শ্রীমদ্ভগবদ্গীতা মূলম্ - সপ্তদশোঽধ্য়ায়ঃ
Sri Krishna · প্রথাগত ভক্তিপাঠ
ওং শ্রী পরমাত্মনে নমঃ অথ সপ্তদশোঽধ্য়ায়ঃ । শ্রদ্ধাত্রযবিভাগয়োগঃ
অর্জুন উবাচ
যে শাস্ত্রবিধিমুত্সৃজ্য় যজংতে শ্রদ্ধয়ান্বিতাঃ । তেষাং নিষ্ঠা তু কা কৃষ্ণ সত্ত্বমাহো রজস্তমঃ ॥ 1
শ্রীভগবানুবাচ
ত্রিবিধা ভবতি শ্রদ্ধা দেহিনাং সা স্বভাবজা । সাত্ত্বিকী রাজসী চৈব তামসী চেতি তাং শৃণু ॥ 2
সত্ত্বানুরূপা সর্বস্য় শ্রদ্ধা ভবতি ভারত । শ্রদ্ধাময়োঽয়ং পুরুষো যো যচ্ছ্রদ্ধঃ স এব সঃ ॥ 3 ॥
যজংতে সাত্ত্বিকা দেবান্যক্ষরক্ষাংসি রাজসাঃ । প্রেতান্ভূতগণাংশ্চান্য়ে যজংতে তামসা জনাঃ ॥ 4 ॥
অশাস্ত্রবিহিতং ঘোরং তপ্য়ংতে যে তপো জনাঃ । দংভাহংকারসংয়ুক্তাঃ কামরাগবলান্বিতাঃ ॥ 5 ॥
কর্ষয়ংতঃ শরীরস্থং ভূতগ্রামমচেতসঃ । মাং চৈবাংতঃশরীরস্থং তান্বিদ্ধ্য়াসুরনিশ্চয়ান্ ॥ 6 ॥
আহারস্ত্বপি সর্বস্য় ত্রিবিধো ভবতি প্রিয়ঃ । যজ্ঞস্তপস্তথা দানং তেষাং ভেদমিমং শৃণু ॥ 7 ॥
আয়ুঃসত্ত্ববলারোগ্যসুখপ্রীতিবিবর্ধনাঃ । রস্য়াঃ স্নিগ্ধাঃ স্থিরা হৃদ্য়া আহারাঃ সাত্ত্বিকপ্রিয়াঃ ॥ 8 ॥
কট্বম্ললবণাত্য়ুষ্ণতীক্ষ্ণরূক্ষবিদাহিনঃ । আহারা রাজসস্য়েষ্টা দুঃখশোকামযপ্রদাঃ ॥ 9 ॥
যাতয়ামং গতরসং পূতি পর্য়ুষিতং চ যত্ । উচ্ছিষ্টমপি চামেধ্য়ং ভোজনং তামসপ্রিযম্ ॥ 10 ॥
অফলাকাংক্ষিভির্যজ্ঞো বিধিদৃষ্টো য ইজ্যতে । যষ্টব্যমেবেতি মনঃ সমাধায় স সাত্ত্বিকঃ ॥ 11 ॥
অভিসংধায় তু ফলং দংভার্থমপি চৈব যত্ । ইজ্যতে ভরতশ্রেষ্ঠ তং যজ্ঞং বিদ্ধি রাজসম্ ॥ 12 ॥
বিধিহীনমসৃষ্টান্নং মংত্রহীনমদক্ষিণম্ । শ্রদ্ধাবিরহিতং যজ্ঞং তামসং পরিচক্ষতে ॥ 13 ॥
দেবদ্বিজগুরুপ্রাজ্ঞপূজনং শৌচমার্জবম্ । ব্রহ্মচর্যমহিংসা চ শারীরং তপ উচ্যতে ॥ 14 ॥
অনুদ্বেগকরং বাক্য়ং সত্য়ং প্রিযহিতং চ যত্ । স্বাধ্য়ায়াভ্যসনং চৈব বাঙ্ময়ং তপ উচ্যতে ॥ 15 ॥
মনঃ প্রসাদঃ সৌম্যত্বং মৌনমাত্মবিনিগ্রহঃ । ভাবসংশুদ্ধিরিত্য়েতত্তপো মানসমুচ্যতে ॥ 16 ॥
শ্রদ্ধয়া পরয়া তপ্তং তপস্তত্ত্রিবিধং নরৈঃ । অফলাকাংক্ষিভির্য়ুক্তৈঃ সাত্ত্বিকং পরিচক্ষতে ॥ 17 ॥
সত্কারমানপূজার্থং তপো দংভেন চৈব যত্ । ক্রিযতে তদিহ প্রোক্তং রাজসং চলমধ্রুবম্ ॥ 18 ॥
মূঢগ্রাহেণাত্মনো যত্পীডয়া ক্রিযতে তপঃ । পরস্য়োত্সাদনার্থং বা তত্তামসমুদাহৃতম্ ॥ 19 ॥
দাতব্যমিতি যদ্দানং দীযতেঽনুপকারিণে । দেশে কালে চ পাত্রে চ তদ্দানং সাত্ত্বিকং স্মৃতম্ ॥ 20 ॥
যত্তু প্রত্ত্য়ুপকারার্থং ফলমুদ্দিশ্য় বা পুনঃ । দীযতে চ পরিক্লিষ্টং তদ্দানং রাজসং স্মৃতম্ ॥ 21 ॥
অদেশকালে যদ্দানমপাত্রেভ্যশ্চ দীযতে । অসত্কৃতমবজ্ঞাতং তত্তামসমুদাহৃতম্ ॥ 22 ॥
ওং তত্সদিতি নির্দেশো ব্রহ্মণস্ত্রিবিধঃ স্মৃতঃ । ব্রাহ্মণাস্তেন বেদাশ্চ যজ্ঞাশ্চ বিহিতাঃ পুরা ॥ 23 ॥
তস্মাদোমিত্য়ুদাহৃত্য় যজ্ঞদানতপঃক্রিয়াঃ । প্রবর্তংতে বিধানোক্তাঃ সততং ব্রহ্মবাদিনাম্ ॥ 24 ॥
তদিত্যনভিসংধায় ফলং যজ্ঞতপঃক্রিয়াঃ । দানক্রিয়াশ্চ বিবিধাঃ ক্রিয়ংতে মোক্ষকাংক্ষিভিঃ ॥ 25 ॥
সদ্ভাবে সাধুভাবে চ সদিত্য়েতত্প্রয়ুজ্যতে । প্রশস্তে কর্মণি তথা সচ্ছব্দঃ পার্থ যুজ্যতে ॥ 26 ॥
যজ্ঞে তপসি দানে চ স্থিতিঃ সদিতি চোচ্যতে । কর্ম চৈব তদর্থীয়ং সদিত্য়েবাভিধীযতে ॥ 27 ॥
অশ্রদ্ধয়া হুতং দত্তং তপস্তপ্তং কৃতং চ যত্ । অসদিত্য়ুচ্যতে পার্থ ন চ তত্প্রেপ্য় নো ইহ ॥ 28 ॥
ওং তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্য়ায়াং যোগশাস্ত্রে শ্রীকৃষ্ণার্জুনসংবাদে শ্রদ্ধাত্রযবিভাগয়োগো নাম সপ্তদশোঽধ্য়ায়ঃ ॥17 ॥
শ্রীমদ্ভগবদ্গীতা মূলম্ - সপ্তদশোঽধ্য়ায়ঃ সম্পর্কে
The seventeenth chapter of the Bhagavad Gita, Shraddhatraya Vibhaga Yoga, is on the three kinds of faith. Arjuna asks about those who worship with faith but outside the scriptures: is their faith sattvic, rajasic or tamasic? Krishna explains that faith takes the colour of one's nature, and describes the three kinds of food, sacrifice, austerity and charity. He ends by explaining the sacred words "Om Tat Sat", spoken before every holy act.
উৎস: Mahabharata, Bhishma Parva (Bhagavad Gita, chapter 17)
কখন পাঠ করবেন: In daily Gita reading, on Gita Jayanti and Ekadashi.
আপনি কি জানেন?
- Its description of austerity of body, speech and mind includes speech that is truthful, kind, beneficial and does not hurt.
- "Om Tat Sat" is explained here as the threefold name of Brahman, and every chapter of the Gita ends with it.
প্রায়শই জিজ্ঞাসিত প্রশ্ন
What is the seventeenth chapter called?
Shraddhatraya Vibhaga Yoga, the yoga of the three kinds of faith.
What three qualities does it describe?
Sattva, rajas and tamas, in faith, food, sacrifice, austerity and charity.
What is "Om Tat Sat"?
The threefold name of Brahman, spoken before holy acts.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ