MuhurtaNow

শ্রী মাতংগী অষ্টোত্তর শত নামা স্তোত্রং

Devi · প্রথাগত ভক্তিপাঠ

শ্রীভৈরব্য়ুবাচ

ভগবন্ শ্রোতুমিচ্ছামি মাতংগ্য়াঃ শতনামকম্ । যদ্গুহ্য়ং সর্বতংত্রেষু কেনাপি ন প্রকাশিতম্ ॥ 1

শ্রীভৈরব উবাচ

শৃণু দেবি প্রবক্ষ্য়ামি রহস্য়াতিরহস্যকম্ । নাখ্য়েয়ং যত্র কুত্রাপি পঠনীয়ং পরাত্পরম্ ॥ 2

যস্য়ৈকবারপঠনাত্সর্বে বিঘ্না উপদ্রবাঃ । নশ্য়ংতি তত্ক্ষণাদ্দেবি বহ্নিনা তূলরাশিবত্ ॥ 3 ॥

প্রসন্না জাযতে দেবী মাতংগী চাস্য় পাঠতঃ । সহস্রনামপঠনে যত্ফলং পরিকীর্তিতম্ । তত্কোটিগুণিতং দেবীনামাষ্টশতকং শুভম্ ॥ 4 ॥

অস্য় শ্রীমাতংগ্যষ্টোত্তরশতনামস্তোত্রস্য় ভগবান্মতংগ ঋষিঃ অনুষ্টুপ্ছংদঃ শ্রীমাতংগী দেবতা শ্রীমাতংগী প্রীতয়ে জপে বিনিয়োগঃ ।

মহামত্তমাতংগিনী সিদ্ধিরূপা তথা যোগিনী ভদ্রকালী রমা চ । ভবানী ভবপ্রীতিদা ভূতিয়ুক্তা ভবারাধিতা ভূতিসংপত্করী চ ॥ 1 ॥

ধনাধীশমাতা ধনাগারদৃষ্টি- -র্ধনেশার্চিতা ধীরবাপী বরাংগী । প্রকৃষ্টা প্রভারূপিণী কামরূপা প্রহৃষ্টা মহাকীর্তিদা কর্ণনালী ॥ 2 ॥

করালী ভগা ঘোররূপা ভগাংগী ভগাহ্বা ভগপ্রীতিদা ভীমরূপা । ভবানী মহাকৌশিকী কোশপূর্ণা কিশোরী কিশোরপ্রিয়া নংদীহা ॥ 3 ॥

মহাকারণাঽকারণা কর্মশীলা কপালী প্রসিদ্ধা মহাসিদ্ধখংডা । মকারপ্রিয়া মানরূপা মহেশী মলোল্লাসিনী লাস্যলীলালয়াংগী ॥ 4 ॥

ক্ষমা ক্ষেমশীলা ক্ষপাকারিণী চা- -ঽক্ষযপ্রীতিদা ভূতিয়ুক্তা ভবানী । ভবারাধিতা ভূতিসত্য়াত্মিকা চ প্রভোদ্ভাসিতা ভানুভাস্বত্করা চ ॥ 5 ॥

ধরাধীশমাতা ধরাগারদৃষ্টি- -র্ধরেশার্চিতা ধীবরা ধীবরাংগী । প্রকৃষ্টা প্রভারূপিণী প্রাণরূপা প্রকৃষ্টস্বরূপা স্বরূপপ্রিয়া চ ॥ 6 ॥

চলত্কুংডলা কামিনী কাংতয়ুক্তা কপালাঽচলা কালকোদ্ধারিণী চ । কদংবপ্রিয়া কোটরী কোটদেহা ক্রমা কীর্তিদা কর্ণরূপা চ কাক্ষ্মীঃ ॥ 7 ॥

ক্ষমাংগী ক্ষযপ্রেমরূপা ক্ষয়া চ ক্ষয়াক্ষা ক্ষয়াহ্বা ক্ষযপ্রাংতরা চ । ক্ষবত্কামিনী ক্ষারিণী ক্ষীরপূর্ণা শিবাংগী চ শাকংভরী শাকদেহা ॥ 8 ॥

মহাশাকযজ্ঞা ফলপ্রাশকা চ শকাহ্বাঽশকাহ্বা শকাখ্য়া শকা চ । শকাক্ষাংতরোষা সুরোষা সুরেখা মহাশেষযজ্ঞোপবীতপ্রিয়া চ ॥ 9 ॥

জয়ংতী জয়া জাগ্রতী যোগ্যরূপা জয়াংগা জপধ্য়ানসংতুষ্টসংজ্ঞা । জযপ্রাণরূপা জযস্বর্ণদেহা জযজ্বালিনী যামিনী যাম্যরূপা ॥ 10 ॥

জগন্মাতৃরূপা জগদ্রক্ষণা চ স্বধাবৌষডংতা বিলংবাঽবিলংবা । ষডংগা মহালংবরূপাসিহস্তা- পদাহারিণীহারিণী হারিণী চ ॥ 11 ॥

মহামংগলা মংগলপ্রেমকীর্তি- -র্নিশুংভচ্ছিদা শুংভদর্পাপহা চ । তথাঽঽনংদবীজাদিমুক্তিস্বরূপা তথা চংডমুংডাপদা মুখ্যচংডা ॥ 12 ॥

প্রচংডাঽপ্রচংডা মহাচংডবেগা চলচ্চামরা চামরা চংদ্রকীর্তিঃ । সুচামীকরা চিত্রভূষোজ্জ্বলাংগী সুসংগীতগীতা চ পায়াদপায়াত্ ॥ 13 ॥

ইতি তে কথিতং দেবি নাম্নামষ্টোত্তরং শতম্ । গোপ্য়ং চ সর্বতংত্রেষু গোপনীয়ং চ সর্বদা ॥ 14 ॥

এতস্য় সততাভ্য়াসাত্সাক্ষাদ্দেবো মহেশ্বরঃ । ত্রিসংধ্য়ং চ মহাভক্ত্য়া পঠনীয়ং সুখোদযম্ ॥ 15 ॥

ন তস্য় দুষ্করং কিংচিজ্জাযতে স্পর্শতঃ ক্ষণাত্ । সুকৃতং যত্তদেবাপ্তং তস্মাদাবর্তয়েত্সদা ॥ 16 ॥

সদৈব সন্নিধৌ তস্য় দেবী বসতি সাদরম্ । অয়োগা যে ত এবাগ্রে সুয়োগাশ্চ ভবংতি বৈ ॥ 17 ॥

ত এব মিত্রভূতাশ্চ ভবংতি তত্প্রসাদতঃ । বিষাণি নোপসর্পংতি ব্য়াধয়ো ন স্পৃশংতি তান্ ॥ 18 ॥

লূতাবিস্ফোটকাঃ সর্বে শমং যাংতি চ তত্ক্ষণাত্ । জরাপলিতনির্মুক্তঃ কল্পজীবী ভবেন্নরঃ ॥ 19 ॥

অপি কিং বহুনোক্তেন সান্নিধ্য়ং ফলমাপ্নুয়াত্ । যাবন্ময়া পুরা প্রোক্তং ফলং সাহস্রনামকম্ । তত্সর্বং লভতে মর্ত্য়ো মহামায়াপ্রসাদতঃ ॥ 20 ॥

ইতি শ্রীরুদ্রয়ামলে শ্রীমাতংগীশতনামস্তোত্রম্ ।

শ্রী মাতংগী অষ্টোত্তর শত নামা স্তোত্রং সম্পর্কে

The Matangi Ashtottara Shatanama Stotram gives 108 names of Goddess Matangi, one of the ten Mahavidyas. It opens with the Goddess asking Shiva: Lord, I wish to hear the hundred names of Matangi, a secret in all the tantras that no one has revealed; Shiva replies, "Listen, Devi, I will tell you this secret of secrets, not to be told just anywhere, the highest of hymns."

উৎস: Rudra Yamala, as its colophon states

কখন পাঠ করবেন: In Mahavidya worship, during Gupta Navaratri, and before learning music and the arts, usually under a teacher's guidance.

আপনি কি জানেন?

  • Its colophon places it in the Rudra Yamala.
  • Matangi, the ninth Mahavidya, is the goddess of speech, music and the arts, often called the Tantric form of Saraswati.
  • She is pictured dark green, playing the vina, with a parrot.

প্রায়শই জিজ্ঞাসিত প্রশ্ন

Who is Matangi?

The ninth Mahavidya, goddess of speech, music and the arts.

Who teaches the names?

Shiva, at the Goddess's request.

Where is it from?

The Rudra Yamala, as its colophon states.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।