শ্রীমদ্ভগবদ্গীতা মূলম্ - সপ্তমোঽধ্য়ায়ঃ
Sri Krishna · প্রথাগত ভক্তিপাঠ
ഓം ശ്രീ പരമാത്മനേ നമഃ അഥ സപ്തമോഽധ്യായഃ । ജ്ഞാനവിജ്ഞാനയോഗഃ
ശ്രീഭഗവാനുവാച
മയ്യാസക്തമനാഃ പാര്ഥ യോഗം യുംജന്മദാശ്രയഃ । അസംശയം സമഗ്രം മാം യഥാ ജ്ഞാസ്യസി തച്ഛൃണു ॥ 1
ജ്ഞാനം തേഽഹം സവിജ്ഞാനമിദം വക്ഷ്യാമ്യശേഷതഃ । യജ്ജ്ഞാത്വാ നേഹ ഭൂയോഽന്യജ്ജ്ഞാതവ്യമവശിഷ്യതേ ॥ 2 ॥
മനുഷ്യാണാം സഹസ്രേഷു കശ്ചിദ്യതതി സിദ്ധയേ । യതതാമപി സിദ്ധാനാം കശ്ചിന്മാം വേത്തി തത്ത്വതഃ ॥ 3 ॥
ഭൂമിരാപോഽനലോ വായുഃ ഖം മനോ ബുദ്ധിരേവ ച । അഹംകാര ഇതീയം മേ ഭിന്നാ പ്രകൃതിരഷ്ടധാ ॥ 4 ॥
അപരേയമിതസ്ത്വന്യാം പ്രകൃതിം വിദ്ധി മേ പരാമ് । ജീവഭൂതാം മഹാബാഹോ യയേദം ധാര്യതേ ജഗത് ॥ 5 ॥
ഏതദ്യോനീനി ഭൂതാനി സർവാണീത്യുപധാരയ । അഹം കൃത്സ്നസ്യ ജഗതഃ പ്രഭവഃ പ്രലയസ്തഥാ ॥ 6 ॥
മത്തഃ പരതരം നാന്യത്കിംചിദസ്തി ധനംജയ । മയി സർവമിദം പ്രോതം സൂത്രേ മണിഗണാ ഇവ ॥ 7 ॥
രസോഽഹമപ്സു കൌംതേയ പ്രഭാസ്മി ശശിസൂര്യയോഃ । പ്രണവഃ സർവവേദേഷു ശബ്ദഃ ഖേ പൌരുഷം നൃഷു ॥ 8 ॥
പുണ്യോ ഗംധഃ പൃഥിവ്യാം ച തേജശ്ചാസ്മി വിഭാവസൌ । ജീവനം സർവഭൂതേഷു തപശ്ചാസ്മി തപസ്വിഷു ॥ 9 ॥
ബീജം മാം സർവഭൂതാനാം വിദ്ധി പാര്ഥ സനാതനമ് । ബുദ്ധിര്ബുദ്ധിമതാമസ്മി തേജസ്തേജസ്വിനാമഹമ് ॥ 10 ॥
ബലം ബലവതാം ചാഹം കാമരാഗവിവര്ജിതമ് । ധര്മാവിരുദ്ധോ ഭൂതേഷു കാമോഽസ്മി ഭരതര്ഷഭ ॥ 11 ॥
യേ ചൈവ സാത്ത്വികാ ഭാവാ രാജസാസ്താമസാശ്ച യേ । മത്ത ഏവേതി താന്വിദ്ധി ന ത്വഹം തേഷു തേ മയി ॥ 12 ॥
ത്രിഭിര്ഗുണമയൈര്ഭാവൈരേഭിഃ സർവമിദം ജഗത് । മോഹിതം നാഭിജാനാതി മാമേഭ്യഃ പരമവ്യയമ് ॥ 13 ॥
ദൈവീ ഹ്യേഷാ ഗുണമയീ മമ മായാ ദുരത്യയാ । മാമേവ യേ പ്രപദ്യംതേ മായാമേതാം തരംതി തേ ॥ 14 ॥
ന മാം ദുഷ്കൃതിനോ മൂഢാഃ പ്രപദ്യംതേ നരാധമാഃ । മായയാപഹൃതജ്ഞാനാ ആസുരം ഭാവമാശ്രിതാഃ ॥ 15 ॥
ചതുർവിധാ ഭജംതേ മാം ജനാഃ സുകൃതിനോഽര്ജുന । ആര്തോ ജിജ്ഞാസുരര്ഥാര്ഥീ ജ്ഞാനീ ച ഭരതര്ഷഭ ॥ 16 ॥
തേഷാം ജ്ഞാനീ നിത്യയുക്ത ഏകഭക്തിർവിശിഷ്യതേ । പ്രിയോ ഹി ജ്ഞാനിനോഽത്യര്ഥമഹം സ ച മമ പ്രിയഃ ॥ 17 ॥
ഉദാരാഃ സർവ ഏവൈതേ ജ്ഞാനീ ത്വാത്മൈവ മേ മതമ് । ആസ്ഥിതഃ സ ഹി യുക്താത്മാ മാമേവാനുത്തമാം ഗതിമ് ॥ 18 ॥
ബഹൂനാം ജന്മനാമംതേ ജ്ഞാനവാന്മാം പ്രപദ്യതേ । വാസുദേവഃ സർവമിതി സ മഹാത്മാ സുദുര്ലഭഃ ॥ 19 ॥
കാമൈസ്തൈസ്തൈര്ഹൃതജ്ഞാനാഃ പ്രപദ്യംതേഽന്യദേവതാഃ । തം തം നിയമമാസ്ഥായ പ്രകൃത്യാ നിയതാഃ സ്വയാ ॥ 20 ॥
യോ യോ യാം യാം തനും ഭക്തഃ ശ്രദ്ധയാര്ചിതുമിച്ഛതി । തസ്യ തസ്യാചലാം ശ്രദ്ധാം താമേവ വിദധാമ്യഹമ് ॥ 21 ॥
സ തയാ ശ്രദ്ധയാ യുക്തസ്തസ്യാരാധനമീഹതേ । ലഭതേ ച തതഃ കാമാന്മയൈവ വിഹിതാന്ഹി താന് ॥ 22 ॥
അംതവത്തു ഫലം തേഷാം തദ്ഭവത്യല്പമേധസാമ് । ദേവാംദേവയജോ യാംതി മദ്ഭക്താ യാംതി മാമപി ॥ 23 ॥
അവ്യക്തം വ്യക്തിമാപന്നം മന്യംതേ മാമബുദ്ധയഃ । പരം ഭാവമജാനംതോ മമാവ്യയമനുത്തമമ് ॥ 24 ॥
നാഹം പ്രകാശഃ സർവസ്യ യോഗമായാസമാവൃതഃ । മൂഢോഽയം നാഭിജാനാതി ലോകോ മാമജമവ്യയമ് ॥ 25 ॥
വേദാഹം സമതീതാനി വര്തമാനാനി ചാര്ജുന । ഭവിഷ്യാണി ച ഭൂതാനി മാം തു വേദ ന കശ്ചന ॥ 26 ॥
ഇച്ഛാദ്വേഷസമുത്ഥേന ദ്വംദ്വമോഹേന ഭാരത । സർവഭൂതാനി സംമോഹം സര്ഗേ യാംതി പരംതപ ॥ 27 ॥
യേഷാം ത്വംതഗതം പാപം ജനാനാം പുണ്യകര്മണാമ് । തേ ദ്വംദ്വമോഹനിര്മുക്താ ഭജംതേ മാം ദൃഢവ്രതാഃ ॥ 28 ॥
ജരാമരണമോക്ഷായ മാമാശ്രിത്യ യതംതി യേ । തേ ബ്രഹ്മ തദ്വിദുഃ കൃത്സ്നമധ്യാത്മം കര്മ ചാഖിലമ് ॥ 29 ॥
സാധിഭൂതാധിദൈവം മാം സാധിയജ്ഞം ച യേ വിദുഃ । പ്രയാണകാലേഽപി ച മാം തേ വിദുര്യുക്തചേതസഃ ॥ 30 ॥
ഓം തത്സദിതി ശ്രീമദ്ഭഗവദ്ഗീതാസൂപനിഷത്സു ബ്രഹ്മവിദ്യായാം യോഗശാസ്ത്രേ ശ്രീകൃഷ്ണാര്ജുനസംവാദേജ്ഞാനവിജ്ഞാനയോഗോ നാമ സപ്തമോഽധ്യായഃ ॥7 ॥
শ্রীমদ্ভগবদ্গীতা মূলম্ - সপ্তমোঽধ্য়ায়ঃ সম্পর্কে
The seventh chapter of the Bhagavad Gita, Jnana Vijnana Yoga, is Krishna's teaching on knowing him fully. He describes his two natures: the lower, eightfold nature of earth, water, fire, air, space, mind, intellect and ego, and the higher nature, the life that sustains the world; all this is strung on him like pearls on a thread. He is the taste in water, the light of sun and moon, Om in the Vedas. Four kinds of people worship him, the distressed, the seeker of knowledge, the seeker of wealth and the wise, and the wise one, who knows that "Vasudeva is all", is very rare.
উৎস: Mahabharata, Bhishma Parva (Bhagavad Gita, chapter 7)
কখন পাঠ করবেন: In daily Gita reading, on Gita Jayanti and Ekadashi.
আপনি কি জানেন?
- Verse 7, "Mayi sarvam idam protam sutre maniganah iva", compares the world to pearls strung on the thread of the Lord.
- Verse 19, "Vasudevah sarvam iti sa mahatma sudurlabhah", says such a great soul is very rare.
প্রায়শই জিজ্ঞাসিত প্রশ্ন
What are the four kinds of devotees?
The distressed, the seeker of knowledge, the seeker of wealth and the wise.
What is the world strung on, in verse 7?
On the Lord, like pearls on a thread.
What is this chapter called?
Jnana Vijnana Yoga.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ