MuhurtaNow

শ্রীমদ্ভগবদ্গীতা মূলম্ - একাদশোঽধ্য়ায়ঃ

Sri Krishna · প্রথাগত ভক্তিপাঠ

ওং শ্রী পরমাত্মনে নমঃ অথ একাদশোঽধ্য়ায়ঃ । বিশ্বরূপসংদর্শনয়োগঃ

অর্জুন উবাচ

মদনুগ্রহায় পরমং গুহ্যমধ্য়াত্মসংজ্ঞিতম্ । যত্ত্বয়োক্তং বচস্তেন মোহোঽয়ং বিগতো মম ॥ 1

ভবাপ্যয়ৌ হি ভূতানাং শ্রুতৌ বিস্তরশো ময়া । ত্বত্তঃ কমলপত্রাক্ষ মাহাত্ম্যমপি চাব্যযম্ ॥ 2 ॥

এবমেতদ্যথাত্থ ত্বমাত্মানং পরমেশ্বর । দ্রষ্টুমিচ্ছামি তে রূপমৈশ্বরং পুরুষোত্তম ॥ 3 ॥

মন্যসে যদি তচ্ছক্য়ং ময়া দ্রষ্টুমিতি প্রভো । যোগেশ্বর ততো মে ত্বং দর্শয়াত্মানমব্যযম্ ॥ 4 ॥

শ্রীভগবানুবাচ

পশ্য় মে পার্থ রূপাণি শতশোঽথ সহস্রশঃ । নানাবিধানি দিব্য়ানি নানাবর্ণাকৃতীনি চ ॥ 5

পশ্য়াদিত্য়ান্বসূন্রুদ্রানশ্বিনৌ মরুতস্তথা । বহূন্যদৃষ্টপূর্বাণি পশ্য়াশ্চর্য়াণি ভারত ॥ 6 ॥

ইহৈকস্থং জগত্কৃত্স্নং পশ্য়াদ্য় সচরাচরম্ । মম দেহে গুডাকেশ যচ্চান্যদ্দ্রষ্টুমিচ্ছসি ॥ 7 ॥

ন তু মাং শক্যসে দ্রষ্টুমনেনৈব স্বচক্ষুষা । দিব্য়ং দদামি তে চক্ষুঃ পশ্য় মে যোগমৈশ্বরম্ ॥ 8 ॥

সংজয় উবাচ

এবমুক্ত্বা ততো রাজন্মহায়োগেশ্বরো হরিঃ । দর্শয়ামাস পার্থায় পরমং রূপমৈশ্বরম্ ॥ 9

অনেকবক্ত্রনযন-মনেকাদ্ভুতদর্শনম্ । অনেকদিব্য়াভরণং দিব্য়ানেকোদ্যতায়ুধম্ ॥ 10 ॥

দিব্যমাল্য়াংবরধরং দিব্যগংধানুলেপনম্ । সর্বাশ্চর্যময়ং দেবমনংতং বিশ্বতোমুখম্ ॥ 11 ॥

দিবি সূর্যসহস্রস্য় ভবেদ্য়ুগপদুত্থিতা । যদি ভাঃ সদৃশী সা স্য়াদ্ভাসস্তস্য় মহাত্মনঃ ॥ 12 ॥

তত্রৈকস্থং জগত্কৃত্স্নং প্রবিভক্তমনেকধা । অপশ্যদ্দেবদেবস্য় শরীরে পাংডবস্তদা ॥ 13 ॥

ততঃ স বিস্ময়াবিষ্টো হৃষ্টরোমা ধনংজয়ঃ । প্রণম্য় শিরসা দেবং কৃতাংজলিরভাষত ॥ 14 ॥

অর্জুন উবাচ

পশ্য়ামি দেবাংস্তব দেব দেহে সর্বাংস্তথা ভূতবিশেষসংঘান্। ব্রহ্মাণমীশং কমলাসনস্থ-মৃষীংশ্চ সর্বানুরগাংশ্চ দিব্য়ান্ ॥ 15

অনেকবাহূদরবক্ত্রনেত্রং পশ্য়ামি ত্বাং সর্বতোঽনংতরূপম্। নাংতং ন মধ্য়ং ন পুনস্তবাদিং পশ্য়ামি বিশ্বেশ্বর বিশ্বরূপ ॥ 16 ॥

কিরীটিনং গদিনং চক্রিণং চ তেজোরাশিং সর্বতো দীপ্তিমংতম্। পশ্য়ামি ত্বাং দুর্নিরীক্ষ্য়ং সমংতাদ্দীপ্তানলার্কদ্য়ুতিমপ্রমেযম্ ॥ 17 ॥

ত্বমক্ষরং পরমং বেদিতব্য়ং ত্বমস্য় বিশ্বস্য় পরং নিধানম্। ত্বমব্যয়ঃ শাশ্বতধর্মগোপ্তা সনাতনস্ত্বং পুরুষো মতো মে ॥ 18 ॥

অনাদিমধ্য়াংতমনংতবীর্য়-মনংতবাহুং শশিসূর্যনেত্রম্। পশ্য়ামি ত্বাং দীপ্তহুতাশবক্ত্রং স্বতেজসা বিশ্বমিদং তপংতম্ ॥ 19 ॥

দ্য়াবাপৃথিব্য়োরিদমংতরং হি ব্য়াপ্তং ত্বয়ৈকেন দিশশ্চ সর্বাঃ। দৃষ্ট্বাদ্ভুতং রূপমুগ্রং তবেদং লোকত্রয়ং প্রব্যথিতং মহাত্মন্ ॥ 20 ॥

অমী হি ত্বাং সুরসংঘা বিশংতি কেচিদ্ভীতাঃ প্রাংজলয়ো গৃণংতি। স্বস্তীত্য়ুক্ত্বা মহর্ষিসিদ্ধসংঘাঃ স্তুবংতি ত্বাং স্তুতিভিঃ পুষ্কলাভিঃ ॥ 21 ॥

রুদ্রাদিত্য়া বসবো যে চ সাধ্য়া বিশ্বেঽশ্বিনৌ মরুতশ্চোষ্মপাশ্চ। গংধর্বযক্ষাসুরসিদ্ধসংঘা বীক্ষংতে ত্বাং বিস্মিতাশ্চৈব সর্বে ॥ 22 ॥

রূপং মহত্তে বহুবক্ত্রনেত্রং মহাবাহো বহুবাহূরুপাদম্। বহূদরং বহুদংষ্ট্রাকরালং দৃষ্ট্বা লোকাঃ প্রব্যথিতাস্তথাহম্ ॥ 23 ॥

নভঃস্পৃশং দীপ্তমনেকবর্ণং ব্য়াত্তাননং দীপ্তবিশালনেত্রম্। দৃষ্ট্বা হি ত্বাং প্রব্যথিতাংতরাত্মা ধৃতিং ন বিংদামি শমং চ বিষ্ণো ॥ 24 ॥

দংষ্ট্রাকরালানি চ তে মুখানি দৃষ্ট্বৈব কালানলসংনিভানি। দিশো ন জানে ন লভে চ শর্ম প্রসীদ দেবেশ জগন্নিবাস ॥ 25 ॥

অমী চ ত্বাং ধৃতরাষ্ট্রস্য় পুত্রাঃ সর্বে সহৈবাবনিপালসংঘৈঃ। ভীষ্মো দ্রোণঃ সূতপুত্রস্তথাসৌ সহাস্মদীয়ৈরপি যোধমুখ্য়ৈঃ ॥ 26 ॥

বক্ত্রাণি তে ত্বরমাণা বিশংতি দংষ্ট্রাকরালানি ভয়ানকানি। কেচিদ্বিলগ্না দশনাংতরেষু সংদৃশ্য়ংতে চূর্ণিতৈরুত্তমাংগৈঃ ॥ 27 ॥

যথা নদীনাং বহবোঽংবুবেগাঃ সমুদ্রমেবাভিমুখা দ্রবংতি। তথা তবামী নরলোকবীরা বিশংতি বক্ত্রাণ্যভিবিজ্বলংতি ॥ 28 ॥

যথা প্রদীপ্তং জ্বলনং পতংগা বিশংতি নাশায় সমৃদ্ধবেগাঃ। তথৈব নাশায় বিশংতি লোকাস্তবাপি বক্ত্রাণি সমৃদ্ধবেগাঃ ॥ 29 ॥

লেলিহ্যসে গ্রসমানঃ সমংতাল্লোকান্সমগ্রা-ন্বদনৈর্জ্বলদ্ভিঃ। তেজোভিরাপূর্য় জগত্সমগ্রং ভাসস্তবোগ্রাঃ প্রতপংতি বিষ্ণো ॥ 30 ॥

আখ্য়াহি মে কো ভবানুগ্ররূপো নমোঽস্তু তে দেববর প্রসীদ। বিজ্ঞাতুমিচ্ছামি ভবংতমাদ্য়ং ন হি প্রজানামি তব প্রবৃত্তিম্ ॥ 31 ॥

শ্রীভগবানুবাচ

কালোঽস্মি লোকক্ষযকৃত্প্রবৃদ্ধো লোকান্সমাহর্তুমিহ প্রবৃত্তঃ। ঋতেঽপি ত্বাং ন ভবিষ্য়ংতি সর্বে যেঽবস্থিতাঃ প্রত্যনীকেষু যোধাঃ ॥ 32

তস্মাত্ত্বমুত্তিষ্ঠ যশো লভস্ব জিত্বা শত্রূন্ভুংক্ষ্ব রাজ্য়ং সমৃদ্ধম্। ময়ৈবৈতে নিহতাঃ পূর্বমেব নিমিত্তমাত্রং ভব সব্যসাচিন্ ॥ 33 ॥

দ্রোণং চ ভীষ্মং চ জযদ্রথং চ কর্ণং তথান্য়ানপি যোধবীরান্। ময়া হতাংস্ত্বং জহি মা ব্যথিষ্ঠা যুধ্যস্ব জেতাসি রণে সপত্নান্ ॥ 34 ॥

সংজয় উবাচ

এতচ্ছ্রুত্বা বচনং কেশবস্য় কৃতাংজলির্বেপমানঃ কিরীটী। নমস্কৃত্বা ভূয় এবাহ কৃষ্ণং সগদ্গদং ভীতভীতঃ প্রণম্য় ॥ 35

অর্জুন উবাচ

স্থানে হৃষীকেশ তব প্রকীর্ত্য়া জগত্প্রহৃষ্যত্যনুরজ্যতে চ। রক্ষাংসি ভীতানি দিশো দ্রবংতি সর্বে নমস্য়ংতি চ সিদ্ধসংঘাঃ ॥ 36

কস্মাচ্চ তে ন নমেরন্মহাত্মন্গরীযসে ব্রহ্মণোঽপ্য়াদিকর্ত্রে। অনংত দেবেশ জগন্নিবাস ত্বমক্ষরং সদসত্তত্পরং যত্ ॥ 37 ॥

ত্বমাদিদেবঃ পুরুষঃ পুরাণস্ত্বমস্য় বিশ্বস্য় পরং নিধানম্। বেত্তাসি বেদ্য়ং চ পরং চ ধাম ত্বয়া ততং বিশ্বমনংতরূপ ॥ 38 ॥

বায়ুর্যমোঽগ্নির্বরুণঃ শশাংকঃ প্রজাপতিস্ত্বং প্রপিতামহশ্চ। নমো নমস্তেঽস্তু সহস্রকৃত্বঃ পুনশ্চ ভূয়োঽপি নমো নমস্তে ॥ 39 ॥

নমঃ পুরস্তাদথ পৃষ্ঠতস্তে নমোঽস্তু তে সর্বত এব সর্ব। অনংতবীর্য়ামিতবিক্রমস্ত্বং সর্বং সমাপ্নোষি ততোঽসি সর্বঃ ॥ 40 ॥

সখেতি মত্বা প্রসভং যদুক্তং হে কৃষ্ণ হে যাদব হে সখেতি। অজানতা মহিমানং তবেদং ময়া প্রমাদাত্প্রণয়েন বাপি ॥ 41 ॥

যচ্চাবহাসার্থমসত্কৃতোঽসি বিহারশয়্য়াসনভোজনেষু। একোঽথবাপ্যচ্য়ুত তত্সমক্ষং তত্ক্ষাময়ে ত্বামহমপ্রমেযম্ ॥ 42 ॥

পিতাসি লোকস্য় চরাচরস্য় ত্বমস্য় পূজ্যশ্চ গুরুর্গরীয়ান্। ন ত্বত্সমোঽস্ত্যভ্যধিকঃ কুতোঽন্য়ো লোকত্রয়েঽপ্যপ্রতিমপ্রভাব ॥ 43 ॥

তস্মাত্প্রণম্য় প্রণিধায় কায়ং প্রসাদয়ে ত্বামহমীশমীড্যম্। পিতেব পুত্রস্য় সখেব সখ্য়ুঃ প্রিয়ঃ প্রিয়ায়ার্হসি দেব সোঢুম্ ॥ 44 ॥

অদৃষ্টপূর্বং হৃষিতোঽস্মি দৃষ্ট্বা ভয়েন চ প্রব্যথিতং মনো মে। তদেব মে দর্শয় দেবরূপং প্রসীদ দেবেশ জগন্নিবাস ॥ 45 ॥

কিরীটিনং গদিনং চক্রহস্তমিচ্ছামি ত্বাং দ্রষ্টুমহং তথৈব। তেনৈব রূপেণ চতুর্ভুজেন সহস্রবাহো ভব বিশ্বমূর্তে ॥ 46 ॥

শ্রীভগবানুবাচ

ময়া প্রসন্নেন তবার্জুনেদং রূপং পরং দর্শিতমাত্ময়োগাত্। তেজোময়ং বিশ্বমনংতমাদ্য়ং যন্মে ত্বদন্য়েন ন দৃষ্টপূর্বম্ ॥ 47

ন বেদযজ্ঞাধ্যযনৈর্ন দানৈর্ন চ ক্রিয়াভির্ন তপোভিরুগ্রৈঃ। এবংরূপঃ শক্য় অহং নৃলোকে দ্রষ্টুং ত্বদন্য়েন কুরুপ্রবীর ॥ 48 ॥

মা তে ব্যথা মা চ বিমূঢভাবো দৃষ্ট্বা রূপং ঘোরমীদৃঙ্মমেদম্। ব্যপেতভীঃ প্রীতমনাঃ পুনস্ত্বং তদেব মে রূপমিদং প্রপশ্য় ॥ 49 ॥

সংজয় উবাচ

ইত্যর্জুনং বাসুদেবস্তথোক্ত্বা স্বকং রূপং দর্শয়ামাস ভূয়ঃ। আশ্বাসয়ামাস চ ভীতমেনং ভূত্বা পুনঃ সৌম্যবপুর্মহাত্মা ॥ 50

অর্জুন উবাচ

দৃষ্ট্বেদং মানুষং রূপং তব সৌম্য়ং জনার্দন । ইদানীমস্মি সংবৃত্তঃ সচেতাঃ প্রকৃতিং গতঃ ॥ 51

শ্রীভগবানুবাচ

সুদুর্দর্শমিদং রূপং দৃষ্টবানসি যন্মম । দেবা অপ্যস্য় রূপস্য় নিত্য়ং দর্শনকাংক্ষিণঃ ॥ 52

নাহং বেদৈর্ন তপসা ন দানেন ন চেজ্যয়া । শক্য় এবংবিধো দ্রষ্টুং দৃষ্টবানসি মাং যথা ॥ 53 ॥

ভক্ত্য়া ত্বনন্যয়া শক্য় অহমেবংবিধোঽর্জুন । জ্ঞাতুং দ্রষ্টুং চ তত্ত্বেন প্রবেষ্টুং চ পরংতপ ॥ 54 ॥

মত্কর্মকৃন্মত্পরমো মদ্ভক্তঃ সংগবর্জিতঃ । নির্বৈরঃ সর্বভূতেষু যঃ স মামেতি পাংডব ॥ 55 ॥

ওং তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্য়ায়াং যোগশাস্ত্রে শ্রীকৃষ্ণার্জুনসংবাদে বিশ্বরূপদর্শনয়োগো নামৈকাদশোঽধ্য়ায়ঃ ॥11 ॥

শ্রীমদ্ভগবদ্গীতা মূলম্ - একাদশোঽধ্য়ায়ঃ সম্পর্কে

The eleventh chapter of the Bhagavad Gita, Vishvarupa Darshana Yoga, is the vision of Krishna's cosmic form. Arjuna, his delusion gone, asks to see Krishna's divine form; Krishna gives him divine sight, and Arjuna sees the whole universe in Krishna's body, the gods, the sages, all beings, with countless arms, faces and eyes, blazing like a thousand suns, and the warriors of both armies rushing into his mouths. Awestruck and afraid, Arjuna praises him and begs to see his gentle four-armed form again.

উৎস: Mahabharata, Bhishma Parva (Bhagavad Gita, chapter 11)

কখন পাঠ করবেন: In daily Gita reading, on Gita Jayanti and Ekadashi.

আপনি কি জানেন?

  • Verse 12 says that if a thousand suns rose at once in the sky, their light might resemble the radiance of that great Being.
  • Krishna declares "kalo'smi", "I am Time, the destroyer of the worlds", a line made famous worldwide by J. Robert Oppenheimer.
  • Krishna tells Arjuna to be only an instrument (nimitta matram) of what is already ordained.

প্রায়শই জিজ্ঞাসিত প্রশ্ন

What does Arjuna see in this chapter?

Krishna's cosmic form, containing the whole universe.

What does Krishna call himself?

"Kalo'smi": I am Time, the destroyer of the worlds.

What does Arjuna ask at the end?

To see Krishna's gentle four-armed form again.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।