సూర్య కవచం
Surya Bhagavan · సాంప్రదాయ భక్తి గ్రంథం
ಶ್ರೀಭೈರವ ಉವಾಚ
ಯೋ ದೇವದೇವೋ ಭಗವಾನ್ ಭಾಸ್ಕರೋ ಮಹಸಾಂ ನಿಧಿಃ । ಗಯತ್ರೀನಾಯಕೋ ಭಾಸ್ವಾನ್ ಸವಿತೇತಿ ಪ್ರಗೀಯತೇ ॥ 1 ॥
ತಸ್ಯಾಹಂ ಕವಚಂ ದಿವ್ಯಂ ವಜ್ರಪಂಜರಕಾಭಿಧಮ್ । ಸರ್ವಮಂತ್ರಮಯಂ ಗುಹ್ಯಂ ಮೂಲವಿದ್ಯಾರಹಸ್ಯಕಮ್ ॥ 2 ॥
ಸರ್ವಪಾಪಾಪಹಂ ದೇವಿ ದುಃಖದಾರಿದ್ರ್ಯನಾಶನಮ್ । ಮಹಾಕುಷ್ಠಹರಂ ಪುಣ್ಯಂ ಸರ್ವರೋಗನಿವರ್ಹಣಮ್ ॥ 3 ॥
ಸರ್ವಶತ್ರುಸಮೂಹಘ್ನಂ ಸಮ್ಗ್ರಾಮೇ ವಿಜಯಪ್ರದಮ್ । ಸರ್ವತೇಜೋಮಯಂ ಸರ್ವದೇವದಾನವಪೂಜಿತಮ್ ॥ 4 ॥
ರಣೇ ರಾಜಭಯೇ ಘೋರೇ ಸರ್ವೋಪದ್ರವನಾಶನಮ್ । ಮಾತೃಕಾವೇಷ್ಟಿತಂ ವರ್ಮ ಭೈರವಾನನನಿರ್ಗತಮ್ ॥ 5 ॥
ಗ್ರಹಪೀಡಾಹರಂ ದೇವಿ ಸರ್ವಸಂಕಟನಾಶನಮ್ । ಧಾರಣಾದಸ್ಯ ದೇವೇಶಿ ಬ್ರಹ್ಮಾ ಲೋಕಪಿತಾಮಹಃ ॥ 6 ॥
ವಿಷ್ಣುರ್ನಾರಾಯಣೋ ದೇವಿ ರಣೇ ದೈತ್ಯಾಂಜಿಷ್ಯತಿ । ಶಂಕರಃ ಸರ್ವಲೋಕೇಶೋ ವಾಸವೋಽಪಿ ದಿವಸ್ಪತಿಃ ॥ 7 ॥
ಓಷಧೀಶಃ ಶಶೀ ದೇವಿ ಶಿವೋಽಹಂ ಭೈರವೇಶ್ವರಃ । ಮಂತ್ರಾತ್ಮಕಂ ಪರಂ ವರ್ಮ ಸವಿತುಃ ಸಾರಮುತ್ತಮಮ್ ॥ 8 ॥
ಯೋ ಧಾರಯೇದ್ ಭುಜೇ ಮೂರ್ಧ್ನಿ ರವಿವಾರೇ ಮಹೇಶ್ವರಿ । ಸ ರಾಜವಲ್ಲಭೋ ಲೋಕೇ ತೇಜಸ್ವೀ ವೈರಿಮರ್ದನಃ ॥ 9 ॥
ಬಹುನೋಕ್ತೇನ ಕಿಂ ದೇವಿ ಕವಚಸ್ಯಾಸ್ಯ ಧಾರಣಾತ್ । ಇಹ ಲಕ್ಷ್ಮೀಧನಾರೋಗ್ಯ-ವೃದ್ಧಿರ್ಭವತಿ ನಾನ್ಯಥಾ ॥ 10 ॥
ಪರತ್ರ ಪರಮಾ ಮುಕ್ತಿರ್ದೇವಾನಾಮಪಿ ದುರ್ಲಭಾ । ಕವಚಸ್ಯಾಸ್ಯ ದೇವೇಶಿ ಮೂಲವಿದ್ಯಾಮಯಸ್ಯ ಚ ॥ 11 ॥
ವಜ್ರಪಂಜರಕಾಖ್ಯಸ್ಯ ಮುನಿರ್ಬ್ರಹ್ಮಾ ಸಮೀರಿತಃ । ಗಾಯತ್ರ್ಯಂ ಛಂದ ಇತ್ಯುಕ್ತಂ ದೇವತಾ ಸವಿತಾ ಸ್ಮೃತಃ ॥ 12 ॥
ಮಾಯಾ ಬೀಜಂ ಶರತ್ ಶಕ್ತಿರ್ನಮಃ ಕೀಲಕಮೀಶ್ವರಿ । ಸರ್ವಾರ್ಥಸಾಧನೇ ದೇವಿ ವಿನಿಯೋಗಃ ಪ್ರಕೀರ್ತಿತಃ ॥ 13 ॥
ಅಥ ಸೂರ್ಯ ಕವಚಂ
ಓಂ ಅಂ ಆಂ ಇಂ ಈಂ ಶಿರಃ ಪಾತು ಓಂ ಸೂರ್ಯೋ ಮಂತ್ರವಿಗ್ರಹಃ । ಉಂ ಊಂ ಋಂ ೠಂ ಲಲಾಟಂ ಮೇ ಹ್ರಾಂ ರವಿಃ ಪಾತು ಚಿನ್ಮಯಃ ॥ 14 ॥
~ಳುಂ ~ಳೂಂ ಏಂ ಐಂ ಪಾತು ನೇತ್ರೇ ಹ್ರೀಂ ಮಮಾರುಣಸಾರಥಿಃ । ಓಂ ಔಂ ಅಂ ಅಃ ಶ್ರುತೀ ಪಾತು ಸಃ ಸರ್ವಜಗದೀಶ್ವರಃ ॥ 15 ॥
ಕಂ ಖಂ ಗಂ ಘಂ ಪಾತು ಗಂಡೌ ಸೂಂ ಸೂರಃ ಸುರಪೂಜಿತಃ । ಚಂ ಛಂ ಜಂ ಝಂ ಚ ನಾಸಾಂ ಮೇ ಪಾತು ಯಾರಂ ಅರ್ಯಮಾ ಪ್ರಭುಃ ॥ 16 ॥
ಟಂ ಠಂ ಡಂ ಢಂ ಮುಖಂ ಪಾಯಾದ್ ಯಂ ಯೋಗೀಶ್ವರಪೂಜಿತಃ । ತಂ ಥಂ ದಂ ಧಂ ಗಲಂ ಪಾತು ನಂ ನಾರಾಯಣವಲ್ಲಭಃ ॥ 17 ॥
ಪಂ ಫಂ ಬಂ ಭಂ ಮಮ ಸ್ಕಂಧೌ ಪಾತು ಮಂ ಮಹಸಾಂ ನಿಧಿಃ । ಯಂ ರಂ ಲಂ ವಂ ಭುಜೌ ಪಾತು ಮೂಲಂ ಸಕನಾಯಕಃ ॥ 18 ॥
ಶಂ ಷಂ ಸಂ ಹಂ ಪಾತು ವಕ್ಷೋ ಮೂಲಮಂತ್ರಮಯೋ ಧ್ರುವಃ । ಳಂ ಕ್ಷಃ ಕುಕ್ಷ್ಸಿಂ ಸದಾ ಪಾತು ಗ್ರಹಾಥೋ ದಿನೇಶ್ವರಃ ॥ 19 ॥
ಙಂ ಞಂ ಣಂ ನಂ ಮಂ ಮೇ ಪಾತು ಪೃಷ್ಠಂ ದಿವಸನಾಯಕಃ । ಅಂ ಆಂ ಇಂ ಈಂ ಉಂ ಊಂ ಋಂ ೠಂ ನಾಭಿಂ ಪಾತು ತಮೋಪಹಃ ॥ 20 ॥
~ಳುಂ ~ಳೂಂ ಏಂ ಐಂ ಓಂ ಔಂ ಅಂ ಅಃ ಲಿಂಗಂ ಮೇಽವ್ಯಾದ್ ಗ್ರಹೇಶ್ವರಃ । ಕಂ ಖಂ ಗಂ ಘಂ ಚಂ ಛಂ ಜಂ ಝಂ ಕಟಿಂ ಭಾನುರ್ಮಮಾವತು ॥ 21 ॥
ಟಂ ಠಂ ಡಂ ಢಂ ತಂ ಥಂ ದಂ ಧಂ ಜಾನೂ ಭಾಸ್ವಾನ್ ಮಮಾವತು । ಪಂ ಫಂ ಬಂ ಭಂ ಯಂ ರಂ ಲಂ ವಂ ಜಂಘೇ ಮೇಽವ್ಯಾದ್ ವಿಭಾಕರಃ ॥ 22 ॥
ಶಂ ಷಂ ಸಂ ಹಂ ಳಂ ಕ್ಷಃ ಪಾತು ಮೂಲಂ ಪಾದೌ ತ್ರಯಿತನುಃ । ಙಂ ಞಂ ಣಂ ನಂ ಮಂ ಮೇ ಪಾತು ಸವಿತಾ ಸಕಲಂ ವಪುಃ ॥ 23 ॥
ಸೋಮಃ ಪೂರ್ವೇ ಚ ಮಾಂ ಪಾತು ಭೌಮೋಽಗ್ನೌ ಮಾಂ ಸದಾವತು । ಬುಧೋ ಮಾಂ ದಕ್ಷಿಣೇ ಪಾತು ನೈಋತ್ಯಾ ಗುರರೇವ ಮಾಮ್ ॥ 24 ॥
ಪಶ್ಚಿಮೇ ಮಾಂ ಸಿತಃ ಪಾತು ವಾಯವ್ಯಾಂ ಮಾಂ ಶನೈಶ್ಚರಃ । ಉತ್ತರೇ ಮಾಂ ತಮಃ ಪಾಯಾದೈಶಾನ್ಯಾಂ ಮಾಂ ಶಿಖೀ ತಥಾ ॥ 25 ॥
ಊರ್ಧ್ವಂ ಮಾಂ ಪಾತು ಮಿಹಿರೋ ಮಾಮಧಸ್ತಾಂಜಗತ್ಪತಿಃ । ಪ್ರಭಾತೇ ಭಾಸ್ಕರಃ ಪಾತು ಮಧ್ಯಾಹ್ನೇ ಮಾಂ ದಿನೇಶ್ವರಃ ॥ 26 ॥
ಸಾಯಂ ವೇದಪ್ರಿಯಃ ಪಾತು ನಿಶೀಥೇ ವಿಸ್ಫುರಾಪತಿಃ । ಸರ್ವತ್ರ ಸರ್ವದಾ ಸೂರ್ಯಃ ಪಾತು ಮಾಂ ಚಕ್ರನಾಯಕಃ ॥ 27 ॥
ರಣೇ ರಾಜಕುಲೇ ದ್ಯೂತೇ ವಿದಾದೇ ಶತ್ರುಸಂಕಟೇ । ಸಂಗಾಮೇ ಚ ಜ್ವರೇ ರೋಗೇ ಪಾತು ಮಾಂ ಸವಿತಾ ಪ್ರಭುಃ ॥ 28 ॥
ಓಂ ಓಂ ಓಂ ಉತ ಓಂಉಔಂ ಹ ಸ ಮ ಯಃ ಸೂರೋಽವತಾನ್ಮಾಂ ಭಯಾದ್ ಹ್ರಾಂ ಹ್ರೀಂ ಹ್ರುಂ ಹಹಹಾ ಹಸೌಃ ಹಸಹಸೌಃ ಹಂಸೋಽವತಾತ್ ಸರ್ವತಃ । ಸಃ ಸಃ ಸಃ ಸಸಸಾ ನೃಪಾದ್ವನಚರಾಚ್ಚೌರಾದ್ರಣಾತ್ ಸಂಕಟಾತ್ ಪಾಯಾನ್ಮಾಂ ಕುಲನಾಯಕೋಽಪಿ ಸವಿತಾ ಓಂ ಹ್ರೀಂ ಹ ಸೌಃ ಸರ್ವದಾ ॥ 29 ॥
ದ್ರಾಂ ದ್ರೀಂ ದ್ರೂಂ ದಧನಂ ತಥಾ ಚ ತರಣಿರ್ಭಾಂಭೈರ್ಭಯಾದ್ ಭಾಸ್ಕರೋ ರಾಂ ರೀಂ ರೂಂ ರುರುರೂಂ ರವಿರ್ಜ್ವರಭಯಾತ್ ಕುಷ್ಠಾಚ್ಚ ಶೂಲಾಮಯಾತ್ । ಅಂ ಅಂ ಆಂ ವಿವಿವೀಂ ಮಹಾಮಯಭಯಂ ಮಾಂ ಪಾತು ಮಾರ್ತಂಡಕೋ ಮೂಲವ್ಯಾಪ್ತತನುಃ ಸದಾವತು ಪರಂ ಹಂಸಃ ಸಹಸ್ರಾಂಶುಮಾನ್ ॥ 30॥
ಅಥ ಫಲಶೃತಿಃ
ಇತಿ ಶ್ರೀಕವಚಂ ದಿವ್ಯಂ ವಜ್ರಪಂಜರಕಾಭಿಧಮ್ । ಸರ್ವದೇವರಹಸ್ಯಂ ಚ ಮಾತೃಕಾಮಂತ್ರವೇಷ್ಟಿತಮ್ ॥ 31 ॥
ಮಹಾರೋಗಭಯಘ್ನಂ ಚ ಪಾಪಘ್ನಂ ಮನ್ಮುಖೋದಿತಮ್ । ಗುಹ್ಯಂ ಯಶಸ್ಕರಂ ಪುಣ್ಯಂ ಸರ್ವಶ್ರೇಯಸ್ಕರಂ ಶಿವೇ ॥ 32 ॥
ಲಿಖಿತ್ವಾ ರವಿವಾರೇ ತು ತಿಷ್ಯೇ ವಾ ಜನ್ಮಭೇ ಪ್ರಿಯೇ । ಅಷ್ಟಗಂಧೇನ ದಿವ್ಯೇನ ಸುಧಾಕ್ಷೀರೇಣ ಪಾರ್ವತಿ ॥ 33 ॥
ಅರ್ಕಕ್ಷೀರೇಣ ಪುಣ್ಯೇನ ಭೂರ್ಜತ್ವಚಿ ಮಹೇಶ್ವರಿ । ಕನಕೀಕಾಷ್ಠಲೇಖನ್ಯಾ ಕವಚಂ ಭಾಸ್ಕರೋದಯೇ ॥ 34 ॥
ಶ್ವೇತಸೂತ್ರೇಣ ರಕ್ತೇನ ಶ್ಯಾಮೇನಾವೇಷ್ಟಯೇದ್ ಗುಟೀಮ್ । ಸೌವರ್ಣೇನಾಥ ಸಂವೇಷ್ಠ್ಯ ಧಾರಯೇನ್ಮೂರ್ಧ್ನಿ ವಾ ಭುಜೇ ॥ 35 ॥
ರಣೇ ರಿಪೂಂಜಯೇದ್ ದೇವಿ ವಾದೇ ಸದಸಿ ಜೇಷ್ಯತಿ । ರಾಜಮಾನ್ಯೋ ಭವೇನ್ನಿತ್ಯಂ ಸರ್ವತೇಜೋಮಯೋ ಭವೇತ್ ॥ 36 ॥
ಕಂಠಸ್ಥಾ ಪುತ್ರದಾ ದೇವಿ ಕುಕ್ಷಿಸ್ಥಾ ರೋಗನಾಶಿನೀ । ಶಿರಃಸ್ಥಾ ಗುಟಿಕಾ ದಿವ್ಯಾ ರಾಕಲೋಕವಶಂಕರೀ ॥ 37 ॥
ಭುಜಸ್ಥಾ ಧನದಾ ನಿತ್ಯಂ ತೇಜೋಬುದ್ಧಿವಿವರ್ಧಿನೀ । ವಂಧ್ಯಾ ವಾ ಕಾಕವಂಧ್ಯಾ ವಾ ಮೃತವತ್ಸಾ ಚ ಯಾಂಗನಾ ॥ 38 ॥
ಕಂಠೇ ಸಾ ಧಾರಯೇನ್ನಿತ್ಯಂ ಬಹುಪುತ್ರಾ ಪ್ರಜಾಯಯೇ । ಯಸ್ಯ ದೇಹೇ ಭವೇನ್ನಿತ್ಯಂ ಗುಟಿಕೈಷಾ ಮಹೇಶ್ವರಿ ॥ 39 ॥
ಮಹಾಸ್ತ್ರಾಣೀಂದ್ರಮುಕ್ತಾನಿ ಬ್ರಹ್ಮಾಸ್ತ್ರಾದೀನಿ ಪಾರ್ವತಿ । ತದ್ದೇಹಂ ಪ್ರಾಪ್ಯ ವ್ಯರ್ಥಾನಿ ಭವಿಷ್ಯಂತಿ ನ ಸಂಶಯಃ ॥ 40 ॥
ತ್ರಿಕಾಲಂ ಯಃ ಪಠೇನ್ನಿತ್ಯಂ ಕವಚಂ ವಜ್ರಪಂಜರಮ್ । ತಸ್ಯ ಸದ್ಯೋ ಮಹಾದೇವಿ ಸವಿತಾ ವರದೋ ಭವೇತ್ ॥ 41 ॥
ಅಜ್ಞಾತ್ವಾ ಕವಚಂ ದೇವಿ ಪೂಜಯೇದ್ ಯಸ್ತ್ರಯೀತನುಮ್ । ತಸ್ಯ ಪೂಜಾರ್ಜಿತಂ ಪುಣ್ಯಂ ಜನ್ಮಕೋಟಿಷು ನಿಷ್ಫಲಮ್ ॥ 42 ॥
ಶತಾವರ್ತಂ ಪಠೇದ್ವರ್ಮ ಸಪ್ತಮ್ಯಾಂ ರವಿವಾಸರೇ । ಮಹಾಕುಷ್ಠಾರ್ದಿತೋ ದೇವಿ ಮುಚ್ಯತೇ ನಾತ್ರ ಸಂಶಯಃ ॥ 43 ॥
ನಿರೋಗೋ ಯಃ ಪಠೇದ್ವರ್ಮ ದರಿದ್ರೋ ವಜ್ರಪಂಜರಮ್ । ಲಕ್ಷ್ಮೀವಾಂಜಾಯತೇ ದೇವಿ ಸದ್ಯಃ ಸೂರ್ಯಪ್ರಸಾದತಃ ॥ 44 ॥
ಭಕ್ತ್ಯಾ ಯಃ ಪ್ರಪಠೇದ್ ದೇವಿ ಕವಚಂ ಪ್ರತ್ಯಹಂ ಪ್ರಿಯೇ । ಇಹ ಲೋಕೇ ಶ್ರಿಯಂ ಭುಕ್ತ್ವಾ ದೇಹಾಂತೇ ಮುಕ್ತಿಮಾಪ್ನುಯಾತ್ ॥ 45 ॥
ಇತಿ ಶ್ರೀರುದ್ರಯಾಮಲೇ ತಂತ್ರೇ ಶ್ರೀದೇವಿರಹಸ್ಯೇ ವಜ್ರಪಂಜರಾಖ್ಯಸೂರ್ಯಕವಚನಿರೂಪಣಂ ತ್ರಯಸ್ತ್ರಿಂಶಃ ಪಟಲಃ ॥
సూర్య కవచం గురించి
This Surya Kavacham, called the Vajrapanjara ("diamond cage") Surya Kavacha, is a protective hymn to the Sun god. It begins: the god of gods, the blessed Bhaskara, treasure of all light, lord of the Gayatri, radiant one, who is praised as Savitr; and goes on to ask the Sun in his many names to guard every part of the body and every direction, like a cage of diamond.
మూలం: Rudra Yamala Tantra, Devi Rahasya, as its colophon states
ఎప్పుడు పఠించాలి: At sunrise, especially on Sundays, and on Ratha Saptami.
మీకు తెలుసా?
- Its colophon places it in the thirty-third patala of the Devi Rahasya of the Rudra Yamala Tantra.
- It calls the Sun "Gayatri nayaka", the lord of the Gayatri, since the Gayatri mantra is addressed to Savitr, the Sun.
తరచుగా అడిగే ప్రశ్నలు
What does "Vajrapanjara" mean?
"Diamond cage", an unbreakable shield of protection.
Why is the Sun called lord of the Gayatri?
Because the Gayatri mantra is addressed to Savitr, the Sun.
Where is it from?
The Rudra Yamala Tantra, Devi Rahasya, as its colophon states.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు