శ్రీ లలితా స్తవరత్నం (ఆర్యా ద్విశతీ)
Devi · సాంప్రదాయ భక్తి గ్రంథం
vande gajendravadanam vaamaankaaroodhavallabhaashlishtam । kunkumaparaagashonam kuvalayineejaarakorakaapeedam ॥ 1 ॥
sa jayati suvarnashailah sakalajagachchakrasanghatitamoortih । kaanchananikunjavaatee- -kandaladamareeprapanchasangeetah ॥ 2 ॥
harihayanairritamaaruta- -haritaamanteshvavasthitam tasya । vinumah saanutritayam vidhiharigaureeshavishtapaadhaaram ॥ 3 ॥
madhye punarmanohara- -ratnaruchistabakaranjitadigantam । upari chatuhshatayojana- -muttungam shringapungavamupaase ॥ 4 ॥
tatra chatuhshatayojana- -parinaaham devashilpinaa rachitam । naanaasaalamanojnam namaamyaham nagaramaadividyaayaah ॥ 5 ॥
prathamam sahasrapoorvaka- -shatshatasankhyaakayojanam paritah । valayeekritasvagaatram varanam sharanam vrajaamyayoroopam ॥ 6 ॥
tasyottare sameerana- -yojanadoore tarangitachchaayah । ghatayatu mudam dviteeyo ghantaastanasaaranirmitah saalah ॥ 7 ॥
ubhayorantaraseema- -nyuddaamabhramararanjitodaaram । upavanamupaasmahe vaya- -mooreekritamandamaarutasyandam ॥ 8 ॥
aalingya bhadrakaalee- -maaseenastatra harishilaashyaamaam । manasi mahaakaalo me viharatu madhupaanavibhramannetrah ॥ 9 ॥
taarteeyeeko varana- -stasyottaraseemni vaatayojanatah । taamrena rachitamoorti- -stanutaamaachandrataarakam bhadram ॥ 10 ॥
madhye tayoshcha manimaya- -pallavashaakhaaprasoonapakshmalitaam । kalpaanokahavaateem kalaye makarandapankilaavaalaam ॥ 11 ॥
tatra madhumaadhavashree- -taruneebhyaam taraladrikchakoraabhyaam । aalingito'vataanmaa- -manisham prathamarturaattapushpaastrah ॥ 12 ॥
namata taduttarabhaage naakipathollanghishringasanghaatam । seesaakritim tureeyam sitakiranaalokanirmalam saalam ॥ 13 ॥
saaladvayaantaraale saralaalikapotachaatusubhagaayaam । santaanavaatikaayaam saktam cheto'stu satatamasmaakam ॥ 14 ॥
tatra tapanaatirookshah saamraajneecharanasaandritasvaantah । shukrashuchishreesahito greeshmarturdishatu keertimaakalpam ॥ 15 ॥
uttaraseemani tasyo- -nnatashikharotkampihaatakapataakah । prakatayatu panchamo nah praakaarah kushalamaarakootamayah ॥ 16 ॥
praakaarayoshcha madhye pallavitaanyabhritapanchamonmeshaa । harichandanadruvaatee- -harataadaamoolamasmadanutaapam ॥ 17 ॥
tatra nabhah shreemukhyai- -staruneevargaih samanvitah paritah । vajraattahaasamukharo vaanchhaapoortim tanotu varshartuh ॥ 18 ॥
maarutayojanadoore mahaneeyastasya chottare bhaage । bhadram krisheeshta shashthah praakaarah panchalohadhaatumayah ॥ 19 ॥
anayormadhye santata- -mankooraddivyakusumagandhaayaam । mandaaravaatikaayaam maanasamangeekarotu me vihritim ॥ 20 ॥
tasyaamishorjalakshmee- -taruneebhyaam sharadrituh sadaa sahitah । abhyarchayan sa jeeyaa- -dambaamaamodameduraih kusumaih ॥ 21 ॥
tasyarshisankhyayojana- -doore dedeepyamaanashringaughah । kaladhautakalitamoortih kalyaanam dishatu saptamah saalah ॥ 22 ॥
madhye tayormarutpatha langhitavitapaagravirutakalakanthaa । shreepaarijaatavaatee shriyamanisham dishatu sheetaloddeshaa ॥ 23 ॥
tasyaamatipriyaabhyaam saha khelan sahasahasyalakshmeebhyaam । saamanto jhashaketo- -rhemanto bhavatu hemavriddhyai nah ॥ 24 ॥
uttaratastasya mahaa- -nudbhatahutabhukshikhaarunamayookhah । tapaneeyakhandarachita- -stanutaadaayushyamashtamo varanah ॥ 25 ॥
kaadambavipinavaatee- -manayormadhyabhuvi kalpitaavaasaam । kalayaami soonakoraka- -kandalitaamodatundilasameeraam ॥ 26 ॥
tasyaamatishishiraakriti- -raaseenastapatapasyalakshmeebhyaam । shivamanisham kurutaanme shishirartuh satatasheetaladigantah ॥ 27 ॥
tasyaam kadambavaatyaam tatprasavaamodamilitamadhugandham । saptaavaranamanojnam sharanam samupaimi mantrineesharanam ॥ 28 ॥
tatraalaye vishaale tapaneeyaarachitataralasopaane । maanikyamandapaanta- -rmahite simhaasane sumanikhachite ॥ 29 ॥
bindutripanchakona- -dvipanripavasuvedadalakurekhaadhye । chakre sadaa nivishtaam shashthyashtatrimshadakshareshaaneem ॥ 30 ॥
taapinchamechakaabhaam taaleedalaghatitakarnataatankaam । taamboolapooritamukheem taamraadharabimbadrishtadarahaasaam ॥ 31 ॥
kunkumapankiladehaam kuvalayajeevaatushaavakavatamsaam । kokanadashonacharanaam kokilanikvaanakomalaalaapaam ॥ 32 ॥
vaamaangagalitachooleem vanamaalyakadambamaalikaabharanaam । muktaalalantikaanchita mugdhaalikamilitachitrakodaaraam ॥ 33 ॥
karavidhritakeerashaavaka- -kalaninadavyaktanikhilanigamaarthaam । vaamakuchasangiveenaavaadana- -saukhyaardhameelitaakshiyugaam ॥ 34 ॥
aapaatalaamshukadharaa- -maadirasonmeshavaasitakataakshaam । aamnaayasaaragulikaa- -maadyaam sangeetamaatrikaam vande ॥ 35 ॥
tasya cha suvarnasaala- -syottaratastarunakunkumachchaayah । shamayatu mama santaapam saalo navamah sa pushparaagamayah ॥ 36 ॥
anayorantaravasudhaah pranumah pratyagrapushparaagamayeeh । simhaasaneshvareemanu- -chintananistandrasiddhaneerandhraah ॥ 37 ॥
tatsaalottaradeshe tarunajapaakiranadhoraneeshonah । prashamayatu padmaraaga- -praakaaro mama paraabhavam dashamah ॥ 38 ॥
antarabhookritavaasaa- -nanayorapaneetachittavaimatyaan । chakresheepadabhaktaam- -shchaaranavargaanaharnisham kalaye ॥ 39 ॥
saarangavaahayojanadoore- -'sanghatitaketanastasya । gomedakena rachito gopaayatu maam samunnatah saalah ॥ 40 ॥
vapradvayaantarorvyaam vatukairvividhaishcha yogineebrindaih । satatam samarchitaayaah sankarshanyaah pranaumi charanaabjam ॥ 41 ॥
taapasayojanadoore tasya samuttunga gopuropetah । vaanchhaapoortyai bhavataa- -dvajramaneenikaranirmito vaprah ॥ 42 ॥
varanadvitayaantarato vaasajusho vihitamadhurasaasvaadaah । rambhaadivibudhaveshyaa rachayantu mahaantamasmadaanandam ॥ 43 ॥
tatra sadaa pravahantee tatinee vajraabhidhaa chiram jeeyaat । chatulormijaalanritya- -tkalahamseekulakalakvanitapushtaa ॥ 44 ॥
rodhasi tasyaa ruchire vajreshee jayati vajrabhooshaadhyaa । vajrapradaanatoshita- -vajrimukhatridashavinutachaaritraa ॥ 45 ॥
tasyodeechyaam hariti stavakitasushamaavaleedhaviyadantah । vaidooryaratnarachito vaimalyam dishatu chetaso varanah ॥ 46 ॥
adhimadhyametayoh puna- -rambaacharanaavalambitasvaantaan । kaarkotakaadinaagaan kalayaamah kim cha balimukhaan danujaan ॥ 47 ॥
gandhavahasankhyayojana- -doore gaganordhvajaanghikastasya । vaasavamanipraneeto varano bahalayatu vaidusheem vishadaam ॥ 48 ॥
madhyakshonyaamanayo- -rmahendraneelaatmakaani cha saraamsi । shaatodareesahaayaa- -nbhoopaalaanapi punah punah pranumah ॥ 49 ॥
aashugayojanadoore tasyordhvam kaantidhavalitadigantah । muktaavirachitagaatro muhurasmaakam mude bhavatu saalah ॥ 50 ॥
aavrittyoradhimadhyam poorvasyaam dishi purandarah shreemaan । abhramuvitaadhiroodho vibhramamasmaakamanishamaatanutaat ॥ 51 ॥
tatkone vyajanasru- -ktomarapaatrasruvaannashaktidharah । svaahaasvadhaasametah sukhayatu maam havyavaahanah suchiram ॥ 52 ॥
dakshinadigantaraale dandadharo neelaneeradachchaayah । tripuraapadaabjabhaktastirayatu mama nikhilamamhasaam nikaram ॥ 53 ॥
tasyaiva pashchimaayaam dishi dalitendeevaraprabhaashyaamah । khetaasiyashtidhaaree khedaanapanayatu yaatudhaano me ॥ 54 ॥
tasyaa uttaradeshe dhavalaango vipulajhashavaraaroodhah । paashaayudhaattapaanih paashee vidalayatu paashajaalaani ॥ 55 ॥
vande taduttarahari- -tkone vaayum chamooruvaravaaham । korakitatattvabodhaa- -ngorakshapramukhayogino'pi muhuh ॥ 56 ॥
taruneeridaapradhaanaa- -stisro vaatasya tasya kritavaasaah । pratyagrakaapishaayana- -paanaparibhraantalochanaah kalaye ॥ 57 ॥
tallokapoorvabhaage dhanadam dhyaayaami shevadhikulesham । api maanibhadramukhyaa- -nambaacharanaavalambino yakshaan ॥ 58 ॥
tasyaiva poorvaseemani tapaneeyaarachitagopure nagare । kaatyaayaneesahaayam kalaye sheetaamshukhandachoodaalam ॥ 59 ॥
tatpurashodashavarana- -sthalabhaajastarunachandrachoodaalaan । rudraadhyaaye pathitaa- -nrudraaneesahacharaanbhaje rudraan ॥ 60 ॥
pavamaanasankhyayojana- -doore baalatrinmechakastasya । saalo marakatarachitah sampadamachalaam shriyam cha pushnaatu ॥ 61 ॥
aavritiyugmaantarato haritamaneenivahamechake deshe । haatakataaleevipinam haalaaghataghatitavitapamaakalaye ॥ 62 ॥
tatraiva mantrineegriha- -parinaaham taralaketanam sadanam । marakatasaudhamanojnam dadyaadaayoomshi dandanaathaayaah ॥ 63 ॥
sadane tatra harinmani- -sanghatite mandape shatastambhe । kaartasvaramayapeethe kanakamayaamburuhakarnikaamadhye ॥ 64 ॥
bindutrikonavartula- -shadasravrittadvayaanvite chakre । sanchaarinee dashottara- shataarnamanuraajakamalakalahamsee ॥ 65 ॥
kolavadanaa kusheshaya- -nayanaa kokaarimanditashikhandaa । santaptakaanchanaabhaa sandhyaarunachelasamvritanitambaa ॥ 66 ॥
halamusalashankhachakraa- -'nkushapaashaabhayavarasphuritahastaa । koolankashaanukampaa kunkumajambaalitastanaabhogaa ॥ 67 ॥
dhoortaanaamatidooraa- -vaartaasheshaavalagnakamaneeyaa । aartaaleeshubhadaatree vaartaalee bhavatu vaanchhitaarthaaya ॥ 68 ॥
tasyaah parito deveeh svapneshyunmattabhairaveemukhyaah । pranamata jambhinyaadyaah bhairavavargaamshcha hetukapramukhaan ॥ 69 ॥
poorvoktasankhyayojana- -doore pooyaamshupaatalastasya । vidraavayatu madaartim vidrumasaalo vishankatadvaarah ॥ 70 ॥
aavaranayoraharnisha- -mantarabhoomauprakaashashaalinyaam । aaseenamambujaasana- -mabhinavasindooragauramahameede ॥ 71 ॥
varanasya tasya maaruta- -yojanato vipulagopuradvaarah । saalo naanaaratnaih sanghatitaangah krisheeshta madabheeshtam ॥ 72 ॥
antarakakshyaamanayo- -raviralashobhaapichandiloddeshaam । maanikyamandapaakhyaam mahateemadhihridayamanishamaakalaye ॥ 73 ॥
tatra sthitam prasannam tarunatamaalapravaalakiranaabham । karnaavalambikundala- -kandalitaabheeshukavachitakapolam ॥ 74 ॥
shonaadharam shuchismita- -menaankavadanamedhamaanakripam । mugdhainamadavisheshaka- -mudritanitilendurekhikaaruchiram ॥ 75 ॥
naaleekadalasahodara- -nayanaanchalaghatitamanasijaakootam । kamalaakathinapayodhara- -kastooreeghusrinapankiloraskam ॥ 76 ॥
chaampeyagandhikaishyam shampaasabrahmachaarikausheyam । shreevatsakaustubhadharam shritajanarakshaadhureenacharanaabjam ॥ 77 ॥
kambusudarshanavilasa- -tkarapadmam kanthalolavanamaalam । muchukundamokshaphaladam mukundamaanandakandamavalambe ॥ 78 ॥
tadvaranottarabhaage taaraapatibimbachumbinijashringah । vividhamaneeganaghatito vitaratu saalo vinirmalaam dhishanaam ॥ 79 ॥
praakaaradvitayaantara- -kakshyaam prithuratnanikarasankeernaam । namata sahasrastambhaka- -mandapanaamnaativishrutaam bhuvane ॥ 80 ॥
pranumastatra bhavaanee- -sahacharameeshaanamindukhandadharam । shringaaranaayikaamanu- -sheelanabhaajo'pi bhringinandimukhaan ॥ 81 ॥
tasyainavaahayojana- -doore vande manomayam vapram । ankooranmanikiranaa- -mantarakakshyaam cha nirmalaamanayoh ॥ 82 ॥
tatraivaamritavaapeem taralatarangaavaleedhatatayugmaam । muktaamayakalahamsee- -mudritakanakaaravindasandohaam ॥ 83 ॥
shakropalamayabhringee- -sangeetonmeshaghoshitadigantaam । kaanchanamayaangavilasa- -tkaarandavashandataandavamanojnaam ॥ 84 ॥
kuruvindaatmakahallaka- -korakasushamaasamoohapaatalitaam । kalaye sudhaasvaroopaam kandalitaamandakairavaamodaam ॥ 85 ॥
tadvaapikaantaraale tarale manipotaseemni viharanteem । sindoorapaatalaangeem sitakiranaankoorakalpitavatamsaam ॥ 86 ॥
parvendubimbavadanaam pallavashonaadharasphuritahaasaam । kutilakabareem kurangee- -shishunayanaam kundalasphuritagandaam ॥ 87 ॥
nikatasthapotanilayaah shakteeh shayavidhritahemashringajalaih । parishinchanteem parita- -staaraam taarunyagarvitaam vande ॥ 88 ॥
praaguktasankhyayojanadoore pranamaami buddhimayasaalam । anayorantarakakshyaa- -mashtaapadapushtamedineem ruchiraam ॥ 89 ॥
kaadambareenidhaanaam kalayaamyaanandavaapikaam tasyaam । shonaashmanivahanirmita- -sopaanashrenishobhamaanatateem ॥ 90 ॥
maanikyataraninilayaam madhye tasyaa madaarunakapolaam । amritesheetyabhidhaanaa- -mantah kalayaami vaaruneem deveem ॥ 91 ॥
sauvarnakenipaatana- -hastaah saundaryagarvitaa devyah । tatpuratah sthitibhaajo vitarantvasmaakamaayusho vriddhim ॥ 92 ॥
tasya prishadashvayojana- -doore'hankaarasaalamatitungam । vande tayoshcha madhye kakshyaam valamaanamalayapavamaanaam ॥ 93 ॥
vinumo vimarshavaapeem saushumnasudhaasvaroopineem tatra । velaatilanghyaveechee- -kolaahalabharitakoolavanavaateem ॥ 94 ॥
tatraiva salilamadhye taapinchadalaprapanchasushamaabhaam । shyaamalakanchukalasitaam shyaamaavitabimbadambaraharaasyaam ॥ 95 ॥
aabhugnamasrinachillee- -hasitaayugmasharakaarmukavilaasaam । mandasmitaanchitamukheem manimayataatankamanditakapolaam ॥ 96 ॥
kuruvindataraninilayaam kulaachalaspardhikuchanamanmadhyaam । kunkumaviliptagaatreem kurukullaam manasi kurmahe satatam ॥ 97 ॥
tatsaalottarabhaage bhaanumayam vapramaashraye deeptam । madhyam cha vipulamanayo- -rmanye vishraantamaatapodgaaram ॥ 98 ॥
tatra kuruvindapeethe taamarase kanakakarnikaaghatite । aaseenamarunavaasasa- -mamlaanaprasavamaalikaabharanam ॥ 99 ॥
chakshushmateeprakaashana- -shaktichchaayaasamaarachitakelim । maanikyamukutaramyam manye maartaandabhairavam hridaye ॥ 100 ॥
indumayasaalameede tasyottaratastushaaragirigauram । atyantashishiramaaruta- -manayormadhyam cha chandrikodgaaram ॥ 101 ॥
tatra prakaashamaanam taaraanikaraih parishkritoddesham । amritamayakaantikandala- -mantah kalayaami kundasitamindum ॥ 102 ॥
shringaarasaalameede shringollasitam taduttare bhaage । madhyasthale tayorapi mahitaam shringaarapoorvikaam parikhaam ॥ 103 ॥
tatra maninausthitaabhi- -stapaneeyaavirachitaagrahastaabhih । shringaaradevataabhih sahitam parikhaadhipam bhaje madanam ॥ 104 ॥
shringaaravaranavaryasyottaratah sakalavibudhasamsevyam । chintaamaniganarachitam chintaam dooreekarotu me sadanam ॥ 105 ॥
manisadanasaalayoradhi- -madhyam dashataalabhoomiruhadeerghaih । parnaih suvarnavarnai- -ryuktaam kaandaishcha yojanottungaih ॥ 106 ॥
mridulaistaaleepanchaka- -maanairmilitaam cha kesarakadambaih । santatagalitamaranda- -srotoniryanmilindasandohaam ॥ 107 ॥
paateerapavanabaalaka- -dhaateeniryatparaagapinjaritaam । kalahamseekulakalakala- -koolankashaninadanichayakamaneeyaam ॥ 108 ॥
padmaataveem bhajaamah parimalakallolapakshmalopaantaam । [ devyarghyapaatradhaaree tasyaah poorvadishi dashakalaayuktah । ] valayitamoortirbhagavaa- -nvahnih kroshonnatashchiram paayaat ॥ 109 ॥
tatraadhaare devyaah paatreeroopah prabhaakarah shreemaan । dvaadashakalaasameto dhvaantam mama bahulamaantaram bhindyaat ॥ 110 ॥
tasmin dineshapaatre tarangitaamodamamritamayamarghyam । chandrakalaatmakamamritam saandreekuryaadamandamaanandam ॥ 111 ॥
amrite tasminnabhito viharantyo vividhamanitaranibhaajah । shodasha kalaah sudhaamshoh shokaaduttaarayantu maamanisham ॥ 112 ॥
tatraiva vihritibhaajo dhaatrimukhaanaam cha kaaraneshaanaam । srishtyaadiroopikaastaah shamayantvakhilaah kalaashcha santaapam ॥ 113 ॥
keenaashavarunakinnara- -raajadiganteshu ratnagehasya । kalayaami taanyajasram kalayantvaayushyamarghyapaatraani ॥ 114 ॥
paatrasthalasya puratah padmaaramanavidhipaarvateeshaanaam । bhavanaani sharmane no bhavantu bhaasaa pradeepitajaganti ॥ 115 ॥
sadanasyaanalakone satatam pranamaami kundamaagneyam । tatra sthitam cha vahnim taralashikhaajatilamambikaajanakam ॥ 116 ॥
tasyaasuradishi taadrisha- -ratnaparisphuritaparvanavakaadhyam । chakraatmakam shataangam shatayojanamunnatam bhaje divyam ॥ 117 ॥
tatraiva dishi nishannam tapaneeyadhvajaparamparaashlishtam । rathamaparam cha bhavaanyaa rachayaamo manasi ratnamayachoodam ॥ 118 ॥
bhavanasya vaayubhaage parishkrito vividhavaijayanteebhih । rachayatu mudam rathendrah sachiveshaanyaah samastavandyaayaah ॥ 119 ॥
kurmo'dhihridayamanisham krodaasyaayaah shataangamoordhanyam । rudradishi ratnadhaamno ruchirashalaakaaprapanchakanchukitam ॥ 120 ॥
parito deveedhaamnah praneetavaasaa manusvaroopinyah । kurvantu rashmimaalaa- -kritayah kushalaani devataa nikhilaah ॥ 121 ॥
praagdvaarasya bhavaanee- -dhaamnah paarshvadvayaarachitavaase । maatangeekitimukhyau manisadane manasi bhaavayaami chiram ॥ 122 ॥
yojanayugalaabhogaa tatkroshaparinaahayaiva bhittyaa cha । chintaamanigrihabhoomi- -rjeeyaadaamnaayamayachaturdvaaraa ॥ 123 ॥
dvaare dvaare dhaamnah pindeebhootaa naveenabimbaabhaah । vidadhatu vipulaam keertim divyaa lauhityasiddhyo devyah ॥ 124 ॥
manisadanasyaantarato mahaneeye ratnavedikaamadhye । bindumayachakrameede peethaanaamupari virachitaavaasam ॥ 125 ॥
chakraanaam sakalaanaam prathamamadhah seemaphalakavaastavyaah । animaadisiddhayo maa- -mavantu devee prabhaasvaroopinyah ॥ 126 ॥
animaadisiddhiphalaka- -syopariharinaankakhandakritachoodaah । bhadram pakshmalayantu braahmeepramukhaashcha maataro'smaakam ॥ 127 ॥
tasyopari maniphalake taarunyottungapeenakuchabhaaraah । sankshobhineepradhaanaah bhraanti vidraavayantu dasha mudraah ॥ 128 ॥
phalakatrayasvaroope prithule trailokyamohane chakre । deevyantu prakataakhyaa- -staasaam kartreem cha bhagavatee tripuraa ॥ 129 ॥
tadupari vipule dhishnye taraladrishastarunakokanadabhaasah । kaamaakarshinyaadyaah kalaye deveeh kalaadharashikhandaah ॥ 130 ॥
sarvaashaaparipoorakachakre- -'smin guptayogineesevyaah । tripureshee mama duritam tudyaat kanthaavalambimanihaaraa ॥ 131 ॥
tasyopari manipeethe taamraambhoruhadalaprabhaashonaah । dhyaayaamyanangakusumaa- -pramukhaa deveeshcha vidhritakoorpaasaah ॥ 132 ॥
sankshobhakaarake'smim- -shchakre shreetripurasundaree saakshaat । goptree guptataraakhyaah gopaayatu maam kripaardrayaa drishtyaa ॥ 133 ॥
sankshobhineepradhaanaah shakteestasyordhvavalayakritavaasaah । aalolaneelavenee- -rantah kalayaami yauvanonmattaah ॥ 134 ॥
saubhaagyadaayake'smim- -shchakreshee tripuravaasinee jeeyaat । shakteeshcha sampradaayaabhidhaah samastaah pramodayantvanisham ॥ 135 ॥
manipeethopari taasaam mahati chaturhastavistrite valaye । santatavirachitavaasaah shakteeh kalayaami sarvasiddhimukhaah ॥ 136 ॥
sarvaarthasaadhakaakhye chakre'mushmin samastaphaladaatree । tripuraa shreermama kushalam dishataadutteernayogineesevyaa ॥ 137 ॥
taasaam nilayasyopari dhishnye kausumbhakanchukamanojnaah । sarvaajnaadyaah devyah sakalaah sampaadayantu mama keertim ॥ 138 ॥
chakre samastarakshaa- -karanaamnyasmin samastajanasevyaam । manasi nigarbhaasahitaam manye shreetripuramaalineem deveem ॥ 139 ॥
sarvajnaasadanasyopari chakre vipule samaakalitagehaah । vande vashineemukhyaah shakteeh sindoorarenuruchah ॥ 140 ॥
shreesarvarogaharaakhya- -chakre'smimstripurapoorvikaam siddhaam । vande rahasyanaamnaa vedyaabhih shaktibhih sadaa sevyaam ॥ 141 ॥
vashineegrihoparishtaa- -dvimshatihastonnate mahaapeethe । shamayantu shatrubrindam shastraanyastraani chaadidampatyoh ॥ 142 ॥
shastrasadanoparishtaa- -dvalaye valavairiratnasanghatite । kaameshvareepradhaanaah kalaye deveeh samastajanavandyaah ॥ 143 ॥
chakre'tra sarvasiddhiprada- -naamani sarvaphaladaatree । tripuraambaavatu satatam paraapararahasyayogineesevyaa ॥ 144 ॥
kaameshvareegrihoparivalaye vividhamanusampradaayajnaah । chatvaaro yuganaathaa jayantu mitreshapoorvakaah guravah ॥ 145 ॥
naathabhavanoparishtaa- -nnaanaaratnachayamedure peethe । kaameshyaadyaa nityaah kalayantu mudam tithisvaroopinyah ॥ 146 ॥
nityaasadanasyopari nirmalamaninivahavirachite dhishnye । kushalam shadangadevyah kalayantvasmaakamuttaralanetraah ॥ 147 ॥
sadanasyopari taasaam sarvaanandamayanaamake bindau । panchabrahmaakaaraam mancham pranamaami maniganaakeernam ॥ 148 ॥
parito manimanchasya pralambamaanaa niyantritaa paashaih । maayaamayee javanikaa mama duritam haratu mechakachchaayaa ॥ 149 ॥
manchasyopari lamba- -nmadaneepunnaagamaalikaabharitam । harigopamayavitaanam harataadaalasyamanishamasmaakam ॥ 150 ॥
paryankasya bhajaamah paadaanbimbaambudenduhemaruchah । ajaharirudreshamayaa- -nanalaasuramaaruteshakonasthaan ॥ 151 ॥
phalakam sadaashivamayam pranaumi sindoorarenukiranaabham । aarabhyaangesheenaam sadanaatkalitam cha ratnasopaanam ॥ 152 ॥
pattopadhaanagandaka- -chatushtayasphuritapaatalaastaranam । paryankopari ghatitam paatu chiram hamsatoolashayanam nah ॥ 153 ॥
tasyopari nivasantam taarunyashreenishevitam satatam । aavrintapullahallaka- -mareechikaapunjamanjulachchaayam ॥ 154 ॥
sindoorashonavasanam sheetaamshustabakachumbitakireetam । kunkumatilakamanohara- -kutilaalikahasitakumudabandhushishum ॥ 155 ॥
poornendubimbavadanam phullasarojaatalochanatritayam । taralaapaangatarangita- -shapharaankanashaastrasampradaayaartham ॥ 156 ॥
manimayakundalapushya- -nmareechikallolamaamsalakapolam । vidrumasahodaraadhara- -visrimarasusmitakishorasanchaaram ॥ 157 ॥
aamodikusumashekhara- -maaneelabhroolataayugamanojnam । veeteesaurabhaveechee- -dvigunitavaktraaravindasaurabhyam ॥ 158 ॥
paashaankushekshuchaapa- -prasavasharasphuritakomalakaraabjam । kaashmeerapankilaangam kaamesham manasi kurmahe satatam ॥ 159 ॥
tasyaankabhuvi nishannaam tarunakadambaprasoonakiranaabhaam । sheetaamshukhandachoodaam seemantanyastasaandrasindooraam ॥ 160 ॥
kunkumalalaamabhaasva- -nnitilaam kutilatarachillikaayugalaam । naaleekatulyanayanaam naasaanchalanatitamauktikaabharanaam ॥ 161 ॥
ankuritamandahaasa- -marunaadharakaantivijitabimbaabhaam । kastooreemakareeyuta- -kapolasankraantakanakataatankaam ॥ 162 ॥
karpoorasaandraveetee- -kabalitavadanaaravindakamaneeyaam । kambusahodarakantha- -pralambamaanaachchamauktikakalaapaam ॥ 163 ॥
kahlaaradaamakomala- -bhujayugalasphuritaratnakeyooraam । karapadmamoolavilasa- -tkaanchanamayakatakavalayasandohaam ॥ 164 ॥
paanichatushtayavilasa- -tpaashaankushapundrachaapapushpaastraam । koolankashakuchashikharaam kunkumakardamitaratnakoorpaasaam ॥ 165 ॥
anudaayaadavalagnaa- -mambudashobhaasanaabhiromalataam । maanikyakhachitakaanchee- -mareechikaakraantamaamsalanitambaam ॥ 166 ॥
karabhorukaandayugalaam janghaajitakaamajaitratooneeraam । prapadaparibhootakoormaam pallavasachchaayapadayugamanojnaam ॥ 167 ॥
kamalabhavakanjalochana- -kireetaratnaamshuranjitapadaabjaam । unmastakaanukampaa- -muttaralaapaangaposhitaanangaam ॥ 168 ॥
aadimarasaavalambaa- -manidam prathamoktivallareekalikaam । aabrahmakeetajananee- -mantah kalayaami sundareemanisham ॥ 169 ॥
kastu kshitau pateeyaa- -nvastu stotum shivaankavaastavyam । astu chirantanasukritaih prastutakaamyaaya tanmama purastaat ॥ 170 ॥
prabhusammitoktigamyam paramashivotsangatungaparyankam । tejah kinchana divyam purato me bhavatu pundrakodandam ॥ 171 ॥
madhurimabharitasharaasam makarandasyandimaarganodaaram । kairavineevitachoodam kaivalyaayaastu kinchana maho nah ॥ 172 ॥
akshudramikshuchaapam parokshamavalagnaseemni tryaksham । kshapayatu me kshemetara- -muksharathapremapakshmalam tejah ॥ 173 ॥
bhringaruchisangarakaraapaangam shringaaratungamarunaangam । mangalamabhanguram me ghatayatu gangaadharaangasangi mahah ॥ 174 ॥
prapadaajitakoormamoorjita- -karunam bharmaruchinirmathanadeham । shritavarma marma shambhoh kinchana mama narma sharma nirmaatu ॥ 175 ॥
kaalakuralaalikaalima- -kandalavijitaali vidhritamanivaali । milatu hridi pulinajaghanam bahulitagalagaralakeli kimapi mahah ॥ 176 ॥
kunkumatilakitaphaalaa kuruvindachchaayapaataladukoolaa । karunaapayodhivelaa kaachana chitte chakaastu me leelaa ॥ 177 ॥
pushpandhayaruchivenyah pulinaabhogatrapaakarashrenyah । jeeyaasurikshupaanyah kaashchana kaamaarikelisaakshinyah ॥ 178 ॥
tapaneeyaamshukabhaamsi draakshaamaadhuryanaastikavachaamsi । katichana shucham mahaamsi kshapayatu kapaalitoshitamanaamsi ॥ 179 ॥
asitakachamaayataaksham kusumasharam koolamudvahakripaardram । aadimarasaadhidaivata- -mantah kalaye haraankavaasi mahah ॥ 180 ॥
karnopaantatarangita- -kataakshavispandikanthadaghnakripaam । kaameshvaraankanilayaam kaamapi vidyaam puraataneem kalaye ॥ 181 ॥
aravindakaantyaruntuda- -vilochanadvandvasundaramukhendu । chhandah kandalamandira- -mantahpuramaindushekharam vande ॥ 182 ॥
bimbinikurambadambara- -vidambakachchhaayamambaravalagnam । kambugalamambudakucham bimbokam kamapi chumbatu mano me ॥ 183 ॥
kamapi kamaneeyaroopam kalayaamyantah kadambakusumaadhyam । champakaruchirasuveshaih sampaaditakaantyalankritadigantam ॥ 184 ॥
shampaaruchibhara- -garhaasampaadakakaantikavachitadigantam । siddhaantam nigamaanaam shuddhaantam kimapi shoolinah kalaye ॥ 185 ॥
udyaddinakarashonaa- -nutpalabandhustanandhayaapeedaan । karakalitapundrachaapaa- -nkalaye kaanapi kapardinah praanaan ॥ 186 ॥
rashanaalasajjaghanayaa rasanaajeevaatuchaapabhaasurayaa । ghraanaayushkarasharayaa ghraatam chittam kayaapi vaasanayaa ॥ 187 ॥
sarasijasahayudhvadrishaa shampaalatikaasanaabhivigrahayaa । bhaasaa kayaapi cheto naasaamanishobhivadanayaa bharitam ॥ 188 ॥
navayaavakaabhasichayaanvitayaa gajayaanayaa dayaaparayaa । dhritayaamineeshakalayaa dhiyaa kayaapi kshataamayaa hi vayam ॥ 189 ॥
alamalamakusumabaanai- -rabimbashonairapundrakodandaih । akumudabaandhavachoodai- -ranyairiha jagati daivatam manyaih ॥ 190 ॥
kuvalayasadrikshanayanaih kulagirikootasthabandhukuchabhaaraih । karunaaspandikataakshaih kavachitachitto'smi katipayaih kutukaih ॥ 191 ॥
natajanasulabhaaya namo naaleekasanaabhilochanaaya namah । nanditagirishaaya namo mahase navaneepapaatalaaya namah ॥ 192 ॥
kaadambakusumadaamne kaayachchhaayaakanaayitaaryamne । seemne chirantanagiraam bhoomne kasmaichidaadade pranatim ॥ 193 ॥
kutilakabareebharebhyah kunkumasabrahmachaarikiranebhyah । koolankashastanebhyah kurmah pranatim kulaadrikutukebhyah ॥ 194 ॥
kokanadashonacharanaa- -tkomalakuralaalivijitashaivaalaat । utpalasagandhinayanaa- -durareekurmo na devatamaanyaam ॥ 195 ॥
aapaatalaadharaanaa- -maaneelasnigdhabarbarakachaanaam । aamnaayajeevanaanaa- -maakootaanaam harasya daaso'ham ॥ 196 ॥
punkhitavilaasahaasa- -sphuritaasu puraahitaankanilayaasu । magnam mano madeeyam kaasvapi kaamaarijeevanaadeeshu ॥ 197 ॥
lalitaa paatu shiro me lalaatamambaa cha madhumateeroopaa । bhrooyugmam cha bhavaanee pushpasharaa paatu lochanadvandvam ॥ 198 ॥
paayaannaasaam baalaa subhagaa dantaamshcha sundaree jihvaam । adharoshthamaadishakti- -shchakreshee paatu me chiram chibukam ॥ 199 ॥
kaameshvaree cha karnau kaamaakshee paatu gandayoryugalam । shringaaranaayikaavyaa- -dvadanam simhaasaneshvaree cha galam ॥ 200 ॥
skandaprasooshcha paatu skandhau baahoo cha paatalaangee me । paanee cha padmanilayaa paayaadanisham nakhaavaleervijayaa ॥ 201 ॥
kodandinee cha vakshah kukshim chaavyaat kulaachalatanoojaa । kalyaanee cha valagnam katim cha paayaatkalaadharashikhandaa ॥ 202 ॥
oorudvayam cha paayaa- -dumaa mridaanee cha jaanunee rakshet । janghe cha shodashee me paayaat paadau cha paashasrinihastaa ॥ 203 ॥
praatah paatu paraa maam madhyaahne paatu manigrihaadheeshaa । sharvaanyavatu cha saayam paayaadraatrau cha bhairavee saakshaat ॥ 204 ॥
bhaaryaam rakshatu gaureem paayaat putraamshcha bindugrihapeethaa । shreevidyaa cha yasho me sheelam chaavyaachchiram mahaaraajnee ॥ 205 ॥
pavanamayi paavakamayi kshoneemayi gaganamayi kripeetamayi । ravimayi shashimayi dinmayi samayamayi praanamayi shive paahi ॥ 206 ॥
kaali kapaalini shoolini bhairavi maatangi panchami tripure । vaagdevi vindhyavaasini baale bhuvaneshi paalaya chiram maam ॥ 207 ॥
abhinavasindooraabhaa- -mamba tvaam chintayanti ye hridaye । upari nipatanti teshaa- -mutpalanayanaakataakshakallolaah ॥ 208 ॥
vargaashtakamilitaabhi- -rvashineemukhyaabhiraavritaam bhavateem । chintayataam sitavarnaam vaacho niryaantyayatnato vadanaat ॥ 209 ॥
kanakashalaakaagaureem karnavyaalolakundaladvitayaam । prahasitamukheem cha bhavateem dhyaayanto ye ta eva bhoodhanadaah ॥ 210 ॥
sheershaambhoruhamadhye sheetalapeeyooshavarshineem bhavateem । anudinamanuchintayataa- -maayushyam bhavati pushkalamavanyaam ॥ 211 ॥
madhurasmitaam madaarunanayanaam maatangakumbhavakshojaam । chandravatamsineem tvaam savidhe pashyanti sukritinah kechit ॥ 212 ॥
lalitaayaah stavaratnam lalitapadaabhih praneetamaaryaabhih । pratidinamavanau pathataam phalaani vaktum pragalbhate saiva ॥ 213 ॥
sadasadanugrahanigraha- -griheetamunivigraho bhagavaan । sarvaasaamupanishadaam durvaasaa jayati deshikah prathamah ॥ 214 ॥
iti maharshidurvaasah virachitam shreelalitaastavaratnam ।
శ్రీ లలితా స్తవరత్నం (ఆర్యా ద్విశతీ) గురించి
The Sri Lalita Stavaratnam, also called the Arya Dvishati ("two hundred arya verses"), is a long hymn to Goddess Lalita attributed in its colophon to the sage Durvasa. After bowing to Ganesha, it describes the golden mountain Meru and the divine city of the Goddess upon it, with its many walls and enclosures, its gardens, lakes and guardians, moving inward ring by ring to the jewelled palace (Chintamani griha) where Lalita sits with Kameshvara, and then praises the Goddess herself from head to foot.
రచయిత: Attributed to the sage Durvasa, as its colophon states
ఎప్పుడు పఠించాలి: On Fridays and Purnima, during Navaratri, and in Sri Vidya worship.
మీకు తెలుసా?
- The hymn is one of the main sources for the picture of Sri Nagara, the Goddess's city, used in Sri Vidya meditation.
- Durvasa is honoured in Sri Vidya tradition as one of the great teachers of Lalita worship.
తరచుగా అడిగే ప్రశ్నలు
What does "Arya Dvishati" mean?
"Two hundred verses in the arya metre".
Who is it attributed to?
The sage Durvasa, as its colophon states.
What does it describe?
Lalita's divine city and the Goddess herself.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు