MuhurtaNow

Bhagavadgita Parayana - Chapter 14

Sri Krishna · Traditional devotional text

ஓம் ஶ்ரீ பரமாத்மனே நம: அத² சதுர்த³ஶோத்⁴யாய: கு³ணத்ரயவிபா⁴க³யோக³:

ஶ்ரீ ப⁴க³வானுவாச

பரம் பூ⁴ய: ப்ரவக்ஷ்யாமி ஜ்ஞானானாம் ஜ்ஞானமுத்தமம் । யஜ்ஜ்ஞாத்வா முனய: ஸர்வே பராம் ஸித்³தி⁴மிதோ க³தா: ॥1

இத³ம் ஜ்ஞானமுபாஶ்ரித்ய மம ஸாத⁴ர்ம்யமாக³தா: । ஸர்கே³பி நோபஜாயந்தே ப்ரலயே ந வ்யத²ந்தி ச ॥2॥

மம யோனிர்மஹத்³ப்³ரஹ்ம தஸ்மின்க³ர்ப⁴ம் த³தா⁴ம்யஹம் । ஸம்ப⁴வ: ஸர்வபூ⁴தானாம் ததோ ப⁴வதி பா⁴ரத ॥3॥

ஸர்வயோனிஷு கௌந்தேய மூர்தய: ஸம்ப⁴வந்தி யா: । தாஸாம் ப்³ரஹ்ம மஹத்³யோனி: அஹம் பீ³ஜப்ரத³: பிதா ॥4॥

ஸத்த்வம் ரஜஸ்தம இதி கு³ணா: ப்ரக்ருதிஸம்ப⁴வா: । நிப³த்⁴னந்தி மஹாபா³ஹோ தே³ஹே தே³ஹினமவ்யயம் ॥5॥

தத்ர ஸத்த்வம் நிர்மலத்வாத் ப்ரகாஶகமனாமயம் । ஸுக²ஸங்கே³ன ப³த்⁴னாதி ஜ்ஞானஸங்கே³ன சானக⁴ ॥6॥

ரஜோ ராகா³த்மகம் வித்³தி⁴ த்ருஷ்ணாஸங்க³ஸமுத்³ப⁴வம் । தன்னிப³த்⁴னாதி கௌந்தேய கர்மஸங்கே³ன தே³ஹினம் ॥7॥

தமஸ்த்வஜ்ஞானஜம் வித்³தி⁴ மோஹனம் ஸர்வதே³ஹினாம் । ப்ரமாதா³லஸ்யனித்³ராபி⁴: தன்னிப³த்⁴னாதி பா⁴ரத ॥8॥

ஸத்த்வம் ஸுகே² ஸஞ்ஜயதி ரஜ: கர்மணி பா⁴ரத । ஜ்ஞானமாவ்ருத்ய து தம: ப்ரமாதே³ ஸஞ்ஜயத்யுத ॥9॥

ரஜஸ்தமஶ்சாபி⁴பூ⁴ய ஸத்த்வம் ப⁴வதி பா⁴ரத । ரஜ: ஸத்த்வம் தமஶ்சைவ தம: ஸத்த்வம் ரஜஸ்ததா² ॥1௦॥

ஸர்வத்³வாரேஷு தே³ஹேஸ்மின் ப்ரகாஶ உபஜாயதே । ஜ்ஞானம் யதா³ ததா³ வித்³யாத் விவ்ருத்³த⁴ம் ஸத்த்வமித்யுத ॥11॥

லோப⁴: ப்ரவ்ருத்திராரம்ப⁴: கர்மணாமஶம: ஸ்ப்ருஹா । ரஜஸ்யேதானி ஜாயந்தே விவ்ருத்³தே⁴ ப⁴ரதர்ஷப⁴ ॥12॥

அப்ரகாஶோப்ரவ்ருத்திஶ்ச ப்ரமாதோ³ மோஹ ஏவ ச । தமஸ்யேதானி ஜாயந்தே விவ்ருத்³தே⁴ குருனந்த³ன ॥13॥

யதா³ ஸத்த்வே ப்ரவ்ருத்³தே⁴ து ப்ரலயம் யாதி தே³ஹப்⁴ருத் । ததோ³த்தமவிதா³ம் லோகான் அமலான்ப்ரதிபத்³யதே ॥14॥

ரஜஸி ப்ரலயம் க³த்வா கர்மஸங்கி³ஷு ஜாயதே । ததா² ப்ரலீனஸ்தமஸி மூட⁴யோனிஷு ஜாயதே ॥15॥

கர்மண: ஸுக்ருதஸ்யாஹு: ஸாத்த்விகம் நிர்மலம் ப²லம் । ரஜஸஸ்து ப²லம் து³:க²ம் அஜ்ஞானம் தமஸ: ப²லம் ॥16॥

ஸத்த்வாத்ஸஞ்ஜாயதே ஜ்ஞானம் ரஜஸோ லோப⁴ ஏவ ச । ப்ரமாத³மோஹௌ தமஸ: ப⁴வதோஜ்ஞானமேவ ச ॥17॥

ஊர்த்⁴வம் க³ச்ச²ந்தி ஸத்த்வஸ்தா²: மத்⁴யே திஷ்ட²ந்தி ராஜஸா: । ஜக⁴ன்யகு³ணவ்ருத்திஸ்தா²: அதோ⁴ க³ச்ச²ந்தி தாமஸா: ॥18॥

நான்யம் கு³ணேப்⁴ய: கர்தாரம் யதா³ த்³ரஷ்டானுபஶ்யதி । கு³ணேப்⁴யஶ்ச பரம் வேத்தி மத்³பா⁴வம் ஸோதி⁴க³ச்ச²தி ॥19॥

கு³ணானேதானதீத்ய த்ரீன் தே³ஹீ தே³ஹஸமுத்³ப⁴வான் । ஜன்மம்ருத்யுஜராது³:கை²: விமுக்தோம்ருதமஶ்னுதே ॥2௦॥

அர்ஜுன உவாச

கைர்லிங்கை³ஸ்த்ரீன்கு³ணானேதான் அதீதோ ப⁴வதி ப்ரபோ⁴ । கிமாசார: கத²ம் சைதான் த்ரீன்கு³ணானதிவர்ததே ॥21

ஶ்ரீ ப⁴க³வானுவாச

ப்ரகாஶம் ச ப்ரவ்ருத்திம் ச மோஹமேவ ச பாண்ட³வ । ந த்³வேஷ்டி ஸம்ப்ரவ்ருத்தானி ந நிவ்ருத்தானி காங்க்ஷதி ॥22

உதா³ஸீனவதா³ஸீன: கு³ணைர்யோ ந விசால்யதே । கு³ணா வர்தந்த இத்யேவ யோவதிஷ்ட²தி நேங்க³தே ॥23॥

ஸமது³:க²ஸுக²: ஸ்வஸ்த²: ஸமலோஷ்டாஶ்மகாஞ்சன: । துல்யப்ரியாப்ரியோ தீ⁴ர: துல்யனிந்தா³த்மஸம்ஸ்துதி: ॥24॥

மானாபமானயோஸ்துல்ய: துல்யோ மித்ராரிபக்ஷயோ: । ஸர்வாரம்ப⁴பரித்யாகீ³ கு³ணாதீத: ஸ உச்யதே ॥25॥

மாம் ச யோவ்யபி⁴சாரேண ப⁴க்தியோகே³ன ஸேவதே । ஸ கு³ணான்ஸமதீத்யைதான் ப்³ரஹ்மபூ⁴யாய கல்பதே ॥26॥

ப்³ரஹ்மணோ ஹி ப்ரதிஷ்டா²ஹம் அம்ருதஸ்யாவ்யயஸ்ய ச । ஶாஶ்வதஸ்ய ச த⁴ர்மஸ்ய ஸுக²ஸ்யைகாந்திகஸ்ய ச ॥27॥

॥ ஓம் தத்ஸதி³தி ஶ்ரீமத்³ப⁴க³வத்³கீ³தாஸு உபனிஷத்ஸு ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருஷ்ணார்ஜுனஸம்வாதே³ கு³ணத்ரயவிபா⁴க³யோகோ³ சதுர்த³ஶோத்⁴யாய: ॥

About Bhagavadgita Parayana - Chapter 14

The fourteenth chapter of the Bhagavad Gita, Gunatraya Vibhaga Yoga, explains the three gunas, the qualities of nature: sattva (goodness, light), rajas (passion, activity) and tamas (inertia, darkness). Krishna describes how each binds the soul, how to recognise which is dominant, and where each leads; and when Arjuna asks about one who has gone beyond them, he describes the gunatita, who stays steady in pleasure and pain, honour and dishonour, and serves him with unwavering devotion.

Source: Mahabharata, Bhishma Parva (Bhagavad Gita, chapter 14)

When to chant: In daily Gita parayana, on Gita Jayanti and Ekadashi.

Did you know?

  • Krishna says that sattva binds by attachment to happiness and knowledge, rajas by attachment to action, and tamas by heedlessness and sleep.
  • Its last verse says that one who serves Krishna with unfailing devotion goes beyond the gunas and becomes fit for Brahman.

Frequently asked questions

What are the three gunas?

Sattva (goodness), rajas (passion) and tamas (inertia).

Who is a gunatita?

One who has gone beyond the gunas, steady in pleasure and pain.

How does one go beyond the gunas?

Through unfailing devotion to Krishna.

Offered for worship and study, not as prediction. Non-commercial.