MuhurtaNow

নারাযণীয়ং দশক 23 - দক্ষচরিতং তথা চিত্রকেতূপাখ্য়ানম্

Vishnu · প্রথাগত ভক্তিপাঠ

ಪ್ರಾಚೇತಸಸ್ತು ಭಗವನ್ನಪರೋ ಹಿ ದಕ್ಷ- ಸ್ತ್ವತ್ಸೇವನಂ ವ್ಯಧಿತ ಸರ್ಗವಿವೃದ್ಧಿಕಾಮಃ । ಆವಿರ್ಬಭೂವಿಥ ತದಾ ಲಸದಷ್ಟಬಾಹು- ಸ್ತಸ್ಮೈ ವರಂ ದದಿಥ ತಾಂ ಚ ವಧೂಮಸಿಕ್ನೀಮ್ ॥1॥

ತಸ್ಯಾತ್ಮಜಾಸ್ತ್ವಯುತಮೀಶ ಪುನಸ್ಸಹಸ್ರಂ ಶ್ರೀನಾರದಸ್ಯ ವಚಸಾ ತವ ಮಾರ್ಗಮಾಪುಃ । ನೈಕತ್ರವಾಸಮೃಷಯೇ ಸ ಮುಮೋಚ ಶಾಪಂ ಭಕ್ತೋತ್ತಮಸ್ತ್ವೃಷಿರನುಗ್ರಹಮೇವ ಮೇನೇ ॥2॥

ಷಷ್ಟ್ಯಾ ತತೋ ದುಹಿತೃಭಿಃ ಸೃಜತಃ ಕುಲೌಘಾನ್ ದೌಹಿತ್ರಸೂನುರಥ ತಸ್ಯ ಸ ವಿಶ್ವರೂಪಃ । ತ್ವತ್ಸ್ತೋತ್ರವರ್ಮಿತಮಜಾಪಯದಿಂದ್ರಮಾಜೌ ದೇವ ತ್ವದೀಯಮಹಿಮಾ ಖಲು ಸರ್ವಜೈತ್ರಃ ॥3॥

ಪ್ರಾಕ್ಶೂರಸೇನವಿಷಯೇ ಕಿಲ ಚಿತ್ರಕೇತುಃ ಪುತ್ರಾಗ್ರಹೀ ನೃಪತಿರಂಗಿರಸಃ ಪ್ರಭಾವಾತ್ । ಲಬ್ಧ್ವೈಕಪುತ್ರಮಥ ತತ್ರ ಹತೇ ಸಪತ್ನೀ- ಸಂಘೈರಮುಹ್ಯದವಶಸ್ತವ ಮಾಯಯಾಸೌ ॥4॥

ತಂ ನಾರದಸ್ತು ಸಮಮಂಗಿರಸಾ ದಯಾಲುಃ ಸಂಪ್ರಾಪ್ಯ ತಾವದುಪದರ್ಶ್ಯ ಸುತಸ್ಯ ಜೀವಮ್ । ಕಸ್ಯಾಸ್ಮಿ ಪುತ್ರ ಇತಿ ತಸ್ಯ ಗಿರಾ ವಿಮೋಹಂ ತ್ಯಕ್ತ್ವಾ ತ್ವದರ್ಚನವಿಧೌ ನೃಪತಿಂ ನ್ಯಯುಂಕ್ತ ॥5॥

ಸ್ತೋತ್ರಂ ಚ ಮಂತ್ರಮಪಿ ನಾರದತೋಽಥ ಲಬ್ಧ್ವಾ ತೋಷಾಯ ಶೇಷವಪುಷೋ ನನು ತೇ ತಪಸ್ಯನ್ । ವಿದ್ಯಾಧರಾಧಿಪತಿತಾಂ ಸ ಹಿ ಸಪ್ತರಾತ್ರೇ ಲಬ್ಧ್ವಾಪ್ಯಕುಂಠಮತಿರನ್ವಭಜದ್ಭವಂತಮ್ ॥6॥

ತಸ್ಮೈ ಮೃಣಾಲಧವಲೇನ ಸಹಸ್ರಶೀರ್ಷ್ಣಾ ರೂಪೇಣ ಬದ್ಧನುತಿಸಿದ್ಧಗಣಾವೃತೇನ । ಪ್ರಾದುರ್ಭವನ್ನಚಿರತೋ ನುತಿಭಿಃ ಪ್ರಸನ್ನೋ ದತ್ವಾಽಽತ್ಮತತ್ತ್ವಮನುಗೃಹ್ಯ ತಿರೋದಧಾಥ ॥7॥

ತ್ವದ್ಭಕ್ತಮೌಲಿರಥ ಸೋಽಪಿ ಚ ಲಕ್ಷಲಕ್ಷಂ ವರ್ಷಾಣಿ ಹರ್ಷುಲಮನಾ ಭುವನೇಷು ಕಾಮಮ್ । ಸಂಗಾಪಯನ್ ಗುಣಗಣಂ ತವ ಸುಂದರೀಭಿಃ ಸಂಗಾತಿರೇಕರಹಿತೋ ಲಲಿತಂ ಚಚಾರ ॥8॥

ಅತ್ಯಂತಸಂಗವಿಲಯಾಯ ಭವತ್ಪ್ರಣುನ್ನೋ ನೂನಂ ಸ ರೂಪ್ಯಗಿರಿಮಾಪ್ಯ ಮಹತ್ಸಮಾಜೇ । ನಿಶ್ಶಂಕಮಂಕಕೃತವಲ್ಲಭಮಂಗಜಾರಿಂ ತಂ ಶಂಕರಂ ಪರಿಹಸನ್ನುಮಯಾಭಿಶೇಪೇ ॥9॥

ನಿಸ್ಸಂಭ್ರಮಸ್ತ್ವಯಮಯಾಚಿತಶಾಪಮೋಕ್ಷೋ ವೃತ್ರಾಸುರತ್ವಮುಪಗಮ್ಯ ಸುರೇಂದ್ರಯೋಧೀ । ಭಕ್ತ್ಯಾತ್ಮತತ್ತ್ವಕಥನೈಃ ಸಮರೇ ವಿಚಿತ್ರಂ ಶತ್ರೋರಪಿ ಭ್ರಮಮಪಾಸ್ಯ ಗತಃ ಪದಂ ತೇ ॥10॥

ತ್ವತ್ಸೇವನೇನ ದಿತಿರಿಂದ್ರವಧೋದ್ಯತಾಽಪಿ ತಾನ್ಪ್ರತ್ಯುತೇಂದ್ರಸುಹೃದೋ ಮರುತೋಽಭಿಲೇಭೇ । ದುಷ್ಟಾಶಯೇಽಪಿ ಶುಭದೈವ ಭವನ್ನಿಷೇವಾ ತತ್ತಾದೃಶಸ್ತ್ವಮವ ಮಾಂ ಪವನಾಲಯೇಶ ॥11॥

নারাযণীয়ং দশক 23 - দক্ষচরিতং তথা চিত্রকেতূপাখ্য়ানম্ সম্পর্কে

The twenty-third dashaka of the Narayaneeyam tells the stories of Daksha, son of the Prachetas, and of Diti. Daksha worships the Lord to increase creation, and the Lord appears to him with eight shining arms and grants his wish. When Daksha's sons are led by Narada to renunciation, Daksha curses Narada. The dashaka ends with Diti, who sought a son to kill Indra, yet by worshipping the Lord gained the Maruts, who became Indra's friends.

রচয়িতা: Melpathur Narayana Bhattathiri (1560 to 1646)

কখন পাঠ করবেন: In daily Narayaneeyam parayana and at Guruvayur.

আপনি কি জানেন?

  • Its last verse draws the lesson: worship of the Lord brings good even to one whose intent is bad.
  • Like every dashaka, it closes with a prayer to Guruvayurappan, "Pavanalayesha", lord of the temple of the Wind god.

প্রায়শই জিজ্ঞাসিত প্রশ্ন

Whose stories does this dashaka tell?

Daksha, son of the Prachetas, and Diti, mother of the Maruts.

What lesson does it end with?

That worship of the Lord brings good even to one with bad intent.

Who wrote the Narayaneeyam?

Melpathur Narayana Bhattathiri, in 1586.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।