Gita Govindam Chapter 3 - Mugdha Madhusudana
Sri Krishna · Traditional devotional text
॥ తృతీయః సర్గః ॥ ॥ ముగ్ధమధుసూదనః ॥
కంసారిరపి సంసారవాసనాబంధశృంఖలామ్ । రాధామాధాయ హృదయే తత్యాజ వ్రజసుందరీః ॥ 18 ॥
ఇతస్తతస్తామనుసృత్య రాధికా-మనంగబాణవ్రణఖిన్నమానసః । కృతానుతాపః స కలిందనందినీ-తటాంతకుంజే విషసాద మాధవః ॥ 19 ॥
॥ గీతం 7 ॥
మామియం చలితా విలోక్య వృతం వధూనిచయేన । సాపరాధతయా మయాపి న వారితాతిభయేన ॥ హరి హరి హతాదరతయా గతా సా కుపితేవ ॥ 1 ॥
కిం కరిష్యతి కిం వదిష్యతి సా చిరం విరహేణ । కిం ధనేన జనేన కిం మమ జీవనేన గృహేణ ॥ 2 ॥
చింతయామి తదాననం కుటిలభ్రు కోపభరేణ । శోణపద్మమివోపరి భ్రమతాకులం భ్రమరేణ ॥ 3 ॥
తామహం హృది సంగతామనిశం భృశం రమయామి । కిం వనేఽనుసరామి తామిహ కిం వృథా విలపామి ॥ 4 ॥
తన్వి ఖిన్నమసూయయా హృదయం తవాకలయామి । తన్న వేద్మి కుతో గతాసి న తేన తేఽనునయామి ॥ 5 ॥
దృశ్యతే పురతో గతాగతమేవ మే విదధాసి । కిం పురేవ ససంభ్రమం పరిరంభణం న దదాసి ॥ 6 ॥
క్షమ్యతామపరం కదాపి తవేదృశం న కరోమి । దేహి సుందరి దర్శనం మమ మన్మథేన దునోమి ॥ 7 ॥
వర్ణితం జయదేవకేన హరేరిదం ప్రవణేన । కిందుబిల్వసముద్రసంభవరోహిణీరమణేన ॥ 8 ॥
హృది బిసలతాహారో నాయం భుజంగమనాయకః కువలయదలశ్రేణీ కంఠే న సా గరలద్యుతిః । మలయజరజో నేదం భస్మ ప్రియారహితే మయి ప్రహర న హరభ్రాంత్యానంగ క్రుధా కిము ధావసి ॥ 20 ॥
పాణౌ మా కురు చూతసాయకమముం మా చాపమారోపయ క్రీడానిర్జితవిశ్వ మూర్ఛితజనాఘాతేన కిం పౌరుషమ్ । తస్యా ఏవ మృగీదృశో మనసిజప్రేంఖత్కటాక్షాశుగ-శ్రేణీజర్జరితం మనాగపి మనో నాద్యాపి సంధుక్షతే ॥ 21 ॥
భ్రూచాపే నిహితః కటాక్షవిశిఖో నిర్మాతు మర్మవ్యథాం శ్యామాత్మా కుటిలః కరోతు కబరీభారోఽపి మారోద్యమమ్ । మోహం తావదయం చ తన్వి తనుతాం బింబాదరో రాగవాన్ సద్వృత్తస్తనమణ్దలస్తవ కథం ప్రాణైర్మమ క్రీడతి ॥ 22 ॥
తాని స్పర్శసుఖాని తే చ తరలాః స్నిగ్ధా దృశోర్విభ్రమా-స్తద్వక్త్రాంబుజసౌరభం స చ సుధాస్యందీ గిరాం వక్రిమా । సా బింబాధరమాధురీతి విషయాసంగేఽపి చేన్మానసం తస్యాం లగ్నసమాధి హంత విరహవ్యాధిః కథం వర్ధతే ॥ 23 ॥
భ్రూపల్లవం ధనురపాంగతరంగితాని బాణాః గుణః శ్రవణపాలిరితి స్మరేణ । తస్యామనంగజయజంగమదేవతాయాం అస్త్రాణి నిర్జితజగంతి కిమర్పితాని ॥ 24 ॥
[ఏషః శ్లోకః కేషుచన సంస్కరణేషు విద్యతే]
తిర్యక్కంఠ విలోల మౌలి తరలోత్తం సస్య వంశోచ్చరద్- దీప్తిస్థాన కృతావధాన లలనా లక్షైర్న సంలక్షితాః । సంముగ్ధే మధుసూదనస్య మధురే రాధాముఖేందౌ సుధా- సారే కందలితాశ్చిరం దధతు వః క్షేమం కటాక్షోర్మ్మయ ॥ (25) ॥
॥ ఇతి శ్రీగీతగోవిందే ముగ్ధమధుసూదనో నామ తృతీయః సర్గః ॥
About Gita Govindam Chapter 3 - Mugdha Madhusudana
The third canto of Jayadeva's Gita Govinda is called "Mugdha Madhusudana", Krishna bewildered. Krishna, the enemy of Kamsa, holds Radha in his heart and leaves the other women of Vraja; full of regret that Radha has gone away hurt, he searches for her along the banks of the Yamuna, and in the song "Mamiyam chalita vilokya" laments that she left when she saw him surrounded by others, and longs for her forgiveness.
Written by: Jayadeva (12th century)
When to chant: In Odissi and other dance, in bhajans and concerts, and in the Gita Govinda seva at the Jagannath temple, Puri.
Did you know?
- Jayadeva (12th century) composed the Gita Govinda in Sanskrit, and its songs (ashtapadis) are still sung daily before Lord Jagannath at Puri.
- Each song has eight couplets, which is why they are called ashtapadis.
Frequently asked questions
What does "Mugdha Madhusudana" mean?
"Krishna bewildered", searching for Radha.
Who wrote the Gita Govinda?
Jayadeva, in the 12th century.
Where is it sung daily?
Before Lord Jagannath at Puri.
Offered for worship and study, not as prediction. Non-commercial.
More devotional texts