MuhurtaNow

Ganapati Atharva Sheersham

Vedic · Traditional devotional text

ഓം ഭ॒ദ്രം കര്ണേ॑ഭിഃ ശൃണു॒യാമ॑ ദേവാഃ । ഭ॒ദ്രം പ॑ശ്യേമാ॒ക്ഷഭി॒ര്യജ॑ത്രാഃ । സ്ഥി॒രൈരംഗൈ᳚സ്തുഷ്ഠു॒വാഗ്മ് സ॑സ്ത॒നൂഭിഃ॑ । വ്യശേ॑മ ദേ॒വഹി॑തം॒-യഁദായുഃ॑ । സ്വ॒സ്തി ന॒ ഇംദ്രോ॑ വൃ॒ദ്ധശ്ര॑വാഃ । സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ । സ്വ॒സ്തി ന॒സ്താര്ക്ഷ്യോ॒ അരി॑ഷ്ടനേമിഃ । സ്വ॒സ്തി നോ॒ ബൃഹ॒സ്പതി॑ര്ദധാതു ॥

ഓം ശാംതിഃ॒ ശാംതിഃ॒ ശാംതിഃ॑ ॥

ഓം നമ॑സ്തേ ഗ॒ണപ॑തയേ । ത്വമേ॒വ പ്ര॒ത്യക്ഷം॒ തത്ത്വ॑മസി । ത്വമേ॒വ കേ॒വലം॒ കര്താ॑ഽസി । ത്വമേ॒വ കേ॒വലം॒ ഹര്താ॑ഽസി । ത്വമേ॒വ കേ॒വലം॒ ധര്താ॑ഽസി । ത്വമേവ സർവം ഖല്വിദം॑ ബ്രഹ്മാ॒സി । ത്വം സാക്ഷാദാത്മാ॑ഽസി നി॒ത്യമ് ॥ 1 ॥ ഋ॑തം-വഁ॒ച്മി । സ॑ത്യം-വഁ॒ച്മി ॥ 2 ॥

അ॒വ ത്വം॒ മാമ് । അവ॑ വ॒ക്താരമ്᳚ । അവ॑ ശ്രോ॒താരമ്᳚ । അവ॑ ദാ॒താരമ്᳚ । അവ॑ ധാ॒താരമ്᳚ । അവാനൂചാനമ॑വ ശി॒ഷ്യമ് । അവ॑ പ॒ശ്ചാത്താ᳚ത് । അവ॑ പു॒രസ്താ᳚ത് । അവോത്ത॒രാത്താ᳚ത് । അവ॑ ദ॒ക്ഷിണാത്താ᳚ത് । അവ॑ ചോ॒ര്ധ്വാത്താ᳚ത് । അവാധ॒രാത്താ᳚ത് । സർവതോ മാം പാഹി പാഹി॑ സമം॒താത് ॥ 3 ॥

ത്വം-വാഁങ്മയ॑സ്ത്വം ചിന്മ॒യഃ । ത്വമാനംദമയ॑സ്ത്വം ബ്രഹ്മ॒മയഃ । ത്വം സച്ചിദാനംദാഽദ്വി॑തീയോ॒ഽസി । ത്വം പ്ര॒ത്യക്ഷം॒ ബ്രഹ്മാ॑സി । ത്വം ജ്ഞാനമയോ വിജ്ഞാന॑മയോ॒ഽസി ॥ 4 ॥

സർവം ജഗദിദം ത്വ॑ത്തോ ജാ॒യതേ । സർവം ജഗദിദം ത്വ॑ത്തസ്തി॒ഷ്ഠതി । സർവം ജഗദിദം ത്വയി ലയ॑മേഷ്യ॒തി । സർവം ജഗദിദം ത്വയി॑ പ്രത്യേ॒തി । ത്വം ഭൂമിരാപോഽനലോഽനി॑ലോ ന॒ഭഃ । ത്വം ചത്വാരി വാ᳚ക്പദാ॒നി ॥ 5 ॥

ത്വം ഗു॒ണത്ര॑യാതീ॒തഃ । ത്വം അവസ്ഥാത്ര॑യാതീ॒തഃ । ത്വം ദേ॒ഹത്ര॑യാതീ॒തഃ । ത്വം കാ॒ലത്ര॑യാതീ॒തഃ । ത്വം മൂലാധാരസ്ഥിതോ॑ഽസി നി॒ത്യമ് । ത്വം ശക്തിത്ര॑യാത്മ॒കഃ । ത്വാം-യോഁഗിനോ ധ്യായം॑തി നി॒ത്യമ് । ത്വം ബ്രഹ്മാ ത്വം-വിഁഷ്ണുസ്ത്വം രുദ്രസ്ത്വമിംദ്രസ്ത്വമഗ്നിസ്ത്വം-വാഁയുസ്ത്വം സൂര്യസ്ത്വം ചംദ്രമാസ്ത്വം ബ്രഹ്മ॒ ഭൂര്ഭുവഃ॒ സ്വരോമ് ॥ 6 ॥

ഗ॒ണാദിം᳚ പൂർവ॑മുച്ചാ॒ര്യ॒ വ॒ര്ണാദീം᳚ സ്തദനം॒തരമ് । അനുസ്വാരഃ പ॑രത॒രഃ । അര്ധേം᳚ദുല॒സിതമ് । താരേ॑ണ ഋ॒ദ്ധമ് । ഏതത്തവ മനു॑സ്വരൂ॒പമ് । ഗകാരഃ പൂ᳚ർവരൂ॒പമ് । അകാരോ മധ്യ॑മരൂ॒പമ് । അനുസ്വാരശ്ചാം᳚ത്യരൂ॒പമ് । ബിംദുരുത്ത॑രരൂ॒പമ് । നാദഃ॑ സംധാ॒നമ് । സഗ്മ്ഹി॑താ സം॒ധിഃ । സൈഷാ ഗണേ॑ശവി॒ദ്യാ । ഗണ॑ക ഋ॒ഷിഃ । നിചൃദ്ഗായ॑ത്രീച്ഛം॒ദഃ । ശ്രീ മഹാഗണപതി॑ര്ദേവതാ । ഓം ഗം ഗ॒ണപ॑തയേ നമഃ ॥ 7 ॥

ഏകദം॒തായ॑ വി॒ദ്മഹേ॑ വക്രതും॒ഡായ॑ ധീമഹി । തന്നോ॑ ദംതിഃ പ്രചോ॒ദയാ᳚ത് ॥ 8 ॥

ഏകദം॒തം ച॑തുര്ഹ॒സ്തം॒ പാ॒ശമം॑കുശ॒ധാരി॑ണമ് । രദം॑ ച॒ വര॑ദം ഹ॒സ്തൈ॒ര്ബി॒ഭ്രാണം॑ മൂഷ॒കധ്വ॑ജമ് । രക്തം॑-ലഁം॒ബോദ॑രം ശൂ॒ര്പ॒കര്ണകം॑ രക്ത॒വാസ॑സമ് । രക്ത॑ഗം॒ധാനു॑ലിപ്താം॒ഗം॒ ര॒ക്തപു॑ഷ്പൈഃ സു॒പൂജി॑തമ് । ഭക്താ॑നു॒കംപി॑നം ദേ॒വം॒ ജ॒ഗത്കാ॑രണ॒മച്യു॑തമ് । ആവി॑ര്ഭൂ॒തം ച॑ സൃ॒ഷ്ട്യാ॒ദൌ॒ പ്ര॒കൃതേഃ᳚ പുരു॒ഷാത്പ॑രമ് । ഏവം॑ ധ്യാ॒യതി॑ യോ നി॒ത്യം॒ സ॒ യോഗീ॑ യോഗി॒നാം-വഁ ॑രഃ ॥ 9 ॥

നമോ വ്രാതപതയേ നമോ ഗണപതയേ നമഃ പ്രമഥപതയേ നമസ്തേഽസ്തു ലംബോദരായൈകദംതായ വിഘ്നവിനാശിനേ ശിവസുതായ ശ്രീവരദമൂര്തയേ॒ നമഃ ॥ 10 ॥

ഏതദഥർവശീര്ഷം-യോഁഽധീ॒തേ । സ ബ്രഹ്മഭൂയാ॑യ ക॒ല്പതേ । സ സർവവിഘ്നൈ᳚ര്ന ബാ॒ധ്യതേ । സ സർവതഃ സുഖ॑മേധ॒തേ । സ പംചമഹാപാപാ᳚ത് പ്രമു॒ച്യതേ । സാ॒യമ॑ധീയാ॒നോ॒ ദിവസകൃതം പാപം॑ നാശ॒യതി । പ്രാ॒തര॑ധീയാ॒നോ॒ രാത്രികൃതം പാപം॑ നാശ॒യതി । സായം പ്രാതഃ പ്ര॑യുംജാ॒നോ॒ പാപോഽപാ॑പോ ഭ॒വതി । സർവത്രാധീയാനോഽപവി॑ഘ്നോ ഭവതി । ധര്മാര്ഥകാമമോക്ഷം॑ ച വിം॒ദതി । ഇദമഥർവശീര്ഷമശിഷ്യായ॑ ന ദേ॒യമ് । യോ യദി മോ॑ഹാദ് ദാ॒സ്യതി സ പാപീ॑യാന് ഭ॒വതി । സഹസ്രാവര്തനാദ്യം-യംഁ കാമ॑മധീ॒തേ । തം തമനേ॑ന സാ॒ധയേത് ॥ 11 ॥

അനേന ഗണപതിമ॑ഭിഷിം॒ചതി । സ വാ᳚ഗ്മീ ഭ॒വതി । ചതുര്ഥ്യാമന॑ശ്നന് ജ॒പതി സ വിദ്യാ॑വാന് ഭ॒വതി । ഇത്യഥർവ॑ണവാ॒ക്യമ് । ബ്രഹ്മാദ്യാ॒ചര॑ണം-വിഁ॒ദ്യാന്ന ബിഭേതി കദാ॑ചനേ॒തി ॥ 12 ॥

യോ ദൂർവാംകു॑രൈര്യ॒ജതി സ വൈശ്രവണോപ॑മോ ഭ॒വതി । യോ ലാ॑ജൈര്യ॒ജതി സ യശോ॑വാന് ഭ॒വതി । സ മേധാ॑വാന് ഭ॒വതി । യോ മോദകസഹസ്രേ॑ണ യ॒ജതി സ വാംഛിതഫലമ॑വാപ്നോ॒തി । യഃ സാജ്യ സമി॑ദ്ഭിര്യ॒ജതി സ സർവം-ലഁഭതേ സ സ॑ർവം-ലഁ॒ഭതേ ॥ 13 ॥

അഷ്ടൌ ബ്രാഹ്മണാന് സമ്യഗ് ഗ്രാ॑ഹയി॒ത്വാ സൂര്യവര്ച॑സ്വീ ഭ॒വതി । സൂര്യഗ്രഹേ മ॑ഹാന॒ദ്യാം പ്രതിമാസന്നിധൌ വാ ജ॒പ്ത്വാ സിദ്ധമം॑ത്രോ ഭ॒വതി । മഹാവിഘ്നാ᳚ത് പ്രമു॒ച്യതേ । മഹാദോഷാ᳚ത് പ്രമു॒ച്യതേ । മഹാപാപാ᳚ത് പ്രമു॒ച്യതേ । [മഹാപ്രത്യവായാ᳚ത് പ്രമു॒ച്യതേ । ] സ സർവ॑വിദ്ഭവതി സ സർവ॑വിദ്ഭ॒വതി । യ ഏ॑വം-വേഁ॒ദ । ഇത്യു॑പ॒നിഷ॑ത് ॥ 14 ॥

ഓം ഭ॒ദ്രം കര്ണേ॑ഭിഃ ശൃണു॒യാമ॑ ദേവാഃ । ഭ॒ദ്രം പ॑ശ്യേമാ॒ക്ഷഭി॒ര്യജ॑ത്രാഃ । സ്ഥി॒രൈരംഗൈ᳚സ്തുഷ്ഠു॒വാഗ്മ് സ॑സ്ത॒നൂഭിഃ॑ । വ്യശേ॑മ ദേ॒വഹി॑തം॒-യഁദായുഃ॑ । സ്വ॒സ്തി ന॒ ഇംദ്രോ॑ വൃ॒ദ്ധശ്ര॑വാഃ । സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ । സ്വ॒സ്തി ന॒സ്താര്ക്ഷ്യോ॒ അരി॑ഷ്ടനേമിഃ । സ്വ॒സ്തി നോ॒ ബൃഹ॒സ്പതി॑ര്ദധാതു ॥

ഓം ശാംതിഃ॒ ശാംതിഃ॒ ശാംതിഃ॑ ॥

About Ganapati Atharva Sheersham

The Ganapati Atharvashirsha is an Upanishad-style hymn that praises Ganesha as Brahman itself: "Om namaste Ganapataye, tvam eva pratyaksham tattvam asi": salutations to Ganapati, you are the visible truth, the creator, sustainer and destroyer, you are Brahman, the Self. It gives his mantra "Om gam Ganapataye namah" and the Ganesha Gayatri, and opens and closes with the peace chant "Bhadram karnebhih".

When to chant: On Ganesh Chaturthi and Sankashti, at the start of puja, and in daily recitation, especially in Maharashtra.

Did you know?

  • It is traditionally placed in the Atharva Veda and its seer is named as Ganaka.
  • It contains the Ganesha Gayatri, "Ekadantaya vidmahe, vakratundaya dhimahi, tanno dantih prachodayat".
  • It is often recited in groups 21 or more times during Ganesh Chaturthi, a practice called avartana.

Recited on these festivals

Frequently asked questions

What does the Atharvashirsha say Ganesha is?

Brahman itself, the creator, sustainer and destroyer, the Self of all.

What mantra does it give?

"Om gam Ganapataye namah", along with the Ganesha Gayatri.

When is it recited?

On Ganesh Chaturthi, Sankashti and at the start of worship.

Offered for worship and study, not as prediction. Non-commercial.