শ্রী গণপতি অথর্ব ষীর্ষম্ (গণপত্যথর্বষীর্ষোপনিষত্)
Vedic · প্রথাগত ভক্তিপাঠ
ಓಂ ಭ॒ದ್ರಂ ಕರ್ಣೇ॑ಭಿಃ ಶೃಣು॒ಯಾಮ॑ ದೇವಾಃ । ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ । ಸ್ಥಿ॒ರೈರಂಗೈ᳚ಸ್ತುಷ್ಠು॒ವಾಗ್ಂ ಸ॑ಸ್ತ॒ನೂಭಿಃ॑ । ವ್ಯಶೇ॑ಮ ದೇ॒ವಹಿ॑ತಂ॒-ಯಁದಾಯುಃ॑ । ಸ್ವ॒ಸ್ತಿ ನ॒ ಇಂದ್ರೋ॑ ವೃ॒ದ್ಧಶ್ರ॑ವಾಃ । ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ । ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ । ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥
ಓಂ ನಮ॑ಸ್ತೇ ಗ॒ಣಪ॑ತಯೇ । ತ್ವಮೇ॒ವ ಪ್ರ॒ತ್ಯಕ್ಷಂ॒ ತತ್ತ್ವ॑ಮಸಿ । ತ್ವಮೇ॒ವ ಕೇ॒ವಲಂ॒ ಕರ್ತಾ॑ಽಸಿ । ತ್ವಮೇ॒ವ ಕೇ॒ವಲಂ॒ ಹರ್ತಾ॑ಽಸಿ । ತ್ವಮೇ॒ವ ಕೇ॒ವಲಂ॒ ಧರ್ತಾ॑ಽಸಿ । ತ್ವಮೇವ ಸರ್ವಂ ಖಲ್ವಿದಂ॑ ಬ್ರಹ್ಮಾ॒ಸಿ । ತ್ವಂ ಸಾಕ್ಷಾದಾತ್ಮಾ॑ಽಸಿ ನಿ॒ತ್ಯಮ್ ॥ 1 ॥ ಋ॑ತಂ-ವಁ॒ಚ್ಮಿ । ಸ॑ತ್ಯಂ-ವಁ॒ಚ್ಮಿ ॥ 2 ॥
ಅ॒ವ ತ್ವಂ॒ ಮಾಮ್ । ಅವ॑ ವ॒ಕ್ತಾರಂ᳚ । ಅವ॑ ಶ್ರೋ॒ತಾರಂ᳚ । ಅವ॑ ದಾ॒ತಾರಂ᳚ । ಅವ॑ ಧಾ॒ತಾರಂ᳚ । ಅವಾನೂಚಾನಮ॑ವ ಶಿ॒ಷ್ಯಮ್ । ಅವ॑ ಪ॒ಶ್ಚಾತ್ತಾ᳚ತ್ । ಅವ॑ ಪು॒ರಸ್ತಾ᳚ತ್ । ಅವೋತ್ತ॒ರಾತ್ತಾ᳚ತ್ । ಅವ॑ ದ॒ಕ್ಷಿಣಾತ್ತಾ᳚ತ್ । ಅವ॑ ಚೋ॒ರ್ಧ್ವಾತ್ತಾ᳚ತ್ । ಅವಾಧ॒ರಾತ್ತಾ᳚ತ್ । ಸರ್ವತೋ ಮಾಂ ಪಾಹಿ ಪಾಹಿ॑ ಸಮಂ॒ತಾತ್ ॥ 3 ॥
ತ್ವಂ-ವಾಁಙ್ಮಯ॑ಸ್ತ್ವಂ ಚಿನ್ಮ॒ಯಃ । ತ್ವಮಾನಂದಮಯ॑ಸ್ತ್ವಂ ಬ್ರಹ್ಮ॒ಮಯಃ । ತ್ವಂ ಸಚ್ಚಿದಾನಂದಾಽದ್ವಿ॑ತೀಯೋ॒ಽಸಿ । ತ್ವಂ ಪ್ರ॒ತ್ಯಕ್ಷಂ॒ ಬ್ರಹ್ಮಾ॑ಸಿ । ತ್ವಂ ಜ್ಞಾನಮಯೋ ವಿಜ್ಞಾನ॑ಮಯೋ॒ಽಸಿ ॥ 4 ॥
ಸರ್ವಂ ಜಗದಿದಂ ತ್ವ॑ತ್ತೋ ಜಾ॒ಯತೇ । ಸರ್ವಂ ಜಗದಿದಂ ತ್ವ॑ತ್ತಸ್ತಿ॒ಷ್ಠತಿ । ಸರ್ವಂ ಜಗದಿದಂ ತ್ವಯಿ ಲಯ॑ಮೇಷ್ಯ॒ತಿ । ಸರ್ವಂ ಜಗದಿದಂ ತ್ವಯಿ॑ ಪ್ರತ್ಯೇ॒ತಿ । ತ್ವಂ ಭೂಮಿರಾಪೋಽನಲೋಽನಿ॑ಲೋ ನ॒ಭಃ । ತ್ವಂ ಚತ್ವಾರಿ ವಾ᳚ಕ್ಪದಾ॒ನಿ ॥ 5 ॥
ತ್ವಂ ಗು॒ಣತ್ರ॑ಯಾತೀ॒ತಃ । ತ್ವಂ ಅವಸ್ಥಾತ್ರ॑ಯಾತೀ॒ತಃ । ತ್ವಂ ದೇ॒ಹತ್ರ॑ಯಾತೀ॒ತಃ । ತ್ವಂ ಕಾ॒ಲತ್ರ॑ಯಾತೀ॒ತಃ । ತ್ವಂ ಮೂಲಾಧಾರಸ್ಥಿತೋ॑ಽಸಿ ನಿ॒ತ್ಯಮ್ । ತ್ವಂ ಶಕ್ತಿತ್ರ॑ಯಾತ್ಮ॒ಕಃ । ತ್ವಾಂ-ಯೋಁಗಿನೋ ಧ್ಯಾಯಂ॑ತಿ ನಿ॒ತ್ಯಮ್ । ತ್ವಂ ಬ್ರಹ್ಮಾ ತ್ವಂ-ವಿಁಷ್ಣುಸ್ತ್ವಂ ರುದ್ರಸ್ತ್ವಮಿಂದ್ರಸ್ತ್ವಮಗ್ನಿಸ್ತ್ವಂ-ವಾಁಯುಸ್ತ್ವಂ ಸೂರ್ಯಸ್ತ್ವಂ ಚಂದ್ರಮಾಸ್ತ್ವಂ ಬ್ರಹ್ಮ॒ ಭೂರ್ಭುವಃ॒ ಸ್ವರೋಮ್ ॥ 6 ॥
ಗ॒ಣಾದಿಂ᳚ ಪೂರ್ವ॑ಮುಚ್ಚಾ॒ರ್ಯ॒ ವ॒ರ್ಣಾದೀಂ᳚ ಸ್ತದನಂ॒ತರಮ್ । ಅನುಸ್ವಾರಃ ಪ॑ರತ॒ರಃ । ಅರ್ಧೇಂ᳚ದುಲ॒ಸಿತಮ್ । ತಾರೇ॑ಣ ಋ॒ದ್ಧಮ್ । ಏತತ್ತವ ಮನು॑ಸ್ವರೂ॒ಪಮ್ । ಗಕಾರಃ ಪೂ᳚ರ್ವರೂ॒ಪಮ್ । ಅಕಾರೋ ಮಧ್ಯ॑ಮರೂ॒ಪಮ್ । ಅನುಸ್ವಾರಶ್ಚಾಂ᳚ತ್ಯರೂ॒ಪಮ್ । ಬಿಂದುರುತ್ತ॑ರರೂ॒ಪಮ್ । ನಾದಃ॑ ಸಂಧಾ॒ನಮ್ । ಸಗ್ಂಹಿ॑ತಾ ಸಂ॒ಧಿಃ । ಸೈಷಾ ಗಣೇ॑ಶವಿ॒ದ್ಯಾ । ಗಣ॑ಕ ಋ॒ಷಿಃ । ನಿಚೃದ್ಗಾಯ॑ತ್ರೀಚ್ಛಂ॒ದಃ । ಶ್ರೀ ಮಹಾಗಣಪತಿ॑ರ್ದೇವತಾ । ಓಂ ಗಂ ಗ॒ಣಪ॑ತಯೇ ನಮಃ ॥ 7 ॥
ಏಕದಂ॒ತಾಯ॑ ವಿ॒ದ್ಮಹೇ॑ ವಕ್ರತುಂ॒ಡಾಯ॑ ಧೀಮಹಿ । ತನ್ನೋ॑ ದಂತಿಃ ಪ್ರಚೋ॒ದಯಾ᳚ತ್ ॥ 8 ॥
ಏಕದಂ॒ತಂ ಚ॑ತುರ್ಹ॒ಸ್ತಂ॒ ಪಾ॒ಶಮಂ॑ಕುಶ॒ಧಾರಿ॑ಣಮ್ । ರದಂ॑ ಚ॒ ವರ॑ದಂ ಹ॒ಸ್ತೈ॒ರ್ಬಿ॒ಭ್ರಾಣಂ॑ ಮೂಷ॒ಕಧ್ವ॑ಜಮ್ । ರಕ್ತಂ॑-ಲಁಂ॒ಬೋದ॑ರಂ ಶೂ॒ರ್ಪ॒ಕರ್ಣಕಂ॑ ರಕ್ತ॒ವಾಸ॑ಸಮ್ । ರಕ್ತ॑ಗಂ॒ಧಾನು॑ಲಿಪ್ತಾಂ॒ಗಂ॒ ರ॒ಕ್ತಪು॑ಷ್ಪೈಃ ಸು॒ಪೂಜಿ॑ತಮ್ । ಭಕ್ತಾ॑ನು॒ಕಂಪಿ॑ನಂ ದೇ॒ವಂ॒ ಜ॒ಗತ್ಕಾ॑ರಣ॒ಮಚ್ಯು॑ತಮ್ । ಆವಿ॑ರ್ಭೂ॒ತಂ ಚ॑ ಸೃ॒ಷ್ಟ್ಯಾ॒ದೌ॒ ಪ್ರ॒ಕೃತೇಃ᳚ ಪುರು॒ಷಾತ್ಪ॑ರಮ್ । ಏವಂ॑ ಧ್ಯಾ॒ಯತಿ॑ ಯೋ ನಿ॒ತ್ಯಂ॒ ಸ॒ ಯೋಗೀ॑ ಯೋಗಿ॒ನಾಂ-ವಁ॑ರಃ ॥ 9 ॥
ನಮೋ ವ್ರಾತಪತಯೇ ನಮೋ ಗಣಪತಯೇ ನಮಃ ಪ್ರಮಥಪತಯೇ ನಮಸ್ತೇಽಸ್ತು ಲಂಬೋದರಾಯೈಕದಂತಾಯ ವಿಘ್ನವಿನಾಶಿನೇ ಶಿವಸುತಾಯ ಶ್ರೀವರದಮೂರ್ತಯೇ॒ ನಮಃ ॥ 10 ॥
ಏತದಥರ್ವಶೀರ್ಷಂ-ಯೋಁಽಧೀ॒ತೇ । ಸ ಬ್ರಹ್ಮಭೂಯಾ॑ಯ ಕ॒ಲ್ಪತೇ । ಸ ಸರ್ವವಿಘ್ನೈ᳚ರ್ನ ಬಾ॒ಧ್ಯತೇ । ಸ ಸರ್ವತಃ ಸುಖ॑ಮೇಧ॒ತೇ । ಸ ಪಂಚಮಹಾಪಾಪಾ᳚ತ್ ಪ್ರಮು॒ಚ್ಯತೇ । ಸಾ॒ಯಮ॑ಧೀಯಾ॒ನೋ॒ ದಿವಸಕೃತಂ ಪಾಪಂ॑ ನಾಶ॒ಯತಿ । ಪ್ರಾ॒ತರ॑ಧೀಯಾ॒ನೋ॒ ರಾತ್ರಿಕೃತಂ ಪಾಪಂ॑ ನಾಶ॒ಯತಿ । ಸಾಯಂ ಪ್ರಾತಃ ಪ್ರ॑ಯುಂಜಾ॒ನೋ॒ ಪಾಪೋಽಪಾ॑ಪೋ ಭ॒ವತಿ । ಸರ್ವತ್ರಾಧೀಯಾನೋಽಪವಿ॑ಘ್ನೋ ಭವತಿ । ಧರ್ಮಾರ್ಥಕಾಮಮೋಕ್ಷಂ॑ ಚ ವಿಂ॒ದತಿ । ಇದಮಥರ್ವಶೀರ್ಷಮಶಿಷ್ಯಾಯ॑ ನ ದೇ॒ಯಮ್ । ಯೋ ಯದಿ ಮೋ॑ಹಾದ್ ದಾ॒ಸ್ಯತಿ ಸ ಪಾಪೀ॑ಯಾನ್ ಭ॒ವತಿ । ಸಹಸ್ರಾವರ್ತನಾದ್ಯಂ-ಯಂಁ ಕಾಮ॑ಮಧೀ॒ತೇ । ತಂ ತಮನೇ॑ನ ಸಾ॒ಧಯೇತ್ ॥ 11 ॥
ಅನೇನ ಗಣಪತಿಮ॑ಭಿಷಿಂ॒ಚತಿ । ಸ ವಾ᳚ಗ್ಮೀ ಭ॒ವತಿ । ಚತುರ್ಥ್ಯಾಮನ॑ಶ್ನನ್ ಜ॒ಪತಿ ಸ ವಿದ್ಯಾ॑ವಾನ್ ಭ॒ವತಿ । ಇತ್ಯಥರ್ವ॑ಣವಾ॒ಕ್ಯಮ್ । ಬ್ರಹ್ಮಾದ್ಯಾ॒ಚರ॑ಣಂ-ವಿಁ॒ದ್ಯಾನ್ನ ಬಿಭೇತಿ ಕದಾ॑ಚನೇ॒ತಿ ॥ 12 ॥
ಯೋ ದೂರ್ವಾಂಕು॑ರೈರ್ಯ॒ಜತಿ ಸ ವೈಶ್ರವಣೋಪ॑ಮೋ ಭ॒ವತಿ । ಯೋ ಲಾ॑ಜೈರ್ಯ॒ಜತಿ ಸ ಯಶೋ॑ವಾನ್ ಭ॒ವತಿ । ಸ ಮೇಧಾ॑ವಾನ್ ಭ॒ವತಿ । ಯೋ ಮೋದಕಸಹಸ್ರೇ॑ಣ ಯ॒ಜತಿ ಸ ವಾಂಛಿತಫಲಮ॑ವಾಪ್ನೋ॒ತಿ । ಯಃ ಸಾಜ್ಯ ಸಮಿ॑ದ್ಭಿರ್ಯ॒ಜತಿ ಸ ಸರ್ವಂ-ಲಁಭತೇ ಸ ಸ॑ರ್ವಂ-ಲಁ॒ಭತೇ ॥ 13 ॥
ಅಷ್ಟೌ ಬ್ರಾಹ್ಮಣಾನ್ ಸಮ್ಯಗ್ ಗ್ರಾ॑ಹಯಿ॒ತ್ವಾ ಸೂರ್ಯವರ್ಚ॑ಸ್ವೀ ಭ॒ವತಿ । ಸೂರ್ಯಗ್ರಹೇ ಮ॑ಹಾನ॒ದ್ಯಾಂ ಪ್ರತಿಮಾಸನ್ನಿಧೌ ವಾ ಜ॒ಪ್ತ್ವಾ ಸಿದ್ಧಮಂ॑ತ್ರೋ ಭ॒ವತಿ । ಮಹಾವಿಘ್ನಾ᳚ತ್ ಪ್ರಮು॒ಚ್ಯತೇ । ಮಹಾದೋಷಾ᳚ತ್ ಪ್ರಮು॒ಚ್ಯತೇ । ಮಹಾಪಾಪಾ᳚ತ್ ಪ್ರಮು॒ಚ್ಯತೇ । [ಮಹಾಪ್ರತ್ಯವಾಯಾ᳚ತ್ ಪ್ರಮು॒ಚ್ಯತೇ । ] ಸ ಸರ್ವ॑ವಿದ್ಭವತಿ ಸ ಸರ್ವ॑ವಿದ್ಭ॒ವತಿ । ಯ ಏ॑ವಂ-ವೇಁ॒ದ । ಇತ್ಯು॑ಪ॒ನಿಷ॑ತ್ ॥ 14 ॥
ಓಂ ಭ॒ದ್ರಂ ಕರ್ಣೇ॑ಭಿಃ ಶೃಣು॒ಯಾಮ॑ ದೇವಾಃ । ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ । ಸ್ಥಿ॒ರೈರಂಗೈ᳚ಸ್ತುಷ್ಠು॒ವಾಗ್ಂ ಸ॑ಸ್ತ॒ನೂಭಿಃ॑ । ವ್ಯಶೇ॑ಮ ದೇ॒ವಹಿ॑ತಂ॒-ಯಁದಾಯುಃ॑ । ಸ್ವ॒ಸ್ತಿ ನ॒ ಇಂದ್ರೋ॑ ವೃ॒ದ್ಧಶ್ರ॑ವಾಃ । ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ । ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ । ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥
শ্রী গণপতি অথর্ব ষীর্ষম্ (গণপত্যথর্বষীর্ষোপনিষত্) সম্পর্কে
The Ganapati Atharvashirsha is an Upanishad-style hymn that praises Ganesha as Brahman itself: "Om namaste Ganapataye, tvam eva pratyaksham tattvam asi": salutations to Ganapati, you are the visible truth, the creator, sustainer and destroyer, you are Brahman, the Self. It gives his mantra "Om gam Ganapataye namah" and the Ganesha Gayatri, and opens and closes with the peace chant "Bhadram karnebhih".
কখন পাঠ করবেন: On Ganesh Chaturthi and Sankashti, at the start of puja, and in daily recitation, especially in Maharashtra.
আপনি কি জানেন?
- It is traditionally placed in the Atharva Veda and its seer is named as Ganaka.
- It contains the Ganesha Gayatri, "Ekadantaya vidmahe, vakratundaya dhimahi, tanno dantih prachodayat".
- It is often recited in groups 21 or more times during Ganesh Chaturthi, a practice called avartana.
এই উৎসবগুলিতে পাঠ করা হয়
প্রায়শই জিজ্ঞাসিত প্রশ্ন
What does the Atharvashirsha say Ganesha is?
Brahman itself, the creator, sustainer and destroyer, the Self of all.
What mantra does it give?
"Om gam Ganapataye namah", along with the Ganesha Gayatri.
When is it recited?
On Ganesh Chaturthi, Sankashti and at the start of worship.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।