MuhurtaNow

শ্রীমদ্ভগবদ্গীতা পারাযণ - চতুর্থোঽধ্য়ায়ঃ

Sri Krishna · প্রথাগত ভক্তিপাঠ

ওং শ্রী পরমাত্মনে নমঃ অথ চতুর্থোঽধ্য়ায়ঃ জ্ঞানয়োগঃ

শ্রী ভগবানুবাচ

ইমং বিবস্বতে যোগং প্রোক্তবানহমব্যযম্ । বিবস্বান্মনবে প্রাহ মনুরিক্ষ্বাকবেঽব্রবীত্ ॥1

এবং পরংপরাপ্রাপ্তম্ ইমং রাজর্ষয়ো বিদুঃ । স কালেনেহ মহতা যোগো নষ্টঃ পরংতপ ॥2॥

স এবায়ং ময়া তেঽদ্য় যোগঃ প্রোক্তঃ পুরাতনঃ । ভক্তোঽসি মে সখা চেতি রহস্য়ং হ্য়েতদুত্তমম্ ॥3॥

অর্জুন উবাচ

অপরং ভবতো জন্ম পরং জন্ম বিবস্বতঃ । কথমেতদ্বিজানীয়াং ত্বমাদৌ প্রোক্তবানিতি ॥4

শ্রী ভগবানুবাচ

বহূনি মে ব্যতীতানি জন্মানি তব চার্জুন । তান্যহং বেদ সর্বাণি ন ত্বং বেত্থ পরংতপ ॥5

অজোঽপি সন্নব্যয়াত্মা ভূতানামীশ্বরোঽপি সন্ । প্রকৃতিং স্বামধিষ্ঠায় সংভবাম্য়াত্মমাযয়া ॥6॥

যদা যদা হি ধর্মস্য় গ্লানির্ভবতি ভারত । অভ্য়ুত্থানমধর্মস্য় তদাঽঽত্মানং সৃজাম্যহম্ ॥7॥

পরিত্রাণায় সাধূনাং বিনাশায় চ দুষ্কৃতাম্ । ধর্মসংস্থাপনার্থায় সংভবামি যুগে যুগে ॥8॥

জন্ম কর্ম চ মে দিব্যম্ এবং যো বেত্তি তত্ত্বতঃ । ত্যক্ত্বা দেহং পুনর্জন্ম নৈতি মামেতি সোঽর্জুন ॥9॥

বীতরাগভযক্রোধাঃ মন্ময়া মামুপাশ্রিতাঃ । বহবো জ্ঞানতপসা পূতা মদ্ভাবমাগতাঃ ॥10॥

যে যথা মাং প্রপদ্য়ংতে তাংস্তথৈব ভজাম্যহম্ । মম বর্ত্মানুবর্তংতে মনুষ্য়াঃ পার্থ সর্বশঃ ॥11॥

কাংক্ষংতঃ কর্মণাং সিদ্ধিং যজংত ইহ দেবতাঃ । ক্ষিপ্রং হি মানুষে লোকে সিদ্ধির্ভবতি কর্মজা ॥12॥

চাতুর্বর্ণ্য়ং ময়া সৃষ্টং গুণকর্মবিভাগশঃ । তস্য় কর্তারমপি মাং বিদ্ধ্যকর্তারমব্যযম্ ॥13॥

ন মাং কর্মাণি লিংপংতি ন মে কর্মফলে স্পৃহা । ইতি মাং যোঽভিজানাতি কর্মভির্ন স বধ্যতে ॥14॥

এবং জ্ঞাত্বা কৃতং কর্ম পূর্বৈরপি মুমুক্ষুভিঃ । কুরু কর্মৈব তস্মাত্ত্বং পূর্বৈঃ পূর্বতরং কৃতম্ ॥15॥

কিং কর্ম কিমকর্মেতি কবয়োঽপ্যত্র মোহিতাঃ । তত্তে কর্ম প্রবক্ষ্য়ামি যজ্জ্ঞাত্বা মোক্ষ্যসেঽশুভাত্ ॥16॥

কর্মণো হ্যপি বোদ্ধব্য়ং বোদ্ধব্য়ং চ বিকর্মণঃ । অকর্মণশ্চ বোদ্ধব্য়ং গহনা কর্মণো গতিঃ ॥17॥

কর্মণ্যকর্ম যঃ পশ্য়েত্ অকর্মণি চ কর্ম যঃ । স বুদ্ধিমান্মনুষ্য়েষু স যুক্তঃ কৃত্স্নকর্মকৃত্ ॥18॥

যস্য় সর্বে সমারংভাঃ কামসংকল্পবর্জিতাঃ । জ্ঞানাগ্নিদগ্ধকর্মাণং তমাহুঃ পংডিতং বুধাঃ ॥19॥

ত্যক্ত্বা কর্মফলাসংগং নিত্যতৃপ্তো নিরাশ্রয়ঃ । কর্মণ্যভিপ্রবৃত্তোঽপি নৈব কিংচিত্করোতি সঃ ॥20॥

নিরাশীর্যতচিত্তাত্মা ত্যক্তসর্ব পরিগ্রহঃ । শারীরং কেবলং কর্ম কুর্বন্নাপ্নোতি কিল্বিষম্ ॥21॥

যদৃচ্ছালাভসংতুষ্টঃ দ্বংদ্বাতীতো বিমত্সরঃ । সমঃ সিদ্ধাবসিদ্ধৌ চ কৃত্বাপি ন নিবধ্যতে ॥22॥

গতসংগস্য় মুক্তস্য় জ্ঞানাবস্থিতচেতসঃ । যজ্ঞায়াচরতঃ কর্ম সমগ্রং প্রবিলীযতে ॥23॥

ব্রহ্মার্পণং ব্রহ্ম হবিঃ ব্রহ্মাগ্নৌ ব্রহ্মণা হুতম্ । ব্রহ্মৈব তেন গংতব্য়ং ব্রহ্মকর্মসমাধিনা ॥24॥

দৈবমেবাপরে যজ্ঞং যোগিনঃ পর্য়ুপাসতে । ব্রহ্মাগ্নাবপরে যজ্ঞং যজ্ঞেনৈবোপজুহ্বতি ॥25॥

শ্রোত্রাদীনীংদ্রিয়াণ্যন্য়ে সংযমাগ্নিষু জুহ্বতি । শব্দাদীন্বিষয়ানন্য়ে ইংদ্রিয়াগ্নিষু জুহ্বতি ॥26॥

সর্বাণীংদ্রিযকর্মাণি প্রাণকর্মাণি চাপরে । আত্মসংযময়োগাগ্নৌ জুহ্বতি জ্ঞানদীপিতে ॥27॥

দ্রব্যযজ্ঞাস্তপোযজ্ঞাঃ যোগযজ্ঞাস্তথাঽপরে । স্বাধ্য়াযজ্ঞানযজ্ঞাশ্চ যতয়ঃ সংশিতব্রতাঃ ॥28॥

অপানে জুহ্বতি প্রাণং প্রাণেঽপানং তথাপরে । প্রাণাপানগতী রুদ্ধ্বা প্রাণায়ামপরাযণাঃ ॥29॥

অপরে নিযতাহারাঃ প্রাণান্প্রাণেষু জুহ্বতি । সর্বেঽপ্য়েতে যজ্ঞবিদঃ যজ্ঞক্ষপিতকল্মষাঃ ॥30॥

যজ্ঞশিষ্টামৃতভুজঃ যাংতি ব্রহ্ম সনাতনম্ । নায়ং লোকোঽস্ত্যযজ্ঞস্য় কুতোঽন্য়ঃ কুরুসত্তম ॥31॥

এবং বহুবিধা যজ্ঞাঃ বিততা ব্রহ্মণো মুখে । কর্মজান্বিদ্ধি তান্সর্বান্ এবং জ্ঞাত্বা বিমোক্ষ্যসে ॥32॥

শ্রেয়ান্দ্রব্যময়াদ্যজ্ঞাত্ জ্ঞানযজ্ঞঃ পরংতপ । সর্বং কর্মাখিলং পার্থ জ্ঞানে পরিসমাপ্যতে ॥33॥

তদ্বিদ্ধি প্রণিপাতেন পরিপ্রশ্নেন সেবয়া । উপদেক্ষ্য়ংতি তে জ্ঞানং জ্ঞানিনস্তত্ত্বদর্শিনঃ ॥34॥

যজ্জ্ঞাত্বা ন পুনর্মোহম্ এবং যাস্যসি পাংডব । যেন ভূতান্যশেষেণ দ্রক্ষ্যস্য়াত্মন্যথো ময়ি ॥35॥

অপি চেদসি পাপেভ্য়ঃ সর্বেভ্য়ঃ পাপকৃত্তমঃ । সর্বং জ্ঞানপ্লবেনৈব বৃজিনং সংতরিষ্যসি ॥36॥

যথৈধাংসি সমিদ্ধোঽগ্নিঃ ভস্মসাত্কুরুতেঽর্জুন । জ্ঞানাগ্নিঃ সর্বকর্মাণি ভস্মসাত্কুরুতে তথা ॥37॥

ন হি জ্ঞানেন সদৃশং পবিত্রমিহ বিদ্যতে । তত্স্বয়ং যোগসংসিদ্ধঃ কালেনাত্মনি বিংদতি ॥38॥

শ্রদ্ধাবান্ লভতে জ্ঞানং তত্পরঃ সংযতেংদ্রিয়ঃ । জ্ঞানং লব্ধ্বা পরাং শাংতিম্ অচিরেণাধিগচ্ছতি ॥39॥

অজ্ঞশ্চাশ্রদ্দধানশ্চ সংশয়াত্মা বিনশ্যতি । নায়ং লোকোঽস্তি ন পরঃ ন সুখং সংশয়াত্মনঃ ॥40॥

যোগসন্ন্যস্তকর্মাণং জ্ঞানসংছিন্নসংশযম্ । আত্মবংতং ন কর্মাণি নিবধ্নংতি ধনংজয় ॥41॥

তস্মাদজ্ঞানসংভূতং হৃত্স্থং জ্ঞানাসিনাত্মনঃ । ছিত্ত্বৈনং সংশয়ং যোগম্ আতিষ্ঠোত্তিষ্ঠ ভারত ॥42॥

॥ ওং তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্য়ায়াং যোগশাস্ত্রে শ্রীকৃষ্ণার্জুনসংবাদে জ্ঞানয়োগো নাম চতুর্থোঽধ্য়ায়ঃ ॥

শ্রীমদ্ভগবদ্গীতা পারাযণ - চতুর্থোঽধ্য়ায়ঃ সম্পর্কে

The fourth chapter of the Bhagavad Gita, Jnana Yoga, the yoga of knowledge, begins with the lineage of the teaching: Krishna taught this imperishable yoga to Vivasvan (the Sun), who taught Manu, who taught Ikshvaku. When Arjuna wonders how this can be, Krishna reveals that he has had many births, and that he takes birth age after age to protect the good and restore dharma. He then teaches action without attachment, the many forms of sacrifice, and the fire of knowledge that burns all karma to ashes.

উৎস: Mahabharata, Bhishma Parva (Bhagavad Gita, chapter 4)

কখন পাঠ করবেন: In daily Gita parayana, on Gita Jayanti and Ekadashi.

আপনি কি জানেন?

  • Verses 7 and 8, "Yada yada hi dharmasya" and "Paritranaya sadhunam", are among the most quoted in the Gita.
  • Verse 24, "Brahmarpanam Brahma havir", is chanted before meals in many homes and ashrams.
  • It says that knowledge is gained by humble enquiry and service to those who know the truth.

প্রায়শই জিজ্ঞাসিত প্রশ্ন

What is the fourth chapter called?

Jnana Yoga, the yoga of knowledge.

Which famous verses are in it?

"Yada yada hi dharmasya" and "Brahmarpanam Brahma havir".

To whom did Krishna first teach this yoga?

To Vivasvan, the Sun, who taught Manu.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।