MuhurtaNow

Bhavani Bhujanga Prayata Stotram

Devi · Traditional devotional text

ഷഡാധാരപംകേരുഹാംതർവിരാജ- -ത്സുഷുമ്നാംതരാലേഽതിതേജോല്ലസംതീമ് । സുധാമംഡലം ദ്രാവയംതീം പിബംതീം സുധാമൂര്തിമീഡേ ചിദാനംദരൂപാമ് ॥ 1 ॥

ജ്വലത്കോടിബാലാര്കഭാസാരുണാംഗീം സുലാവണ്യശൃംഗാരശോഭാഭിരാമാമ് । മഹാപദ്മകിംജല്കമധ്യേ വിരാജ- -ത്ത്രികോണേ നിഷണ്ണാം ഭജേ ശ്രീഭവാനീമ് ॥ 2 ॥

ക്വണത്കിംകിണീനൂപുരോദ്ഭാസിരത്ന- -പ്രഭാലീഢലാക്ഷാര്ദ്രപാദാബ്ജയുഗ്മമ് । അജേശാച്യുതാദ്യൈഃ സുരൈഃ സേവ്യമാനം മഹാദേവി മന്മൂര്ധ്നി തേ ഭാവയാമി ॥ 3 ॥

സുശോണാംബരാബദ്ധനീവീവിരാജ- -ന്മഹാരത്നകാംചീകലാപം നിതംബമ് । സ്ഫുരദ്ദക്ഷിണാവര്തനാഭിം ച തിസ്രോ വലീരംബ തേ രോമരാജിം ഭജേഽഹമ് ॥ 4 ॥

ലസദ്വൃത്തമുത്തുംഗമാണിക്യകുംഭോ- -പമശ്രി സ്തനദ്വംദ്വമംബാംബുജാക്ഷി । ഭജേ ദുഗ്ധപൂര്ണാഭിരാമം തവേദം മഹാഹാരദീപ്തം സദാ പ്രസ്നുതാസ്യമ് ॥ 5 ॥

ശിരീഷപ്രസൂനോല്ലസദ്ബാഹുദംഡൈ- -ര്ജ്വലദ്ബാണകോദംഡപാശാംകുശൈശ്ച । ചലത്കംകണോദാരകേയൂരഭൂഷോ- -ജ്ജ്വലദ്ഭിര്ലസംതീം ഭജേ ശ്രീഭവാനീമ് ॥ 6 ॥

ശരത്പൂര്ണചംദ്രപ്രഭാപൂര്ണബിംബാ- -ധരസ്മേരവക്ത്രാരവിംദാം സുശാംതാമ് । സുരത്നാവളീഹാരതാടംകശോഭാം മഹാസുപ്രസന്നാം ഭജേ ശ്രീഭവാനീമ് ॥ 7 ॥

സുനാസാപുടം സുംദരഭ്രൂലലാടം തവൌഷ്ഠശ്രിയം ദാനദക്ഷം കടാക്ഷമ് । ലലാടേ ലസദ്ഗംധകസ്തൂരിഭൂഷം സ്ഫുരച്ഛ്രീമുഖാംഭോജമീഡേഽഹമംബ ॥ 8 ॥

ചലത്കുംതലാംതര്ഭ്രമദ്ഭൃംഗബൃംദം ഘനസ്നിഗ്ധധമ്മില്ലഭൂഷോജ്ജ്വലം തേ । സ്ഫുരന്മൌളിമാണിക്യബദ്ധേംദുരേഖാ- -വിലാസോല്ലസദ്ദിവ്യമൂര്ധാനമീഡേ ॥ 9 ॥

ഇതി ശ്രീഭവാനി സ്വരൂപം തവേദം പ്രപംചാത്പരം ചാതിസൂക്ഷ്മം പ്രസന്നമ് । സ്ഫുരത്വംബ ഡിംഭസ്യ മേ ഹൃത്സരോജേ സദാ വാങ്മയം സർവതേജോമയം ച ॥ 10 ॥

ഗണേശാഭിമുഖ്യാഖിലൈഃ ശക്തിബൃംദൈ- -ർവൃതാം വൈ സ്ഫുരച്ചക്രരാജോല്ലസംതീമ് । പരാം രാജരാജേശ്വരി ത്രൈപുരി ത്വാം ശിവാംകോപരിസ്ഥാം ശിവാം ഭാവയാമി ॥ 11 ॥

ത്വമര്കസ്ത്വമിംദുസ്ത്വമഗ്നിസ്ത്വമാപ- -സ്ത്വമാകാശഭൂവായവസ്ത്വം മഹത്ത്വമ് । ത്വദന്യോ ന കശ്ചിത് പ്രപംചോഽസ്തി സർവം സദാനംദസംവിത്സ്വരൂപം ഭജേഽഹമ് ॥ 12 ॥

ശ്രുതീനാമഗമ്യേ സുവേദാഗമജ്ഞാ മഹിമ്നോ ന ജാനംതി പാരം തവാംബ । സ്തുതിം കര്തുമിച്ഛാമി തേ ത്വം ഭവാനി ക്ഷമസ്വേദമത്ര പ്രമുഗ്ധഃ കിലാഹമ് ॥ 13 ॥

ഗുരുസ്ത്വം ശിവസ്ത്വം ച ശക്തിസ്ത്വമേവ ത്വമേവാസി മാതാ പിതാ ച ത്വമേവ । ത്വമേവാസി വിദ്യാ ത്വമേവാസി ബംധു- -ര്ഗതിര്മേ മതിര്ദേവി സർവം ത്വമേവ ॥ 14 ॥

ശരണ്യേ വരേണ്യേ സുകാരുണ്യമൂര്തേ ഹിരണ്യോദരാദ്യൈരഗണ്യേ സുപുണ്യേ । ഭവാരണ്യഭീതേശ്ച മാം പാഹി ഭദ്രേ നമസ്തേ നമസ്തേ നമസ്തേ ഭവാനി ॥ 15 ॥

ഇതീമാം മഹച്ഛ്രീഭവാനീഭുജംഗം സ്തുതിം യഃ പഠേദ്ഭക്തിയുക്തശ്ച തസ്മൈ । സ്വകീയം പദം ശാശ്വതം വേദസാരം ശ്രിയം ചാഷ്ടസിദ്ധിം ഭവാനീ ദദാതി ॥ 16 ॥

ഭവാനീ ഭവാനീ ഭവാനീ ത്രിവാരം ഉദാരം മുദാ സർവദാ യേ ജപംതി । ന ശോകം ന മോഹം ന പാപം ന ഭീതിഃ കദാചിത്കഥംചിത്കുതശ്ചിജ്ജനാനാമ് ॥ 17 ॥

॥ ഇതി ശ്രീമച്ഛംകരാചാര്യവിരചിതാ ഭവാനീ ഭുജംഗം സംപൂര്ണമ് ॥

About Bhavani Bhujanga Prayata Stotram

The Bhavani Bhujanga Stotram is a hymn to Goddess Bhavani in the flowing bhujanga prayata metre, attributed to Adi Shankaracharya, as its colophon states. It opens with a meditation of kundalini yoga: I praise the Goddess of nectar, consciousness and bliss, who shines with great radiance in the sushumna amid the lotuses of the six chakras, who melts the orb of nectar and drinks it. It then pictures her red-limbed like a crore of rising suns, full of grace and beauty, shining in the triangle at the heart of the great lotus, and goes on to a heartfelt prayer for her protection.

Written by: Attributed to Adi Shankaracharya, as its colophon states

When to chant: In Devi worship, on Fridays, during Navaratri, and in Sri Vidya practice.

Did you know?

  • The "shad adhara", six supports, are the six chakras through which the kundalini rises along the sushumna.
  • The triangle (trikona) at the centre of the Sri Chakra is the seat of the Goddess in Sri Vidya.

Frequently asked questions

Who is it attributed to?

Adi Shankaracharya, as its colophon states.

What does the first verse describe?

The Goddess shining in the sushumna amid the six chakras.

When is it recited?

On Fridays and during Navaratri.

Offered for worship and study, not as prediction. Non-commercial.