Chanakya Neethi - Chapter 16
Chanakya Neethi · Traditional devotional text
ന ധ്യാതം പദമീശ്വരസ്യ വിധിവത്സംസാരവിച്ഛിത്തയേ സ്വര്ഗദ്വാരകപാടപാടനപടുര്ധര്മോഽപി നോപാര്ജിതഃ । നാരീപീനപയോധരോരുയുഗലാ സ്വപ്നേഽപി നാലിംഗിതം മാതുഃ കേവലമേവ യൌവനവനച്ഛേദേ കുഠാരാ വയമ് ॥ 01 ॥
ജല്പംതി സാര്ധമന്യേന പശ്യംത്യന്യം സവിഭ്രമാഃ । ഹൃദയേ ചിംതയംത്യന്യം ന സ്ത്രീണാമേകതോ രതിഃ ॥ 02 ॥
യോ മോഹാന്മന്യതേ മൂഢോ രക്തേയം മയി കാമിനീ । സ തസ്യാ വശഗോ ഭൂത്വാ നൃത്യേത് ക്രീഡാശകുംതവത് ॥ 03 ॥
കോഽര്ഥാന്പ്രാപ്യ ന ഗർവിതോ വിഷയിണഃ കസ്യാപദോഽസ്തം ഗതാഃ സ്ത്രീഭിഃ കസ്യ ന ഖംഡിതം ഭുവി മനഃ കോ നാമ രാജപ്രിയഃ । കഃ കാലസ്യ ന ഗോചരത്വമഗമത് കോഽര്ഥീ ഗതോ ഗൌരവം കോ വാ ദുര്ജനദുര്ഗമേഷു പതിതഃ ക്ഷേമേണ യാതഃ പഥി ॥ 04 ॥
ന നിര്മിതോ ന ചൈവ ന ദൃഷ്ടപൂർവോ ന ശ്രൂയതേ ഹേമമയഃ കുരംഗഃ । തഥാഽപി തൃഷ്ണാ രഘുനംദനസ്യ വിനാശകാലേ വിപരീതബുദ്ധിഃ ॥ 05 ॥
ഗുണൈരുത്തമതാം യാതി നോച്ചൈരാസനസംസ്ഥിതാഃ । പ്രാസാദശിഖരസ്ഥോഽപി കാകഃ കിം ഗരുഡായതേ ॥ 06 ॥
ഗുണാഃ സർവത്ര പൂജ്യംതേ ന മഹത്യോഽപി സംപദഃ । പൂര്ണേംദുഃ കിം തഥാ വംദ്യോ നിഷ്കലംകോ യഥാ കൃശഃ ॥ 07 ॥
പരൈരുക്തഗുണോ യസ്തു നിര്ഗുണോഽപി ഗുണീ ഭവേത് । ഇംദ്രോഽപി ലഘുതാം യാതി സ്വയം പ്രഖ്യാപിതൈര്ഗുണൈഃ ॥ 08 ॥
വിവേകിനമനുപ്രാപ്താ ഗുണാ യാംതി മനോജ്ഞതാമ് । സുതരാം രത്നമാഭാതി ചാമീകരനിയോജിതമ് ॥ 09 ॥
ഗുണൈഃ സർവജ്ഞതുല്യോഽപി സീദത്യേകോ നിരാശ്രയഃ । അനര്ഘ്യമപി മാണിക്യം ഹേമാശ്രയമപേക്ഷതേ ॥ 10 ॥
അതിക്ലേശേന യദ്ദ്രവ്യമതിലോഭേന യത്സുഖമ് । ശത്രൂണാം പ്രണിപാതേന തേ ഹ്യര്ഥാ മാ ഭവംതു മേ ॥ 11 ॥
കിം തയാ ക്രിയതേ ലക്ഷ്മ്യാ യാ വധൂരിവ കേവലാ । യാ തു വേശ്യേവ സാമാന്യാ പഥികൈരപി ഭുജ്യതേ ॥ 12 ॥
ധനേഷു ജീവിതവ്യേഷു സ്ത്രീഷു ചാഹാരകര്മസു । അതൃപ്താഃ പ്രാണിനഃ സർവേ യാതാ യാസ്യംതി യാംതി ച ॥ 13 ॥
ക്ഷീയംതേ സർവദാനാനി യജ്ഞഹോമബലിക്രിയാഃ । ന ക്ഷീയതേ പാത്രദാനമഭയം സർവദേഹിനാമ് ॥ 14 ॥
തൃണം ലഘു തൃണാത്തൂലം തൂലാദപി ച യാചകഃ । വായുനാ കിം ന നീതോഽസൌ മാമയം യാചയിഷ്യതി ॥ 15 ॥
വരം പ്രാണപരിത്യാഗോ മാനഭംഗേന ജീവനാത് । പ്രാണത്യാഗേ ക്ഷണം ദുഃഖം മാനഭംഗേ ദിനേ ദിനേ ॥ 16 ॥
പ്രിയവാക്യപ്രദാനേന സർവേ തുഷ്യംതി ജംതവഃ । തസ്മാത്തദേവ വക്തവ്യം വചനേ കാ ദരിദ്രതാ ॥ 17 ॥
സംസാരകടുവൃക്ഷസ്യ ദ്വേ ഫലേഽമൃതോപമേ । സുഭാഷിതം ച സുസ്വാദു സംഗതിഃ സജ്ജനേ ജനേ ॥ 18 ॥
ജന്മ ജന്മ യദഭ്യസ്തം ദാനമധ്യയനം തപഃ । തേനൈവാഽഭ്യാസയോഗേന ദേഹീ ചാഭ്യസ്യതേ പുനഃ ॥ 19 ॥
പുസ്തകസ്ഥാ തു യാ വിദ്യാ പരഹസ്തഗതം ധനമ് । കാര്യകാലേ സമുത്പന്നേ ന സാ വിദ്യാ ന തദ്ധനമ് ॥ 20 ॥
About Chanakya Neethi - Chapter 16
This is the sixteenth chapter of the Chanakya Niti, the collection of practical maxims traditionally attributed to Chanakya (Kautilya). It opens with a lament for a wasted life: one who has not meditated on the feet of the Lord to end worldly bondage, nor earned the merit that opens heaven's door, has only been an axe to his mother's youth. Its verses speak of how greatness comes from good qualities, not from a high seat, and of the value of sweet speech and generosity; it ends with the well-known verse that knowledge left in books and money in others' hands are of no use when the time of need comes.
Written by: Traditionally attributed to Chanakya (Kautilya)
When to chant: In reading and study of practical wisdom (niti), and in talks on conduct.
Did you know?
- Verse 20, "Pustakastha tu ya vidya", is often quoted to students: knowledge must be in one's own mind, not only in books.
- Some verses of the Chanakya Niti reflect the attitudes of their age and are read today with that in mind.
Frequently asked questions
Who is the Chanakya Niti attributed to?
Traditionally to Chanakya (Kautilya).
What does the last verse teach?
Knowledge in books and money in others' hands are useless in need.
What gives greatness, according to this chapter?
Good qualities, not a high seat.
Offered for worship and study, not as prediction. Non-commercial.
More devotional texts