MuhurtaNow

Kanakadhara Stotram

Devi · Traditional devotional text

বংদে বংদারু মংদারমিংদিরানংদকংদলম্ । অমংদানংদসংদোহ বংধুরং সিংধুরাননম্ ॥

অংগং হরেঃ পুলকভূষণমাশ্রয়ংতী ভৃংগাংগনেব মুকুলাভরণং তমালম্ । অংগীকৃতাখিলবিভূতিরপাংগলীলা মাংগল্যদাস্তু মম মংগলদেবতায়াঃ ॥ 1 ॥

মুগ্ধা মুহুর্বিদধতী বদনে মুরারেঃ প্রেমত্রপাপ্রণিহিতানি গতাগতানি । মালা দৃশোর্মধুকরীব মহোত্পলে যা সা মে শ্রিয়ং দিশতু সাগরসংভবায়াঃ ॥ 2 ॥

আমীলিতাক্ষমধিগম্য় মুদা মুকুংদম্- আনংদকংদমনিমেষমনংগতংত্রম্ । আকেকরস্থিতকনীনিকপক্ষ্মনেত্রং ভূত্য়ৈ ভবেন্মম ভুজংগশয়াংগনায়াঃ ॥ 3 ॥

বাহ্বংতরে মধুজিতঃ শ্রিতকৌস্তুভে যা হারাবলীব হরিনীলময়ী বিভাতি । কামপ্রদা ভগবতোঽপি কটাক্ষমালা কল্য়াণমাবহতু মে কমলালয়ায়াঃ ॥ 4 ॥

কালাংবুদালিললিতোরসি কৈটভারেঃ ধারাধরে স্ফুরতি যা তটিদংগনেব । মাতুস্সমস্তজগতাং মহনীযমূর্তিঃ ভদ্রাণি মে দিশতু ভার্গবনংদনায়াঃ ॥ 5 ॥

প্রাপ্তং পদং প্রথমতঃ খলু যত্প্রভাবাত্ মাংগল্যভাজি মধুমাথিনি মন্মথেন । ময়্য়াপতেত্তদিহ মংথরমীক্ষণার্ধং মংদালসং চ মকরালযকন্যকায়াঃ ॥ 6 ॥

বিশ্বামরেংদ্রপদবিভ্রমদানদক্ষং আনংদহেতুরধিকং মুরবিদ্বিষোঽপি । ঈষন্নিষীদতু ময়ি ক্ষণমীক্ষণার্থং ইংদীবরোদরসহোদরমিংদিরায়াঃ ॥ 7 ॥

ইষ্টা বিশিষ্টমতয়োঽপি যয়া দয়ার্দ্র দৃষ্ট্য়া ত্রিবিষ্টপপদং সুলভং লভংতে । দৃষ্টিঃ প্রহৃষ্ট কমলোদরদীপ্তিরিষ্টাং পুষ্টিং কৃষীষ্ট মম পুষ্করবিষ্টরায়াঃ ॥ 8 ॥

দদ্য়াদ্দয়ানুপবনো দ্রবিণাংবুধারা- মস্মিন্ন কিংচন বিহংগশিশৌ বিষণ্ণে । দুষ্কর্মঘর্মমপনীয় চিরায় দূরং নারাযণপ্রণয়িনীনযনাংবুবাহঃ ॥ 9 ॥

গীর্দেবতেতি গরুডধ্বজসুংদরীতি শাকংভরীতি শশিশেখরবল্লভেতি । সৃষ্টিস্থিতিপ্রলযকেলিষু সংস্থিতায়ৈ তস্য়ৈ নমস্ত্রিভুবনৈকগুরোস্তরুণ্য়ৈ ॥ 10 ॥

শ্রুত্য়ৈ নমোঽস্তু শুভকর্মফলপ্রসূত্য়ৈ রত্য়ৈ নমোঽস্তু রমণীযগুণার্ণবায়ৈ । শক্ত্য়ৈ নমোঽস্তু শতপত্রনিকেতনায়ৈ পুষ্ট্য়ৈ নমোঽস্তু পুরুষোত্তমবল্লভায়ৈ ॥ 11 ॥

নমোঽস্তু নালীকনিভাননায়ৈ নমোঽস্তু দুগ্ধোদধিজন্মভূম্য়ৈ । নমোঽস্তু সোমামৃতসোদরায়ৈ নমোঽস্তু নারাযণবল্লভায়ৈ ॥ 12 ॥

নমোঽস্তু হেমাংবুজপীঠিকায়ৈ নমোঽস্তু ভূমংডলনায়িকায়ৈ । নমোঽস্তু দেবাদিদয়াপরায়ৈ নমোঽস্তু শারংগায়ুধবল্লভায়ৈ ॥ 13 ॥

নমোঽস্তু দেব্য়ৈ ভৃগুনংদনায়ৈ নমোঽস্তু বিষ্ণোরুরসিস্থিতায়ৈ । নমোঽস্তু লক্ষ্ম্য়ৈ কমলালয়ায়ৈ নমোঽস্তু দামোদরবল্লভায়ৈ ॥ 14 ॥

নমোঽস্তু কাংত্য়ৈ কমলেক্ষণায়ৈ নমোঽস্তু ভূত্য়ৈ ভুবনপ্রসূত্য়ৈ । নমোঽস্তু দেবাদিভিরর্চিতায়ৈ নমোঽস্তু নংদাত্মজবল্লভায়ৈ ॥ 15 ॥

সংপত্করাণি সকলেংদ্রিযনংদনানি সাম্রাজ্যদানবিভবানি সরোরুহাক্ষি । ত্বদ্বংদনানি দুরিতোদ্ধরণোদ্যতানি মামেব মাতরনিশং কলয়ংতু মান্য়ে ॥ 16 ॥

যত্কটাক্ষসমুপাসনাবিধিঃ সেবকস্য় সকলার্থসংপদঃ । সংতনোতি বচনাংগমানসৈঃ ত্বাং মুরারিহৃদয়েশ্বরীং ভজে ॥ 17 ॥

সরসিজনিলয়ে সরোজহস্তে [সরসিজনযনে] ধবলতমাংশুকগংধমাল্যশোভে । ভগবতি হরিবল্লভে মনোজ্ঞে ত্রিভুবনভূতিকরি প্রসীদ মহ্যম্ ॥ 18 ॥

দিগ্ঘস্তিভিঃ কনককুংভমুখাবসৃষ্ট স্বর্বাহিনী বিমলচারুজলপ্লুতাংগীম্ । প্রাতর্নমামি জগতাং জননীমশেষ লোকাধিনাথ-গৃহিণীম্-অমৃতাব্ধিপুত্রীম্ ॥ 19 ॥

কমলে কমলাক্ষবল্লভে ত্বং করুণাপূরতরংগিতৈরপাংগৈঃ । অবলোকয় মামকিংচনানাং প্রথমং পাত্রমকৃত্রিমং দয়ায়াঃ ॥ 20 ॥

স্তুবংতি যে স্তুতিভিরমূভিরন্বহং ত্রয়ীময়ীং ত্রিভুবনমাতরং রমাম্ । গুণাধিকা গুরুতর-ভাগ্য়-ভাগিনো [ভাগিনহ্] ভবংতি তে ভুবি বুধভাবিতাশয়াঃ ॥ 21 ॥

সুবর্ণধারাস্তোত্রং যচ্ছংকরাচার্য় নির্মিতম্ । ত্রিসংধ্য়ং যঃ পঠেন্নিত্য়ং স কুবেরসমো ভবেত্ ॥

ইতি শ্রীমত্পরমহংসপরিব্রাজকাচার্যস্য় শ্রীগোবিংদভগবত্পূজ্যপাদশিষ্যস্য় শ্রীমচ্ছংকরভগবতঃ কৃতৌ কনকধারাস্তোত্রং সংপূর্ণম্ ।

About Kanakadhara Stotram

The Kanakadhara Stotram, "the hymn of the stream of gold", is Adi Shankaracharya's celebrated hymn to Goddess Lakshmi. Its first verse pictures Lakshmi's playful side-glance resting on Hari's body, thrilled with joy, like a female bee drawn to the buds of the tamala tree, and asks that her auspicious glance fall on us. Each verse asks for the Mother's gracious, compassionate look to rest on the devotee.

Written by: Adi Shankaracharya, as its colophon states

When to chant: On Fridays, during Varalakshmi Vratam and Diwali, and at Akshaya Tritiya.

Did you know?

  • Tradition says the boy Shankara, begging for alms, came to the house of a very poor woman who could give him only a dried gooseberry; moved by her generosity, he sang this hymn, and Lakshmi showered golden gooseberries on her home.
  • Its colophon names Shankara, disciple of Govinda Bhagavatpada, as its author.
  • The story is linked with a house near Kalady in Kerala.

Recited on these festivals

Frequently asked questions

What does "Kanakadhara" mean?

"A stream of gold".

What is the story behind it?

Shankara sang it for a poor woman who gave him her only gooseberry.

Who wrote it?

Adi Shankaracharya, as its colophon states.

Offered for worship and study, not as prediction. Non-commercial.