MuhurtaNow

শ্রী আদ্য় কালী স্তোত্রং

Devi · প্রথাগত ভক্তিপাঠ

ಬ್ರಹ್ಮೋವಾಚ ಶೃಣು ವತ್ಸ ಪ್ರವಕ್ಷ್ಯಾಮಿ ಆದ್ಯಾಸ್ತೋತ್ರಂ ಮಹಾಫಲಮ್ । ಯಃ ಪಠೇತ್ ಸತತಂ ಭಕ್ತ್ಯಾ ಸ ಏವ ವಿಷ್ಣುವಲ್ಲಭಃ ॥ 1 ॥

ಮೃತ್ಯುರ್ವ್ಯಾಧಿಭಯಂ ತಸ್ಯ ನಾಸ್ತಿ ಕಿಂಚಿತ್ ಕಲೌ ಯುಗೇ । ಅಪುತ್ರಾ ಲಭತೇ ಪುತ್ರಂ ತ್ರಿಪಕ್ಷಂ ಶ್ರವಣಂ ಯದಿ ॥ 2 ॥

ದ್ವೌ ಮಾಸೌ ಬಂಧನಾನ್ಮುಕ್ತಿ ವಿಪ್ರವಕ್ತ್ರಾತ್ ಶ್ರುತಂ ಯದಿ । ಮೃತವತ್ಸಾ ಜೀವವತ್ಸಾ ಷಣ್ಮಾಸಂ ಶ್ರವಣಂ ಯದಿ ॥ 3 ॥

ನೌಕಾಯಾಂ ಸಂಕಟೇ ಯುದ್ಧೇ ಪಠನಾಜ್ಜಯಮಾಪ್ನುಯಾತ್ । ಲಿಖಿತ್ವಾ ಸ್ಥಾಪಯೇದ್ಗೇಹೇ ನಾಗ್ನಿಚೌರಭಯಂ ಕ್ವಚಿತ್ ॥ 4 ॥

ರಾಜಸ್ಥಾನೇ ಜಯೀ ನಿತ್ಯಂ ಪ್ರಸನ್ನಾಃ ಸರ್ವದೇವತಾ । ಓಂ ಹ್ರೀಮ್ । ಬ್ರಹ್ಮಾಣೀ ಬ್ರಹ್ಮಲೋಕೇ ಚ ವೈಕುಂಠೇ ಸರ್ವಮಂಗಳಾ ॥ 5 ॥

ಇಂದ್ರಾಣೀ ಅಮರಾವತ್ಯಾಮಂಬಿಕಾ ವರುಣಾಲಯೇ । ಯಮಾಲಯೇ ಕಾಲರೂಪಾ ಕುಬೇರಭವನೇ ಶುಭಾ ॥ 6 ॥

ಮಹಾನಂದಾಗ್ನಿಕೋಣೇ ಚ ವಾಯವ್ಯಾಂ ಮೃಗವಾಹಿನೀ । ನೈರೃತ್ಯಾಂ ರಕ್ತದಂತಾ ಚ ಐಶಾನ್ಯಾಂ ಶೂಲಧಾರಿಣೀ ॥ 7 ॥

ಪಾತಾಳೇ ವೈಷ್ಣವೀರೂಪಾ ಸಿಂಹಲೇ ದೇವಮೋಹಿನೀ । ಸುರಸಾ ಚ ಮಣಿದ್ವಿಪೇ ಲಂಕಾಯಾಂ ಭದ್ರಕಾಳಿಕಾ ॥ 8 ॥

ರಾಮೇಶ್ವರೀ ಸೇತುಬಂಧೇ ವಿಮಲಾ ಪುರುಷೋತ್ತಮೇ । ವಿರಜಾ ಔಡ್ರದೇಶೇ ಚ ಕಾಮಾಕ್ಷ್ಯಾ ನೀಲಪರ್ವತೇ ॥ 9 ॥

ಕಾಳಿಕಾ ವಂಗದೇಶೇ ಚ ಅಯೋಧ್ಯಾಯಾಂ ಮಹೇಶ್ವರೀ । ವಾರಾಣಸ್ಯಾಮನ್ನಪೂರ್ಣಾ ಗಯಾಕ್ಷೇತ್ರೇ ಗಯೇಶ್ವರೀ ॥ 10 ॥

ಕುರುಕ್ಷೇತ್ರೇ ಭದ್ರಕಾಳೀ ವ್ರಜೇ ಕಾತ್ಯಾಯನೀ ಪರಾ । ದ್ವಾರಕಾಯಾಂ ಮಹಾಮಾಯಾ ಮಥುರಾಯಾಂ ಮಹೇಶ್ವರೀ ॥ 11 ॥

ಕ್ಷುಧಾ ತ್ವಂ ಸರ್ವಭೂತಾನಾಂ ವೇಲಾ ತ್ವಂ ಸಾಗರಸ್ಯ ಚ । ನವಮೀ ಶುಕ್ಲಪಕ್ಷಸ್ಯ ಕೃಷ್ಣಸ್ಯೈಕಾದಶೀ ಪರಾ ॥ 12 ॥

ದಕ್ಷಸಾ ದುಹಿತಾ ದೇವೀ ದಕ್ಷಯಜ್ಞವಿನಾಶಿನೀ । ರಾಮಸ್ಯ ಜಾನಕೀ ತ್ವಂ ಹಿ ರಾವಣಧ್ವಂಸಕಾರಿಣೀ ॥ 13 ॥

ಚಂಡಮುಂಡವಧೇ ದೇವೀ ರಕ್ತಬೀಜವಿನಾಶಿನೀ । ನಿಶುಂಭಶುಂಭಮಥಿನೀ ಮಧುಕೈಟಭಘಾತಿನೀ ॥ 14 ॥

ವಿಷ್ಣುಭಕ್ತಿಪ್ರದಾ ದುರ್ಗಾ ಸುಖದಾ ಮೋಕ್ಷದಾ ಸದಾ । ಆದ್ಯಾಸ್ತವಮಿಮಂ ಪುಣ್ಯಂ ಯಃ ಪಠೇತ್ ಸತತಂ ನರಃ ॥ 15 ॥

ಸರ್ವಜ್ವರಭಯಂ ನ ಸ್ಯಾತ್ ಸರ್ವವ್ಯಾಧಿವಿನಾಶನಮ್ । ಕೋಟಿತೀರ್ಥಫಲಂ ತಸ್ಯ ಲಭತೇ ನಾತ್ರ ಸಂಶಯಃ ॥ 16 ॥

ಜಯಾ ಮೇ ಚಾಗ್ರತಃ ಪಾತು ವಿಜಯಾ ಪಾತು ಪೃಷ್ಠತಃ । ನಾರಾಯಣೀ ಶೀರ್ಷದೇಶೇ ಸರ್ವಾಂಗೇ ಸಿಂಹವಾಹಿನೀ ॥ 17 ॥

ಶಿವದೂತೀ ಉಗ್ರಚಂಡಾ ಪ್ರತ್ಯಂಗೇ ಪರಮೇಶ್ವರೀ । ವಿಶಾಲಾಕ್ಷೀ ಮಹಾಮಾಯಾ ಕೌಮಾರೀ ಶಂಖಿನೀ ಶಿವಾ ॥ 18 ॥

ಚಕ್ರಿಣೀ ಜಯದಾತ್ರೀ ಚ ರಣಮತ್ತಾ ರಣಪ್ರಿಯಾ । ದುರ್ಗಾ ಜಯಂತೀ ಕಾಳೀ ಚ ಭದ್ರಕಾಳೀ ಮಹೋದರೀ ॥ 19 ॥

ನಾರಸಿಂಹೀ ಚ ವಾರಾಹೀ ಸಿದ್ಧಿದಾತ್ರೀ ಸುಖಪ್ರದಾ । ಭಯಂಕರೀ ಮಹಾರೌದ್ರೀ ಮಹಾಭಯವಿನಾಶಿನೀ ॥ 20 ॥

ಇತಿ ಶ್ರೀಬ್ರಹ್ಮಯಾಮಲೇ ಬ್ರಹ್ಮನಾರದಸಂವಾದೇ ಶ್ರೀ ಆದ್ಯಾ ಸ್ತೋತ್ರಮ್ ॥

শ্রী আদ্য় কালী স্তোত্রং সম্পর্কে

The Adya Kali Stotram is a hymn to Adya Kali, the primordial Kali, taught by Brahma to Narada. Brahma calls it a hymn of great fruit, dear to Vishnu, and goes on to praise the Goddess as the one first power behind all the gods and all the worlds, worshipped in many names and forms in different sacred places.

উৎস: Brahma Yamala, as its colophon states

কখন পাঠ করবেন: On Amavasya and Tuesdays, on Kali Puja, and during Navaratri.

আপনি কি জানেন?

  • Its colophon places it in the Brahma Yamala, in a dialogue between Brahma and Narada.
  • "Adya" means the first or primordial: Adya Kali is Kali as the source of all.
  • Adya Kali is especially revered in Bengal, as at the Adyapeath temple near Dakshineswar.

প্রায়শই জিজ্ঞাসিত প্রশ্ন

Who is Adya Kali?

Kali as the primordial power, the source of all.

Who teaches this hymn?

Brahma, to the sage Narada.

Where is it from?

The Brahma Yamala, as its colophon states.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।