MuhurtaNow

శ్రీ మీనాక్షీ స్తోత్రం

Devi · సాంప్రదాయ భక్తి గ్రంథం

श्रीविद्ये शिववामभागनिलये श्रीराजराजार्चिते श्रीनाथादिगुरुस्वरूपविभवे चिंतामणीपीठिके । श्रीवाणीगिरिजानुतांघ्रिकमले श्रीशांभवि श्रीशिवे मध्याह्ने मलयध्वजाधिपसुते मां पाहि मीनांबिके ॥ 1 ॥

चक्रस्थेऽचपले चराचरजगन्नाथे जगत्पूजिते आर्तालीवरदे नताभयकरे वक्षोजभारान्विते । विद्ये वेदकलापमौलिविदिते विद्युल्लताविग्रहे मातः पूर्णसुधारसार्द्रहृदये मां पाहि मीनांबिके ॥ 2 ॥

कोटीरांगदरत्नकुंडलधरे कोदंडबाणांचिते कोकाकारकुचद्वयोपरिलसत्प्रालंबहारांचिते । शिंजन्नूपुरपादसारसमणीश्रीपादुकालंकृते मद्दारिद्र्यभुजंगगारुडखगे मां पाहि मीनांबिके ॥ 3 ॥

ब्रह्मेशाच्युतगीयमानचरिते प्रेतासनांतस्थिते पाशोदंकुशचापबाणकलिते बालेंदुचूडांचिते । बाले बालकुरंगलोलनयने बालार्ककोट्युज्ज्वले मुद्राराधितदैवते मुनिसुते मां पाहि मीनांबिके ॥ 4 ॥

गंधर्वामरयक्षपन्नगनुते गंगाधरालिंगिते गायत्रीगरुडासने कमलजे सुश्यामले सुस्थिते । खातीते खलदारुपावकशिखे खद्योतकोट्युज्ज्वले मंत्राराधितदैवते मुनिसुते मां पाही मीनांबिके ॥ 5 ॥

नादे नारदतुंबुराद्यविनुते नादांतनादात्मिके नित्ये नीललतात्मिके निरुपमे नीवारशूकोपमे । कांते कामकले कदंबनिलये कामेश्वरांकस्थिते मद्विद्ये मदभीष्टकल्पलतिके मां पाहि मीनांबिके ॥ 6 ॥

वीणानादनिमीलितार्धनयने विस्रस्तचूलीभरे तांबूलारुणपल्लवाधरयुते ताटंकहारान्विते । श्यामे चंद्रकलावतंसकलिते कस्तूरिकाफालिके पूर्णे पूर्णकलाभिरामवदने मां पाहि मीनांबिके ॥ 7 ॥

शब्दब्रह्ममयी चराचरमयी ज्योतिर्मयी वाङ्मयी नित्यानंदमयी निरंजनमयी तत्त्वंमयी चिन्मयी । तत्त्वातीतमयी परात्परमयी मायामयी श्रीमयी सर्वैश्वर्यमयी सदाशिवमयी मां पाहि मीनांबिके ॥ 8 ॥

इति श्रीमत्परमहंसपरिव्राजकाचार्यस्य श्रीगोविंदभगवत्पूज्यपादशिष्यस्य श्रीमच्छंकरभगवतः कृतौ मीनाक्षी स्तोत्रम् ।

శ్రీ మీనాక్షీ స్తోత్రం గురించి

The Sri Meenakshi Stotram praises Goddess Meenakshi of Madurai as Sri Vidya, who dwells in the left half of Shiva and is worshipped by Kubera, the king of kings. Each verse ends with the plea "mam pahi minambike", protect me, Mother Meenakshi, and describes her as the light of consciousness and the essence of all sound.

రచయిత: Adi Shankaracharya, as named in its closing line

ఎప్పుడు పఠించాలి: On Fridays, during Navaratri, and during the Chithirai festival of Madurai (the celestial wedding of Meenakshi and Sundareswarar).

మీకు తెలుసా?

  • One verse calls her "Malayadhvaja-adhipa-sute", the daughter of King Malayadhvaja, the Pandya king of Madurai in the temple legend.
  • Madurai's Chithirai Thiruvizha celebrates her wedding to Sundareswarar (Shiva), one of the largest temple festivals in South India.
  • "Meenakshi" means "the fish-eyed one": like a fish that never closes its eyes, she watches over her devotees without rest.

తరచుగా అడిగే ప్రశ్నలు

Who wrote the Meenakshi Stotram?

Its closing line names Adi Shankaracharya.

What does Meenakshi mean?

"The fish-eyed one". Tradition says that, like a fish, she never closes her eyes in watching over devotees.

What is the refrain?

"Mam pahi minambike": protect me, Mother Meenakshi.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.