MuhurtaNow

নারাযণীয়ং দশক 63 - গোবর্ধনোদ্ধারণম্

Vishnu · প্রথাগত ভক্তিপাঠ

ददृशिरे किल तत्क्षणमक्षत- स्तनितजृंभितकंपितदिक्तटाः । सुषमया भवदंगतुलां गता व्रजपदोपरि वारिधरास्त्वया ॥1॥

विपुलकरकमिश्रैस्तोयधारानिपातै- र्दिशिदिशि पशुपानां मंडले दंड्यमाने । कुपितहरिकृतान्नः पाहि पाहीति तेषां वचनमजित श्रृण्वन् मा बिभीतेत्यभाणीः ॥2॥

कुल इह खलु गोत्रो दैवतं गोत्रशत्रो- र्विहतिमिह स रुंध्यात् को नु वः संशयोऽस्मिन् । इति सहसितवादी देव गोवर्द्धनाद्रिं त्वरितमुदमुमूलो मूलतो बालदोर्भ्याम् ॥3॥

तदनु गिरिवरस्य प्रोद्धृतस्यास्य तावत् सिकतिलमृदुदेशे दूरतो वारितापे । परिकरपरिमिश्रान् धेनुगोपानधस्ता- दुपनिदधदधत्था हस्तपद्मेन शैलम् ॥4॥

भवति विधृतशैले बालिकाभिर्वयस्यै- रपि विहितविलासं केलिलापादिलोले । सविधमिलितधेनूरेकहस्तेन कंडू- यति सति पशुपालास्तोषमैषंत सर्वे ॥5॥

अतिमहान् गिरिरेष तु वामके करसरोरुहि तं धरते चिरम् । किमिदमद्भुतमद्रिबलं न्विति त्वदवलोकिभिराकथि गोपकैः ॥6॥

अहह धार्ष्ट्यममुष्य वटोर्गिरिं व्यथितबाहुरसाववरोपयेत् । इति हरिस्त्वयि बद्धविगर्हणो दिवससप्तकमुग्रमवर्षयत् ॥7॥

अचलति त्वयि देव पदात् पदं गलितसर्वजले च घनोत्करे । अपहृते मरुता मरुतां पति- स्त्वदभिशंकितधीः समुपाद्रवत् ॥8॥

शममुपेयुषि वर्षभरे तदा पशुपधेनुकुले च विनिर्गते । भुवि विभो समुपाहितभूधरः प्रमुदितैः पशुपैः परिरेभिषे ॥9॥

धरणिमेव पुरा धृतवानसि क्षितिधरोद्धरणे तव कः श्रमः । इति नुतस्त्रिदशैः कमलापते गुरुपुरालय पालय मां गदात् ॥10॥

নারাযণীয়ং দশক 63 - গোবর্ধনোদ্ধারণম্ সম্পর্কে

The sixty-third dashaka of the Narayaneeyam tells how Krishna lifted the Govardhana hill. Angry that his sacrifice had been stopped, Indra sent great clouds that thundered and shook the directions, pouring rain and hail on Vraja; the cowherds cried out to Krishna for help. Krishna lifted the Govardhana hill with one hand and held it up like an umbrella for seven days, sheltering all the people and cattle, until Indra, humbled, stopped the storm and the gods praised him.

রচয়িতা: Melpathur Narayana Bhattathiri (1560 to 1646)

কখন পাঠ করবেন: In daily Narayaneeyam parayana, at Guruvayur, and on Govardhana Puja, the day after Diwali.

আপনি কি জানেন?

  • Krishna held up Govardhana on his little finger, by tradition, for seven days and nights.
  • The gods' praise in the last verse says: you once held up the whole earth as Varaha, so what effort is it for you to lift a hill?

প্রায়শই জিজ্ঞাসিত প্রশ্ন

What does Krishna do in this dashaka?

Lifts the Govardhana hill to shelter Vraja from Indra's storm.

How long did he hold it up?

For seven days.

Which festival recalls this?

Govardhana Puja, the day after Diwali.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।