শ্রী দুর্গা চংদ্রকলা স্তুতি
Devi · প্রথাগত ভক্তিপাঠ
ধ্য়ানম্ উমাকাংতে রমাকাংতে এষামাসী-ন্মতিস্সমা । নমামি দীক্ষিতেংদ্রাং স্তান্ নযষট্ক-বিশারদাম্ ॥
বেধোহরীশ্বরস্তুত্য়াং বিহর্ত্রীং বিংধ্যভূধরে । হরপ্রাণেশ্বরীং বংদে হংত্রীং বিবুধবিদ্বিষাম্ ॥ 1 ॥
অভ্যর্থনেন সরসীরুহসংভবস্য় ত্যক্ত্বোদিতা ভগবদক্ষিপিধানলীলাম্ । বিশ্বেশ্বরী বিপদপাকমনে পুরস্তাত্ মাতা মমাস্তু মধুকৈটভয়োর্নিহংত্রী ॥ 2 ॥
প্রাঙ্নির্জরেষু নিহতৈর্নিজশক্তিলেশৈঃ একীভবদ্ভিরুদিতাঽখিললোকগুপ্ত্য়ৈ । সংপন্নশস্ত্রনিকরা চ তদায়ুধস্থৈঃ মাতা মমাস্তু মহিষাংতকরী পুরস্তাত্ ॥ 3 ॥
প্রালেযশৈলতনয়া তনুকাংতিসংপত্ কোশোদিতা কুবলযচ্ছবিচারুদেহা । নারাযণী নমদভীপ্সিতকল্পবল্লী সুপ্রীতিমাবহতু শুংভনিশুংভহংত্রী ॥ 4 ॥
বিশ্বেশ্বরীতি মহিষাংতকরীতি যস্য়াঃ নারাযণীত্যপি চ নামভিরংকিতানি । সূক্তানি পংকজভুবা চ সুরর্ষিভিশ্চ দৃষ্টানি পাবকমুখৈশ্চ শিবাং ভজে তাম্ ॥ 5 ॥
উত্পত্তিদৈত্যহননস্তবনাত্মকানি সংরক্ষকাণ্যখিলভূতহিতায় যস্য়াঃ । সূক্তান্যশেষনিগমাংতবিদঃ পঠংতি তাং বিশ্বমাতরমজস্রমভিষ্টবীমি ॥ 6 ॥
যে বৈপ্রচিত্তপুনরুত্থিতশুংভমুখ্য়ৈঃ দুর্ভিক্ষঘোরসময়েন চ কারিতাসু । আবিষ্কৃতাস্ত্রিজগদার্তিষু রূপভেদাঃ তৈরংবিকা সমভিরক্ষতু মাং বিপদ্ভ্য়ঃ ॥ 7 ॥
সূক্তং যদীযমরবিংদভবাদি দৃষ্টং আবর্ত্য় দেব্যনুপদং সুরথঃ সমাধিঃ । দ্বাবপ্যবাপতুরভীষ্টমনন্যলভ্য়ং তামাদিদেবতরুণীং প্রণমামি মূর্ধ্না ॥ 8 ॥
মাহিষ্মতীতনুভবং চ রুরুং চ হংতুং আবিষ্কৃতৈর্নিজরসাদবতারভেদৈঃ । অষ্টাদশাহতনবাহতকোটিসংখ্য়ৈঃ অংবা সদা সমভিরক্ষতু মাং বিপদ্ভ্য়ঃ ॥ 9 ॥
এতচ্চরিত্রমখিলং লিখিতং হি যস্য়াঃ সংপূজিতং সদন এব নিবেশিতং বা । দুর্গং চ তারযতি দুস্তরমপ্যশেষং শ্রেয়ঃ প্রযচ্ছতি চ সর্বমুমাং ভজে তাম্ ॥ 10 ॥
যত্পূজনস্তুতিনমস্কৃতিভির্ভবংতি প্রীতাঃ পিতামহরমেশহরাস্ত্রয়োঽপি । তেষামপি স্বকগুণৈর্দদতী বপূংষি তামীশ্বরস্য় তরুণীং শরণং প্রপদ্য়ে ॥ 11 ॥
কাংতারমধ্যদৃঢলগ্নতয়াঽবসন্নাঃ মগ্নাশ্চ বারিধিজলে রিপুভিশ্চ রুদ্ধাঃ । যস্য়াঃ প্রপদ্য় চরণৌ বিপদস্তরংতি সা মে সদাঽস্তু হৃদি সর্বজগত্সবিত্রী ॥ 12 ॥
বংধে বধে মহতি মৃত্য়ুভয়ে প্রসক্তে বিত্তক্ষয়ে চ বিবিধে য মহোপতাপে । যত্পাদপূজনমিহ প্রতিকারমাহুঃ সা মে সমস্তজননী শরণং ভবানী ॥ 13 ॥
বাণাসুরপ্রহিতপন্নগবংধমোক্ষঃ তদ্বাহুদর্পদলনাদুষয়া চ যোগঃ । প্রাদ্য়ুম্নিনা দ্রুতমলভ্যত যত্প্রসাদাত্ সা মে শিবা সকলমপ্যশুভং ক্ষিণোতু ॥ 14 ॥
পাপঃ পুলস্ত্যতনয়ঃ পুনরুত্থিতো মাং অদ্য়াপি হর্তুমযমাগত ইত্য়ুদীতম্ । যত্সেবনেন ভযমিংদিরয়াঽবধূতং তামাদিদেবতরুণীং শরণং গতোঽস্মি ॥ 15 ॥
যদ্ধ্য়ানজং সুখমবাপ্যমনংতপুণ্য়ৈঃ সাক্ষাত্তমচ্য়ুত পরিগ্রহমাশ্ববাপুঃ । গোপাংগনাঃ কিল যদর্চনপুণ্যমাত্রাঃ সা মে সদা ভগবতী ভবতু প্রসন্না ॥ 16 ॥
রাত্রিং প্রপদ্য় ইতি মংত্রবিদঃ প্রপন্নান্ উদ্বোধ্য় মৃত্য়ুবধিমন্যফলৈঃ প্রলোভ্য় । বুদ্ধ্বা চ তদ্বিমুখতাং প্রতনং নয়ংতীং আকাশমাদিজননীং জগতাং ভজে তাম্ ॥ 17 ॥
দেশকালেষু দুষ্টেষু দুর্গাচংদ্রকলাস্তুতিঃ । সংধ্যয়োরনুসংধেয়া সর্বাপদ্বিনিবৃত্তয়ে ॥ 18 ॥
ইতি শ্রীমদপয়্যদীক্ষিতবিরচিতা দুর্গাচংদ্রকলাস্তুতিঃ ॥
শ্রী দুর্গা চংদ্রকলা স্তুতি সম্পর্কে
The Sri Durga Chandrakala Stuti is a hymn to Goddess Durga composed by the great scholar Appayya Dikshita, as its colophon states. Its opening meditation salutes the Dikshita himself, whose mind was equal toward Uma's lord (Shiva) and Rama's lord (Vishnu). The hymn then bows to Durga, praised by Brahma, Vishnu and Shiva, who sports on the Vindhya mountains, the beloved of Hara, and the slayer of the enemies of the gods, and goes on to praise her deeds and her grace.
রচয়িতা: Appayya Dikshita (16th century), as its colophon states
কখন পাঠ করবেন: During Navaratri, on Ashtami, on Tuesdays and Fridays, and in Durga worship.
আপনি কি জানেন?
- Appayya Dikshita (16th century) was a great Advaita scholar and devotee of Shiva who wrote more than a hundred works.
- The name "Chandrakala", digit of the moon, suggests a hymn as lovely as the crescent moon.
প্রায়শই জিজ্ঞাসিত প্রশ্ন
Who composed this stuti?
Appayya Dikshita, as its colophon states.
Where does Durga sport, according to the first verse?
On the Vindhya mountains.
When is it recited?
During Navaratri and on Tuesdays and Fridays.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ