ఉద్ధవగీతా - చతుర్థోఽధ్యాయః
Sri Krishna · సాంప్రదాయ భక్తి గ్రంథం
అథ చతుర్థోఽధ్యాయః ।
రాజా ఉవాచ
యాని యాని ఇహ కర్మాణి యైః యైః స్వచ్ఛందజన్మభిః । చక్రే కరోతి కర్తా వా హరిః తాని బ్రువంతు నః ॥ 1
ద్రుమిలః ఉవాచ
యః వా అనంతస్య గుణాన్ అనంతాన్ అనుక్రమిష్యన్ సః తు బాలబుద్ధిః । రజాంసి భూమేః గణయేత్ కథంచిత్ కాలేన న ఏవ అఖిలశక్తిధామ్నః ॥ 2
భూతైః యదా పంచభిః ఆత్మసృష్టైః పురం విరాజం విరచయ్య తస్మిన్ । స్వాంశేన విష్టః పురుషాభిధాన మవాప నారాయణః ఆదిదేవః ॥ 3॥
యత్ కాయః ఏషః భువనత్రయసంనివేశః యస్య ఇంద్రియైః తనుభృతాం ఉభయైంద్రియాణి । జ్ఞానం స్వతః శ్వసనతః బలం ఓజః ఈహా సత్త్వాదిభిః స్థితిలయౌద్భవః ఆదికర్తా ॥ 4॥
ఆదౌ అభూత్ శతధృతీ రజస అస్య సర్గే విష్ణు స్థితౌ క్రతుపతిః ద్విజధర్మసేతుః । రుద్రః అపి అయాయ తమసా పురుషః సః ఆద్యః ఇతి ఉద్భవస్థితిలయాః సతతం ప్రజాసు ॥ 5॥
ధర్మస్య దక్షదుహితర్యజనిష్టః మూర్త్యా నారాయణః నరః ఋషిప్రవరః ప్రశాంతః । నైష్కర్మ్యలక్షణం ఉవాచ చచార కర్మ యః అద్య అపి చ ఆస్త ఋషివర్యనిషేవితాంఘ్రిః ॥ 6॥
ఇంద్రః విశంక్య మమ ధామ జిఘృక్షతి ఇతి కామం న్యయుంక్త సగణం సః బదరిఉపాఖ్యమ్ । గత్వా అప్సరోగణవసంతసుమందవాతైః స్త్రీప్రేక్షణ ఇషుభిః అవిధ్యతత్ మహిజ్ఞః ॥ 7॥
విజ్ఞాయ శక్రకృతం అక్రమం ఆదిదేవః ప్రాహ ప్రహస్య గతవిస్మయః ఏజమానాన్ । మా భైష్ట భో మదన మారుత దేవవధ్వః గృహ్ణీత నః బలిం అశూన్యం ఇమం కురుధ్వమ్ ॥ 8॥
ఇత్థం బ్రువతి అభయదే నరదేవ దేవాః సవ్రీడనమ్రశిరసః సఘృణం తం ఊచుః । న ఏతత్ విభో త్వయి పరే అవికృతే విచిత్రం స్వారామధీః అనికరానతపాదపద్మే ॥ 9॥
త్వాం సేవతాం సురకృతా బహవః అంతరాయాః స్వౌకో విలంఘ్య పరమం వ్రజతాం పదం తే । న అన్యస్య బర్హిషి బలీన్ దదతః స్వభాగాన్ ధత్తే పదం త్వం అవితా యది విఘ్నమూర్ధ్ని ॥ 10॥
క్షుత్ తృట్త్రికాలగుణమారుతజైవ్హ్యశైశ్న్యాన్ అస్మాన్ అపారజలధీన్ అతితీర్య కేచిత్ । క్రోధస్య యాంతి విఫలస్య వశ పదే గోః మజ్జంతి దుశ్చరతపః చ వృథా ఉత్సృజంతి ॥ 11॥
ఇతి ప్రగృణతాం తేషాం స్త్రియః అతి అద్భుతదర్శనాః । దర్శయామాస శుశ్రూషాం స్వర్చితాః కుర్వతీః విభుః ॥ 12॥
తే దేవ అనుచరాః దృష్ట్వా స్త్రియః శ్రీః ఇవ రూపిణీః । గంధేన ముముహుః తాసాం రూప ఔదార్యహతశ్రియః ॥ 13॥
తాన్ ఆహ దేవదేవ ఈశః ప్రణతాన్ ప్రహసన్ ఇవ । ఆసాం ఏకతమాం వృంగ్ధ్వం సవర్ణాం స్వర్గభూషణామ్ ॥
14॥
ఓం ఇతి ఆదేశం ఆదాయ నత్వా తం సురవందినః । ఉర్వశీం అప్సరఃశ్రేష్ఠాం పురస్కృత్య దివం యయుః ॥ 15॥
ఇంద్రాయ ఆనమ్య సదసి శ్రుణ్వతాం త్రిదివౌకసామ్ । ఊచుః నారాయణబలం శక్రః తత్ర ఆస విస్మితః ॥ 16॥
హంసస్వరూపీ అవదదత్ అచ్యుతః ఆత్మయోగం దత్తః కుమార ఋషభః భగవాన్ పితా నః । విష్ణుః శివాయ జగతాం కలయా అవతీర్ణః తేన ఆహృతాః మధుభిదా శ్రుతయః హయాస్యే ॥ 17॥
గుప్తః అపి అయే మనుః ఇలా ఓషధయః చ మాత్స్యే క్రౌడే హతః దితిజః ఉద్ధరతా అంభసః క్ష్మామ్ । కౌర్మే ధృతః అద్రిః అమృత ఉన్మథనే స్వపృష్ఠే గ్రాహాత్ ప్రపన్నమిభరాజం అముంచత్ ఆర్తమ్ ॥ 18॥
సంస్తున్వతః అబ్ధిపతితాన్ శ్రమణాన్ ఋషీం చ శక్రం చ వృత్రవధతః తమసి ప్రవిష్టమ్ । దేవస్త్రియః అసురగృహే పిహితాః అనాథాః జఘ్నే అసురేంద్రం అభయాయ సతాం నృసింహే ॥ 19॥
దేవ అసురే యుధి చ దైత్యపతీన్ సురార్థే హత్వా అంతరేషు భువనాని అదధాత్ కలాభిః । భూత్వా అథ వామనః ఇమాం అహరత్ బలేః క్ష్మాం యాంచాచ్ఛలేన సమదాత్ అదితేః సుతేభ్యః ॥ 20॥
నిఃక్షత్రియాం అకృత గాం చ త్రిఃసప్తకృత్వః రామః తు హైహయకుల అపి అయభార్గవ అగ్నిః । సః అబ్ధిం బబంధ దశవక్త్రం అహన్ సలంకం సీతాపతిః జయతి లోకం అలఘ్నకీర్తిః ॥ 21॥
భూమేః భర అవతరణాయ యదుషి అజన్మా జాతః కరిష్యతి సురైః అపి దుష్కరాణి । వాదైః విమోహయతి యజ్ఞకృతః అతదర్హాన్ శూద్రాం కలౌ క్షితిభుజః న్యహనిష్యదంతే ॥ 22॥
ఏవంవిధాని కర్మాణి జన్మాని చ జగత్ పతేః । భూరీణి భూరియశసః వర్ణితాని మహాభుజ ॥ 23॥
ఇతి శ్రీమద్భగవతే మహాపురాణే పారమహంస్యాం సంహితాయామేకాదశస్కంధే నిమిజాయంతసంవాదే చతుర్థోఽధ్యాయః ॥
ఉద్ధవగీతా - చతుర్థోఽధ్యాయః గురించి
This chapter, numbered 4 in this Uddhava Gita series, is chapter 4 of the eleventh book of the Bhagavata Purana, part of the dialogue of King Nimi and the nine yogis. Nimi asks: "Tell us the deeds that Hari, the doer, has done, does and will do through the births he takes by his own will." The sage Drumila answers that the Lord's glories are beyond counting, like the specks of dust on earth, and then tells of some of his avataras: Nara and Narayana, whose calm could not be shaken by Kama and the celestial nymphs, and many others from Hamsa and Dattatreya to Rama, Krishna and the coming Kalki.
మూలం: Bhagavata Purana, book 11, chapter 4, as its colophon states
ఎప్పుడు పఠించాలి: In Bhagavata parayana, especially during a Bhagavata saptaha.
మీకు తెలుసా?
- Nara and Narayana, sages at Badari, created the celestial nymph Urvashi from their thigh to show the gods that their peace could not be disturbed.
- The nine yogis, sons of Rishabha, answer King Nimi's nine questions across chapters 2 to 5 of this book.
తరచుగా అడిగే ప్రశ్నలు
Who answers Nimi in this chapter?
The sage Drumila.
Whose calm could Kama not shake?
That of the sages Nara and Narayana.
Where is this chapter from?
Bhagavata Purana, book 11, chapter 4.
ఆరాధన, అధ్యయనం కోసం అందించబడింది, జోస్యంగా కాదు. వాణిజ్యేతరం.
మరిన్ని భక్తి గ్రంథాలు