মংত্র মাতৃকা পুষ্প মালা স্তব
Devi · প্রথাগত ভক্তিপাঠ
কল্লোলোল্লসিতামৃতাব্ধিলহরীমধ্য়ে বিরাজন্মণি- -দ্বীপে কল্পকবাটিকাপরিবৃতে কাদংববাট্য়ুজ্জ্বলে । রত্নস্তংভসহস্রনির্মিতসভামধ্য়ে বিমানোত্তমে চিংতারত্নবিনির্মিতং জননি তে সিংহাসনং ভাবয়ে ॥ 1 ॥
এণাংকানলভানুমংডললসচ্ছ্রীচক্রমধ্য়ে স্থিতাং বালার্কদ্য়ুতিভাসুরাং করতলৈঃ পাশাংকুশৌ বিভ্রতীম্ । চাপং বাণমপি প্রসন্নবদনাং কৌসুংভবস্ত্রান্বিতাং তাং ত্বাং চংদ্রকলাবতংসমকুটাং চারুস্মিতাং ভাবয়ে ॥ 2 ॥
ঈশানাদিপদং শিবৈকফলদং রত্নাসনং তে শুভং পাদ্য়ং কুংকুমচংদনাদিভরিতৈরর্ঘ্য়ং সরত্নাক্ষতৈঃ । শুদ্ধৈরাচমনীযকং তব জলৈর্ভক্ত্য়া ময়া কল্পিতং কারুণ্য়ামৃতবারিধে তদখিলং সংতুষ্টয়ে কল্পতাম্ ॥ 3 ॥
লক্ষ্য়ে যোগিজনস্য় রক্ষিতজগজ্জালে বিশালেক্ষণে প্রালেয়াংবুপটীরকুংকুমলসত্কর্পূরমিশ্রোদকৈঃ । গোক্ষীরৈরপি নারিকেলসলিলৈঃ শুদ্ধোদকৈর্মংত্রিতৈঃ স্নানং দেবি ধিয়া ময়ৈতদখিলং সংতুষ্টয়ে কল্পতাম্ ॥ 4 ॥
হ্রীংকারাংকিতমংত্রলক্ষিততনো হেমাচলাত্সংচিতৈঃ রত্নৈরুজ্জ্বলমুত্তরীযসহিতং কৌসুংভবর্ণাংশুকম্ । মুক্তাসংততিযজ্ঞসূত্রমমলং সৌবর্ণতংতূদ্ভবং দত্তং দেবি ধিয়া ময়ৈতদখিলং সংতুষ্টয়ে কল্পতাম্ ॥ 5 ॥
হংসৈরপ্যতিলোভনীযগমনে হারাবলীমুজ্জ্বলাং হিংদোলদ্য়ুতিহীরপূরিততরে হেমাংগদে কংকণে । মংজীরৌ মণিকুংডলে মকুটমপ্যর্ধেংদুচূডামণিং নাসামৌক্তিকমংগুলীযকটকৌ কাংচীমপি স্বীকুরু ॥ 6 ॥
সর্বাংগে ঘনসারকুংকুমঘনশ্রীগংধপংকাংকিতং কস্তূরীতিলকং চ ফালফলকে গোরোচনাপত্রকম্ । গংডাদর্শনমংডলে নযনয়োর্দিব্য়াংজনং তেঽংচিতং কংঠাব্জে মৃগনাভিপংকমমলং ত্বত্প্রীতয়ে কল্পতাম্ ॥ 7 ॥
কহ্লারোত্পলমল্লিকামরুবকৈঃ সৌবর্ণপংকেরুহৈ- -র্জাতীচংপকমালতীবকুলকৈর্মংদারকুংদাদিভিঃ । কেতক্য়া করবীরকৈর্বহুবিধৈঃ ক্লুপ্তাঃ স্রজো মালিকাঃ সংকল্পেন সমর্পয়ামি বরদে সংতুষ্টয়ে গৃহ্যতাম্ ॥ 8 ॥
হংতারং মদনস্য় নংদযসি যৈরংগৈরনংগোজ্জ্বলৈ- -র্য়ৈর্ভৃংগাবলিনীলকুংতলভরৈর্বধ্নাসি তস্য়াশযম্ । তানীমানি তবাংব কোমলতরাণ্য়ামোদলীলাগৃহা- -ণ্য়ামোদায় দশাংগগুগ্গুলুঘৃতৈর্ধূপৈরহং ধূপয়ে ॥ 9 ॥
লক্ষ্মীমুজ্জ্বলয়ামি রত্ননিবহোদ্ভাস্বত্তরে মংদিরে মালারূপবিলংবিতৈর্মণিমযস্তংভেষু সংভাবিতৈঃ । চিত্রৈর্হাটকপুত্রিকাকরধৃতৈর্গব্য়ৈর্ঘৃতৈর্বর্ধিতৈ- -র্দিব্য়ৈর্দীপগণৈর্ধিয়া গিরিসুতে সংতুষ্টয়ে কল্পতাম্ ॥ 10 ॥
হ্রীংকারেশ্বরি তপ্তহাটককৃতৈঃ স্থালীসহস্রৈর্ভৃতং দিব্য়ান্নং ঘৃতসূপশাকভরিতং চিত্রান্নভেদং তথা । দুগ্ধান্নং মধুশর্করাদধিয়ুতং মাণিক্যপাত্রে স্থিতং মাষাপূপসহস্রমংব সফলং নৈবেদ্যমাবেদয়ে ॥ 11 ॥
সচ্ছায়ৈর্বরকেতকীদলরুচা তাংবূলবল্লীদলৈঃ পূগৈর্ভূরিগুণৈঃ সুগংধিমধুরৈঃ কর্পূরখংডোজ্জ্বলৈঃ । মুক্তাচূর্ণবিরাজিতৈর্বহুবিধৈর্বক্ত্রাংবুজামোদনৈঃ পূর্ণা রত্নকলাচিকা তব মুদে ন্যস্তা পুরস্তাদুমে ॥ 12 ॥
কন্য়াভিঃ কমনীযকাংতিভিরলংকারামলারার্তিকা পাত্রে মৌক্তিকচিত্রপংক্তিবিলসত্কর্পূরদীপালিভিঃ । তত্তত্তালমৃদংগগীতসহিতং নৃত্যত্পদাংভোরুহং মংত্রারাধনপূর্বকং সুবিহিতং নীরাজনং গৃহ্যতাম্ ॥ 13 ॥
লক্ষ্মীর্মৌক্তিকলক্ষকল্পিতসিতচ্ছত্ত্রং তু ধত্তে রসা- -দিংদ্রাণী চ রতিশ্চ চামরবরে ধত্তে স্বয়ং ভারতী । বীণামেণবিলোচনাঃ সুমনসাং নৃত্য়ংতি তদ্রাগব- -দ্ভাবৈরাংগিকসাত্ত্বিকৈঃ স্ফুটরসং মাতস্তদাকর্ণ্যতাম্ ॥ 14 ॥
হ্রীংকারত্রযসংপুটেন মনুনোপাস্য়ে ত্রয়ীমৌলিভি- -র্বাক্য়ৈর্লক্ষ্যতনো তব স্তুতিবিধৌ কো বা ক্ষমেতাংবিকে । সল্লাপাঃ স্তুতয়ঃ প্রদক্ষিণশতং সংচার এবাস্তু তে সংবেশো নমসঃ সহস্রমখিলং ত্বত্প্রীতয়ে কল্পতাম্ ॥ 15 ॥
শ্রীমংত্রাক্ষরমালয়া গিরিসুতাং যঃ পূজয়েচ্চেতসা সংধ্য়াসু প্রতিবাসরং সুনিযতস্তস্য়ামলং স্য়ান্মনঃ । চিত্তাংভোরুহমংটপে গিরিসুতা নৃত্তং বিধত্তে রসা- -দ্বাণী বক্ত্রসরোরুহে জলধিজা গেহে জগন্মংগলা ॥ 16 ॥
ইতি গিরিবরপুত্রীপাদরাজীবভূষা ভুবনমমলয়ংতী সূক্তিসৌরভ্যসারৈঃ । শিবপদমকরংদস্য়ংদিনীয়ং নিবদ্ধা মদযতু কবিভৃংগান্মাতৃকাপুষ্পমালা ॥ 17 ॥
ইতি শ্রীমত্পরমহংসপরিব্রাজকাচার্যস্য় শ্রীগোবিংদভগবত্পূজ্যপাদশিষ্যস্য় শ্রীমচ্ছংকরভগবতঃ কৃতৌ মংত্রমাতৃকাপুষ্পমালা স্তবঃ ।
মংত্র মাতৃকা পুষ্প মালা স্তব সম্পর্কে
The Mantra Matrika Pushpamala Stava, "a garland of flowers made of the letters of the mantra", is a hymn of worship to Lalita Tripurasundari. It pictures her in the jewel island amid the ocean of nectar, in the kadamba grove, in a hall of a thousand jewelled pillars, and offers her every service of worship in imagination; its verses begin with the syllables of the Sri Vidya mantra, so the hymn itself becomes a recitation of the mantra.
রচয়িতা: Adi Shankaracharya, as its closing line states
কখন পাঠ করবেন: On Fridays, during Navaratri, on full moon days, and in Sri Vidya worship.
আপনি কি জানেন?
- Its colophon names Adi Shankaracharya, disciple of Govinda Bhagavatpada, as its author.
- Its first verses begin with "ka" and "e", the opening syllables of the Panchadashi mantra of Sri Vidya.
প্রায়শই জিজ্ঞাসিত প্রশ্ন
What does the title mean?
"A flower garland of the mantra's letters": its verses follow the syllables of the Sri Vidya mantra.
Who wrote it?
Adi Shankaracharya, as its colophon states.
What does it describe?
A complete worship of Lalita, offered in the mind, in her jewel-island palace.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ