MuhurtaNow

Devi Mahatmyam Devi Kavacham

Devi · Traditional devotional text

ഓം നമശ്ചംഡികായൈ

ന്യാസഃ അസ്യ ശ്രീ ചംഡീ കവചസ്യ । ബ്രഹ്മാ ഋഷിഃ । അനുഷ്ടുപ് ഛംദഃ । ചാമുംഡാ ദേവതാ । അംഗന്യാസോക്ത മാതരോ ബീജമ് । നവാവരണോ മംത്രശക്തിഃ । ദിഗ്ബംധ ദേവതാഃ തത്വമ് । ശ്രീ ജഗദംബാ പ്രീത്യര്ഥേ സപ്തശതീ പാഠാംഗത്വേന ജപേ വിനിയോഗഃ ॥ ഓം നമശ്ചംഡികായൈ

മാര്കംഡേയ ഉവാച

ഓം യദ്ഗുഹ്യം പരമം ലോകേ സർവരക്ഷാകരം നൃണാമ് । യന്ന കസ്യചിദാഖ്യാതം തന്മേ ബ്രൂഹി പിതാമഹ ॥ 1

ബ്രഹ്മോവാച । അസ്തി ഗുഹ്യതമം വിപ്ര സർവഭൂതോപകാരകമ് । ദേവ്യാസ്തു കവചം പുണ്യം തച്ഛൃണുഷ്വ മഹാമുനേ ॥ 2 ॥

പ്രഥമം ശൈലപുത്രീ ച ദ്വിതീയം ബ്രഹ്മചാരിണീ । തൃതീയം ചംദ്രഘംടേതി കൂഷ്മാംഡേതി ചതുര്ഥകമ് ॥ 3 ॥

പംചമം സ്കംദമാതേതി ഷഷ്ഠം കാത്യായനീതി ച । സപ്തമം കാലരാത്രീതി മഹാഗൌരീതി ചാഷ്ടമമ് ॥ 4 ॥

നവമം സിദ്ധിദാത്രീ ച നവദുര്ഗാഃ പ്രകീര്തിതാഃ । ഉക്താന്യേതാനി നാമാനി ബ്രഹ്മണൈവ മഹാത്മനാ ॥ 5 ॥

അഗ്നിനാ ദഹ്യമാനസ്തു ശത്രുമധ്യേ ഗതോ രണേ । വിഷമേ ദുര്ഗമേ ചൈവ ഭയാര്താഃ ശരണം ഗതാഃ ॥ 6 ॥

ന തേഷാം ജായതേ കിംചിദശുഭം രണസംകടേ । നാപദം തസ്യ പശ്യാമി ശോകദുഃഖഭയം ന ഹി ॥ 7 ॥

യൈസ്തു ഭക്ത്യാ സ്മൃതാ നൂനം തേഷാം വൃദ്ധിഃ പ്രജായതേ । യേ ത്വാം സ്മരംതി ദേവേശി രക്ഷസേ താന്നസംശയഃ ॥ 8 ॥

പ്രേതസംസ്ഥാ തു ചാമുംഡാ വാരാഹീ മഹിഷാസനാ । ഐംദ്രീ ഗജസമാരൂഢാ വൈഷ്ണവീ ഗരുഡാസനാ ॥ 9 ॥

മാഹേശ്വരീ വൃഷാരൂഢാ കൌമാരീ ശിഖിവാഹനാ । ലക്ഷ്മീഃ പദ്മാസനാ ദേവീ പദ്മഹസ്താ ഹരിപ്രിയാ ॥ 10 ॥

ശ്വേതരൂപധരാ ദേവീ ഈശ്വരീ വൃഷവാഹനാ । ബ്രാഹ്മീ ഹംസസമാരൂഢാ സർവാഭരണഭൂഷിതാ ॥ 11 ॥

ഇത്യേതാ മാതരഃ സർവാഃ സർവയോഗസമന്വിതാഃ । നാനാഭരണാശോഭാഢ്യാ നാനാരത്നോപശോഭിതാഃ ॥ 12 ॥

ദൃശ്യംതേ രഥമാരൂഢാ ദേവ്യഃ ക്രോധസമാകുലാഃ । ശംഖം ചക്രം ഗദാം ശക്തിം ഹലം ച മുസലായുധമ് ॥ 13 ॥

ഖേടകം തോമരം ചൈവ പരശും പാശമേവ ച । കുംതായുധം ത്രിശൂലം ച ശാര്ങ്ഗമായുധമുത്തമമ് ॥ 14 ॥

ദൈത്യാനാം ദേഹനാശായ ഭക്താനാമഭയായ ച । ധാരയംത്യായുധാനീത്ഥം ദേവാനാം ച ഹിതായ വൈ ॥ 15 ॥

നമസ്തേഽസ്തു മഹാരൌദ്രേ മഹാഘോരപരാക്രമേ । മഹാബലേ മഹോത്സാഹേ മഹാഭയവിനാശിനി ॥ 16 ॥

ത്രാഹി മാം ദേവി ദുഷ്പ്രേക്ഷ്യേ ശത്രൂണാം ഭയവര്ധിനി । പ്രാച്യാം രക്ഷതു മാമൈംദ്രീ ആഗ്നേയ്യാമഗ്നിദേവതാ ॥ 17 ॥

ദക്ഷിണേഽവതു വാരാഹീ നൈരൃത്യാം ഖഡ്ഗധാരിണീ । പ്രതീച്യാം വാരുണീ രക്ഷേദ്വായവ്യാം മൃഗവാഹിനീ ॥ 18 ॥

ഉദീച്യാം പാതു കൌമാരീ ഐശാന്യാം ശൂലധാരിണീ । ഊര്ധ്വം ബ്രഹ്മാണീ മേ രക്ഷേദധസ്താദ്വൈഷ്ണവീ തഥാ ॥ 19 ॥

ഏവം ദശ ദിശോ രക്ഷേച്ചാമുംഡാ ശവവാഹനാ । ജയാ മേ ചാഗ്രതഃ പാതു വിജയാ പാതു പൃഷ്ഠതഃ ॥ 20 ॥

അജിതാ വാമപാര്ശ്വേ തു ദക്ഷിണേ ചാപരാജിതാ । ശിഖാമുദ്യോതിനീ രക്ഷേദുമാ മൂര്ധ്നി വ്യവസ്ഥിതാ ॥ 21 ॥

മാലാധരീ ലലാടേ ച ഭ്രുവൌ രക്ഷേദ്യശസ്വിനീ । ത്രിനേത്രാ ച ഭ്രുവോര്മധ്യേ യമഘംടാ ച നാസികേ ॥ 22 ॥

ശംഖിനീ ചക്ഷുഷോര്മധ്യേ ശ്രോത്രയോര്ദ്വാരവാസിനീ । കപോലൌ കാലികാ രക്ഷേത്കര്ണമൂലേ തു ശാംകരീ ॥ 23 ॥

നാസികായാം സുഗംധാ ച ഉത്തരോഷ്ഠേ ച ചര്ചികാ । അധരേ ചാമൃതകലാ ജിഹ്വായാം ച സരസ്വതീ ॥ 24 ॥

ദംതാന് രക്ഷതു കൌമാരീ കംഠദേശേ തു ചംഡികാ । ഘംടികാം ചിത്രഘംടാ ച മഹാമായാ ച താലുകേ ॥ 25 ॥

കാമാക്ഷീ ചിബുകം രക്ഷേദ്വാചം മേ സർവമംഗളാ । ഗ്രീവായാം ഭദ്രകാളീ ച പൃഷ്ഠവംശേ ധനുര്ധരീ ॥ 26 ॥

നീലഗ്രീവാ ബഹിഃ കംഠേ നലികാം നലകൂബരീ । സ്കംധയോഃ ഖഡ്ഗിനീ രക്ഷേദ്ബാഹൂ മേ വജ്രധാരിണീ ॥ 27 ॥

ഹസ്തയോര്ദംഡിനീ രക്ഷേദംബികാ ചാംഗുലീഷു ച । നഖാംഛൂലേശ്വരീ രക്ഷേത്കുക്ഷൌ രക്ഷേത്കുലേശ്വരീ ॥ 28 ॥

സ്തനൌ രക്ഷേന്മഹാദേവീ മനഃശോകവിനാശിനീ । ഹൃദയേ ലലിതാ ദേവീ ഉദരേ ശൂലധാരിണീ ॥ 29 ॥

നാഭൌ ച കാമിനീ രക്ഷേദ്ഗുഹ്യം ഗുഹ്യേശ്വരീ തഥാ । പൂതനാ കാമികാ മേഢ്രം ഗുദേ മഹിഷവാഹിനീ ॥ 30 ॥

കട്യാം ഭഗവതീ രക്ഷേജ്ജാനുനീ വിംധ്യവാസിനീ । ജംഘേ മഹാബലാ രക്ഷേത്സർവകാമപ്രദായിനീ ॥ 31 ॥

ഗുല്ഫയോര്നാരസിംഹീ ച പാദപൃഷ്ഠേ തു തൈജസീ । പാദാംഗുലീഷു ശ്രീ രക്ഷേത്പാദാധസ്തലവാസിനീ ॥ 32 ॥

നഖാന് ദംഷ്ട്രകരാലീ ച കേശാംശ്ചൈവോര്ധ്വകേശിനീ । രോമകൂപേഷു കൌമാരീ ത്വചം വാഗീശ്വരീ തഥാ ॥ 33 ॥

രക്തമജ്ജാവസാമാംസാന്യസ്ഥിമേദാംസി പാർവതീ । അംത്രാണി കാലരാത്രിശ്ച പിത്തം ച മുകുടേശ്വരീ ॥ 34 ॥

പദ്മാവതീ പദ്മകോശേ കഫേ ചൂഡാമണിസ്തഥാ । ജ്വാലാമുഖീ നഖജ്വാലാമഭേദ്യാ സർവസംധിഷു ॥ 35 ॥

ശുക്രം ബ്രഹ്മാണി! മേ രക്ഷേച്ഛായാം ഛത്രേശ്വരീ തഥാ । അഹംകാരം മനോ ബുദ്ധിം രക്ഷേന്മേ ധര്മധാരിണീ ॥ 36 ॥

പ്രാണാപാനൌ തഥാ വ്യാനമുദാനം ച സമാനകമ് । വജ്രഹസ്താ ച മേ രക്ഷേത്പ്രാണം കല്യാണശോഭനാ ॥ 37 ॥

രസേ രൂപേ ച ഗംധേ ച ശബ്ദേ സ്പര്ശേ ച യോഗിനീ । സത്ത്വം രജസ്തമശ്ചൈവ രക്ഷേന്നാരായണീ സദാ ॥ 38 ॥

ആയൂ രക്ഷതു വാരാഹീ ധര്മം രക്ഷതു വൈഷ്ണവീ । യശഃ കീര്തിം ച ലക്ഷ്മീം ച ധനം വിദ്യാം ച ചക്രിണീ ॥ 39 ॥

ഗോത്രമിംദ്രാണി! മേ രക്ഷേത്പശൂന്മേ രക്ഷ ചംഡികേ । പുത്രാന് രക്ഷേന്മഹാലക്ഷ്മീര്ഭാര്യാം രക്ഷതു ഭൈരവീ ॥ 40 ॥

പംഥാനം സുപഥാ രക്ഷേന്മാര്ഗം ക്ഷേമകരീ തഥാ । രാജദ്വാരേ മഹാലക്ഷ്മീർവിജയാ സർവതഃ സ്ഥിതാ ॥ 41 ॥

രക്ഷാഹീനം തു യത്-സ്ഥാനം വര്ജിതം കവചേന തു । തത്സർവം രക്ഷ മേ ദേവി! ജയംതീ പാപനാശിനീ ॥ 42 ॥

പദമേകം ന ഗച്ഛേത്തു യദീച്ഛേച്ഛുഭമാത്മനഃ । കവചേനാവൃതോ നിത്യം യത്ര യത്രൈവ ഗച്ഛതി ॥ 43 ॥

തത്ര തത്രാര്ഥലാഭശ്ച വിജയഃ സാർവകാമികഃ । യം യം ചിംതയതേ കാമം തം തം പ്രാപ്നോതി നിശ്ചിതമ് ॥ 44 ॥

പരമൈശ്വര്യമതുലം പ്രാപ്സ്യതേ ഭൂതലേ പുമാന് । നിര്ഭയോ ജായതേ മര്ത്യഃ സംഗ്രാമേഷ്വപരാജിതഃ ॥ 45 ॥

ത്രൈലോക്യേ തു ഭവേത്പൂജ്യഃ കവചേനാവൃതഃ പുമാന് । ഇദം തു ദേവ്യാഃ കവചം ദേവാനാമപി ദുര്ലഭമ് ॥ 46 ॥

യഃ പഠേത്പ്രയതോ നിത്യം ത്രിസംധ്യം ശ്രദ്ധയാന്വിതഃ । ദൈവീകലാ ഭവേത്തസ്യ ത്രൈലോക്യേഷ്വപരാജിതഃ । 47 ॥

ജീവേദ്വര്ഷശതം സാഗ്രമപമൃത്യുവിവര്ജിതഃ । നശ്യംതി വ്യാധയഃ സർവേ ലൂതാവിസ്ഫോടകാദയഃ ॥ 48 ॥

സ്ഥാവരം ജംഗമം ചൈവ കൃത്രിമം ചൈവ യദ്വിഷമ് । അഭിചാരാണി സർവാണി മംത്രയംത്രാണി ഭൂതലേ ॥ 49 ॥

ഭൂചരാഃ ഖേചരാശ്ചൈവ ജുലജാശ്ചോപദേശികാഃ । സഹജാ കുലജാ മാലാ ഡാകിനീ ശാകിനീ തഥാ ॥ 50 ॥

അംതരിക്ഷചരാ ഘോരാ ഡാകിന്യശ്ച മഹാബലാഃ । ഗ്രഹഭൂതപിശാചാശ്ച യക്ഷഗംധർവരാക്ഷസാഃ ॥ 51 ॥

ബ്രഹ്മരാക്ഷസവേതാലാഃ കൂഷ്മാംഡാ ഭൈരവാദയഃ । നശ്യംതി ദര്ശനാത്തസ്യ കവചേ ഹൃദി സംസ്ഥിതേ ॥ 52 ॥

മാനോന്നതിര്ഭവേദ്രാജ്ഞസ്തേജോവൃദ്ധികരം പരമ് । യശസാ വര്ധതേ സോഽപി കീര്തിമംഡിതഭൂതലേ ॥ 53 ॥

ജപേത്സപ്തശതീം ചംഡീം കൃത്വാ തു കവചം പുരാ । യാവദ്ഭൂമംഡലം ധത്തേ സശൈലവനകാനനമ് ॥ 54 ॥

താവത്തിഷ്ഠതി മേദിന്യാം സംതതിഃ പുത്രപൌത്രികീ । ദേഹാംതേ പരമം സ്ഥാനം യത്സുരൈരപി ദുര്ലഭമ് ॥ 55 ॥

പ്രാപ്നോതി പുരുഷോ നിത്യം മഹാമായാപ്രസാദതഃ । ലഭതേ പരമം രൂപം ശിവേന സഹ മോദതേ ॥ 56 ॥

॥ ഇതി വാരാഹപുരാണേ ഹരിഹരബ്രഹ്മ വിരചിതം ദേവ്യാഃ കവചം സംപൂര്ണമ് ॥

About Devi Mahatmyam Devi Kavacham

The Devi Kavacham is the "armour" hymn recited before the Devi Mahatmyam (Durga Saptashati). In it Brahma tells the sage Markandeya the most secret protection: the nine forms of Durga, Shailaputri, Brahmacharini, Chandraghanta, Kushmanda, Skandamata, Katyayani, Kalaratri, Mahagauri and Siddhidatri, and then asks different goddesses to guard each part of the body and every direction.

Source: Varaha Purana, as its colophon states

When to chant: Before Devi Mahatmyam parayana, during Navaratri, and on Tuesdays and Fridays.

Did you know?

  • It is the first of the three "angas" recited before the Saptashati: Kavacham, Argala Stotram and Kilakam.
  • Its list of the nine Durgas is the basis of the Navadurga worship on the nine nights of Navaratri.
  • Its colophon places it in the Varaha Purana.

Recited on these festivals

Frequently asked questions

What is the Devi Kavacham?

A protective "armour" hymn recited before the Devi Mahatmyam.

What are the nine forms it names?

Shailaputri, Brahmacharini, Chandraghanta, Kushmanda, Skandamata, Katyayani, Kalaratri, Mahagauri, Siddhidatri.

Who tells it?

Brahma, to the sage Markandeya.

Offered for worship and study, not as prediction. Non-commercial.