MuhurtaNow

Brahma Gnanavali Mala

Vishnu · Traditional devotional text

സകൃച്ഛ്രവണമാത്രേണ ബ്രഹ്മജ്ഞാനം യതോ ഭവേത് । ബ്രഹ്മജ്ഞാനാവലീമാലാ സർവേഷാം മോക്ഷസിദ്ധയേ ॥ 1॥

അസംഗോഽഹമസംഗോഽഹമസംഗോഽഹം പുനഃ പുനഃ । സച്ചിദാനംദരൂപോഽഹമഹമേവാഹമവ്യയഃ ॥ 2॥

നിത്യശുദ്ധവിമുക്തോഽഹം നിരാകാരോഽഹമവ്യയഃ । ഭൂമാനംദസ്വരൂപോഽഹമഹമേവാഹമവ്യയഃ ॥ 3॥

നിത്യോഽഹം നിരവദ്യോഽഹം നിരാകാരോഽഹമുച്യതേ । പരമാനംദരൂപോഽഹമഹമേവാഹമവ്യയഃ ॥ 4॥

ശുദ്ധചൈതന്യരൂപോഽഹമാത്മാരാമോഽഹമേവ ച । അഖംഡാനംദരൂപോഽഹമഹമേവാഹമവ്യയഃ ॥ 5॥

പ്രത്യക്ചൈതന്യരൂപോഽഹം ശാംതോഽഹം പ്രകൃതേഃ പരഃ । ശാശ്വതാനംദരൂപോഽഹമഹമേവാഹമവ്യയഃ ॥ 6॥

തത്ത്വാതീതഃ പരാത്മാഹം മധ്യാതീതഃ പരഃ ശിവഃ । മായാതീതഃ പരംജ്യോതിരഹമേവാഹമവ്യയഃ ॥ 7॥

നാനാരൂപവ്യതീതോഽഹം ചിദാകാരോഽഹമച്യുതഃ । സുഖരൂപസ്വരൂപോഽഹമഹമേവാഹമവ്യയഃ ॥ 8॥

മായാതത്കാര്യദേഹാദി മമ നാസ്ത്യേവ സർവദാ । സ്വപ്രകാശൈകരൂപോഽഹമഹമേവാഹമവ്യയഃ ॥ 9॥

ഗുണത്രയവ്യതീതോഽഹം ബ്രഹ്മാദീനാം ച സാക്ഷ്യഹമ് । അനംതാനംതരൂപോഽഹമഹമേവാഹമവ്യയഃ ॥ 10॥

അംതര്യാമിസ്വരൂപോഽഹം കൂടസ്ഥഃ സർവഗോഽസ്മ്യഹമ് । പരമാത്മസ്വരൂപോഽഹമഹമേവാഹമവ്യയഃ ॥ 11॥

നിഷ്കലോഽഹം നിഷ്ക്രിയോഽഹം സർവാത്മാദ്യഃ സനാതനഃ । അപരോക്ഷസ്വരൂപോഽഹമഹമേവാഹമവ്യയഃ ॥ 12॥

ദ്വംദ്വാദിസാക്ഷിരൂപോഽഹമചലോഽഹം സനാതനഃ । സർവസാക്ഷിസ്വരൂപോഽഹമഹമേവാഹമവ്യയഃ ॥ 13॥

പ്രജ്ഞാനഘന ഏവാഹം വിജ്ഞാനഘന ഏവ ച । അകര്താഹമഭോക്താഹമഹമേവാഹമവ്യയഃ ॥ 14॥

നിരാധാരസ്വരൂപോഽഹം സർവാധാരോഽഹമേവ ച । ആപ്തകാമസ്വരൂപോഽഹമഹമേവാഹമവ്യയഃ ॥ 15॥

താപത്രയവിനിര്മുക്തോ ദേഹത്രയവിലക്ഷണഃ । അവസ്ഥാത്രയസാക്ഷ്യസ്മി ചാഹമേവാഹമവ്യയഃ ॥ 16॥

ദൃഗ്ദൃശ്യൌ ദ്വൌ പദാര്ഥൌ സ്തഃ പരസ്പരവിലക്ഷണൌ । ദൃഗ്ബ്രഹ്മ ദൃശ്യം മായേതി സർവവേദാംതഡിംഡിമഃ ॥ 17॥

അഹം സാക്ഷീതി യോ വിദ്യാദ്വിവിച്യൈവം പുനഃ പുനഃ । സ ഏവ മുക്തഃ സോ വിദ്വാനിതി വേദാംതഡിംഡിമഃ ॥ 18॥

ഘടകുഡ്യാദികം സർവം മൃത്തികാമാത്രമേവ ച । തദ്വദ്ബ്രഹ്മ ജഗത്സർവമിതി വേദാംതഡിംഡിമഃ ॥ 19॥

ബ്രഹ്മ സത്യം ജഗന്മിഥ്യാ ജീവോ ബ്രഹ്മൈവ നാപരഃ । അനേന വേദ്യം സച്ഛാസ്ത്രമിതി വേദാംതഡിംഡിമഃ ॥ 20॥

അംതര്ജ്യോതിര്ബഹിര്ജ്യോതിഃ പ്രത്യഗ്ജ്യോതിഃ പരാത്പരഃ । ജ്യോതിര്ജ്യോതിഃ സ്വയംജ്യോതിരാത്മജ്യോതിഃ ശിവോഽസ്മ്യഹമ് ॥ 21॥

ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിംദഭഗവത്പൂജ്യപാദശിഷ്യസ്യ ശ്രീമച്ഛംകരഭഗവതഃ കൃതൌ ബ്രഹ്മജ്ഞാനാവലീമാലാ സംപൂര്ണാ ॥

About Brahma Gnanavali Mala

The Brahma Jnanavali Mala, "a garland of the knowledge of Brahman", is a short Advaita text. Its first verse says that by hearing it even once, knowledge of Brahman arises, for the liberation of all. The verses then declare, again and again, the nature of the Self: "Asango'ham, asango'ham": I am unattached, I am unattached; I am of the nature of being, consciousness and bliss, imperishable, the witness, beyond all change.

Written by: Adi Shankaracharya, as its colophon states

When to chant: For study, contemplation and meditation, especially in Vedanta classes.

Did you know?

  • Its colophon names Shankara, disciple of Govinda Bhagavatpada, as its author.
  • Its verses are short declarations, "aham..." ("I am..."), meant to be repeated and dwelt on in meditation.

Frequently asked questions

What does "Brahma Jnanavali Mala" mean?

"A garland of the knowledge of Brahman".

What does it repeat?

"Asango'ham": I am unattached, the Self beyond all.

Who wrote it?

Adi Shankaracharya, as its colophon states.

Offered for worship and study, not as prediction. Non-commercial.