MuhurtaNow

శ్రీ వినాయక స్తవరాజః

Ganesha · సాంప్రదాయ భక్తి గ్రంథం

बीजापूरगदेक्षुकार्मुकरुजा चक्राब्जपाशोत्पल- -व्रीह्यग्रस्वविषाणरत्नकलशप्रोद्यत्करांभोरुहः । ध्येयो वल्लभया सपद्मकरयाश्लिष्टोज्ज्वलद्भूषया विश्वोत्पत्तिविपत्तिसंस्थितिकरो विघ्नेश इष्टार्थदः ॥ 1 ॥

नमस्ते सिद्धिलक्ष्मीश गणाधिप महाप्रभो । विघ्नेश्वर जगन्नाथ गौरीपुत्र जगत्प्रभो ॥ 2 ॥

जय विघ्नेश्वर विभो विनायक महेश्वर । लंबोदर महाबाहो सर्वदा त्वं प्रसीद मे ॥ 3 ॥

महादेव जगत्स्वामिन् मूषिकारूढ शंकर । विशालाक्ष महाकाय मां त्राहि परमेश्वर ॥ 4 ॥

कुंजरास्य सुराधीश महेश करुणानिधे । मातुलुंगधर स्वामिन् गदाचक्रसमन्वित ॥ 5 ॥

दशबाहो महाराज गजवक्त्र चतुर्भुज । शूर्पकर्ण महाकर्ण गणनाथ प्रसीद मे ॥ 6 ॥

शंखशूलसमायुक्त बीजापूरसमन्वित । इक्षुकार्मुकसंयुक्त पद्महस्त प्रसीद मे ॥ 7 ॥

नानाभरणसंयुक्त रत्नकुंभकर प्रभो । सर्गस्थितिलयाधीश परमात्मन् जय प्रभो ॥ 8 ॥

अनाथनाथ विश्वेश विघ्नसंघविनाशन । त्रयीमूर्ते सुरपते ब्रह्मविष्णुशिवात्मक ॥ 9 ॥

त्रयीगुण महादेव पाहि मां सर्वपालक । अणिमादिगुणाधार लक्ष्मीश्रीविष्णुपूजित ॥ 10 ॥

गौरीशंकरसंपूज्य जय त्वं गणनायक । रतिमन्मथसंसेव्य महीभूदारसंस्तुत ॥ 11 ॥

ऋद्ध्यामोदादिसंसेव्य महागणपते जय । शंखपद्मादिसंसेव्य निरालंब निरीश्वर ॥ 12 ॥

निष्कलंक निराधार पाहि मां नित्यमव्यय । अनाद्य जगतामाद्य पितामहसुपूजित ॥ 13 ॥

धूमकेतो गणाध्यक्ष महामूषकवाहन । अनंतपरमानंद जय विघ्नेश्वरेश्वर ॥ 14 ॥

रत्नसिंहासनासीन किरीटेन सुशोभित । परात्पर परेशान परपूरुष पाहि माम् ॥ 15 ॥

निर्द्वंद्व निर्गुणाभास जपापुष्पसमप्रभ । सर्वप्रमथसंस्तुत्य त्राहि मां विघ्ननायक ॥ 16 ॥

कुमारस्य गुरो देव सर्वैश्वर्यप्रदायक । सर्वाभीष्टप्रद स्वामिन् सर्वप्रत्यूहनाशक ॥ 17 ॥

शरण्य सर्वलोकानां शरणागतवत्सल । महागणपते नित्यं मां पालय कृपानिधे ॥ 18 ॥

एवं श्रीगणनाथस्य स्तवराजमनुत्तमम् । यः पठेच्छृणुयान्नित्यं प्रत्यूहैः स विमुच्यते ॥ 19 ॥

अश्वमेधसमं पुण्यफलं प्राप्नोत्यनुत्तमम् । वशीकरोति त्रैलोक्यं प्राप्य सौभाग्यमुत्तमम् ॥ 20 ॥

सर्वाभीष्टमवाप्नोति शीघ्रमेव सुदुर्लभम् । महागणेशसान्निध्यं प्राप्नोत्येव न संशयः ॥ 21 ॥

इति श्रीरुद्रयामले श्रीविनायकस्तवराजः संपूर्णम् ।

శ్రీ వినాయక స్తవరాజః గురించి

The Vinayaka Stavaraja, "the king of hymns to Vinayaka", is a hymn to Mahaganapati. Its meditation pictures him with lotus-like hands holding the citron, mace, sugarcane bow, trident, discus, lotus, noose, blue lily, sheaf of rice, his own tusk and a jewelled pot, embraced by his consort Vallabha who holds a lotus. The hymn then salutes him as the lord of Siddhi and Lakshmi, leader of the ganas, the great lord, ruler of obstacles, lord of the world and son of Gauri.

మూలం: Rudra Yamala, as its colophon states

ఎప్పుడు పఠించాలి: On Ganesh Chaturthi and Sankashti, and in Mahaganapati worship.

మీకు తెలుసా?

  • Its colophon places it in the Rudra Yamala.
  • The ten-armed Mahaganapati with his consort is a form especially worshipped in the Tantric and Sri Vidya traditions.

తరచుగా అడిగే ప్రశ్నలు

What does "Stavaraja" mean?

"The king of hymns".

How is Ganesha pictured?

As ten-armed Mahaganapati, with his consort Vallabha.

Where is it from?

The Rudra Yamala, as its colophon states.

ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.