శ్రీ లక్ష్మీ అష్టోత్తర శతనామ స్తోత్రం
Devi · సాంప్రదాయ భక్తి గ్రంథం
దేవ్యువాచ
దేవదేవ! మహాదేవ! త్రికాలజ్ఞ! మహేశ్వర! కరుణాకర దేవేశ! భక్తానుగ్రహకారక! ॥ అష్టోత్తర శతం లక్ష్మ్యాః శ్రోతుమిచ్ఛామి తత్త్వతః
ఈశ్వర ఉవాచ
దేవి! సాధు మహాభాగే మహాభాగ్య ప్రదాయకమ్ । సర్వైశ్వర్యకరం పుణ్యం సర్వపాప ప్రణాశనమ్ ॥ సర్వదారిద్ర్య శమనం శ్రవణాద్భుక్తి ముక్తిదమ్ । రాజవశ్యకరం దివ్యం గుహ్యాద్-గుహ్యతరం పరమ్ ॥ దుర్లభం సర్వదేవానాం చతుష్షష్టి కళాస్పదమ్ । పద్మాదీనాం వరాంతానాం నిధీనాం నిత్యదాయకమ్ ॥ సమస్త దేవ సంసేవ్యం అణిమాద్యష్ట సిద్ధిదమ్ । కిమత్ర బహునోక్తేన దేవీ ప్రత్యక్షదాయకమ్ ॥ తవ ప్రీత్యాద్య వక్ష్యామి సమాహితమనాశ్శృణు । అష్టోత్తర శతస్యాస్య మహాలక్ష్మిస్తు దేవతా ॥ క్లీం బీజ పదమిత్యుక్తం శక్తిస్తు భువనేశ్వరీ । అంగన్యాసః కరన్యాసః స ఇత్యాది ప్రకీర్తితః
ధ్యానం వందే పద్మకరాం ప్రసన్నవదనాం సౌభాగ్యదాం భాగ్యదాం హస్తాభ్యామభయప్రదాం మణిగణైః నానావిధైః భూషితామ్ । భక్తాభీష్ట ఫలప్రదాం హరిహర బ్రహ్మాధిభిస్సేవితాం పార్శ్వే పంకజ శంఖపద్మ నిధిభిః యుక్తాం సదా శక్తిభిః ॥
సరసిజ నయనే సరోజహస్తే ధవళ తరాంశుక గంధమాల్య శోభే । భగవతి హరివల్లభే మనోజ్ఞే త్రిభువన భూతికరి ప్రసీదమహ్యమ్ ॥
ఓం ప్రకృతిం వికృతిం విద్యాం సర్వభూత-హితప్రదామ్ । శ్రద్ధాం విభూతిం సురభిం నమామి పరమాత్మికామ్ ॥ 1 ॥
వాచం పద్మాలయాం పద్మాం శుచిం స్వాహాం స్వధాం సుధామ్ । ధన్యాం హిరణ్మయయీం లక్ష్మీం నిత్యపుష్టాం విభావరీమ్ ॥ 2 ॥
అదితిం చ దితిం దీప్తాం వసుధాం వసుధారిణీమ్ । నమామి కమలాం కాంతాం కామాక్షీం క్రోధసంభవాం [కామ్యాం క్షీరోదసంభవాం] ॥ 3 ॥
అనుగ్రహప్రదాం బుద్ధి-మనఘాం హరివల్లభామ్ । అశోకా-మమృతాం దీప్తాం లోకశోకవినాశినీమ్ ॥ 4 ॥
నమామి ధర్మనిలయాం కరుణాం లోకమాతరమ్ । పద్మప్రియాం పద్మహస్తాం పద్మాక్షీం పద్మసుందరీమ్ ॥ 5 ॥
పద్మోద్భవాం పద్మముఖీం పద్మనాభప్రియాం రమామ్ । పద్మమాలాధరాం దేవీం పద్మినీం పద్మగంధినీమ్ ॥ 6 ॥
పుణ్యగంధాం సుప్రసన్నాం ప్రసాదాభిముఖీం ప్రభామ్ । నమామి చంద్రవదనాం చంద్రాం చంద్రసహోదరీమ్ ॥ 7 ॥
చతుర్భుజాం చంద్రరూపా-మిందిరా-మిందుశీతలామ్ । ఆహ్లాద జననీం పుష్టిం శివాం శివకరీం సతీమ్ ॥ 8 ॥
విమలాం విశ్వజననీం తుష్టిం దారిద్ర్యనాశినీమ్ । ప్రీతిపుష్కరిణీం శాంతాం శుక్లమాల్యాంబరాం శ్రియమ్ ॥ 9 ॥
భాస్కరీం బిల్వనిలయాం వరారోహాం యశస్వినీమ్ । వసుంధరా ముదారాంగాం హరిణీం హేమమాలినీమ్ ॥ 10 ॥
ధనధాన్యకరీం సిద్ధిం స్త్రైణసౌమ్యాం [సదాసౌమ్యాం] శుభప్రదామ్ । నృపవేశ్మగతాం నందాం వరలక్ష్మీం వసుప్రదామ్ ॥ 11 ॥
శుభాం హిరణ్యప్రాకారాం సముద్రతనయాం జయామ్ । నమామి మంగళాం దేవీం విష్ణువక్షఃస్థలస్థితామ్ ॥ 12 ॥
విష్ణుపత్నీం, ప్రసన్నాక్షీం నారాయణసమాశ్రితామ్ । దారిద్ర్యధ్వంసినీం దేవీం సర్వోపద్రవవారిణీమ్ ॥ 13 ॥
నవదుర్గాం మహాకాళీం బ్రహ్మవిష్ణుశివాత్మికామ్ । త్రికాలజ్ఞానసంపన్నాం నమామి భువనేశ్వరీమ్ ॥ 14 ॥
లక్ష్మీం క్షీరసముద్రరాజ తనయాం శ్రీరంగధామేశ్వరీమ్ । దాసీభూత సమస్తదేవ వనితాం లోకైక దీపాంకురామ్ ॥ శ్రీమన్మంద కటాక్ష లబ్ధ విభవద్-బ్రహ్మేంద్ర గంగాధరామ్ । త్వాం త్రైలోక్య కుటుంబినీం సరసిజాం వందే ముకుందప్రియామ్ ॥ 15 ॥
మాతర్నమామి! కమలే! కమలాయతాక్షి! శ్రీ విష్ణు హృత్-కమలవాసిని! విశ్వమాతః! క్షీరోదజే కమల కోమల గర్భగౌరి! లక్ష్మీ! ప్రసీద సతతం సమతాం శరణ్యే ॥ 16 ॥
త్రికాలం యో జపేత్ విద్వాన్ షణ్మాసం విజితేంద్రియః । దారిద్ర్య ధ్వంసనం కృత్వా సర్వమాప్నోత్-యయత్నతః । దేవీనామ సహస్రేషు పుణ్యమష్టోత్తరం శతమ్ । యేన శ్రియ మవాప్నోతి కోటిజన్మ దరిద్రతః ॥ 17 ॥
భృగువారే శతం ధీమాన్ పఠేత్ వత్సరమాత్రకమ్ । అష్టైశ్వర్య మవాప్నోతి కుబేర ఇవ భూతలే ॥ దారిద్ర్య మోచనం నామ స్తోత్రమంబాపరం శతమ్ । యేన శ్రియ మవాప్నోతి కోటిజన్మ దరిద్రతః ॥ 18 ॥
భుక్త్వాతు విపులాన్ భోగాన్ అంతే సాయుజ్యమాప్నుయాత్ । ప్రాతఃకాలే పఠేన్నిత్యం సర్వ దుఃఖోప శాంతయే । పఠంతు చింతయేద్దేవీం సర్వాభరణ భూషితామ్ ॥ 19 ॥
ఇతి శ్రీ లక్ష్మ్యష్టోత్తరశతనామస్తోత్రం సంపూర్ణం
శ్రీ లక్ష్మీ అష్టోత్తర శతనామ స్తోత్రం గురించి
The Sri Lakshmi Ashtottara Shatanama Stotram gives the 108 names of Goddess Lakshmi in verse. It opens with a request to Shiva, the god of gods and knower of past, present and future, to reveal Lakshmi's hundred and eight names, and then praises her as Prakriti, Vikriti, Vidya and the giver of all good things.
ఎప్పుడు పఠించాలి: On Fridays, during Diwali and Lakshmi Puja, on Varalakshmi Vrata and every morning.
మీకు తెలుసా?
- Its closing verses advise reciting it every morning for the calming of sorrows, while meditating on the Goddess adorned with every ornament.
- The stotra form puts the 108 names into flowing verse, while the namavali form says each name separately with "Om ... namah" for archana.
- It promises worldly enjoyment and, in the end, union with the Goddess (sayujya).
ఈ పండుగలలో పఠిస్తారు
తరచుగా అడిగే ప్రశ్నలు
What is the difference between the Lakshmi Ashtottara stotram and namavali?
The stotram is the 108 names in verse; the namavali lists each name with "Om ... namah" for offering flowers.
When should it be recited?
Every morning, and especially on Fridays, Diwali and Varalakshmi Vrata.
Whom is the request made to in the text?
To Shiva, asked to reveal Lakshmi's 108 names.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు