শ্রী দুর্গা নক্ষত্র মালিকা স্তুতি
Devi · প্রথাগত ভক্তিপাঠ
വിരാടനഗരം രമ്യം ഗച്ഛമാനോ യുധിഷ്ഠിരഃ । അസ്തുവന്മനസാ ദേവീം ദുര്ഗാം ത്രിഭുവനേശ്വരീമ് ॥ 1 ॥
യശോദാഗര്ഭസംഭൂതാം നാരായണവരപ്രിയാമ് । നംദഗോപകുലേജാതാം മംഗള്യാം കുലവര്ധനീമ് ॥ 2 ॥
കംസവിദ്രാവണകരീം അസുരാണാം ക്ഷയംകരീമ് । ശിലാതടവിനിക്ഷിപ്താം ആകാശം പ്രതിഗാമിനീമ് ॥ 3 ॥
വാസുദേവസ്യ ഭഗിനീം ദിവ്യമാല്യ വിഭൂഷിതാമ് । ദിവ്യാംബരധരാം ദേവീം ഖഡ്ഗഖേടകധാരിണീമ് ॥ 4 ॥
ഭാരാവതരണേ പുണ്യേ യേ സ്മരംതി സദാശിവാമ് । താന്വൈ താരയതേ പാപാത് പംകേഗാമിവ ദുര്ബലാമ് ॥ 5 ॥
സ്തോതും പ്രചക്രമേ ഭൂയോ വിവിധൈഃ സ്തോത്രസംഭവൈഃ । ആമംത്ര്യ ദര്ശനാകാംക്ഷീ രാജാ ദേവീം സഹാനുജഃ ॥ 6 ॥
നമോഽസ്തു വരദേ കൃഷ്ണേ കുമാരി ബ്രഹ്മചാരിണി । ബാലാര്ക സദൃശാകാരേ പൂര്ണചംദ്രനിഭാനനേ ॥ 7 ॥
ചതുര്ഭുജേ ചതുർവക്ത്രേ പീനശ്രോണിപയോധരേ । മയൂരപിംഛവലയേ കേയൂരാംഗദധാരിണി ॥ 8 ॥
ഭാസി ദേവി യദാ പദ്മാ നാരായണപരിഗ്രഹഃ । സ്വരൂപം ബ്രഹ്മചര്യം ച വിശദം തവ ഖേചരി ॥ 9 ॥
കൃഷ്ണച്ഛവിസമാ കൃഷ്ണാ സംകര്ഷണസമാനനാ । ബിഭ്രതീ വിപുലൌ ബാഹൂ ശക്രധ്വജസമുച്ഛ്രയൌ ॥ 10 ॥
പാത്രീ ച പംകജീ കംഠീ സ്ത്രീ വിശുദ്ധാ ച യാ ഭുവി । പാശം ധനുര്മഹാചക്രം വിവിധാന്യായുധാനി ച ॥ 11 ॥
കുംഡലാഭ്യാം സുപൂര്ണാഭ്യാം കര്ണാഭ്യാം ച വിഭൂഷിതാ । ചംദ്രവിസ്പാര്ധിനാ ദേവി മുഖേന ത്വം വിരാജസേ ॥ 12 ॥
മുകുടേന വിചിത്രേണ കേശബംധേന ശോഭിനാ । ഭുജംഗാഽഭോഗവാസേന ശ്രോണിസൂത്രേണ രാജതാ ॥ 13 ॥
ഭ്രാജസേ ചാവബദ്ധേന ഭോഗേനേവേഹ മംദരഃ । ധ്വജേന ശിഖിപിംഛാനാം ഉച്ഛ്രിതേന വിരാജസേ ॥ 14 ॥
കൌമാരം വ്രതമാസ്ഥായ ത്രിദിവം പാവിതം ത്വയാ । തേന ത്വം സ്തൂയസേ ദേവി ത്രിദശൈഃ പൂജ്യസേഽപി ച ॥ 15 ॥
ത്രൈലോക്യ രക്ഷണാര്ഥായ മഹിഷാസുരനാശിനി । പ്രസന്നാ മേ സുരശ്രേഷ്ഠേ ദയാം കുരു ശിവാ ഭവ ॥ 16 ॥
ജയാ ത്വം വിജയാ ചൈവ സംഗ്രാമേ ച ജയപ്രദാ । മമാഽപി വിജയം ദേഹി വരദാ ത്വം ച സാംപ്രതമ് ॥ 17 ॥
വിംധ്യേ ചൈവ നഗശ്രേഷ്ടേ തവ സ്ഥാനം ഹി ശാശ്വതമ് । കാളി കാളി മഹാകാളി സീധുമാംസ പശുപ്രിയേ ॥ 18 ॥
കൃതാനുയാത്രാ ഭൂതൈസ്ത്വം വരദാ കാമചാരിണി । ഭാരാവതാരേ യേ ച ത്വാം സംസ്മരിഷ്യംതി മാനവാഃ ॥ 19 ॥
പ്രണമംതി ച യേ ത്വാം ഹി പ്രഭാതേ തു നരാ ഭുവി । ന തേഷാം ദുര്ലഭം കിംചിത് പുത്രതോ ധനതോഽപി വാ ॥ 20 ॥
ദുര്ഗാത്താരയസേ ദുര്ഗേ തത്വം ദുര്ഗാ സ്മൃതാ ജനൈഃ । കാംതാരേഷ്വവപന്നാനാം മഗ്നാനാം ച മഹാര്ണവേ ॥ 21 ॥ (ദസ്യുഭിർവാ നിരുദ്ധാനാം ത്വം ഗതിഃ പരമാ നൃണാമ)
ജലപ്രതരണേ ചൈവ കാംതാരേഷ്വടവീഷു ച । യേ സ്മരംതി മഹാദേവീം ന ച സീദംതി തേ നരാഃ ॥ 22 ॥
ത്വം കീര്തിഃ ശ്രീര്ധൃതിഃ സിദ്ധിഃ ഹ്രീർവിദ്യാ സംതതിര്മതിഃ । സംധ്യാ രാത്രിഃ പ്രഭാ നിദ്രാ ജ്യോത്സ്നാ കാംതിഃ ക്ഷമാ ദയാ ॥ 23 ॥
നൃണാം ച ബംധനം മോഹം പുത്രനാശം ധനക്ഷയമ് । വ്യാധിം മൃത്യും ഭയം ചൈവ പൂജിതാ നാശയിഷ്യസി ॥ 24 ॥
സോഽഹം രാജ്യാത്പരിഭ്രഷ്ടഃ ശരണം ത്വാം പ്രപന്നവാന് । പ്രണതശ്ച യഥാ മൂര്ധ്നാ തവ ദേവി സുരേശ്വരി ॥ 25 ॥
ത്രാഹി മാം പദ്മപത്രാക്ഷി സത്യേ സത്യാ ഭവസ്വ നഃ । ശരണം ഭവ മേ ദുര്ഗേ ശരണ്യേ ഭക്തവത്സലേ ॥ 26 ॥
ഏവം സ്തുതാ ഹി സാ ദേവീ ദര്ശയാമാസ പാംഡവമ് । ഉപഗമ്യ തു രാജാനമിദം വചനമബ്രവീത് ॥ 27 ॥
ശൃണു രാജന് മഹാബാഹോ മദീയം വചനം പ്രഭോ । ഭവിഷ്യത്യചിരാദേവ സംഗ്രാമേ വിജയസ്തവ ॥ 28 ॥
മമ പ്രസാദാന്നിര്ജിത്യ ഹത്വാ കൌരവ വാഹിനീമ് । രാജ്യം നിഷ്കംടകം കൃത്വാ ഭോക്ഷ്യസേ മേദിനീം പുനഃ ॥ 29 ॥
ഭ്രാതൃഭിഃ സഹിതോ രാജന് പ്രീതിം പ്രാപ്സ്യസി പുഷ്കലാമ് । മത്പ്രസാദാച്ച തേ സൌഖ്യം ആരോഗ്യം ച ഭവിഷ്യതി ॥ 30 ॥
യേ ച സംകീര്തയിഷ്യംതി ലോകേ വിഗതകല്മഷാഃ । തേഷാം തുഷ്ടാ പ്രദാസ്യാമി രാജ്യമായുർവപുസ്സുതമ് ॥ 31 ॥
പ്രവാസേ നഗരേ ചാപി സംഗ്രാമേ ശത്രുസംകടേ । അടവ്യാം ദുര്ഗകാംതാരേ സാഗരേ ഗഹനേ ഗിരൌ ॥ 32 ॥
യേ സ്മരിഷ്യംതി മാം രാജന് യഥാഹം ഭവതാ സ്മൃതാ । ന തേഷാം ദുര്ലഭം കിംചിദസ്മിന് ലോകേ ഭവിഷ്യതി ॥ 33 ॥
യ ഇദം പരമസ്തോത്രം ഭക്ത്യാ ശൃണുയാദ്വാ പഠേത വാ । തസ്യ സർവാണി കാര്യാണി സിധ്ധിം യാസ്യംതി പാംഡവാഃ ॥ 34 ॥
മത്പ്രസാദാച്ച വസ്സർവാന് വിരാടനഗരേ സ്ഥിതാന് । ന പ്രജ്ഞാസ്യംതി കുരവഃ നരാ വാ തന്നിവാസിനഃ ॥ 35 ॥
ഇത്യുക്ത്വാ വരദാ ദേവീ യുധിഷ്ഠിരമരിംദമമ് । രക്ഷാം കൃത്വാ ച പാംഡൂനാം തത്രൈവാംതരധീയത ॥ 38 ॥
শ্রী দুর্গা নক্ষত্র মালিকা স্তুতি সম্পর্কে
The Durga Nakshatra Malika Stuti is the hymn King Yudhishthira offered to Durga as the Pandavas entered King Virata's city to spend their year in disguise. He praises her as born of Yashoda, dear to Narayana, born in Nandagopa's family, the bringer of good fortune; pleased, the Devi appears, promises the Pandavas victory and protection, and vanishes.
উৎস: Mahabharata, Virata Parva
কখন পাঠ করবেন: During Navaratri, on Durga Ashtami, on Tuesdays and Fridays, and before a difficult undertaking.
আপনি কি জানেন?
- It comes from the Virata Parva of the Mahabharata, at the start of the Pandavas' thirteenth year in exile.
- "Nakshatra malika" means a garland of stars: the hymn has about as many verses as there are nakshatras.
- It names the Devi as Yogamaya, born to Yashoda on the night Krishna was born to Devaki.
প্রায়শই জিজ্ঞাসিত প্রশ্ন
Who sang this hymn?
Yudhishthira, the eldest Pandava, on entering Virata's city.
Where is it found?
The Virata Parva of the Mahabharata.
What did the Devi promise?
Victory and protection for the Pandavas.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ