MuhurtaNow

Gayatryashtakam (Gayatri Ashtakam)

Devi · Traditional devotional text

വിശ്വാമിത്രതപഃഫലാം പ്രിയതരാം വിപ്രാലിസംസേവിതാം നിത്യാനിത്യവിവേകദാം സ്മിതമുഖീം ഖംഡേംദുഭൂഷോജ്ജ്വലാമ് । താംബൂലാരുണഭാസമാനവദനാം മാര്താംഡമധ്യസ്ഥിതാം ഗായത്രീം ഹരിവല്ലഭാം ത്രിണയനാം ധ്യായാമി പംചാനനാമ് ॥ 1 ॥

ജാതീപംകജകേതകീകുവലയൈഃ സംപൂജിതാംഘ്രിദ്വയാം തത്ത്വാര്ഥാത്മികവര്ണപംക്തിസഹിതാം തത്ത്വാര്ഥബുദ്ധിപ്രദാമ് । പ്രാണായാമപരായണൈര്ബുധജനൈഃ സംസേവ്യമാനാം ശിവാം ഗായത്രീം ഹരിവല്ലഭാം ത്രിണയനാം ധ്യായാമി പംചാനനാമ് ॥ 2 ॥

മംജീരധ്വനിഭിഃ സമസ്തജഗതാം മംജുത്വസംവര്ധനീം വിപ്രപ്രേംഖിതവാരിവാരിതമഹാരക്ഷോഗണാം മൃണ്മയീമ് । ജപ്തുഃ പാപഹരാം ജപാസുമനിഭാം ഹംസേന സംശോഭിതാം ഗായത്രീം ഹരിവല്ലഭാം ത്രിണയനാം ധ്യായാമി പംചാനനാമ് ॥ 3 ॥

കാംചീചേലവിഭൂഷിതാം ശിവമയീം മാലാര്ധമാലാദികാ- -ന്ബിഭ്രാണാം പരമേശ്വരീം ശരണദാം മോഹാംധബുദ്ധിച്ഛിദാമ് । ഭൂരാദിത്രിപുരാം ത്രിലോകജനനീമധ്യാത്മശാഖാനുതാം ഗായത്രീം ഹരിവല്ലഭാം ത്രിണയനാം ധ്യായാമി പംചാനനാമ് ॥ 4 ॥

ധ്യാതുര്ഗര്ഭകൃശാനുതാപഹരണാം സാമാത്മികാം സാമഗാം സായംകാലസുസേവിതാം സ്വരമയീം ദൂർവാദലശ്യാമലാമ് । മാതുര്ദാസ്യവിലോചനൈകമതിമത്ഖേടീംദ്രസംരാജിതാം ഗായത്രീം ഹരിവല്ലഭാം ത്രിണയനാം ധ്യായാമി പംചാനനാമ് ॥ 5 ॥

സംധ്യാരാഗവിചിത്രവസ്ത്രവിലസദ്വിപ്രോത്തമൈഃ സേവിതാം താരാഹാരസുമാലികാം സുവിലസദ്രത്നേംദുകുംഭാംതരാമ് । രാകാചംദ്രമുഖീം രമാപതിനുതാം ശംഖാദിഭാസ്വത്കരാം ഗായത്രീം ഹരിവല്ലഭാം ത്രിണയനാം ധ്യായാമി പംചാനനാമ് ॥ 6 ॥

വേണീഭൂഷിതമാലകധ്വനികരൈര്ഭൃംഗൈഃ സദാ ശോഭിതാം തത്ത്വജ്ഞാനരസായനജ്ഞരസനാസൌധഭ്രമദ്ഭ്രാമരീമ് । നാസാലംകൃതമൌക്തികേംദുകിരണൈഃ സായംതമശ്ഛേദിനീം ഗായത്രീം ഹരിവല്ലഭാം ത്രിണയനാം ധ്യായാമി പംചാനനാമ് ॥ 7 ॥

പാദാബ്ജാംതരരേണുകുംകുമലസത്ഫാലദ്യുരാമാവൃതാം രംഭാനാട്യവിലോകനൈകരസികാം വേദാംതബുദ്ധിപ്രദാമ് । വീണാവേണുമൃദംഗകാഹലരവാന് ദേവൈഃ കൃതാംഛൃണ്വതീം ഗായത്രീം ഹരിവല്ലഭാം ത്രിണയനാം ധ്യായാമി പംചാനനാമ് ॥ 8 ॥

ഹത്യാപാനസുവര്ണതസ്കരമഹാഗുർവംഗനാസംഗമാ- -ംദോഷാംഛൈലസമാന് പുരംദരസമാഃ സംച്ഛിദ്യ സൂര്യോപമാഃ । ഗായത്രീം ശ്രുതിമാതുരേകമനസാ സംധ്യാസു യേ ഭൂസുരാ ജപ്ത്വാ യാംതി പരാം ഗതിം മനുമിമം ദേവ്യാഃ പരം വൈദികാഃ ॥ 9 ॥

ഇതി ശ്രീമച്ഛംകരാചാര്യ വിരചിതം ശ്രീ ഗായത്ര്യഷ്ടകമ് ।

About Gayatryashtakam (Gayatri Ashtakam)

The Gayatri Ashtakam is a hymn of eight verses to Goddess Gayatri, attributed to Adi Shankaracharya, as its colophon states. It praises her as the fruit of Vishvamitra's austerity, dearly loved and served by the learned, the giver of discrimination between the eternal and the passing, smiling, shining with the crescent moon, her face glowing red with betel; her feet are worshipped with jasmine, lotus, ketaki and water-lilies; she is made of the letters that hold the meaning of truth and gives understanding of that truth.

Written by: Attributed to Adi Shankaracharya, as its colophon states

When to chant: At sandhya (dawn, noon and dusk), on Gayatri Jayanti, and in daily worship.

Did you know?

  • The sage Vishvamitra is honoured as the seer of the Gayatri mantra, which the hymn calls the fruit of his austerity.
  • The Gayatri mantra has twenty-four syllables, and the Goddess is pictured as made of these sacred letters.

Frequently asked questions

Whose austerity is Gayatri the fruit of?

The sage Vishvamitra's.

Who is it attributed to?

Adi Shankaracharya, as its colophon states.

When is it recited?

At sandhya and on Gayatri Jayanti.

Offered for worship and study, not as prediction. Non-commercial.