MuhurtaNow

নারাযণীয়ং দশক 3 - উত্তমভক্তস্য় গুণাঃ

Vishnu · প্রথাগত ভক্তিপাঠ

പഠംതോ നാമാനി പ്രമദഭരസിംധൌ നിപതിതാഃ സ്മരംതോ രൂപം തേ വരദ കഥയംതോ ഗുണകഥാഃ । ചരംതോ യേ ഭക്താസ്ത്വയി ഖലു രമംതേ പരമമൂ- നഹം ധന്യാന് മന്യേ സമധിഗതസർവാഭിലഷിതാന് ॥1॥

ഗദക്ലിഷ്ടം കഷ്ടം തവ ചരണസേവാരസഭരേഽ- പ്യനാസക്തം ചിത്തം ഭവതി ബത വിഷ്ണോ കുരു ദയാമ് । ഭവത്പാദാംഭോജസ്മരണരസികോ നാമനിവഹാ- നഹം ഗായം ഗായം കുഹചന വിവത്സ്യാമി വിജനേ ॥2॥

കൃപാ തേ ജാതാ ചേത്കിമിവ ന ഹി ലഭ്യം തനുഭൃതാം മദീയക്ലേശൌഘപ്രശമനദശാ നാമ കിയതീ । ന കേ കേ ലോകേഽസ്മിന്നനിശമയി ശോകാഭിരഹിതാ ഭവദ്ഭക്താ മുക്താഃ സുഖഗതിമസക്താ വിദധതേ ॥3॥

മുനിപ്രൌഢാ രൂഢാ ജഗതി ഖലു ഗൂഢാത്മഗതയോ ഭവത്പാദാംഭോജസ്മരണവിരുജോ നാരദമുഖാഃ । ചരംതീശ സ്വൈരം സതതപരിനിര്ഭാതപരചി - ത്സദാനംദാദ്വൈതപ്രസരപരിമഗ്നാഃ കിമപരമ് ॥4॥

ഭവദ്ഭക്തിഃ സ്ഫീതാ ഭവതു മമ സൈവ പ്രശമയേ- ദശേഷക്ലേശൌഘം ന ഖലു ഹൃദി സംദേഹകണികാ । ന ചേദ്വ്യാസസ്യോക്തിസ്തവ ച വചനം നൈഗമവചോ ഭവേന്മിഥ്യാ രഥ്യാപുരുഷവചനപ്രായമഖിലമ് ॥5॥

ഭവദ്ഭക്തിസ്താവത് പ്രമുഖമധുരാ ത്വത് ഗുണരസാത് കിമപ്യാരൂഢാ ചേദഖിലപരിതാപപ്രശമനീ । പുനശ്ചാംതേ സ്വാംതേ വിമലപരിബോധോദയമില- ന്മഹാനംദാദ്വൈതം ദിശതി കിമതഃ പ്രാര്ഥ്യമപരമ് ॥6॥

വിധൂയ ക്ലേശാന്മേ കുരു ചരണയുഗ്മം ധൃതരസം ഭവത്ക്ഷേത്രപ്രാപ്തൌ കരമപി ച തേ പൂജനവിധൌ । ഭവന്മൂര്ത്യാലോകേ നയനമഥ തേ പാദതുലസീ- പരിഘ്രാണേ ഘ്രാണം ശ്രവണമപി തേ ചാരുചരിതേ ॥7॥

പ്രഭൂതാധിവ്യാധിപ്രസഭചലിതേ മാമകഹൃദി ത്വദീയം തദ്രൂപം പരമസുഖചിദ്രൂപമുദിയാത് । ഉദംചദ്രോമാംചോ ഗലിതബഹുഹര്ഷാശ്രുനിവഹോ യഥാ വിസ്മര്യാസം ദുരുപശമപീഡാപരിഭവാന് ॥8॥

മരുദ്ഗേഹാധീശ ത്വയി ഖലു പരാംചോഽപി സുഖിനോ ഭവത്സ്നേഹീ സോഽഹം സുബഹു പരിതപ്യേ ച കിമിദമ് । അകീര്തിസ്തേ മാ ഭൂദ്വരദ ഗദഭാരം പ്രശമയന് ഭവത് ഭക്തോത്തംസം ഝടിതി കുരു മാം കംസദമന ॥9॥

കിമുക്തൈര്ഭൂയോഭിസ്തവ ഹി കരുണാ യാവദുദിയാ- ദഹം താവദ്ദേവ പ്രഹിതവിവിധാര്തപ്രലപിതഃ । പുരഃ ക്ലൃപ്തേ പാദേ വരദ തവ നേഷ്യാമി ദിവസാ- ന്യഥാശക്തി വ്യക്തം നതിനുതിനിഷേവാ വിരചയന് ॥10॥

নারাযণীয়ং দশক 3 - উত্তমভক্তস্য় গুণাঃ সম্পর্কে

The third dashaka of the Narayaneeyam is a personal prayer for devotion. Bhattathiri says that the devotees who chant the Lord's names, remember his form and tell his stories are plunged in an ocean of joy and delight in him alone. Then he turns to himself: troubled by illness and pain, his mind is not yet held by the joy of serving the Lord's feet; he begs for compassion, for faith, and for the company of devotees. He ends: what more need be said? Until your grace dawns, I will spend my days at your feet, as best I can, bowing and singing your praise.

রচয়িতা: Melpathur Narayana Bhattathiri (1560 to 1646)

কখন পাঠ করবেন: In daily Narayaneeyam parayana and at Guruvayur.

আপনি কি জানেন?

  • Bhattathiri composed the Narayaneeyam at Guruvayur while suffering from a painful illness, praying daily before the Lord.
  • Prayers like this one, offered in times of illness, are made alongside proper medical care.

প্রায়শই জিজ্ঞাসিত প্রশ্ন

What does this dashaka pray for?

Devotion, faith and the company of devotees.

How will the poet spend his days?

At the Lord's feet, bowing and praising.

Who wrote the Narayaneeyam?

Melpathur Narayana Bhattathiri, in 1586.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।