MuhurtaNow

Brahma Gnanavali Mala

Vishnu · Traditional devotional text

সকৃচ্ছ্রবণমাত্রেণ ব্রহ্মজ্ঞানং যতো ভবেত্ । ব্রহ্মজ্ঞানাবলীমালা সর্বেষাং মোক্ষসিদ্ধয়ে ॥ 1॥

অসংগোঽহমসংগোঽহমসংগোঽহং পুনঃ পুনঃ । সচ্চিদানংদরূপোঽহমহমেবাহমব্যয়ঃ ॥ 2॥

নিত্যশুদ্ধবিমুক্তোঽহং নিরাকারোঽহমব্যয়ঃ । ভূমানংদস্বরূপোঽহমহমেবাহমব্যয়ঃ ॥ 3॥

নিত্য়োঽহং নিরবদ্য়োঽহং নিরাকারোঽহমুচ্যতে । পরমানংদরূপোঽহমহমেবাহমব্যয়ঃ ॥ 4॥

শুদ্ধচৈতন্যরূপোঽহমাত্মারামোঽহমেব চ । অখংডানংদরূপোঽহমহমেবাহমব্যয়ঃ ॥ 5॥

প্রত্যক্চৈতন্যরূপোঽহং শাংতোঽহং প্রকৃতেঃ পরঃ । শাশ্বতানংদরূপোঽহমহমেবাহমব্যয়ঃ ॥ 6॥

তত্ত্বাতীতঃ পরাত্মাহং মধ্য়াতীতঃ পরঃ শিবঃ । মায়াতীতঃ পরংজ্য়োতিরহমেবাহমব্যয়ঃ ॥ 7॥

নানারূপব্যতীতোঽহং চিদাকারোঽহমচ্য়ুতঃ । সুখরূপস্বরূপোঽহমহমেবাহমব্যয়ঃ ॥ 8॥

মায়াতত্কার্যদেহাদি মম নাস্ত্য়েব সর্বদা । স্বপ্রকাশৈকরূপোঽহমহমেবাহমব্যয়ঃ ॥ 9॥

গুণত্রযব্যতীতোঽহং ব্রহ্মাদীনাং চ সাক্ষ্যহম্ । অনংতানংতরূপোঽহমহমেবাহমব্যয়ঃ ॥ 10॥

অংতর্য়ামিস্বরূপোঽহং কূটস্থঃ সর্বগোঽস্ম্যহম্ । পরমাত্মস্বরূপোঽহমহমেবাহমব্যয়ঃ ॥ 11॥

নিষ্কলোঽহং নিষ্ক্রিয়োঽহং সর্বাত্মাদ্য়ঃ সনাতনঃ । অপরোক্ষস্বরূপোঽহমহমেবাহমব্যয়ঃ ॥ 12॥

দ্বংদ্বাদিসাক্ষিরূপোঽহমচলোঽহং সনাতনঃ । সর্বসাক্ষিস্বরূপোঽহমহমেবাহমব্যয়ঃ ॥ 13॥

প্রজ্ঞানঘন এবাহং বিজ্ঞানঘন এব চ । অকর্তাহমভোক্তাহমহমেবাহমব্যয়ঃ ॥ 14॥

নিরাধারস্বরূপোঽহং সর্বাধারোঽহমেব চ । আপ্তকামস্বরূপোঽহমহমেবাহমব্যয়ঃ ॥ 15॥

তাপত্রযবিনির্মুক্তো দেহত্রযবিলক্ষণঃ । অবস্থাত্রযসাক্ষ্যস্মি চাহমেবাহমব্যয়ঃ ॥ 16॥

দৃগ্দৃশ্য়ৌ দ্বৌ পদার্থৌ স্তঃ পরস্পরবিলক্ষণৌ । দৃগ্ব্রহ্ম দৃশ্য়ং মায়েতি সর্ববেদাংতডিংডিমঃ ॥ 17॥

অহং সাক্ষীতি যো বিদ্য়াদ্বিবিচ্য়ৈবং পুনঃ পুনঃ । স এব মুক্তঃ সো বিদ্বানিতি বেদাংতডিংডিমঃ ॥ 18॥

ঘটকুড্য়াদিকং সর্বং মৃত্তিকামাত্রমেব চ । তদ্বদ্ব্রহ্ম জগত্সর্বমিতি বেদাংতডিংডিমঃ ॥ 19॥

ব্রহ্ম সত্য়ং জগন্মিথ্য়া জীবো ব্রহ্মৈব নাপরঃ । অনেন বেদ্য়ং সচ্ছাস্ত্রমিতি বেদাংতডিংডিমঃ ॥ 20॥

অংতর্জ্য়োতির্বহির্জ্য়োতিঃ প্রত্যগ্জ্য়োতিঃ পরাত্পরঃ । জ্য়োতির্জ্য়োতিঃ স্বয়ংজ্য়োতিরাত্মজ্য়োতিঃ শিবোঽস্ম্যহম্ ॥ 21॥

ইতি শ্রীমত্পরমহংসপরিব্রাজকাচার্যস্য় শ্রীগোবিংদভগবত্পূজ্যপাদশিষ্যস্য় শ্রীমচ্ছংকরভগবতঃ কৃতৌ ব্রহ্মজ্ঞানাবলীমালা সংপূর্ণা ॥

About Brahma Gnanavali Mala

The Brahma Jnanavali Mala, "a garland of the knowledge of Brahman", is a short Advaita text. Its first verse says that by hearing it even once, knowledge of Brahman arises, for the liberation of all. The verses then declare, again and again, the nature of the Self: "Asango'ham, asango'ham": I am unattached, I am unattached; I am of the nature of being, consciousness and bliss, imperishable, the witness, beyond all change.

Written by: Adi Shankaracharya, as its colophon states

When to chant: For study, contemplation and meditation, especially in Vedanta classes.

Did you know?

  • Its colophon names Shankara, disciple of Govinda Bhagavatpada, as its author.
  • Its verses are short declarations, "aham..." ("I am..."), meant to be repeated and dwelt on in meditation.

Frequently asked questions

What does "Brahma Jnanavali Mala" mean?

"A garland of the knowledge of Brahman".

What does it repeat?

"Asango'ham": I am unattached, the Self beyond all.

Who wrote it?

Adi Shankaracharya, as its colophon states.

Offered for worship and study, not as prediction. Non-commercial.