒ ন্বগ্র॑বঃ পুত্রী॒য়ংতঃ॑ সু॒দান॑বঃ । সর॑স্বংতং হবামহে ॥ 24 ॥

যে তে᳚ সরস্ব ঊ॒র্ময়ো॒ মধু॑মংতো ঘৃত॒শ্চুতঃ॑ । তেভি᳚র্নোঽবি॒তা ভ॒ব ॥ 25 ॥

পী॒পি॒বাংসং॒ সর॑স্বতঃ॒ স্তনং॒-য়োঁ বি॒শ্বদ॑র্শতঃ । ভ॒ক্ষী॒মহি॑ প্র॒জামিষম্᳚ ॥ 26 ॥

(ঋ.বে.2.41.16) অংবি॑তমে॒ নদী᳚তমে॒ দেবি॑তমে॒ সর॑স্বতি । অ॒প্র॒শ॒স্তা ই॑ব স্মসি॒ প্রশ॑স্তিমংব নস্কৃধি ॥ 27 ॥

ত্বে বিশ্বা᳚ সরস্বতি শ্রি॒তায়ূং᳚ষি দে॒ব্য়াম্ । শু॒নহো᳚ত্রেষু মত্স্ব প্র॒জাং দে᳚বি দিদিড্ঢি নঃ ॥ 28 ॥

ই॒মা ব্রহ্ম॑ সরস্বতি জু॒ষস্ব॑ বাজিনীবতি । যা তে॒ মন্ম॑ গৃত্সম॒দা ঋ॑তাবরি প্রি॒য়া দে॒বেষু॒ জুহ্ব॑তি ॥ 29 ॥

(ঋ.বে.1.3.10) পা॒ব॒কা নঃ॒ সর॑স্বতী॒ বাজে᳚ভির্বা॒জিনী᳚বতী । য॒জ্ঞং-বঁ॑ষ্টু ধি॒য়াব॑সুঃ ॥ 30 ॥

চো॒দ॒য়ি॒ত্রী সূ॒নৃতা᳚নাং॒ চেতং᳚তী সুমতী॒নাম্ । য॒জ্ঞং দ॑ধে॒ সর॑স্বতী ॥ 31 ॥

ম॒হো অর্ণঃ॒ সর॑স্বতী॒ প্র চে᳚তযতি কে॒তুনা᳚ । ধিয়ো॒ বিশ্বা॒ বি রা᳚জতি ॥ 32 ॥

(ঋ.বে.10.17.7) সর॑স্বতীং দেব॒য়ংতো᳚ হবংতে॒ সর॑স্বতীমধ্ব॒রে তা॒যমা᳚নে । সর॑স্বতীং সু॒কৃতো᳚ অহ্বয়ংত॒ সর॑স্বতী দা॒শুষে॒ বার্য়ং᳚ দাত্ ॥ 33 ॥

সর॑স্বতি॒ যা স॒রথং᳚-য়ঁ॒য়াথ॑ স্ব॒ধাভি॑র্দেবি পি॒তৃভি॒র্মদং᳚তী । আ॒সদ্য়া॒স্মিন্ব॒র্হিষি॑ মাদযস্বানমী॒বা ইষ॒ আ ধে᳚হ্য়॒স্মে ॥ 34 ॥

সর॑স্বতীং॒-য়াংঁ পি॒তরো॒ হবং᳚তে দক্ষি॒ণা য॒জ্ঞম॑ভি॒নক্ষ॑মাণাঃ । স॒হ॒স্রা॒র্ঘমি॒লো অত্র॑ ভা॒গং রা॒যস্পোষং॒-য়ঁজ॑মানেষু ধেহি ॥ 35 ॥

(ঋ.বে.5.43.11) আ নো᳚ দি॒বো বৃ॑হ॒তঃ পর্ব॑তা॒দা সর॑স্বতী যজ॒তা গং᳚তু য॒জ্ঞম্ । হবং᳚ দে॒বী জু॑জুষা॒ণা ঘৃ॒তাচী᳚ শ॒গ্মাং নো॒ বাচ॑মুশ॒তী শৃ॑ণোতু ॥ 36 ॥

(ঋ.বে.2.32.4) রা॒কাম॒হং সু॒হবাং᳚ সুষ্টু॒তী হু॑বে শৃ॒ণোতু॑ নঃ সু॒ভগা॒ বোধ॑তু॒ ত্মনা᳚ । সীব্য়॒ত্বপঃ॑ সূ॒চ্য়াচ্ছি॑দ্যমানয়া॒ দদা᳚তু বী॒রং শ॒তদা᳚যমু॒ক্থ্যম্᳚ ॥ 37 ॥

যাস্তে᳚ রাকে সুম॒তয়ঃ॑ সু॒পেশ॑সো॒ যাভি॒র্দদা᳚সি দা॒শুষে॒ বসূ᳚নি । তাভি᳚র্নো অ॒দ্য় সু॒মনা᳚ উ॒পাগ॑হি সহস্রপো॒ষং সু॑ভগে॒ ররা᳚ণা ॥ 38 ॥

সিনী᳚বালি॒ পৃথু॑ষ্টুকে॒ যা দে॒বানা॒মসি॒ স্বসা᳚ । জু॒ষস্ব॑ হ॒ব্যমাহু॑তং প্র॒জাং দে᳚বি দিদিড্ঢি নঃ ॥ 39 ॥

যা সু॑বা॒হুঃ স্বং᳚গু॒রিঃ সু॒ষূমা᳚ বহু॒সূব॑রী । তস্য়ৈ᳚ বি॒শ্পত্ন্য়ৈ᳚ হ॒বিঃ সি॑নীবা॒ল্য়ৈ জু॑হোতন ॥ 40 ॥

যা গু॒ঙ্গূর্য়া সি॑নীবা॒লী যা রা॒কা যা সর॑স্বতী । ইং॒দ্রা॒ণীম॑হ্ব ঊ॒তয়ে᳚ বরুণা॒নীং স্ব॒স্তয়ে᳚ ॥ 41 ॥

ওং শাংতিঃ॒ শাংতিঃ॒ শাংতিঃ॑ ॥

సరస్వతీ సూక్తం గురించి

The Saraswati Suktam gathers Rig Vedic hymns to Saraswati, first praised as a mighty river that breaks the mountain ridges with her waves, and as the goddess who blesses those who worship her with wealth, strength and inspired thought. Its first hymn is Rig Veda 6.61, and the closing verse invokes her with Sinivali, Raka and the consorts of Indra and Varuna.

మూలం: Rig Veda, beginning with hymn 6.61

ఎప్పుడు పఠించాలి: On Vasanta Panchami and Saraswati Puja, and in Vedic recitation.

మీకు తెలుసా?

  • In the Rig Veda Saraswati is first of all a river, "best of mothers, best of rivers, best of goddesses" (2.41.16).
  • The first verse recalls how Saraswati gave the son Divodasa to the generous Vadhryashva.
  • Her later form as goddess of learning and speech grows from these hymns, where she inspires thought (dhi).

ఈ పండుగలలో పఠిస్తారు

తరచుగా అడిగే ప్రశ్నలు

Where do these verses come from?

The Rig Veda, starting with hymn 6.61 to Saraswati.

Is Saraswati a river or a goddess in the Rig Veda?

Both: a great river and a goddess who inspires thought.

When is it chanted?

On Vasanta Panchami, during Saraswati Puja and in Vedic recitation.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.