MuhurtaNow

Chanakya Neethi - Chapter 13

Chanakya Neethi · Traditional devotional text

മുഹൂര്തമപി ജീവേച്ച നരഃ ശുക്ലേന കര്മണാ । ന കല്പമപി കഷ്ടേന ലോകദ്വയവിരോധിനാ ॥ 01 ॥

ഗതേ ശോകോ ന കര്തവ്യോ ഭവിഷ്യം നൈവ ചിംതയേത് । വര്തമാനേന കാലേന വര്തയംതി വിചക്ഷണാഃ ॥ 02 ॥

സ്വഭാവേന ഹി തുഷ്യംതി ദേവാഃ സത്പുരുഷാഃ പിതാ । ജ്ഞാതയഃ സ്നാനപാനാഭ്യാം വാക്യദാനേന പംഡിതാഃ ॥ 03 ॥

ആയുഃ കര്മ ച വിത്തം ച വിദ്യാ നിധനമേവ ച । പംചൈതാനി ഹി സൃജ്യംതേ ഗര്ഭസ്ഥസ്യൈവ ദേഹിനഃ ॥ 04 (4.1) ॥

അഹോ ബത വിചിത്രാണി ചരിതാനി മഹാത്മനാമ് । ലക്ഷ്മീം തൃണായ മന്യംതേ തദ്ഭാരേണ നമംതി ച ॥ 05 ॥

യസ്യ സ്നേഹോ ഭയം തസ്യ സ്നേഹോ ദുഃഖസ്യ ഭാജനമ് । സ്നേഹമൂലാനി ദുഃഖാനി താനി ത്യക്ത്വാ വസേത് സുഖമ് ॥ 06 ॥

അനാഗതവിധാതാ ച പ്രത്യുത്പന്നമതിസ്തഥാ । ദ്വാവേതൌ സുഖമേധേതേ യദ്ഭവിഷ്യോ വിനശ്യതി ॥ 07 ॥

രാജ്ഞി ധര്മിണി ധര്മിഷ്ഠാഃ പാപേ പാപാഃ സമേ സമാഃ । രാജാനമനുവര്തംതേ യഥാ രാജാ തഥാ പ്രജാഃ ॥ 08 ॥

ജീവംതം മൃതവന്മന്യേ ദേഹിനം ധര്മവര്ജിതമ് । മൃതോ ധര്മേണ സംയുക്തോ ദീര്ഘജീവീ ന സംശയഃ ॥ 09 ॥

ധര്മാര്ഥകാമമോക്ഷാണാം യസ്യൈകോഽപി ന വിദ്യതേ । അജാഗലസ്തനസ്യേവ തസ്യ ജന്മ നിരര്ഥകമ് ॥ 10 ॥

ദഹ്യമാനാഃ സുതീവ്രേണ നീചാഃ പരയശോഽഗ്നിനാ । അശക്താസ്തത്പദം ഗംതും തതോ നിംഡാം പ്രകുർവതേ ॥ 11 ॥

ബംധായ വിഷയാസംഗോ മുക്ത്യൈ നിർവിഷയം മനഃ । മന ഏവ മനുഷ്യാണാം കാരണം ബംധമോക്ഷയോഃ ॥ 12 ॥

ദേഹാഭിമാനേ ഗലിതം ജ്ഞാനേന പരമാത്മനി । യത്ര യത്ര മനോ യാതി തത്ര തത്ര സമാധയഃ ॥ 13 ॥

ഈപ്സിതം മനസഃ സർവം കസ്യ സംപദ്യതേ സുഖമ് । ദൈവായത്തം യതഃ സർവം തസ്മാത്സംതോഷമാശ്രയേത് ॥ 14 ॥

യഥാ ധേനുസഹസ്രേഷു വത്സോ ഗച്ഛതി മാതരമ് । തഥാ യച്ച കൃതം കര്മ കര്താരമനുഗച്ഛതി ॥ 15 ॥

അനവസ്ഥിതകാര്യസ്യ ന ജനേ ന വനേ സുഖമ് । ജനോ ദഹതി സംസര്ഗാദ്വനം സംഗവിവര്ജനാത് ॥ 16 ॥

ഖനിത്വാ ഹി ഖനിത്രേണ ഭൂതലേ വാരി വിംദതി । തഥാ ഗുരുഗതാം വിദ്യാം ശുശ്രൂഷുരധിഗച്ഛതി ॥ 17 ॥

കര്മായത്തം ഫലം പുംസാം ബുദ്ധിഃ കര്മാനുസാരിണീ । തഥാപി സുധിയശ്ചാര്യാ സുവിചാര്യൈവ കുർവതേ ॥ 18 ॥

ഏകാക്ഷരപ്രദാതാരം യോ ഗുരും നാഭിവംദതേ । ശ്വാനയോനിശതം ഗത്വാ ചാംഡാലേഷ്വഭിജായതേ ॥ 19 ॥

യുഗാംതേ പ്രചലേന്മേരുഃ കല്പാംതേ സപ്ത സാഗരാഃ । സാധവഃ പ്രതിപന്നാര്ഥാന്ന ചലംതി കദാചന ॥ 20 ॥

പൃഥിവ്യാം ത്രീണി രത്നാനി ജലമന്നം സുഭാഷിതമ് । മൂഢൈഃ പാഷാണഖംഡേഷു രത്നസംജ്ഞാ വിധീയതേ ॥ 21 ॥

About Chanakya Neethi - Chapter 13

This is the thirteenth chapter of the Chanakya Niti, maxims traditionally attributed to Chanakya (Kautilya). It opens: it is better to live even a moment with pure deeds than an age with deeds harmful to both this world and the next. Its second verse is well known: do not grieve over the past, do not worry about the future; the wise live in the present. It ends with the verse that there are three true jewels on earth, water, food and good words, while fools give the name of jewels to pieces of stone.

Written by: Traditionally attributed to Chanakya (Kautilya)

When to chant: In reading and study of practical wisdom (niti), and in talks on conduct.

Did you know?

  • Verse 2, "Gate shoko na kartavyo", is often quoted as timeless advice to live in the present.
  • The last verse, on the three jewels of water, food and good speech, is a favourite in schools.

Frequently asked questions

What does verse 2 advise?

Do not grieve the past or worry about the future; live in the present.

What are the three jewels on earth?

Water, food and good words.

Who is it attributed to?

Traditionally to Chanakya.

Offered for worship and study, not as prediction. Non-commercial.