Devi Mahatmyam Durga Saptasati Chapter 12
Devi · Traditional devotional text
ಫಲಶ್ರುತಿರ್ನಾಮ ದ್ವಾದಶೋಽಧ್ಯಾಯಃ ॥
ಧ್ಯಾನಂ ವಿಧ್ಯುದ್ಧಾಮ ಸಮಪ್ರಭಾಂ ಮೃಗಪತಿ ಸ್ಕಂಧ ಸ್ಥಿತಾಂ ಭೀಷಣಾಂ। ಕನ್ಯಾಭಿಃ ಕರವಾಲ ಖೇಟ ವಿಲಸದ್ದಸ್ತಾಭಿ ರಾಸೇವಿತಾಂ ಹಸ್ತೈಶ್ಚಕ್ರ ಗಧಾಸಿ ಖೇಟ ವಿಶಿಖಾಂ ಗುಣಂ ತರ್ಜನೀಂ ವಿಭ್ರಾಣ ಮನಲಾತ್ಮಿಕಾಂ ಶಿಶಿಧರಾಂ ದುರ್ಗಾಂ ತ್ರಿನೇತ್ರಾಂ ಭಜೇ
ದೇವ್ಯುವಾಚ॥1॥
ಏಭಿಃ ಸ್ತವೈಶ್ಚ ಮಾ ನಿತ್ಯಂ ಸ್ತೋಷ್ಯತೇ ಯಃ ಸಮಾಹಿತಃ। ತಸ್ಯಾಹಂ ಸಕಲಾಂ ಬಾಧಾಂ ನಾಶಯಿಷ್ಯಾಮ್ಯ ಸಂಶಯಂ ॥2॥
ಮಧುಕೈಟಭನಾಶಂ ಚ ಮಹಿಷಾಸುರಘಾತನಂ। ಕೀರ್ತಿಯಿಷ್ಯಂತಿ ಯೇ ತ ದ್ವದ್ವಧಂ ಶುಂಭನಿಶುಂಭಯೋಃ ॥3॥
ಅಷ್ಟಮ್ಯಾಂ ಚ ಚತುರ್ಧಶ್ಯಾಂ ನವಮ್ಯಾಂ ಚೈಕಚೇತಸಃ। ಶ್ರೋಷ್ಯಂತಿ ಚೈವ ಯೇ ಭಕ್ತ್ಯಾ ಮಮ ಮಾಹಾತ್ಮ್ಯಮುತ್ತಮಂ ॥4॥
ನ ತೇಷಾಂ ದುಷ್ಕೃತಂ ಕಿಂಚಿದ್ ದುಷ್ಕೃತೋತ್ಥಾ ನ ಚಾಪದಃ। ಭವಿಷ್ಯತಿ ನ ದಾರಿದ್ರ್ಯಂ ನ ಚೈ ವೇಷ್ಟವಿಯೋಜನಂ ॥5॥
ಶತ್ರುಭ್ಯೋ ನ ಭಯಂ ತಸ್ಯ ದಸ್ಯುತೋ ವಾ ನ ರಾಜತಃ। ನ ಶಸ್ತ್ರಾನಲತೋ ಯೌಘಾತ್ ಕದಾಚಿತ್ ಸಂಭವಿಷ್ಯತಿ ॥6॥
ತಸ್ಮಾನ್ಮಮೈತನ್ಮಾಹತ್ಮ್ಯಂ ಪಠಿತವ್ಯಂ ಸಮಾಹಿತೈಃ। ಶ್ರೋತವ್ಯಂ ಚ ಸದಾ ಭಕ್ತ್ಯಾ ಪರಂ ಸ್ವಸ್ತ್ಯಯನಂ ಹಿ ತತ್ ॥7॥
ಉಪ ಸರ್ಗಾನ ಶೇಷಾಂಸ್ತು ಮಹಾಮಾರೀ ಸಮುದ್ಭವಾನ್। ತಥಾ ತ್ರಿವಿಧ ಮುತ್ಪಾತಂ ಮಾಹಾತ್ಮ್ಯಂ ಶಮಯೇನ್ಮಮ ॥8॥ ಯತ್ರೈತ ತ್ಪಠ್ಯತೇ ಸಮ್ಯಙ್ನಿತ್ಯಮಾಯತನೇ ಮಮ। ಸದಾ ನ ತದ್ವಿಮೋಕ್ಷ್ಯಾಮಿ ಸಾನ್ನಿಧ್ಯಂ ತತ್ರ ಮೇಸ್ಥಿತಂ ॥9॥
ಬಲಿ ಪ್ರದಾನೇ ಪೂಜಾಯಾಮಗ್ನಿ ಕಾರ್ಯೇ ಮಹೋತ್ಸವೇ। ಸರ್ವಂ ಮಮೈತನ್ಮಾಹಾತ್ಮ್ಯಂ ಉಚ್ಚಾರ್ಯಂ ಶ್ರಾವ್ಯಮೇವಚ ॥10॥
ಜಾನತಾಜಾನತಾ ವಾಪಿ ಬಲಿ ಪೂಜಾಂ ತಥಾ ಕೃತಾಂ। ಪ್ರತೀಕ್ಷಿಷ್ಯಾಮ್ಯಹಂ ಪ್ರೀತ್ಯಾ ವಹ್ನಿ ಹೋಮಂ ತಥಾ ಕೃತಂ ॥11॥
ಶರತ್ಕಾಲೇ ಮಹಾಪೂಜಾ ಕ್ರಿಯತೇ ಯಾಚ ವಾರ್ಷಿಕೀ। ತಸ್ಯಾಂ ಮಮೈತನ್ಮಾಹಾತ್ಮ್ಯಂ ಶ್ರುತ್ವಾ ಭಕ್ತಿಸಮನ್ವಿತಃ ॥12॥
ಸರ್ವಬಾಧಾವಿನಿರ್ಮುಕ್ತೋ ಧನಧಾನ್ಯಸಮನ್ವಿತಃ। ಮನುಷ್ಯೋ ಮತ್ಪ್ರಸಾದೇನ ಭವಿಷ್ಯತಿ ನ ಸಂಶಯಃ॥13॥
ಶ್ರುತ್ವಾ ಮಮೈತನ್ಮಾಹಾತ್ಮ್ಯಂ ತಥಾ ಚೋತ್ಪತ್ತಯಃ ಶುಭಾಃ। ಪರಾಕ್ರಮಂ ಚ ಯುದ್ಧೇಷು ಜಾಯತೇ ನಿರ್ಭಯಃ ಪುಮಾನ್॥14॥
ರಿಪವಃ ಸಂಕ್ಷಯಂ ಯಾಂತಿ ಕಳ್ಯಾಣಾಂ ಚೋಪಪಧ್ಯತೇ। ನಂದತೇ ಚ ಕುಲಂ ಪುಂಸಾಂ ಮಹಾತ್ಮ್ಯಂ ಮಮಶೃಣ್ವತಾಂ॥15॥
ಶಾಂತಿಕರ್ಮಾಣಿ ಸರ್ವತ್ರ ತಥಾ ದುಃಸ್ವಪ್ನದರ್ಶನೇ। ಗ್ರಹಪೀಡಾಸು ಚೋಗ್ರಾಸು ಮಹಾತ್ಮ್ಯಂ ಶೃಣುಯಾನ್ಮಮ॥16॥
ಉಪಸರ್ಗಾಃ ಶಮಂ ಯಾಂತಿ ಗ್ರಹಪೀಡಾಶ್ಚ ದಾರುಣಾಃ ದುಃಸ್ವಪ್ನಂ ಚ ನೃಭಿರ್ದೃಷ್ಟಂ ಸುಸ್ವಪ್ನಮುಪಜಾಯತೇ॥17॥
ಬಾಲಗ್ರಹಾಭಿಭೂತಾನಂ ಬಾಲಾನಾಂ ಶಾಂತಿಕಾರಕಂ। ಸಂಘಾತಭೇದೇ ಚ ನೃಣಾಂ ಮೈತ್ರೀಕರಣಮುತ್ತಮಂ॥18॥
ದುರ್ವೃತ್ತಾನಾಮಶೇಷಾಣಾಂ ಬಲಹಾನಿಕರಂ ಪರಂ। ರಕ್ಷೋಭೂತಪಿಶಾಚಾನಾಂ ಪಠನಾದೇವ ನಾಶನಂ॥19॥
ಸರ್ವಂ ಮಮೈತನ್ಮಾಹಾತ್ಮ್ಯಂ ಮಮ ಸನ್ನಿಧಿಕಾರಕಂ। ಪಶುಪುಷ್ಪಾರ್ಘ್ಯಧೂಪೈಶ್ಚ ಗಂಧದೀಪೈಸ್ತಥೋತ್ತಮೈಃ॥20॥
ವಿಪ್ರಾಣಾಂ ಭೋಜನೈರ್ಹೋಮೈಃ ಪ್ರೊಕ್ಷಣೀಯೈರಹರ್ನಿಶಂ। ಅನ್ಯೈಶ್ಚ ವಿವಿಧೈರ್ಭೋಗೈಃ ಪ್ರದಾನೈರ್ವತ್ಸರೇಣ ಯಾ॥21॥
ಪ್ರೀತಿರ್ಮೇ ಕ್ರಿಯತೇ ಸಾಸ್ಮಿನ್ ಸಕೃದುಚ್ಚರಿತೇ ಶ್ರುತೇ। ಶ್ರುತಂ ಹರತಿ ಪಾಪಾನಿ ತಥಾರೋಗ್ಯಂ ಪ್ರಯಚ್ಛತಿ॥22॥
ರಕ್ಷಾಂ ಕರೋತಿ ಭೂತೇಭ್ಯೋ ಜನ್ಮನಾಂ ಕೀರ್ತಿನಂ ಮಮ। ಯುದ್ದೇಷು ಚರಿತಂ ಯನ್ಮೇ ದುಷ್ಟ ದೈತ್ಯ ನಿಬರ್ಹಣಂ॥23॥
ತಸ್ಮಿಂಛೃತೇ ವೈರಿಕೃತಂ ಭಯಂ ಪುಂಸಾಂ ನ ಜಾಯತೇ। ಯುಷ್ಮಾಭಿಃ ಸ್ತುತಯೋ ಯಾಶ್ಚ ಯಾಶ್ಚ ಬ್ರಹ್ಮರ್ಷಿಭಿಃ ಕೃತಾಃ॥24॥
ಬ್ರಹ್ಮಣಾ ಚ ಕೃತಾಸ್ತಾಸ್ತು ಪ್ರಯಚ್ಛಂತು ಶುಭಾಂ ಮತಿಂ। ಅರಣ್ಯೇ ಪ್ರಾಂತರೇ ವಾಪಿ ದಾವಾಗ್ನಿ ಪರಿವಾರಿತಃ॥25॥
ದಸ್ಯುಭಿರ್ವಾ ವೃತಃ ಶೂನ್ಯೇ ಗೃಹೀತೋ ವಾಪಿ ಶತೃಭಿಃ। ಸಿಂಹವ್ಯಾಘ್ರಾನುಯಾತೋ ವಾ ವನೇವಾ ವನ ಹಸ್ತಿಭಿಃ॥26॥
ರಾಜ್ಞಾ ಕ್ರುದ್ದೇನ ಚಾಜ್ಞಪ್ತೋ ವಧ್ಯೋ ಬಂದ ಗತೋಽಪಿವಾ। ಆಘೂರ್ಣಿತೋ ವಾ ವಾತೇನ ಸ್ಥಿತಃ ಪೋತೇ ಮಹಾರ್ಣವೇ॥27॥
ಪತತ್ಸು ಚಾಪಿ ಶಸ್ತ್ರೇಷು ಸಂಗ್ರಾಮೇ ಭೃಶದಾರುಣೇ। ಸರ್ವಾಬಾಧಾಶು ಘೋರಾಸು ವೇದನಾಭ್ಯರ್ದಿತೋಽಪಿವಾ॥28॥
ಸ್ಮರನ್ ಮಮೈತಚ್ಚರಿತಂ ನರೋ ಮುಚ್ಯೇತ ಸಂಕಟಾತ್। ಮಮ ಪ್ರಭಾವಾತ್ಸಿಂಹಾದ್ಯಾ ದಸ್ಯವೋ ವೈರಿಣ ಸ್ತಥಾ॥29॥
ದೂರಾದೇವ ಪಲಾಯಂತೇ ಸ್ಮರತಶ್ಚರಿತಂ ಮಮ॥30॥
ಋಷಿರುವಾಚ॥31॥
ಇತ್ಯುಕ್ತ್ವಾ ಸಾ ಭಗವತೀ ಚಂಡಿಕಾ ಚಂಡವಿಕ್ರಮಾ। ಪಶ್ಯತಾಂ ಸರ್ವ ದೇವಾನಾಂ ತತ್ರೈವಾಂತರಧೀಯತ॥32॥
ತೇಽಪಿ ದೇವಾ ನಿರಾತಂಕಾಃ ಸ್ವಾಧಿಕಾರಾನ್ಯಥಾ ಪುರಾ। ಯಜ್ಞಭಾಗಭುಜಃ ಸರ್ವೇ ಚಕ್ರುರ್ವಿ ನಿಹತಾರಯಃ॥33॥
ದೈತ್ಯಾಶ್ಚ ದೇವ್ಯಾ ನಿಹತೇ ಶುಂಭೇ ದೇವರಿಪೌ ಯುಧಿ ಜಗದ್ವಿಧ್ವಂಸಕೇ ತಸ್ಮಿನ್ ಮಹೋಗ್ರೇಽತುಲ ವಿಕ್ರಮೇ॥34॥
ನಿಶುಂಭೇ ಚ ಮಹಾವೀರ್ಯೇ ಶೇಷಾಃ ಪಾತಾಳಮಾಯಯುಃ॥35॥
ಏವಂ ಭಗವತೀ ದೇವೀ ಸಾ ನಿತ್ಯಾಪಿ ಪುನಃ ಪುನಃ। ಸಂಭೂಯ ಕುರುತೇ ಭೂಪ ಜಗತಃ ಪರಿಪಾಲನಂ॥36॥
ತಯೈತನ್ಮೋಹ್ಯತೇ ವಿಶ್ವಂ ಸೈವ ವಿಶ್ವಂ ಪ್ರಸೂಯತೇ। ಸಾಯಾಚಿತಾ ಚ ವಿಜ್ಞಾನಂ ತುಷ್ಟಾ ಋದ್ಧಿಂ ಪ್ರಯಚ್ಛತಿ॥37॥
ವ್ಯಾಪ್ತಂ ತಯೈತತ್ಸಕಲಂ ಬ್ರಹ್ಮಾಂಡಂ ಮನುಜೇಶ್ವರ। ಮಹಾದೇವ್ಯಾ ಮಹಾಕಾಳೀ ಮಹಾಮಾರೀ ಸ್ವರೂಪಯಾ॥38॥
ಸೈವ ಕಾಲೇ ಮಹಾಮಾರೀ ಸೈವ ಸೃಷ್ತಿರ್ಭವತ್ಯಜಾ। ಸ್ಥಿತಿಂ ಕರೋತಿ ಭೂತಾನಾಂ ಸೈವ ಕಾಲೇ ಸನಾತನೀ॥39॥
ಭವಕಾಲೇ ನೃಣಾಂ ಸೈವ ಲಕ್ಷ್ಮೀರ್ವೃದ್ಧಿಪ್ರದಾ ಗೃಹೇ। ಸೈವಾಭಾವೇ ತಥಾ ಲಕ್ಷ್ಮೀ ರ್ವಿನಾಶಾಯೋಪಜಾಯತೇ॥40॥
ಸ್ತುತಾ ಸಂಪೂಜಿತಾ ಪುಷ್ಪೈರ್ಗಂಧಧೂಪಾದಿಭಿಸ್ತಥಾ। ದದಾತಿ ವಿತ್ತಂ ಪುತ್ರಾಂಶ್ಚ ಮತಿಂ ಧರ್ಮೇ ಗತಿಂ ಶುಭಾಂ॥41॥
॥ ಇತಿ ಶ್ರೀ ಮಾರ್ಕಂಡೇಯ ಪುರಾಣೇ ಸಾವರ್ನಿಕೇ ಮನ್ವಂತರೇ ದೇವೀ ಮಹತ್ಮ್ಯೇ ಫಲಶ್ರುತಿರ್ನಾಮ ದ್ವಾದಶೋಽಧ್ಯಾಯ ಸಮಾಪ್ತಮ್ ॥
ಆಹುತಿ ಓಂ ಕ್ಲೀಂ ಜಯಂತೀ ಸಾಂಗಾಯೈ ಸಶಕ್ತಿಕಾಯೈ ಸಪರಿವಾರಾಯೈ ಸವಾಹನಾಯೈ ವರಪ್ರಧಾಯೈ ವೈಷ್ಣವೀ ದೇವ್ಯೈ ಅಹಾಹುತಿಂ ಸಮರ್ಪಯಾಮಿ ನಮಃ ಸ್ವಾಹಾ ॥
About Devi Mahatmyam Durga Saptasati Chapter 12
The twelfth chapter of the Devi Mahatmyam (Durga Saptashati) is the Phalashruti, where the Devi herself tells the gods the fruits of hearing and reciting her story. She promises her protection to those who remember these deeds with devotion, especially on the eighth, ninth and fourteenth lunar days, and during the great autumn worship.
Source: Markandeya Purana, Devi Mahatmyam, Chapter 12
When to chant: During Navaratri, as part of the full Chandi Path, and on Ashtami, Navami and Chaturdashi.
Did you know?
- Here the Devi says that wherever her story is recited she will never leave that place.
- The Devi Mahatmyam has 700 verses (hence "Saptashati") in 13 chapters, set in the Markandeya Purana.
- The closing line with "svaha" is the offering (ahuti) made after the chapter in a Chandi homa.
Frequently asked questions
What is the Phalashruti?
The section that tells the benefits of reciting a text; here the Devi speaks it herself.
Why is it called Saptashati?
Because the Devi Mahatmyam has seven hundred verses.
When is this chapter recited?
In the full recitation during Navaratri, and on Ashtami, Navami and Chaturdashi.
Offered for worship and study, not as prediction. Non-commercial.
More devotional texts