Chanakya Neethi - Chapter 5
Chanakya Neethi · Traditional devotional text
గురురగ్నిర్ద్విజాతీనాం వర్ణానాం బ్రాహ్మణో గురుః । పతిరేవ గురుః స్త్రీణాం సర్వస్యాభ్యాగతో గురుః ॥ 01 ॥
యథా చతుర్భిః కనకం పరీక్ష్యతే నిఘర్షణచ్ఛేదనతాపతాడనైః । తథా చతుర్భిః పురుషః పరీక్ష్యతే త్యాగేన శీలేన గుణేన కర్మణా ॥ 02 ॥
తావద్భయేషు భేతవ్యం యావద్భయమనాగతమ్ । ఆగతం తు భయం వీక్ష్య ప్రహర్తవ్యమశంకయా ॥ 03 ॥
ఏకోదరసముద్భూతా ఏకనక్షత్రజాతకాః । న భవంతి సమాః శీలే యథా బదరకంటకాః ॥ 04 ॥
నిఃస్పృహో నాధికారీ స్యాన్ నాకామో మండనప్రియః । నావిదగ్ధః ప్రియం బ్రూయాత్స్పష్టవక్తా న వంచకః ॥ 05 ॥
మూర్ఖాణాం పండితా ద్వేష్యా అధనానాం మహాధనాః । పరాంగనా కులస్త్రీణాం సుభగానాం చ దుర్భగాః ॥ 06 ॥
ఆలస్యోపగతా విద్యా పరహస్తగతం ధనమ్ । అల్పబీజం హతం క్షేత్రం హతం సైన్యమనాయకం ॥ 07 ॥
అభ్యాసాద్ధార్యతే విద్యా కులం శీలేన ధార్యతే । గుణేన జ్ఞాయతే త్వార్యః కోపో నేత్రేణ గమ్యతే ॥ 08 ॥
విత్తేన రక్ష్యతే ధర్మో విద్యా యోగేన రక్ష్యతే । మృదునా రక్ష్యతే భూపః సత్స్త్రియా రక్ష్యతే గృహం ॥ 09 ॥
అన్యథా వేదశాస్త్రాణి జ్ఞానపాండిత్యమన్యథా । అన్యథా తత్పదం శాంతం లోకాః క్లిశ్యంతి చాహ్న్యథా ॥ 10 ॥
దారిద్ర్యనాశనం దానం శీలం దుర్గతినాశనమ్ । అజ్ఞాననాశినీ ప్రజ్ఞా భావనా భయనాశినీ ॥ 11 ॥
నాస్తి కామసమో వ్యాధిర్నాస్తి మోహసమో రిపుః । నాస్తి కోపసమో వహ్నిర్నాస్తి జ్ఞానాత్పరం సుఖం ॥ 12 ॥
జన్మమృత్యూ హి యాత్యేకో భునక్త్యేకః శుభాశుభమ్ । నరకేషు పతత్యేక ఏకో యాతి పరాం గతిం ॥ 13 ॥
తృణం బ్రహ్మవిదః స్వర్గస్తృణం శూరస్య జీవితమ్ । జితాశస్య తృణం నారీ నిఃస్పృహస్య తృణం జగత్ ॥ 14 ॥
విద్యా మిత్రం ప్రవాసే చ భార్యా మిత్రం గృహేషు చ । వ్యాధితస్యౌషధం మిత్రం ధర్మో మిత్రం మృతస్య చ ॥ 15 ॥
వృథా వృష్టిః సముద్రేషు వృథా తృప్తస్య భోజనమ్ । వృథా దానం సమర్థస్య వృథా దీపో దివాపి చ ॥ 16 ॥
నాస్తి మేఘసమం తోయం నాస్తి చాత్మసమం బలమ్ । నాస్తి చక్షుఃసమం తేజో నాస్తి ధాన్యసమం ప్రియం ॥ 17 ॥
అధనా ధనమిచ్ఛంతి వాచం చైవ చతుష్పదాః । మానవాః స్వర్గమిచ్ఛంతి మోక్షమిచ్ఛంతి దేవతాః ॥ 18 ॥
సత్యేన ధార్యతే పృథ్వీ సత్యేన తపతే రవిః । సత్యేన వాతి వాయుశ్చ సర్వం సత్యే ప్రతిష్ఠితం ॥ 19 ॥
చలా లక్ష్మీశ్చలాః ప్రాణాశ్చలే జీవితమందిరే । చలాచలే చ సంసారే ధర్మ ఏకో హి నిశ్చలః ॥ 20 ॥
నరాణాం నాపితో ధూర్తః పక్షిణాం చైవ వాయసః । చతుష్పాదం శఋగాలస్తు స్త్రీణాం ధూర్తా చ మాలినీ ॥ 21 ॥
జనితా చోపనేతా చ యస్తు విద్యాం ప్రయచ్ఛతి । అన్నదాతా భయత్రాతా పంచైతే పితరః స్మృతాః ॥ 22 ॥
రాజపత్నీ గురోః పత్నీ మిత్రపత్నీ తథైవ చ । పత్నీమాతా స్వమాతా చ పంచైతా మాతరః స్మృతాః ॥ 23 ॥
About Chanakya Neethi - Chapter 5
This is the fifth chapter of the Chanakya Niti, maxims traditionally attributed to Chanakya (Kautilya). Its best-known verse says: just as gold is tested in four ways, by rubbing, cutting, heating and beating, so a person is tested in four ways, by generosity, conduct, qualities and deeds. Its verses also speak of whom to honour as a teacher, of the guest who is to be honoured by all, and it ends by naming five mothers: the king's wife, the teacher's wife, a friend's wife, one's wife's mother and one's own mother.
Written by: Traditionally attributed to Chanakya (Kautilya)
When to chant: In reading and study of practical wisdom (niti), and in talks on conduct.
Did you know?
- The verse comparing a person to gold tested four ways is one of the most quoted in the Chanakya Niti.
- Some verses of the Chanakya Niti reflect the attitudes of their age and are read today with that in mind.
Frequently asked questions
How is a person tested, according to this chapter?
By generosity, conduct, qualities and deeds.
How is gold tested?
By rubbing, cutting, heating and beating.
How many mothers does the last verse name?
Five.
Offered for worship and study, not as prediction. Non-commercial.
More devotional texts